အ့းဖ့းစူး 2:5 - Sgaw Karen Common Bible

⁵ မၤမူထီၣ်ပှၤတပူၤဃီဒီးခရံာ်ဖဲပမ့ၢ်တ့ၢ်ပှၤသံလၢသူၣ်လၢ သးခီဖျိပတၢ်ဒဲးဘး, တၢ်တဒိကနၣ်ဘၣ်အခါဒၣ်လဲာ်န့ၣ်လီၤ. (သုဘၣ်တၢ်အုၣ်က့ၤခီၣ်က့ၤသုခီဖျိယွၤအဘျုးအဖှိၣ်န့ၣ် လီၤ.)

အ့းဖ့းစူး 2:5 Iomraidhean Croise

လံာ်လူၤကၣ် 15:24

အဂ့ၢ်ဒ်အံၤယဖိခွါတဂၤအံၤသံတ့ၢ်ဝဲ, ဘၣ်ဆၣ်ဒီးခဲကနံၣ်အံၤအဝဲဒၣ်မူထီၣ်က့ၤလံ. အဝဲဒၣ်လီၤမၢ်, ဘၣ်ဆၣ်ဒီးခဲကနံၣ်အံၤဘၣ်တၢ်ထံၣ်န့ၢ်က့ၤအီၤလံ.’ မၤသးဒ်န့ၣ်ဒီး တၢ်အီၣ်တၢ်အီအမူးစးထီၣ်ဝဲဒၣ်လီၤ.

လံာ်ယိၤဟၣ် 5:21

ဒ်ပၢ်ဒုးဂဲၤဆၢထၢၣ်သမူထီၣ်က့ၤပှၤလၢအသံတဖၣ် ဒီးဟ့ၣ်အဝဲသ့ၣ်လၢတၢ်မူအသိးန့ၣ်, ဖိခွါစ့ၢ်ကီးဟ့ၣ်တၢ်မူလၢပှၤလၢအသးအိၣ်ဟ့ၣ်ဝဲ တဖၣ်န့ၣ်လီၤ.

လံာ်ယိၤဟၣ် 6:63

တၢ်လၢအဟ့ၣ်တၢ်မူန့ၣ်မ့ၢ်ကစၢ်ယွၤအသး လီၤ. ပှၤကညီအစိအကမီၤဟ့ၣ်တၢ်အံၤတသ့ ဘၣ်. တၢ်ကတိၤတဖၣ်လၢယစံးဘၣ်တဲဘၣ်သုန့ၣ်, ဟ့ၣ်သုလၢကစၢ်ယွၤအသးလၢအဒုးမူပှၤန့ၣ်လီၤ.

မၤတၢ် 15:11

တမ့ၢ်ဒ်န့ၣ်ဘၣ်. ပစူၢ်က့ၤနာ်က့ၤတၢ်ဒီးပဘၣ်တၢ်အုၣ်က့ၤခီၣ်က့ၤပှၤ ခီဖျိကစၢ်ယ့ၣ်ၡူးအဘျုးအဖှိၣ်လီၤ. အဝဲသ့ၣ်စ့ၢ်ကီးစူၢ်က့ၤနာ်က့ၤတၢ်ဒီးဘၣ်တၢ်အုၣ်က့ၤခီၣ်က့ၤအီၤ န့ၣ်လီၤ.

ရိမ့ၤ 16:20

ဒီးကစၢ်ယွၤလၢအမ့ၢ်ပတၢ်ဃူတၢ်ဖိးအဂံၢ်ထံးတဂၤအံၤ, တယံာ်ဘၣ်ဒီးကမၤသဘှံးကွံာ်မုၣ်ကီၤလံၢ်လၢသုခီၣ်အဖီလာ်န့ၣ် လီၤ. မ်ပကစၢ်ယ့ၣ်ၡူးခရံာ်အဘျုးအဖှိၣ်အိၣ်ဒီးသုတက့ၢ်.

ရိမ့ၤ 3:24

ဘၣ်ဆၣ်ဒီးအဝဲသ့ၣ်ခဲလၢာ်ဘၣ်တၢ်ပာ်တီပာ်လိၤအီၤလၢ ယွၤအဘျုးအဖှိၣ်လၢအဟ့ၣ်ကလီဝဲ, ခီဖျိယ့ၣ်ၡူးခရံာ်လၢအမၤထူၣ်ဖျဲးကွံာ်အဝဲသ့ၣ်အဃိန့ၣ်လီၤ.

