အ့းဖ့းစူး 2:3 - Sgaw Karen Common Bible

³ နီၢ်နီၢ်တခီပဝဲကိးဂၤပမၤတ့ၢ်ပသးဒ်အဝဲသ့ၣ်အသိးဒီး ပအိၣ်မူတ့ၢ်ဒ်ပသးအတၢ်ဆၢမိၣ်န့ၢ်ဘၣ်အသိး, ပလူၤတ့ၢ်ပသးဒီးမၤတ့ၢ်ပဝဲဒ်ပနီၢ်ခိသူၣ်လီသးကွံတၢ် အသိးဒီးဒ်ပတၢ်ဆိကမိၣ်ဆှၢပှၤအသိးလီၤ. ဒ်ပှၤဟီၣ်ခိၣ်ဖိအဂုၤအဂၤတဖၣ်အသိး, ဟီၣ်ခိၣ်ဖိအန့ဆၢၣ်လၢပပူၤမ့ၢ်တၢ်လၢအဒုးကြၢးပှၤဒီး တၢ်တူၢ်ဘၣ်ကစၢ်ယွၤအတၢ်သးဒိၣ်န့ၣ်လီၤ.

အ့းဖ့းစူး 2:3 Iomraidhean Croise

လံာ်တၢ်ကဲထီၣ်အခီၣ်ထံး 5:3

ဖဲစီၤအၤဒၣ်အသးအိၣ်ဝဲအနံၣ်တကယၤသၢဆံန့ၣ်အဝဲထီၣ်ဖိ အဖိခွါလၢအလီၤဂာ်ဒီးအီၤဒီးယုၢ်န့ၢ်ဝဲအမံၤလၢစီၤၡ့သး န့ၣ်လီၤ.

လံာ်တၢ်ကဲထီၣ်အခီၣ်ထံး 6:5

ဒီးတုၤယွၤထံၣ်ဝဲလၢပှၤကိးဂၤဒဲးလၢဟီၣ်ခိၣ်ချၢသ့ၣ်တဖၣ် အံၤတတီတလိၤနးမး, ဒီးအတၢ်ဆိကမိၣ်ဆိကမးလၢအသးပူၤတမံၤလၢ်လၢ်မ့ၢ်ထဲတၢ်အၢတၢ် သီန့ၣ်,

လံာ်တၢ်ကဲထီၣ်အခီၣ်ထံး 8:21

တၢ်လုၢ်ထီၣ်အတၢ်နၢမူမၤမုာ်ယွၤအသး, ဒီးစံးလီၤက့ၤအသးဒၣ် ဝဲ, “ယတပာ်ကဒီးဟီၣ်ခိၣ်လၢတၢ်ဆိၣ်အၢအဖီလာ်လၢတၢ်လၢပှၤကညီမၤ ဝဲအဃိန့ၣ်နီတစုလၢၤဘၣ်. စးထီၣ်လၢအသးစၢ်ဒံးအကတီၢ်န့ၣ်အတၢ်ဆိကမိၣ်မ့ၢ်တၢ်အၢန့ၣ် ယသ့ၣ်ညါယဲလီၤ. ဒ်ယမၤတ့ၢ်တၢ်တဘျီ အံၤအသိးန့ၣ်ယတမၤဟးဂီၤကဒီးကယဲၢ်တၢ်လၢအမူ အသါအိၣ်တဖၣ်နီတစုလၢၤဘၣ်.

လံာ်စီၤယိၤဘး 14:4

လၢပှၤကညီလၢအတကဆှီဘၣ်အပူၤန့ၣ်, တၢ်လၢအကဆှီဝဲ ဟဲထီၣ်တသ့နီတစုဘၣ်.

လံာ်စီၤယိၤဘး 25:4

လၢကစၢ်ယွၤအမဲာ်ညါန့ၣ်ပှၤတီဝဲလိၤဝဲဒီးစီဝဲဆှံဝဲကသ့တဂၤဂၤဧါ.

စံးထီၣ်ပတြၢၤ 51:5

ကွၢ်ကွၢ်, ယအိၣ်ဖျဲၣ်ထီၣ်လၢတၢ်အၢတၢ်သီအပူၤ, ဒီးယမိၢ်ဒၢထီၣ်ယၤလၢတၢ်ဒဲးဘးအပူၤလီၤ.

