အ့းဖ့းစူး 2:2 - Sgaw Karen Common Bible

² အကတီၢ်ဖဲန့ၣ်အခါသုအိၣ်မူတ့ၢ်သုဝဲလၢတၢ်ဒဲးဘးအပူၤ, သုလဲၤတ့ၢ်တၢ်လၢဟီၣ်ခိၣ်အကျဲအၢကျဲသီတဖၣ်အပူၤ ဒီးသုစူၢ်တ့ၢ်တၢ်ဝံတၢ်နါလၢမူကပိာ်လိၤတဖၣ်အကစၢ် လၢအပၢဘၣ်ပှၤတဖၣ်လၢအတစူၢ်ဘၣ်ကစၢ်ယွၤန့ၣ်လီၤ.

အ့းဖ့းစူး 2:2 Iomraidhean Croise

လံာ်စီၤယိၤဘး 1:16

ဒီးဖဲအဝဲကတိၤတၢ်အဖၢမုၢ်န့ၣ်, အခ့အပှၤအဂၤတဂၤဟဲဒီး စံးဝဲဒၣ်, “လီဖျးသံကွံာ်သိဒီးပှၤကွၢ်သိတဖၣ်ဒီးပှၤပူၤ ဖျဲးဒၣ်ထဲယၤတဂၤဧိၤလၢယကတဲဘၣ်နၤလီၤ.”

လံာ်စီၤယိၤဘး 1:19

ကွၢ်ကွၢ်ကလံၤမုၢ်ဖးဒိၣ်ဟဲဝဲလၢမဲးမုၢ်ခိၣ်ဒီးအူလီၤပှီၢ် ကွံာ်ဟံၣ်ဒီးပှၤခဲလၢာ်သံဝဲဒၣ်န့ၣ်လီၤ. ဒီးပှၤပူၤဖျဲးဒၣ်ထဲယၤတဂၤဧိၤလၢယကတဲဘၣ်နၤလီၤ.”

လံာ်စီၤယိၤဘး 1:7

ဒီးယွၤသံကွၢ်မုၣ်ကီၤလံၢ်, “နဟးမၤတ့ၢ်တၢ်မနုၤလဲၣ်.” ဒီးမုၣ်ကီၤလံၢ်စံးဆၢယွၤဒီးစံး, “ယဟးဖဲအံၤဖဲနုၤဒီးဟးဝ့ၤဝီၤလၢဟီၣ်ခိၣ်ချၢန့ၣ်လီၤ.

လံာ်စီၤယိၤဘး 31:7

ယခီၣ်ခါမ့ၢ်ဃၣ်ကွံာ်အသးလၢကျဲအတီဒီးယသးမ့ၢ်ကတၢ ထွဲယမဲာ်ချံအတၢ်ထံၣ်ဒီးယစုမ့ၢ်ဘၣ်အၢလၢတၢ်ဒဲးဘးန့ၣ်ဒီး,

စံးထီၣ်ပတြၢၤ 17:14

ယွၤဧၢ, လၢနစုန့ၣ် မၤပူၤမၤဖျဲးယၤလၢပှၤဒ်သိးန့ၣ်တဖၣ် လၢအတၢ်အိၣ်မူအံၤ အတၢ်ကဲဘျုးမ့ၢ်ဒၣ်ဖဲ ဟီၣ်ခိၣ်အံၤန့ၣ်တက့ၢ်. စံၣ်ညီၣ်အဝဲသ့ၣ်လၢတၢ်နးတၢ်ဖှီၣ်တဖၣ် လၢနပာ်ဖှိၣ်တ့ၢ်လၢအဂီၢ်, ဒီးမ်ကလၢဝဲလၢ အဖိတဖၣ်အဂီၢ် ဒီးအိၣ်လီၤတဲာ်ဒံးတနီၤလၢ အဖိတဖၣ်အဖိအဂီၢ်န့ၣ်တက့ၢ်.

