အ့းဖ့းစူး 3:1 - Sgaw Karen Common Bible

¹ လၢတၢ်ဂ့ၢ်အံၤအဃိ, ယၤစီၤပီလူး, ပှၤဃိာ်ဖိတဂၤလၢယ့ၣ်ၡူးခရံာ်အဃိဒီးလၢသုဝဲပှၤကလုာ် အဂၤတဖၣ်အဂီၢ်အံၤ, ယဃ့ဘါထုကဖၣ်ယွၤကစၢ်လၢသုဂီၢ်လီၤ.

အ့းဖ့းစူး 3:1 Iomraidhean Croise

လံာ်လူၤကၣ် 21:12

ဘၣ်ဆၣ်ဒီးတချုးလၢတၢ်သ့ၣ်တဖၣ်အံၤခဲလၢာ်မၤအသးဒံးဘၣ်န့ၣ်, သုကဘၣ်တၢ်ဖီၣ်သုဒီးမၤအၢမၤနးသု, သုကဘၣ်တၢ်ဟ့ၣ်လီၤသုဒ်သိးတၢ်ကသမံသမိးသုလၢဘူၣ် ဘျီၣ်လၢအမ့ၢ်တၢ်ဘါလီၢ်အပူၤဒီးတၢ်ကဒၢနုာ်သုလၢဃိာ်ပူၤ, သုကဘၣ်တၢ်ဆှၢထီၣ်သုဆူစီၤပၤတဖၣ်ဒီးပှၤပၢတၢ်တဖၣ် အမဲာ်ညါလၢယမံၤအဃိလီၤ.

မၤတၢ် 21:33

ပှၤသုးဖိတကထိအခိၣ်လဲၤဃီၤဝဲဆူစီၤပီလူးအအိၣ်, ဖီၣ်အီၤဒီးဟ့ၣ်လီၤအကလုၢ်ဒ်သိးပှၤကစၢဃာ်အီၤလၢပျံၤထးခံ ဘိလီၤ. အန့ၣ်ဝံၤဒီး အဝဲဒၣ်သံကွၢ်ဝဲ, “ပှၤတဂၤအံၤမ့ၢ်မတၤလဲၣ်. ဒီးအဝဲဒၣ်မၤတ့ၢ်တၢ်မနုၤတမံၤလဲၣ်.”

မၤတၢ် 23:18

ပှၤသုးဖိတကယၤအခိၣ်ဆှၢအီၤဆူပှၤသုးဖိတကထိအခိၣ် အအိၣ်ဒီးစံးဝဲ, “ပှၤဃိာ်ဖိစီၤပီလူးကိးယၤဒီးမၢယဟဲကိး ပိာ်ခွါသးစၢ်တဂၤအံၤဆူနအိၣ်, မ့ၢ်လၢအဝဲအိၣ်ဒီးတၢ်တမံၤလၢအကစံးဘၣ်တဲဘၣ်နၤ အဃိလီၤ.”

မၤတၢ် 26:29

စီၤပီလူးစံးဆၢဝဲ, “လၢအဆၢကတီၢ်ဖုၣ်ကိာ်ဖိအပူၤမ့ၢ်ဂ့ၤ, လၢဆၢကတီၢ်ဖးယံာ်အပူၤမ့ၢ်ဂ့ၤ, မ့တမ့ၢ်ဘၣ်လၢထးပျံၤအတၢ်စၢဃာ်အံၤဘၣ်ဒီးယတၢ်ထု ကဖၣ်ကစၢ်ယွၤမ့ၢ်ဒ်သိးနၤဒီးပှၤဂၤလၢအနၢ်ဟူယတၢ်စံး တၢ်ကတိၤလၢမုၢ်မဆါတနံၤအံၤခဲလၢာ်, ကကဲထီၣ်ဒ်ယၤ အသိးန့ၣ်လီၤ.”

မၤတၢ် 9:15

ကစၢ်စံးဘၣ်အီၤ, “လဲၤဘၣ်တက့ၢ်. အဂ့ၢ်ဒ်အံၤယဃုထၢတ့ၢ်အီၤလၢယကမၢလီၤအီၤလၢအကစံး ဘၣ်တဲဘၣ်ပှၤကလုာ်ဂၤတဖၣ်ဒီးစီၤပၤတဖၣ်, ဒီးပှၤအံၣ်စရ့လးဖိတဖၣ်လၢယဂ့ၢ်အဂီၢ်လီၤ.