လံာ်ယၡါယၤ 53:6

ပဝဲခဲလၢာ်ပလီၤဂာ်ဒီးသိတဖၣ်လၢအဟးဖျိးကျဲ, တဂၤလဲၤလၢအကျဲဒၣ်ဝဲစုာ်စုာ်လီၤ. ဘၣ်ဆၣ်ဒီးယွၤဒုးလီၤဘၣ်တၢ်စံၣ်ညီၣ်လၢအလိၤ, တၢ်စံၣ်ညီၣ်လၢပဝဲခဲလၢာ်ပကြၢးဒိးဘၣ်ဝဲန့ၣ်လီၤ.

လံာ်မၢ်ကူး 4:19

ဘၣ်ဆၣ်ဒီးတၢ်ကိၢ်တၢ်ဂီၤဘၣ်ဃးဟီၣ်ခိၣ်တစိၤအံၤ, တၢ်မိၣ်န့ၢ်သးလီတၢ်ထူးတၢ်တီၤဒီးကယဲၢ်တၢ်မိၣ်န့ၢ်သးလီတၢ် အဂုၤအဂၤတဖၣ်ခဲလၢာ်န့ၣ်ခဲဘၢကွံာ်ယွၤ အကလုၢ်ကထါဒီးသူထီၣ်သၣ်ထီၣ်တသ့လၢၤဘၣ်န့ၣ်လီၤ.

လံာ်ယိၤဟၣ် 1:13

တၢ်အံၤမၤအသးတမ့ၢ်လၢအဝဲသ့ၣ်အိၣ်ဖျဲၣ်ထီၣ်လၢမိၢ်ပၢ် တဖၣ်, မ့တမ့ၢ်လၢတၢ်ဖံးတၢ်ညၣ်အသးအတၢ်ဆၢန့ၢ်, မ့တမ့ၢ်လၢပှၤကညီအသးန့ၣ်ဘၣ်. မ့မ့ၢ်ကဲထီၣ်ဝဲလၢ ကစၢ်ယွၤအသးန့ၣ်လီၤ.

လံာ်ယိၤဟၣ် 8:44

သုမ့ၢ်သုပၢ်မုၣ်ကီၤလံၢ်အဖိတဖၣ်ဒီးသုသးအိၣ်မၤအတၢ်ဘၣ် အသးန့ၣ်လီၤ. လၢအခီၣ်ထံးလံၤလံၤန့ၣ်, အဝဲမ့ၢ်ပှၤမၤသံပှၤကညီဒီးတဆၢထၢၣ်လၢ တၢ်မ့ၢ်တၢ်တီအဂီၢ်နီတဘျီဘၣ်, အဂ့ၢ်မ့ၢ်လၢ တၢ်မ့ၢ်တၢ်တီတအိၣ်ဘၣ်လၢအပူၤအဃိလီၤ. တုၤအဝဲကတိၤတၢ်ကဘျံးကဘျၣ်ဒီးမ့ၢ်ဒၣ်အဝဲမၤတၢ်လၢ အဝဲမၤညီနုၢ်ဝဲန့ၣ်လီၤ. အဂ့ၢ်မ့ၢ်လၢအဝဲမ့ၢ်ပှၤကတိၤကဘျံး ကဘျၣ်တၢ်တဂၤဒီးမ့ၢ်တၢ်ကဘျံးကဘျၣ်ခဲလၢာ်အပၢ်အဃိလီၤ.

မၤတၢ် 14:16

လၢအပူၤကွံာ်န့ၣ်, အဝဲဒၣ်ပျဲပှၤကိးကလုာ်ဒဲးလဲၤဖဲအသးမၤဖဲ အသးဒၣ်ဝဲလီၤ.