လံာ်ယၡါယၤ 30:1

ယွၤကတိၤလံတၢ်လံ. “ပှၤတဖၣ်လၢအပၢကီၢ်ယူဒၤန့ၣ် ကဘၣ်တၢ်စံၣ်ညီၣ်ဃါမနၤလၢတၢ်ပူထီၣ်ထီဒါယၤအဃိလီၤ. အဝဲသ့ၣ်ပိာ်ထွဲတၢ်တိာ်ကျဲၤတဖၣ်လၢယတမၤတ့ၢ်အီၤဒီး ဆဲးလီၤအမံၤလၢလံာ်ဃံၤဃာ်တဖၣ်အပူၤလၢအထီဒါတၢ်ဘၣ်ယသး, ဒီးပာ်ဖှိၣ်တၢ်ဒဲးဘးတမံၤလၢအဂၤတမံၤအဖီခိၣ်လီၤ.

လံာ်ယၡါယၤ 57:4

သုနံၤဘၣ်ဖၣ်လဲမတၤတဖၣ်န့ၣ်လဲၣ်. သုဝဲပှၤလီတၢ်ဝ့ၤတၢ်တ ဖၣ်ကတိၤဒုၣ်ဒွဲၣ်မတၤတဖၣ်န့ၣ်လဲၣ်.

လံာ်ယံးရမံယၤ 23:10

အဂ့ၢ်ဒ်အံၤ, ကီၢ်အံၤပှဲၤဝဲဒီးပှၤဂီၢ်မုၢ်လၢအသးတတီဒီးယွၤန့ၣ်လီၤ. အဝဲသ့ၣ်အိၣ်မူတၢ်အိၣ်မူအအၢအသီဒီးသူကမၣ်အစိကမီၤန့ၣ်လီၤ. မ့ၢ်လၢယွၤအတၢ်ဆိၣ်အၢအဃိန့ၣ်, ထံကီၢ်သူၣ်အုးသးအုး ဒီးတၢ်အီၣ်ဆၣ်အလီၢ်တဖၣ်ဃ့ထီကွံာ်ဝဲန့ၣ်လီၤ.

လံာ်ဟိၤၡ့ 10:9

ယွၤစံးဝဲဒၣ်, ကီၢ်အံၣ်စရ့လးအပှၤဂီၢ်မုၢ်တဆိကတီၢ်မၤတၢ် ဒဲးဘးထီဒါယၤ, စးထီၣ်ဒၣ်လၢအဝဲသ့ၣ်အတၢ်ဒဲးဘးဖဲဝ့ၢ်ကံးဘဧးအခါလံၤလံၤန့ၣ်လီၤ. လၢတၢ်န့ၣ်အဃိ တၢ်ဒုးဖဲဝ့ၢ်ကံးဘဧးန့ၣ်ကလူၤပိာ်ထွဲအဝဲသ့ၣ်အခံန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 11:16

ကယဲၢ်စိးဝၣ်ဃးဒ်အကလုာ်အသိး, ထိၣ်ကီၤလၤအူး, ထိၣ်သဘၣ်, ထိၣ်ၡဃးဒီးလံာ်ပီၢ်တ့ဒ်အကလုာ်အသိး,

လံာ်မးသဲ 11:19

တုၤပှၤကညီဖိခွါဟဲဝဲဒီးအီၣ်တၢ်အီတၢ်ဒီးပှၤကိးဂၤစံးဝဲ, ‘ကွၢ်တက့ၢ်. ပှၤတဂၤအံၤမ့ၢ်ပှၤအီၣ်လုၣ်ကိတၢ်ဒီးအီလုၣ်ကိစပံးထံ, ပှၤဃ့သွဲဒီးပှၤတၢ်ဒဲးဘးဖိတဖၣ်အတံၤသကိးလီၤ.’ ဘၣ်ဆၣ်ကစၢ်ယွၤအတၢ်ကူၣ်သ့န့ၣ်ဘၣ်တၢ်ပာ်တီပာ်လိၤအီၤလၢ အတၢ်ဖံးတၢ်မၤဒၣ်ဝဲန့ၣ်လီၤ.”

လံာ်မးသဲ 13:22

တၢ်ချံလၢအဘၣ်တၢ်ဖှံလီၤအီၤလၢတၤဆှုၣ်တၤမဲအကျါတဖၣ်, မ့ၢ်ပှၤလၢအနၢ်ဟူတၢ်ကစီၣ်, ဘၣ်ဆၣ်တၢ်ဘၣ်ယိၣ်ဘၣ်ဘီဘၣ်ဃးဒီးဟီၣ်ခိၣ် ဒီးတၢ်အဲၣ်တၢ်ထူးတၢ်တီၤတဖၣ်ခဲဘၢကွံာ်တၢ်ကစီၣ်သတးဒီး တသၣ်ထီၣ်ဘၣ်ဝဲဘၣ်.