၂ ကရံၣ်သူး 1:6

ပမ့ၢ်တူၢ်ဘၣ်တၢ်ဒီးမ့ၢ်ဝဲလၢတၢ်မၤစၢၤဒီးတၢ်အုၣ်က့ၤခီၣ်က့ၤသု အဂီၢ်, ပမ့ၢ်ဘၣ်တၢ်မၤစၢၤပှၤဒီးဖဲန့ၣ်, သုဝဲစ့ၢ်ကီးသုဘၣ်တၢ်မၤစၢၤသုဒီးသုဘၣ်တၢ်ဟ့ၣ်သုတၢ်ဂံၢ် တၢ်ဘါ, လၢသုကတူၢ်တၢ်ကီတၢ်ခဲတၢ်နးတၢ်ဖှီၣ်တကလုာ် ဃီလၢပဘၣ်တ့ၢ်ပဝဲန့ၣ်, လၢတၢ်သူၣ်စူၤသးစူၤအပူၤအဂီၢ်န့ၣ်လီၤ.

၂ ကရံၣ်သူး 10:1

ယၤ, စီၤပီလူး, ယသကွံၢ်ကညးတၢ်ဆူသုအိၣ်လၢယနီၢ် ကစၢ်ဒၣ်ယဲ, ယၤ, လၢပှၤစံးလၢအဆီၣ်လီၤအသးဒီးမၤအသး ကပုာ်ကပုာ်ဖဲအအိၣ်ဒီးသုအဆၢကတီၢ်, ဘၣ်ဆၣ်မၤအသးဆူၣ်ဆူၣ်ကိၤကိၤဖဲအအိၣ်ယံၤဒီးသုအဆၢ ကတီၢ်န့ၣ်လီၤ. ခီဖျိခရံာ်အတၢ်သူၣ်ဂ့ၤသးဝါဒီးတၢ်အဲၣ်တၢ် ကွံန့ၣ်, ယဃ့ကညးသုဒ်သိး

၂ ကရံၣ်သူး 11:23

အဝဲသ့ၣ်မ့ၢ်ခရံာ်အခ့အပှၤတဖၣ်ဧါ. ယကတိၤတၢ်လီၤဂာ်လၢပှၤ အပျုၢ်, ဘၣ်ဆၣ်ဒီးယမ့ၢ်တၢ်ခ့တၢ်ပှၤလၢအဂ့ၤဒိၣ်န့ၢ် အဝဲသ့ၣ်လီၤ. ယမၤတ့ၢ်လံတၢ်ဆူၣ်ဒိၣ်တက့ၢ်, ယအိၣ်တ့ၢ်လံလၢဃိာ်ပူၤအဘျီအါဒိၣ်တက့ၢ်, ယဘၣ်တၢ်ဒိတ့ၢ်တီၢ်တ့ၢ်လံယၤအါဒိၣ်တက့ၢ်, ဒီးယအိၣ်ဘူးတ့ၢ်လၢတၢ်သံအဘျီအါဒိၣ်တက့ၢ်လီၤ.

ကလၤတံ 5:11

မ့မ့ၢ်ယဲဒၣ်အံၤ, ယဒီပုၢ်ဝဲၢ်သ့ၣ်ဧၢ, ယမ့ၢ်စံၣ်တဲၤတဲလီၤဒံးလၢ တၢ်ဒိးတၢ်ကူးတရံးအလီၢ်အိၣ်န့ၣ်, ဘၣ်မနုၤအဃိ ပှၤမၤအၢမၤနးဒံးယၤလဲၣ်. မ့မ့ၢ်ဒ်န့ၣ်ဒီး, ယတၢ်စံၣ်တဲၤတဲလီၤဘၣ်ဃးခရံာ်အထူၣ်စုညါတဒုးအိၣ်ထီၣ် တၢ်ကီတၢ်ခဲဘၣ်.

ကလၤတံ 5:2

ဒိကနၣ်တက့ၢ်. ယၤ, စီၤပီလူးယစံးဘၣ်တဲဘၣ်သုလၢ, သုမ့ၢ်ဒိးတၢ်ကူးတရံးဒီး, အခီပညီခရံာ်မ့ၢ်တၢ်လၢအဘျုးတအိၣ်လၢသုဂီၢ်နီတမံၤ ဘၣ်န့ၣ်လီၤ.

ကလၤတံ 5:24

ဒီးပှၤလၢအဘၣ်ဃးဒီးယ့ၣ်ၡူးခရံာ်တဖၣ်န့ၣ်, မၤသံကွံာ်အတၢ်ဖံးတၢ်ညၣ်အသးဆၢန့ၢ်တၢ် ဒီး အတၢ်သူၣ်လီသးကွံခဲလၢာ်လံ.

အ့းဖ့းစူး 3:11

ကစၢ်ယွၤမၤတၢ်အံၤဒ်အတၢ်တိာ်ပာ်အထူအယိာ်အိၣ်ဝဲ အသိး, လၢအမၤလၢထီၣ်ပှဲၤထီၣ်ဝဲခီဖျိခရံာ်န့ၣ်လီၤ.