ရိမ့ၤ 1:24

လၢတၢ်အံၤအဃိ, ကစၢ်ယွၤဟ့ၣ်လီၤကွံာ်အဝဲသ့ၣ်ဆူ တၢ်ဘၣ်အၢဘၣ်သီတဖၣ်လၢအဝဲသ့ၣ်သးအိၣ်မၤဝဲအအိၣ်, ဒီးတၢ်လၢအဝဲသ့ၣ်မၤလိာ်အသးတဂၤဒီးတဂၤတဖၣ်န့ၣ်, လီၤမဲာ်ဆှးမးန့ၣ်လီၤ.

ရိမ့ၤ 11:30

မ့မ့ၢ်လၢသုဝဲပှၤကလုာ်ဂၤတဖၣ်အဂီၢ်န့ၣ်, လၢအပူၤကွံာ်သုတဒိကနၣ်ကစၢ်ယွၤဘၣ်. ဘၣ်ဆၣ်ခဲအံၤသုဒိးန့ၢ်ကစၢ်ယွၤအတၢ်သး ကညီၤမ့ၢ်လၢပှၤယူဒၤဖိတဖၣ်တဒိကနၣ်တၢ်အဃိလီၤ.

ရိမ့ၤ 13:14

မ့မ့ၢ်ဟံးထီၣ်ကစၢ်ယ့ၣ်ၡူးခရံာ်အစုကဝဲၤတဖၣ်ဒီးဆိ ကတီၢ်သုတၢ်မၤမံသူၣ်မံသးလီၤက့ၤသုနီၢ်ခိဒီးအတၢ် မိၣ်န့ၢ်သးလီတဖၣ်န့ၣ်တက့ၢ်.

ရိမ့ၤ 2:14

ပှၤကလုာ်ဂၤတဖၣ်တအိၣ်ဒီးတၢ်သိၣ်တၢ်သီဘၣ်. ဘၣ်ဆၣ်တဘျီလၢ်လၢ်ဖဲအဝဲသ့ၣ်လၢအသးဒၣ်ဝဲအတၢ်ဒုးသ့ၣ်ညါအီၤ န့ၣ်, မ့ၢ်မၤထွဲတၢ်သိၣ်တၢ်သီအခံဒီး, အဝဲသ့ၣ်မ့ၢ်တအိၣ်ဒီးတၢ်သိၣ် တၢ်သီနာ်သက့အဝဲသ့ၣ်မ့ၢ်တၢ်သိၣ်တၢ်သီလၢအကစၢ်ဒၣ်ဝဲအဂီၢ် န့ၣ်လီၤ.

ရိမ့ၤ 5:10

ပမ့ၢ်တ့ၢ်ကစၢ်ယွၤအဒုၣ်အဒါတဖၣ်, ဘၣ်ဆၣ်အဝဲမၤဘၣ်လိာ်က့ၤပှၤဒီးအီၤခီဖျိအဖိခွါအတၢ်သံန့ၣ်လီၤ. ဒီးခဲအံၤမ့ၢ်လၢပမ့ၢ်ကစၢ်ယွၤအတံၤသကိးတဖၣ်အဃိဒီး, ခရံာ်အတၢ်မူကအုၣ်က့ၤခီၣ်က့ၤပှၤဒိၣ်န့ၢ်အန့ၣ်တက့ၢ်ဆံးဒိၣ်လဲၣ်.

ရိမ့ၤ 5:9

ခီဖျိလၢအတၢ်သံအဃိဒီး, ခဲအံၤပဘၣ်တၢ်ပာ်တီပာ်လိၤ ပှၤန့ၣ်လီၤ. မၤသးဒ်န့ၣ်ဒီးလၢအကအုၣ်က့ၤခီၣ်က့ၤပှၤလၢ ကစၢ်ယွၤအတၢ်သးထီၣ်အပူၤအဂီၢ်န့ၣ်, ကမၤဝဲအါန့ၢ်အန့ၣ် တက့ၢ်ဆံးဒိၣ်လဲၣ်.

ရိမ့ၤ 6:12

သုတပျဲတၢ်ဒဲးဘးပၢသုနီၢ်ခိလၢအသံသ့အံၤ, ဒီးဒုးစူၢ်သုလၢသုနီၢ်ခိအတၢ်သူၣ်လီသးကွံတဖၣ်တဂ့ၤ.