လံာ်မးသဲ 13:38

စံာ်ဧိၤပျီဧိၤမ့ၢ်ဟီၣ်ခိၣ်ချၢလီၤ. ဒီးတၢ်ချံလၢအဂ့ၤမ့ၢ်ပှၤဘီဖိမုၢ်ဖိတဖၣ်, ဒီးနီၣ်စံစၣ်မ့ၢ်မုၣ်ကီၤလံၢ်အဖိအလံၤတဖၣ်လီၤ.

လံာ်မၢ်ကူး 4:19

ဘၣ်ဆၣ်ဒီးတၢ်ကိၢ်တၢ်ဂီၤဘၣ်ဃးဟီၣ်ခိၣ်တစိၤအံၤ, တၢ်မိၣ်န့ၢ်သးလီတၢ်ထူးတၢ်တီၤဒီးကယဲၢ်တၢ်မိၣ်န့ၢ်သးလီတၢ် အဂုၤအဂၤတဖၣ်ခဲလၢာ်န့ၣ်ခဲဘၢကွံာ်ယွၤ အကလုၢ်ကထါဒီးသူထီၣ်သၣ်ထီၣ်တသ့လၢၤဘၣ်န့ၣ်လီၤ.

လံာ်လူၤကၣ် 16:8

ပှၤပၢၤတၢ်စုလီၢ်ခီၣ်ခိၣ်တဂၤအံၤအကစၢ်စံးထီၣ်ပတြၢၤအီၤလၢ အမၤတၢ်လၢအလၢပှဲၤဒီးတၢ်ကူၣ်ဘၣ်ဖးသ့ဒ်အံၤအသိးအဃိန့ၣ်လီၤ. အဂ့ၢ်ဒ်အံၤ, ဖဲလၢအဘၣ်ဃးဒီးတၢ်ကွၢ်ထွဲသုးကျဲၤတၢ်လၢ အတၢ်ဂ့ၢ်တၢ်ကျိၤတဖၣ်အဂ့ၢ်န့ၣ်ပှၤလၢဟီၣ်ခိၣ်တစိၤအံၤတဖၣ် ကူၣ်ဘၣ်ဖးသ့ဒိၣ်န့ၢ်ပှၤဘၣ်ဃးဒီးတၢ်ကပီၤတဖၣ်, တက့ၢ်လီၤ.”

လံာ်လူၤကၣ် 22:31

စီၤၡံမိၣ်ဧၢ, စီၤၡံမိၣ်ဧၢ, ဒိကနၣ်တက့ၢ်. မုၣ်ကီၤလံၢ်ဒိးန့ၢ်လံတၢ်ပျဲလၢအကမၤကွၢ်သုဝဲကိးဂၤဒဲး, လၢအကနီၤဖးတၢ်ဂ့ၤဒီးတၢ်အၢ, ဒ်ပှၤထူစံာ်ဖိတဂၤဂုၤဘုအသိးန့ၣ်လီၤ.

လံာ်ယိၤဟၣ် 12:31

ခဲကနံၣ်အံၤ, မ့ၢ်တၢ်ဆၢကတီၢ်လၢဟီၣ်ခိၣ်ကဘၣ်တၢ်စံၣ်ညီၣ်အီၤ အဂီၢ်လီၤ. ခဲကနံၣ်အံၤပှၤလၢအပၢဟီၣ်ခိၣ်တဂၤန့ၣ်, ကဘၣ်တၢ်တၢၤကွံာ်အီၤလၢစီၤပၤအလီၢ်လီၤ.

လံာ်ယိၤဟၣ် 13:2

ယ့ၣ်ၡူးဒီးအပျဲၢ်အဘီၣ်တဖၣ်အီၣ်ဟါတၢ်အီၣ်အခါ, မုၣ်ကီၤလံၢ်ဒၢနုာ်တ့ၢ်လံဝဲတၢ်ကူၣ်လၢအကဟ့ၣ်လီၤကွံာ် ယ့ၣ်ၡူးလၢစီၤၡံမိၣ်အဖိခွါစီၤယူဒၤအံၣ်စကၤရံၤအိာ် အသးပူၤန့ၣ်လီၤ.