ရိမ့ၤ 4:16

ဒီးလၢတၢ်န့ၣ်အဃိတၢ်အၢၣ်လီၤအီလီၤအံၤဒိးသန့ၤထီၣ် အသးလၢတၢ်နာ်အဖီခိၣ်, မ့ၢ်ဒ်သိးအကကဲထီၣ်တၢ်အုၣ်ခီၣ်အသးလၢကစၢ်ယွၤဟ့ၣ် ကလီတၢ်အၢၣ်လီၤအီလီၤအံၤလၢစီၤအၤဘြၤဟၣ်အစၢၤ အသွဲၣ်ခဲလၢာ်, ဒီးတမ့ၢ်ထဲလၢပှၤတိၢ်န့ၢ်တၢ်သိၣ်တၢ်သီ အဂီၢ်ဧိၤဘၣ်. မ့ၢ်စ့ၢ်ကီးလၢပှၤသ့ၣ်တဖၣ်လၢအနာ်တၢ်ဒ် စီၤအၤဘြၤဟၣ်နာ်တ့ၢ်ဝဲအသိးအဂီၢ်န့ၣ်လီၤ. အဂ့ၢ်ဒ်အံၤ, စီၤအၤဘြၤဟၣ်မ့ၢ်ပဝဲခဲလၢာ်အပၢ်လၢသူၣ်လၢသးန့ၣ် လီၤ.

ရိမ့ၤ 5:10

ပမ့ၢ်တ့ၢ်ကစၢ်ယွၤအဒုၣ်အဒါတဖၣ်, ဘၣ်ဆၣ်အဝဲမၤဘၣ်လိာ်က့ၤပှၤဒီးအီၤခီဖျိအဖိခွါအတၢ်သံန့ၣ်လီၤ. ဒီးခဲအံၤမ့ၢ်လၢပမ့ၢ်ကစၢ်ယွၤအတံၤသကိးတဖၣ်အဃိဒီး, ခရံာ်အတၢ်မူကအုၣ်က့ၤခီၣ်က့ၤပှၤဒိၣ်န့ၢ်အန့ၣ်တက့ၢ်ဆံးဒိၣ်လဲၣ်.

ရိမ့ၤ 5:6

မ့ၢ်အဂ့ၢ်ဒ်လဲၣ်န့ၣ်, ဖဲပမၤစၢၤလီၤပသးတသ့ဒံးဘၣ်အဖၢမုၢ်န့ၣ်, ခရံာ်တူၢ်သံအသးလၢပှၤအၢပှၤသီတဖၣ်အဂီၢ်လၢအဆၢ ကတီၢ်ဖဲကစၢ်ယွၤဃုထၢပာ်လီၤဝဲန့ၣ်လီၤ.

ရိမ့ၤ 5:8

ဘၣ်ဆၣ်ဒီးကစၢ်ယွၤဒုးနဲၣ်လံပှၤလၢအအဲၣ်ပှၤထဲလဲၣ်န့ၣ်လီၤ. ဖဲပမ့ၢ်ဒံးပှၤတၢ်ဒဲးဘးဖိတဖၣ်အဖၢမုၢ်န့ၣ်, ခရံာ်တူၢ်သံတ့ၢ် အသးလၢပဂီၢ်န့ၣ်လီၤ.

ရိမ့ၤ 8:2

အဂ့ၢ်ဒ်လဲၣ်န့ၣ်ယွၤအသးအတၢ်သိၣ်တၢ်သီလၢအဟဲစိာ် န့ၢ်ပှၤတၢ်အိၣ်မူလၢယ့ၣ်ၡူးခရံာ်အပူၤန့ၣ်, မၤထူၣ်ဖျဲးကွံာ်လံယၤလၢတၢ်ဒဲးဘးဒီးတၢ်သံအတၢ် သိၣ်တၢ်သီန့ၣ်လီၤ.