ရိမ့ၤ 7:18

ဒ်ယအိၣ်ဒီးပှၤကညီအန့ဆၢၣ်အသိး, ယသ့ၣ်ညါလၢတၢ်ဂ့ၤတၢ်ဝါတမူလၢယပူၤဘၣ်. အဂ့ၢ်ဒ်လဲၣ်န့ၣ်, သးလၢအဆၢမၤဂ့ၤတၢ်အိၣ်လၢယပူၤသနာ်က့, ယမၤထွဲအီၤ တသ့ဘၣ်.

ရိမ့ၤ 9:22

ဒီးတၢ်လၢကစၢ်ယွၤမၤတ့ၢ်လံန့ၣ်မ့ၢ်တၢ်ဒ်န့ၣ်အသိးလီၤ. အဝဲသးအိၣ်ဒုးနဲၣ်အတၢ်သးထီၣ်ဒီးလီၣ်ဖျါထီၣ်အစိကမီၤ သနာ်က့, ပှၤလၢအမၤသးထီၣ်အီၤဒီးကြၢးဝဲဒီးတၢ်မၤဟးဂီၤ အီၤတဖၣ်န့ၣ်, အဝဲဝံသးစူၤဝဲသပှၢ်ပှၢ်န့ၣ်လီၤ.

1 ကရံၣ်သူး 4:7

မ့ၢ်မတၤတဂၤဒုးလီၤဆီနၤဒီးပှၤအဂၤတဖၣ်လဲၣ်. တၢ်ခဲလၢာ်ခဲဆ့လၢအအိၣ်ဒီးသုန့ၣ်ကစၢ်ယွၤဟ့ၣ်သုတမ့ၢ်ဘၣ်ဧါ. မ့မ့ၢ်ဒ်န့ၣ်ဒီး, သုကတိၤပာ်ကဖၢလၢသုသးဒ်တၢ်အိၣ်ဒီး သုတမ့ၢ်တၢ်ဟ့ၣ်န့ၣ်ကသ့ဝဲလၢကျဲဒ်လဲၣ်.

၂ ကရံၣ်သူး 7:1

တၢ်အၢၣ်လီၤအီလီၤသ့ၣ်တဖၣ်အံၤခဲလၢာ်ဘၣ်တၢ်ဟ့ၣ်လီၤ အီၤဆူပအိၣ်လီၤ. ယတံၤသကိးသးဘိသ့ၣ်ဧၢ, လၢတၢ်န့ၣ် အဃိ, မ်ပကမၤကဆှီထီၣ်ပသးလၢတၢ်ခဲလၢာ်လၢအတဒုး ကဆှီနီၢ်ခိမ့ၢ်ဂ့ၤ, သးသမူမ့ၢ်ဂ့ၤ, ဒီးမ်ပကစီဆှံပဝဲလၢာ်လၢာ်ဆ့ဆ့ခီဖျိပအိၣ်မူလၢတၢ်ပျံၤ ကစၢ်ယွၤအပူၤန့ၣ်တက့ၢ်.

ကလၤတံ 3:22

ဘၣ်ဆၣ်ဒီး, တၢ်ကွဲးအသးစီဆှံစံးဝဲဒၣ်လၢဟီၣ်ခိၣ်ဒီဘ့ၣ် အိၣ်လၢတၢ်ဒဲးဘးအစိကမီၤအဖီလာ်လီၤ. လၢတၢ်န့ၣ်အဃိ တၢ်ဟ့ၣ်လၢအဘၣ်တၢ်အၢၣ်လီၤအီလီၤအီၤလၢတၢ်စူၢ်တၢ်နာ် ယ့ၣ်ၡူးခရံာ်အပူၤန့ၣ်, ဘၣ်တၢ်ဟ့ၣ်လီၤအီၤလၢပှၤတဖၣ်လၢ အနာ်တၢ်န့ၣ်လီၤ.