လံာ်ယိၤဟၣ် 13:27

တုၤစီၤယူဒၤဟံးန့ၢ်အီၣ်ကိၣ်ဝံၤတဘျီဃီဒီး, မုၣ်ကီၤလံၢ်နုာ်လီၤလၢအသးပူၤန့ၣ်လီၤ. ယ့ၣ်ၡူးစံးဘၣ်အီၤ, “တၢ်လၢနကဘၣ်မၤန့ၣ်မၤချ့ချ့တက့ၢ်.”

လံာ်ယိၤဟၣ် 14:30

ယကတိၤတၢ်ဒီးသုယံာ်ယံာ်တသ့လၢၤဘၣ်. မ့ၢ်လၢ ပှၤလၢအပၢဟီၣ်ခိၣ်အံၤတဂၤဟဲဝဲလံအဃိလီၤ. အဝဲအစိကမီၤတအိၣ်လၢယဖီခိၣ်နီတမံၤဘၣ်.

လံာ်ယိၤဟၣ် 15:19

သုမ့ၢ်ဘၣ်ဃးဒီးဟီၣ်ခိၣ်ဒီး, ဟီၣ်ခိၣ်ကအဲၣ်သုဒ်အတၢ်ဒၣ်ဝဲ အသိးလီၤ. ဘၣ်ဆၣ်ယဃုထၢသုလၢဟီၣ်ခိၣ်အံၤ, ဒီးသုတဘၣ်ဃးဒီးအီၤလၢၤဘၣ်. လၢတၢ်န့ၣ်အဃိ, ဟီၣ်ခိၣ်သးဟ့သုလီၤ.

လံာ်ယိၤဟၣ် 16:11

လၢကစၢ်ယွၤအတၢ်စံၣ်ညီၣ်အဂ့ၢ်, မ့ၢ်လၢပှၤလၢအပၢဟီၣ်ခိၣ် အံၤဘၣ်တၢ်စံၣ်ညီၣ်တ့ၢ်လံအီၤအဃိန့ၣ်လီၤ.

လံာ်ယိၤဟၣ် 7:7

ဟီၣ်ခိၣ်သးဟ့သုတသ့ဘၣ်. ဘၣ်ဆၣ်သးဟ့ယၤလီၤ. မ့ၢ်လၢယစံးဘၣ်တဲဘၣ်အီၤတလီၢ်လီၢ်လၢ အကျဲတဖၣ်န့ၣ်အၢဝဲသီဝဲအဃိလီၤ.

လံာ်ယိၤဟၣ် 8:23

ယ့ၣ်ၡူးစံးဆၢအဝဲသ့ၣ်, “သုဘၣ်ဃးဒီးတၢ်လၢလာ်အံၤ, မ့မ့ၢ်ယဲယဘၣ်ဃးဒီးတၢ်လၢထးလီၤ. သုဘၣ်ဃးဒီးဟီၣ်ခိၣ်အံၤ, မ့မ့ၢ်ယဲယတဘၣ်ဃးဒီးဟီၣ်ခိၣ်အံၤဘၣ်.

လံာ်ယိၤဟၣ် 8:44

သုမ့ၢ်သုပၢ်မုၣ်ကီၤလံၢ်အဖိတဖၣ်ဒီးသုသးအိၣ်မၤအတၢ်ဘၣ် အသးန့ၣ်လီၤ. လၢအခီၣ်ထံးလံၤလံၤန့ၣ်, အဝဲမ့ၢ်ပှၤမၤသံပှၤကညီဒီးတဆၢထၢၣ်လၢ တၢ်မ့ၢ်တၢ်တီအဂီၢ်နီတဘျီဘၣ်, အဂ့ၢ်မ့ၢ်လၢ တၢ်မ့ၢ်တၢ်တီတအိၣ်ဘၣ်လၢအပူၤအဃိလီၤ. တုၤအဝဲကတိၤတၢ်ကဘျံးကဘျၣ်ဒီးမ့ၢ်ဒၣ်အဝဲမၤတၢ်လၢ အဝဲမၤညီနုၢ်ဝဲန့ၣ်လီၤ. အဂ့ၢ်မ့ၢ်လၢအဝဲမ့ၢ်ပှၤကတိၤကဘျံး ကဘျၣ်တၢ်တဂၤဒီးမ့ၢ်တၢ်ကဘျံးကဘျၣ်ခဲလၢာ်အပၢ်အဃိလီၤ.