အ့းဖ့းစူး 2:1

ဒီးအဝဲဒၣ်မၤမူထီၣ်က့ၤသု, ဖဲသုမ့ၢ်တ့ၢ်ပှၤအသံလၢသူၣ်လၢသးလၢသုတၢ်တစူၢ် တနာ်ယွၤအကလုၢ်ဒီးသုတၢ်ဒဲးဘးတဖၣ်အဃိန့ၣ်လီၤ.

အ့းဖ့းစူး 2:8

အဂ့ၢ်ဒ်အံၤ, မ့ၢ်လၢကစၢ်ယွၤအဘျုးအဖှိၣ်အဃိ သုဘၣ်တၢ်အုၣ်က့ၤခီၣ်က့ၤသုခီဖျိသုတၢ်နာ်န့ၣ်လီၤ. တမ့ၢ်တၢ်လၢသုမၤန့ၢ်ဒၣ်သုတၢ်ဒၣ်သုဝဲန့ၣ်ဘၣ်, မ့ၢ်ကစၢ်ယွၤအတၢ်ဟ့ၣ်န့ၣ်လီၤ.

အ့းဖ့းစူး 5:14

အဂ့ၢ်ဒ်အံၤ, တၢ်တမံၤလၢ်လၢ်လၢအဘၣ်တၢ်လီၣ်ဖျါထီၣ်အီၤ ဆှံဆှံန့ၣ်ကဲထီၣ်တၢ်ကပီၤလီၤ. လၢတၢ်န့ၣ်အဃိတၢ်စံးတ့ၢ်ဝဲ, ပှၤလၢအမံနၤဧၢ, ဖုသံနီၣ်တက့ၢ်. ဂဲၤဆၢထၢၣ်က့ၤလၢတၢ်သံတက့ၢ်. ဒီးခရံာ်ကဒုးကပီၤထီၣ်အတၢ်ကပီၤလၢနလိၤလီၤ.

ကလီးစဲ 2:13

လၢညါန့ၣ်လၢသုတၢ်ဒဲးဘးအဃိ, ဒီးလၢသုမ့ၢ်ပှၤကလုာ်ဂၤတဖၣ်လၢအတအိၣ်ဘၣ်ဒီးတၢ်သိၣ်တၢ်သီ အဃိသုမ့ၢ်တ့ၢ်ပှၤလၢအသံဝဲလၢသူၣ်လၢသးလီၤ. ဘၣ်ဆၣ်အခဲအံၤယွၤဒုးဂဲၤဆၢထၢၣ်က့ၤလံသုလၢတၢ်သံဃုာ်ဒီး ခရံာ်လံ. ယွၤပျၢ်ကွံာ်ကယဲၢ်ပတၢ်ဒဲးဘးတဖၣ်ခဲလၢာ်လီၤ.

တံတူး 2:11

အဂ့ၢ်ဒ်အံၤ, ကစၢ်ယွၤလီၣ်ဖျါထီၣ်အဘျုးအဖှိၣ်လၢပှၤဟီၣ်ခိၣ်ဖိ ခဲလၢာ်ကဘၣ်တၢ်အုၣ်က့ၤခီၣ်က့ၤအီၤအဂီၢ်လီၤ.

တံတူး 3:5

အဝဲဒၣ်အုၣ်က့ၤခီၣ်က့ၤပှၤလီၤ. ဒီးတၢ်အံၤတမ့ၢ်လၢပကစၢ်ဒၣ်ပဝဲပမၤတၢ်အဂ့ၤတမံၤမံၤအဃိ ဘၣ်. မ့ၢ်ဒၣ်လၢအဝဲအတၢ်သးကညီၤဒၣ်ဝဲအဃိအဝဲအုၣ်က့ၤ ခီၣ်က့ၤပှၤ, ခီဖျိတၢ်သ့စီပှၤဘၣ်ဃးဒီးတၢ်အိၣ်ဖျဲၣ်ထီၣ်အသီဒီး တၢ်ဟ့ၣ်ပှၤတၢ်မူအသီခီဖျိသးစီဆှံ,

လံာ်လီၣ်ဖျါ 22:21

မ်ကစၢ်ယ့ၣ်ၡူးအဘျုးအဖှိၣ်အိၣ်ဒီးကစၢ်ယွၤအပှၤဂီၢ် မုၢ်ကိးဂၤဒဲးတက့ၢ်.