အ့းဖ့းစူး 2:2

အကတီၢ်ဖဲန့ၣ်အခါသုအိၣ်မူတ့ၢ်သုဝဲလၢတၢ်ဒဲးဘးအပူၤ, သုလဲၤတ့ၢ်တၢ်လၢဟီၣ်ခိၣ်အကျဲအၢကျဲသီတဖၣ်အပူၤ ဒီးသုစူၢ်တ့ၢ်တၢ်ဝံတၢ်နါလၢမူကပိာ်လိၤတဖၣ်အကစၢ် လၢအပၢဘၣ်ပှၤတဖၣ်လၢအတစူၢ်ဘၣ်ကစၢ်ယွၤန့ၣ်လီၤ.

အ့းဖ့းစူး 4:22

လၢတၢ်န့ၣ်အဃိ, ဘ့ၣ်လီၤကွံာ်တၢ်အိၣ်မူလီၢ်လံၤလၢအဒုးမူ သုဒ်သုမ့ၢ်တ့ၢ်သုဝဲအသိးန့ၣ်တက့ၢ်. ဒ်ပစံးတၢ်အသိး, တၢ်မူအလီၢ်လံၤလၢအဘၣ်တၢ်မၤဟးဂီၤကွံာ်အီၤလၢတၢ်မိၣ် န့ၢ်သးလီလၢအလီန့ၢ်တၢ်တဖၣ်န့ၣ်လီၤ.

ကလီးစဲ 1:21

တဘျီန့ၣ်, သုအိၣ်ယံၤဒီးကစၢ်ယွၤဒီးသုထီဒါအီၤခီဖျိတၢ် ဆိကမိၣ်, ဒီးတၢ်ဖံးတၢ်မၤအအၢအသီတဖၣ်န့ၣ်လီၤ.

၁ သ့းစၤလနံ 4:13

ပဒီပုၢ်ဝဲၢ်သ့ၣ်ဧၢ, ပအဲၣ်ဒိးလၢသုကသ့ၣ်ညါလီၤတံၢ်တၢ်မ့ၢ် တၢ်တီဘၣ်ဃးပှၤလၢအသံတ့ၢ်လံတဖၣ်အဂ့ၢ်, ဒ်သိးသုသုတသူၣ်အုးသးအုးဒ်ပှၤလၢအတၢ်မုၢ်လၢ်တအိၣ်ဘၣ် တဖၣ်အသိးတဂ့ၤအဂီၢ်န့ၣ်လီၤ.

၁ သ့းစၤလနံ 5:6

လၢတၢ်န့ၣ်အဃိ, ပတကြၢးမံပဝဲ, ဒ်ပှၤအဂၤတဖၣ်မၤဝဲ အသိးန့ၣ်ဘၣ်. ပကြၢးအိၣ်ဆိးသီဒီးတမူၤတဘှီးဘၣ်န့ၣ်လီၤ.

၁ တံၤမသ့း 6:9

ဘၣ်ဆၣ်ဒီး, ပှၤလၢအသးအိၣ်ထူးထီၣ်တီၤထီၣ်တဖၣ်န့ၣ်, လီၤတဲာ်နုာ်လံဆူတၢ်လ့ပစီအပူၤဒီးဘၣ်တၢ်ဖီၣ်ဃာ်အီၤလၢ ပျံၤသကွီၤလၢအမ့ၢ်တၢ်သူၣ်လီသးကွံလၢအတဂိာ်တသီၣ် ဒီးမၤဘၣ်ဒိဘၣ်ထံးတၢ်တဖၣ်, လၢအထုးလီၤကွံာ်အဝဲသ့ၣ်ဆူတၢ်ဟးဂူာ်ဟးဂီၤဒီးတၢ်လီၤပှီၢ် န့ၣ်လီၤ.

တံတူး 3:3

အဂ့ၢ်ဒ်လဲၣ်န့ၣ်, ပဝဲစ့ၢ်ကီးတဘျီန့ၣ်ပမ့ၢ်တ့ၢ်ပှၤဟးဂီၤဖိ, ပတစူၢ်တၢ်ဘၣ်, ဒီးပမၤကမၣ်တၢ်လီၤ. ပကဲတ့ၢ်ကုၢ်လၢတၢ်သူၣ်လီသးကွံဒီးတၢ်မၤမုာ်လၤသးဖှံ ပသးလၢတၢ်အကလုာ်ကလုာ်အပူၤန့ၣ်လီၤ. ပမၤလၢာ်တ့ၢ်ပမုၢ်နံၤတဖၣ်လၢတၢ်ဆၢအၢပှၤဂၤဒီးတၢ်သူၣ်က့ၣ် သးကါအပူၤလီၤ. ပှၤဂၤတဖၣ်သးဟ့ပှၤဒီးပသးဟ့အဝဲသ့ၣ် န့ၣ်လီၤ.