မၤတၢ် 19:35

လၢခံကတၢၢ်န့ၣ်, ဝ့ၢ်အပှၤကွဲးလံာ်ဒုးအိၣ်ဘှီၣ်က့ၤပှၤဂီၢ်မုၢ်န့ၢ်ဝဲလီၤ. အဝဲဒၣ်စံးဝဲ, “အ့းဖ့းစူးအပှၤဝ့ၢ်ဖိသ့ၣ်ဧၢ, ပှၤကိးဂၤဒဲးသ့ၣ်ညါလၢပှၤဝ့ၢ်အ့းဖ့းစူးအမူဒါအိၣ်ဝဲ ဘၣ်ဃးဒီးတၢ်ကွၢ်ထွဲတၢ်ဒိၣ်နီၢ်အၢ်တ့းမံၤအတၢ်လုၢ်ဟံၣ် ဒီးလၢၢ်စီဆှံလၢအဟဲလီၤတဲာ်လၢမူခိၣ်န့ၣ်လီၤ.

မၤတၢ် 5:3

စီၤပ့းတရူးသံကွၢ်အီၤ, “စီၤအနၤနံဧၢ, ဘၣ်မနုၤနပျဲမုၣ်ကီၤလံၢ်ပၢနၤလၢနကလီန့ၢ်သးစီဆှံအတၢ်ဒီး ပာ်ဃာ်က့ၤစ့တနီၤလၢနမၤန့ၢ်ဖဲနဆါလီၤကွံာ်နစုလီၢ်ခီၣ်ခိၣ် အခါန့ၣ်လဲၣ်.

ရိမ့ၤ 12:2

တဘၣ်အိၣ်မူထိၣ်သုသးလၢပှၤဟီၣ်ခိၣ်ဖိတဖၣ်အတၢ်အိၣ်မူ အတီၤတဂ့ၤ. မ့မ့ၢ်တခီ ပျဲယွၤလဲလိာ်သုလၢသုသူၣ်ကံၢ်သးလဲ ခီဖျိတၢ်လဲလိာ်ကွံာ်သုတၢ်ဆိကမိၣ်လၢာ်လၢာ်ဆ့ဆ့တက့ၢ်. အန့ၣ်ဒီး, သုကသ့ၣ်ညါကစၢ်ယွၤအတၢ်ဘၣ်အသး - တၢ်လၢ အဂ့ၤ, ဒီးတၢ်လၢအဒုးသးမုာ်သးခုအီၤ, ဒီးတၢ်လၢတၢ် ပှဲၤမ့ၢ်တၢ်ဒ်လဲၣ်ဒ်လဲၣ်န့ၣ်လီၤ.

1 ကရံၣ်သူး 5:10

အဝဲအံၤန့ၣ်, တမ့ၢ်ယသးအိၣ်စံးယဲပှၤသူခိၣ်ဖိတဖၣ်လၢ အအၢအသီမ့ၢ်ဂ့ၤ, အသးကွံတလၢတၢ်မ့ၢ်ဂ့ၤ, မ့ၢ်တၢ်ဟုၣ်တၢ်ဘျၣ်မ့ၢ်ဂ့ၤ, ဘါထီၣ်တၢ်ဂီၤတၢ်ဖီၣ်မ့ၢ်ဂ့ၤန့ၣ်ဘၣ်. သုမ့ၢ်ဘၣ်ဟးဆှဲးပှၤသ့ၣ်တဖၣ်န့ၣ်ဒီး, သုကဘၣ်ဟးထီၣ်ကွံာ်လၢဟီၣ်ခိၣ်ချၢလၢာ်လၢာ်ဆ့ဆ့လီၤ.

1 ကရံၣ်သူး 6:11

သုဝဲတနီၤသုလီၤဂာ်ဒ်န့ၣ်လီၤ. ဘၣ်ဆၣ်ဒီးသုဘၣ်တၢ်မၤကဆှီထီၣ်က့ၤသုလၢသုတၢ်ဒဲးဘး အပူၤလံ. သုဘၣ်တၢ်ပာ်စီဆှံသုလၢကစၢ်ယွၤအဂီၢ်လံ. သုဘၣ်တၢ်မၤဘၣ်လိာ်ဖိးဒ့လံသုဒီးကစၢ်ယွၤလၢကစၢ်ယ့ၣ်ၡူး ခရံာ်ဒီးလၢယွၤအသးစီဆှံလံန့ၣ်လီၤ.

