အ့းဖ့းစူး 2:21 - Sgaw Karen Common Bible

²¹ လၢအဒုးစဲဘူးဒီးဟံးဃာ်တၢ်သူၣ်ထီၣ်ဒီဖျၢၣ်ညါတပူၤဃီ သတးဒီးဒုးကဲထီၣ်အီၤလၢယွၤအတၢ်လုၢ်ဟံၣ်စီဆှံန့ၣ်လီၤ.

အ့းဖ့းစူး 2:21 Iomraidhean Croise

လံာ်စီၤပၤအခီၣ်ထံးတဘ့ၣ် 6:7

လၢၢ်တဖၣ်လၢတၢ်ဘှီထီၣ်ယွၤအတၢ်လုၢ်ဟံၣ်န့ၣ်, ဘၣ်တၢ်ကတဲာ်ကတီၤပာ်စၢၤအီၤလၢတၢ်ခူၣ်လၢၢ်အလီၢ်, ဒ်သိးတၢ်သီၣ်တၢ်သဲလၢခံၣ်ခူၣ်မ့ၢ်ဂ့ၤ, ကွါမ့ၢ်ဂ့ၤ, တၢ်ပီးတၢ်လီလၢထးအဂၤမ့ၢ်ဂ့ၤအသုတအိၣ်တဂ့ၤ, ဖဲတၢ်ဘှီထီၣ်ယွၤအတၢ်လုၢ်ဟံၣ်အခါန့ၣ်လီၤ.

စံးထီၣ်ပတြၢၤ 93:5

ယွၤဧၢ, နတၢ်သိၣ်တၢ်သီတဖၣ်န့ၣ်အိၣ်ဝဲလီၤထူလီၤယိာ် ဒီးနတၢ်လုၢ်ဟံၣ်န့ၣ်စီဆှံဝဲနီၢ်နီၢ် အစိၤစိၤအဃၣ်ဃၣ်န့ၣ်လီၤ.

လံာ်ယဃ့းစက့လး 42:12

လၢတၢ်သူၣ်ထီၣ်အကလံၤထံးအတကပၤအဒၢးတဖၣ်အဖီလာ် န့ၣ်တြဲၤအိၣ်ဝဲတဘ့ၣ်ဖဲတၢ်သူၣ်ထီၣ်အမုၢ်ထီၣ်အကတၢၢ်ဖဲတၢ်အဒူၣ် စးထီၣ်အသးန့ၣ်လီၤ.

1 ကရံၣ်သူး 3:9

အဂ့ၢ်ဒ်အံၤ, ပမ့ၢ်ပှၤမၤသကိးတၢ်တဖၣ်လၢအမၤဃုာ်တၢ်တပူၤဃီလၢကစၢ်ယွၤ အဂီၢ်, ဒီးသုမ့ၢ်ကစၢ်ယွၤအစံာ်လီၢ်ပှဲၤလီၢ်န့ၣ်လီၤ. သုမ့ၢ်စ့ၢ်ကီးကစၢ်ယွၤအတၢ်သူၣ်ထီၣ်လီၤ.

၂ ကရံၣ်သူး 6:16

ကစၢ်ယွၤအတၢ်လုၢ်ဟံၣ်ဒီးပှၤသူခိၣ်ဖိအတၢ်ဂီၤတၢ်ဖီၣ် န့ၣ်အသးလီၤပလိာ်ကသ့ဝဲလၢကျဲဒ်လဲၣ်. အဂ့ၢ်ဒ်အံၤ, ပမ့ၢ်ကစၢ်ယွၤလၢအမူဝဲတဂၤအတၢ်လုၢ်ဟံၣ်လီၤ. ဒ်ကစၢ်ယွၤအနီၢ်ကစၢ်ဒၣ်ဝဲစံးလံဝဲအသိး, “ယကသူၣ်ထီၣ်ယဟံၣ်ယဃီဒီးယပှၤဂီၢ်မုၢ် ဒီးအိၣ်ယဲဆိးယဲလၢအဝဲသ့ၣ်တဖၣ်အသိးအကျါလီၤ. ယကမ့ၢ်အဝဲသ့ၣ်အကစၢ်ယွၤ ဒီးအဝဲသ့ၣ်ကမ့ၢ်ယပှၤဂီၢ်မုၢ်လီၤ.”

ကလီးစဲ 2:19

ပှၤဒ်အံၤတဖၣ်တဟံးဃာ်လၢၤခရံာ်လၢအမ့ၢ်တၢ်အခိၣ်, လၢအပၢနီၢ်ဒီဂၤညါ, ဟ့ၣ်ဂံၢ်ဟ့ၣ်ဘါဒီးဟံးဃာ်အီၤတပူၤဃီခီဖျိအဆၢဒီးအထူၣ် အပျၢ်တဖၣ်ဒီးလၢအဒုးဒိၣ်ထီၣ်နီၢ်ခိဒ်ယွၤအဲၣ်ဒိးဝဲအသိး, န့ၣ်လၢၤဘၣ်.

၁ တံၤမသ့း 3:15

ဘၣ်ဆၣ်ဒီးယမ့ၢ်ဘၣ်တံာ်တာ်ဘၣ်ဖုးန့ၣ်, လံာ်ပရၢအဝဲအံၤကဒုးသ့ၣ်ညါနၤလၢပဂ့ၤအိၣ်မူဒ်လဲၣ်ဒ် လဲၣ်လၢကစၢ်ယွၤအဒူၣ်ပူၤထၢပူၤ, လၢအမ့ၢ်ကစၢ်ယွၤလၢအမူဝဲတဂၤအတၢ်အိၣ်ဖှိၣ်, ဟံၣ်ထူၣ်ဒီးတၢ်ပၢၢ်ဃာ်လၢအစိာ်ဂၢၢ်စိာ်ကျၢၤတၢ်မ့ၢ် တၢ်တီန့ၣ်လီၤ.