၁ ပ့းတရူး 1:14

စူၢ်ကစၢ်ယွၤတက့ၢ်. ဒီးတဘၣ်ပျဲသုသးသမူမၤန့ၢ်အက့ၢ်အဂီၤလၢအဘၣ်တၢ်တ့န့ၢ် အီၤလၢတၢ်သူၣ်လီသးကွံလၢအအိၣ်ဒီးသုဖဲသုတၢ်သ့ၣ်ညါ နၢ်ပၢၢ်တအိၣ်ဒံးဘၣ်အခါန့ၣ်တဂ့ၤ.

၂ ပ့းတရူး 2:14

အဝဲသ့ၣ်အမဲာ်ပှဲၤဝဲဒီးတၢ်သးအိၣ်မၤကမၣ်မုၣ်ကမၣ်ခွါ, ဒီးမၤတၢ်ဒဲးဘးတလၢမၤနီတဘျီဘၣ်. အဝဲသ့ၣ်ကွဲန့ၢ်လွဲန့ၢ် ပှၤလၢအဂံၢ်စၢ်ဘါစၢ်တဖၣ်ဆူတၢ်ဒဲးဘးအပူၤလီၤ. တၢ်သူၣ်လီသးကွံအသးဒိၣ်စိလၢအပူၤဒီးအဝဲသ့ၣ်အိၣ်လၢ ယွၤအတၢ်ဆိၣ်အၢအဖီလာ်လီၤ.

၂ ပ့းတရူး 2:18

အဝဲသ့ၣ်ကတိၤဒိၣ်ကတိၤသွါတၢ်လၢအခီပညီတအိၣ် တဖၣ်, ဒီးသူဝဲနီၢ်ခိအတၢ်သူၣ်ကတၢသးကတၢလုၢ်လၢ်အၢသီ တဖၣ်လၢအကကွဲန့ၢ်လွဲန့ၢ်ပှၤလၢအထူၣ်ဖျဲးထီၣ်သီလၢပှၤလၢ အအိၣ်မူလၢတၢ်ကမၣ်အပူၤတဖၣ်အကျါန့ၣ်လီၤ.

၁ ယိၤဟၣ် 2:16

အဂ့ၢ်ဒ်လဲၣ်န့ၣ်, ကယဲၢ်တၢ်လၢအဘၣ်ဃးဒီးဟီၣ်ခိၣ်လၢ အမ့ၢ်ပနီၢ်ခိအတၢ်သးကွံ, ပမဲာ်အတၢ်သးကွံ, ဒီးတၢ်ပာ်ကဖၢလၢပသးလၢတၢ်လၢဟီၣ်ခိၣ်အံၤခဲလၢာ်, တၢ်တဖၣ်အံၤတဟဲလၢပၢ်ကစၢ်အအိၣ်ဘၣ်. မ့ၢ်တၢ်လၢအဟဲလၢဟီၣ်ခိၣ်န့ၣ်လီၤ.

၁ ယိၤဟၣ် 2:8

ဘၣ်ဆၣ်သနာ်က့, တၢ်မၤလိာ်လၢယကွဲးန့ၢ်သုခဲအံၤမ့ၢ်တၢ် အသီ, အဂ့ၢ်ဒ်အံၤ အတၢ်မ့ၢ်တၢ်တီဘၣ်တၢ်ထံၣ်န့ၢ်အီၤလၢ ခရံာ်အပူၤဒီးလၢသုပူၤစ့ၢ်ကီးလီၤ. အဂ့ၢ်မ့ၢ်လၢ, တၢ်ခံးတၢ်နၤလဲၤပူၤကွံာ်ဝဲ ဒီးတၢ်ကပီၤနီၢ်နီၢ်ကပီၤထီၣ်ဝဲလံ န့ၣ်လီၤ.