၂ ကရံၣ်သူး 4:4

အဝဲသ့ၣ်တစူၢ်တနာ်တၢ်ဘၣ်. အဂ့ၢ်မ့ၢ်လၢဟီၣ်ခိၣ်တဘ့ၣ်အံၤအကစၢ်လၢအအၢအသီ တဂၤပာ်အဝဲသ့ၣ်အသူၣ်အသးလၢတၢ်ခံးတၢ်နၤအပူၤ အဃိန့ၣ်လီၤ. အဝဲဒၣ်တြီဃာ်အဝဲသ့ၣ်ဒ်သိးအသုတထံၣ် ဘၣ်တၢ်ကပီၤလၢအကပီၤလီၤလၢအဝဲသ့ၣ်အလိၤ, တၢ်ကပီၤလၢအဟဲလၢတၢ်သးခုကစီၣ်ဘၣ်ဃးခရံာ် လၢအလီၤဂာ်ဒီးယွၤလၢလၢပှဲၤပှဲၤတဂၤအလၤကပီၤတဂ့ၤ န့ၣ်လီၤ.

ကလၤတံ 1:4

ခရံာ်ဟ့ၣ်လီၤကွံာ်အသးလၢပတၢ်ဒဲးဘးတဖၣ်အဂီၢ်ဒ်သိး ကဒုးထူၣ်ဖျဲးထီၣ်ကွံာ်ပှၤလၢဆၢကတီၢ်အအၢအသီတကတီၢ် အံၤန့ၣ်လီၤ. မၤဝဲလၢတၢ်ဒိကနၣ်ပပၢ်ယွၤအတၢ်ဘၣ်အသး အပူၤန့ၣ်လီၤ.

အ့းဖ့းစူး 1:21

ဖဲန့ၣ် ခရံာ်ပၢတၢ်, လၢပှၤလၢအပၢတၢ်လၢမူခိၣ်, ပဒိၣ်ပပှၢ်, တၢ်စိတၢ်ကမီၤ, ဒီးကစၢ်တဖၣ်ခဲလၢာ်အဖီခိၣ်န့ၣ်လီၤ. အဝဲအိၣ်ဒီးမံၤလၢအဒိၣ်န့ၢ်ထီန့ၢ်မံၤခဲလၢာ်လၢအဘၣ် တၢ်ယၢၤထီၣ်အီၤ, တမ့ၢ်ထဲလၢစိၤအခဲအံၤဘၣ်, မ့ၢ်စ့ၢ်ကီးလၢစိၤလၢအကဟဲအပူၤန့ၣ်လီၤ.

အ့းဖ့းစူး 2:11

ပှၤလၢအအိၣ်ဖျဲၣ်ထီၣ်ဒ်ပှၤကလုာ်ဂၤတဖၣ်အသိး, ပှၤလၢပှၤယူဒၤဖိလၢအကိးလီၤအသးလၢပှၤဒိးတၢ်ကူးတရံး လၢနီၢ်ခိနီၢ်ခီတဖၣ်, ကိးဝဲလၢပှၤတဒိးဘၣ်တၢ်ကူးတရံးဖိတဖၣ် သ့ၣ်ဧၢ, သ့ၣ်နီၣ်ထီၣ်တၢ်လၢသုမ့ၢ်တ့ၢ်လၢအပူၤကွံာ်အဆၢ ကတီၢ်န့ၣ်တက့ၢ်.

အ့းဖ့းစူး 2:13

ဘၣ်ဆၣ်ဒီးအခဲအံၤ, လၢသုမူလၢယ့ၣ်ၡူးခရံာ်အပူၤအဃိန့ၣ်, သုဝဲသ့ၣ်လၢအအိၣ်ယံၤဒီးယွၤန့ၣ်, သုဘၣ်တၢ်ဆှၢသုဘူး ထီၣ်ဒီးယွၤခီဖျိခရံာ်အတၢ်သံန့ၣ်လီၤ.