အ့းဖ့းစူး 3:13

လၢတၢ်န့ၣ်အဃိ, ယဃ့ကညးသုဒ်သိးသုသးအသု တဟးဂီၤလၢယတူၢ်တၢ်လၢသုခၢၣ်စးအဃိန့ၣ်တဂ့ၤ. တၢ်ခဲလၢာ်မ့ၢ်ဒၣ်လၢသုတၢ်န့ၢ်ဘျုးန့ၢ်ဖှိၣ်အဂီၢ်လီၤ.

အ့းဖ့းစူး 3:8

ယမ့မ့ၢ်ပှၤအဆံးန့ၢ်ဒံးပှၤအဆံးကတၢၢ်လၢပှၤစီဆှံတဖၣ် အကျါနာ်သက့, ကစၢ်ယွၤဟ့ၣ်ယၤတၢ်ဘျုးတၢ်ဖှိၣ်အံၤလၢယကစံၣ် တဲၤတဲလီၤန့ၢ်ဘၣ်ပှၤကလုာ်အဂၤတဖၣ်လၢခရံာ် အတၢ်လုၢ်ဒိၣ်ပှ့ၤဒိၣ်လၢတၢ်ဃုထံၣ်န့ၢ်အီၤတလၢာ်ဘၣ်,

အ့းဖ့းစူး 4:1

ယၤ, ပှၤလၢအလီၤဘၣ်ဃိာ်ပူၤလၢအမၤကစၢ်အတၢ်မၤအဃိ တဂၤအံၤ, ယသဆၣ်ထီၣ်သုခံဒ်သိးသုကအိၣ်မူထီၣ်ဘးတၢ်အိၣ်မူ အတီၤလၢကစၢ်ယွၤပာ်လီၤဝဲဖဲအကိးထီၣ်သုအကတီၢ်အဂီၢ် န့ၣ်လီၤ.

အ့းဖ့းစူး 6:20

လၢတၢ်အံၤအဂီၢ်ယမ့ၢ်ကလူး, ပှၤစိာ်တၢ်ကစီၣ်လၢအခဲအံၤလီၤဘၣ်လၢဃိာ်ပူၤတဂၤ န့ၣ်လီၤ. ဃ့ထုကဖၣ်ဒ်သိးယကအိၣ်ဒီးတၢ်သးခူတလ့ၢ် လၢယတၢ်စံၣ်တဲၤတဲလီၤတၢ်သးခုကစီၣ်အပူၤဒ်ယဂ့ၤ မၤယဲအသိးန့ၣ်တက့ၢ်.

ဖံလံးပံၤ 1:7

သုအိၣ်လၢယသးပူၤထီဘိလီၤ. လၢတၢ်န့ၣ်အဃိ, ယပာ်ယသးလၢသုဖီခိၣ်ဒ်အံၤန့ၣ်မ့ၢ်တၢ်လၢအဘၣ်လီၤ. အဂ့ၢ်ဒ်အံၤ, တၢ်ဘျုးတၢ်ဖှိၣ်လၢကစၢ်ယွၤဟ့ၣ်လီၤယၤန့ၣ် သုဒိးန့ၢ်ဃုာ်အီၤဒီးယၤ, ဖဲယအိၣ်လၢဃိာ်ပူၤအဆၢကတီၢ် ခဲအံၤမ့ၢ်ဂ့ၤ, ဒီးဖဲယအိၣ်ဒီးတၢ်သဘျ့လၢယကကတိၤဒီဒၣ်ဒီး မၤဂၢၢ်မၤကျၢၤတၢ်သးခုကစီၣ်အခါမ့ၢ်ဂ့ၤန့ၣ်လီၤ.

ကလီးစဲ 1:24

အခဲအံၤယသူၣ်ခုသးခုလၢယတူၢ်ဘၣ်တၢ်လၢသုဂီၢ်အဃိ လီၤ. အဂ့ၢ်ဒ်အံၤယတၢ်တူၢ်တၢ်လၢနီၢ်ခိနီၢ်ခီအံၤန့ၣ်, မ့ၢ်ယမၤလၢထီၣ်ပှဲၤထီၣ်တၢ်လၢအအိၣ်လီၤဖျဲၣ်လီၤဟိဒံးဝဲဘၣ် ဃးခရံာ်အတၢ်တူၢ်တၢ်လၢအနီၢ်ခိ, လၢအမ့ၢ်အတၢ်အိၣ်ဖှိၣ် အဂီၢ်န့ၣ်လီၤ.

ကလီးစဲ 4:18

လၢယစုလီၢ်ဒၣ်ယဲယကွဲးတၢ်အံၤလီၤ. တၢ်ဆၢဂ့ၤဆၢဝါလၢယၤ စီၤပီလူးအအိၣ်, သ့ၣ်နီၣ်ထီၣ်ယတၢ်ဘၣ်စၢဃာ်တက့ၢ်. မ်ကစၢ်ယွၤအဘျုးအဖှိၣ်လီၤဘၣ်လၢသုလိၤတက့ၢ်.

ကလီးစဲ 4:3

ဒီးဃ့ဘါထုကဖၣ်စ့ၢ်ကီးလၢပဂီၢ်, ဒ်သိးကစၢ်ယွၤကအိးထီၣ် န့ၢ်ပှၤကျဲလၢပကစံၣ်တဲၤတဲလီၤဘၣ်တၢ်အကစီၣ်ဘၣ်ဃးဒီးခရံာ် အတၢ်ခူသူၣ်န့ၣ်တက့ၢ်. အဂ့ၢ်ဒ်အံၤယလီၤဘၣ်လၢဃိာ်အပူၤမ့ၢ်လၢတၢ်ဂ့ၢ်အံၤအဃိလီၤ.

၂ တံၤမသ့း 1:16

မ်ကစၢ်သူၣ်ကညီၤသးကညီၤစီၤအီးနံၤစံဖရူးအဟံၣ်ဖိဃီ ဖိတက့ၢ်. အဂ့ၢ်မ့ၢ်လၢအဝဲဒၣ်မၤမုာ်ထီၣ်ယၤအါဘျီအဃိ လီၤ. အဝဲတမဲာ်ဆှးလၢယအိၣ်ဘၣ်လၢဃိာ်ပူၤအဃိဘၣ်.

၂ တံၤမသ့း 1:8

လၢတၢ်န့ၣ်အဃိ, တဘၣ်မဲာ်ဆှးလၢနကအုၣ်နသးလၢပကစၢ် အဂီၢ်တဂ့ၤ, ဒီးတဘၣ်မဲာ်ဆှးစ့ၢ်ကီးလၢယမ့ၢ်ပှၤဘၣ်တၢ်စၢ ဃာ်လၢခရံာ်အဃိတဂ့ၤ. မ့မ့ၢ်ဒိးဃုာ်တၢ်နးတၢ်ဖှီၣ်ဒီးယၤလၢတၢ်သးခုကစီၣ် အဂီၢ်, ဒ်ကစၢ်ယွၤဟ့ၣ်နၤတၢ်ဂံၢ်တၢ်ဘါလၢနကမၤအီၤအဂီၢ် အသိးန့ၣ်တက့ၢ်.

ဖံၤလ့မိၣ် 1:1

လၢစီၤပီလူး, ပှၤလီၤဘၣ်ဃိာ်လၢယ့ၣ်ၡူးခရံာ်အဃိ, ဒီးပဒီပုၢ်ဝဲၢ်စီၤတံၤမသ့း, ဆူ, ပတံၤသကိး, ပှၤမၤသကိးတၢ်ဒီးပှၤစီၤဖံၤလ့မိၣ်,

ဖံၤလ့မိၣ် 1:23

ပှၤလၢအလီၤဘၣ်ဃိာ်လၢယ့ၣ်ၡူးခရံာ်အဃိဒီးယၤ, စီၤအ့းပၤဖြါဆှၢလီၤအတၢ်ဆၢဂ့ၤဆၢဝါဆူသုအိၣ်လီၤ.

ဖံၤလ့မိၣ် 1:9

ဘၣ်ဆၣ်ဒီးလၢတၢ်အဲၣ်တၢ်ကွံအပူၤန့ၣ်, ယၤ, စီၤပီလူး, ယမ့မ့ၢ်ခၢၣ်စးလၢအလီၤဘၣ်ဃိာ်လၢယ့ၣ်ၡူးခရံာ် အဃိနာ်သက့, ယဃ့ကညးနၤလီၤ.

လံာ်လီၣ်ဖျါ 2:10

တၢ်လၢနကတူၢ်ဘၣ်အီၤခဲကနံၣ်အံၤန့ၣ်တဘၣ်ပျံၤအီၤနီ တမံၤတဂ့ၤ. ဒိကနၣ်တက့ၢ်. မုၣ်ကီၤလံၢ်ကမၤကွၢ်သုခီဖျိအဒုးဃာ်သုဝဲတနီၤလၢဃိာ်ပူၤ, ဒီးသုကဘၣ်ကီဘၣ်ခဲလၢအသီတဆံအတီၢ်ပူၤလီၤ. နမ့ၢ်ဘၣ်သံဒၣ်လဲာ်န့ၣ်, သးတီဒီးယၤတက့ၢ်, ဒီးယကဟ့ၣ်နၤလၢတၢ်မူဒ်နတၢ်မၤနၢၤအခိၣ်ဖးန့ၣ်လီၤ.