အ့းဖ့းစူး 2:3

နီၢ်နီၢ်တခီပဝဲကိးဂၤပမၤတ့ၢ်ပသးဒ်အဝဲသ့ၣ်အသိးဒီး ပအိၣ်မူတ့ၢ်ဒ်ပသးအတၢ်ဆၢမိၣ်န့ၢ်ဘၣ်အသိး, ပလူၤတ့ၢ်ပသးဒီးမၤတ့ၢ်ပဝဲဒ်ပနီၢ်ခိသူၣ်လီသးကွံတၢ် အသိးဒီးဒ်ပတၢ်ဆိကမိၣ်ဆှၢပှၤအသိးလီၤ. ဒ်ပှၤဟီၣ်ခိၣ်ဖိအဂုၤအဂၤတဖၣ်အသိး, ဟီၣ်ခိၣ်ဖိအန့ဆၢၣ်လၢပပူၤမ့ၢ်တၢ်လၢအဒုးကြၢးပှၤဒီး တၢ်တူၢ်ဘၣ်ကစၢ်ယွၤအတၢ်သးဒိၣ်န့ၣ်လီၤ.

အ့းဖ့းစူး 4:17

မ့ၢ်လၢတၢ်အံၤအဃိ, လၢကစၢ်အမံၤအပူၤန့ၣ်, ယမၢန့ၢ်ဆီၣ်ခံသုလၢသုသုတအိၣ်မူလၢၤဒ်ပှၤတစူၢ်တနာ်ယွၤလၢ အတၢ်ဆိကမိၣ်ဆိကမးအဘျုးတအိၣ်ဘၣ်တဖၣ်အသိးန့ၣ်တဂ့ၤ.

အ့းဖ့းစူး 4:22

လၢတၢ်န့ၣ်အဃိ, ဘ့ၣ်လီၤကွံာ်တၢ်အိၣ်မူလီၢ်လံၤလၢအဒုးမူ သုဒ်သုမ့ၢ်တ့ၢ်သုဝဲအသိးန့ၣ်တက့ၢ်. ဒ်ပစံးတၢ်အသိး, တၢ်မူအလီၢ်လံၤလၢအဘၣ်တၢ်မၤဟးဂီၤကွံာ်အီၤလၢတၢ်မိၣ် န့ၢ်သးလီလၢအလီန့ၢ်တၢ်တဖၣ်န့ၣ်လီၤ.

အ့းဖ့းစူး 5:6

တဘၣ်ပျဲပှၤနီတဂၤလီန့ၢ်သုလၢတၢ်ကတိၤဟးဂူာ်ဟးဂီၤ တဖၣ်တဂ့ၤ. မ့ၢ်လၢတၢ်တဖၣ်အံၤအဃိ, ကစၢ်ယွၤအတၢ်သးဒိၣ်လီၤဘၣ်ပှၤလၢအတစူၢ်အကလုၢ် တဖၣ်န့ၣ်လီၤ.

အ့းဖ့းစူး 5:8

တဘျီန့ၣ်သုအိၣ်မူတ့ၢ်သုဝဲလၢတၢ်ခံးတၢ်နၤအပူၤဘၣ်ဆၣ် ဒီး, ဒ်သုကဲထီၣ်တ့ၢ်လံယွၤအပှၤတကလုာ်အသိးန့ၣ်, သုတုၤက့ၤလၢတၢ်ကပီၤအပူၤလီၤ. လၢတၢ်န့ၣ်အဃိ, အိၣ်မူဒ်ပှၤတၢ်ကပီၤဖိအသိးန့ၣ်တက့ၢ်.

အ့းဖ့းစူး 6:12

အဂ့ၢ်ဒ်အံၤ, ပတဒုးလိာ်ပသးဒီးပှၤကညီဘၣ်. မ့မ့ၢ်ပဒုးလိာ်ပသးဒီးသးအၢလၢအအိၣ်ဒီးအစိအကမီၤ လၢမူခိၣ်, ပှၤပၢထံပၢကီၢ်တဖၣ်, ပဒိၣ်ပပှၢ်တဖၣ်ဒီးဟီၣ်ခိၣ်အစိကမီၤလၢအဒုးအိၣ်ထီၣ်တၢ်ခံးတၢ် နၤတစိၤအံၤတဖၣ်န့ၣ်လီၤ.

ကလီးစဲ 1:21

တဘျီန့ၣ်, သုအိၣ်ယံၤဒီးကစၢ်ယွၤဒီးသုထီဒါအီၤခီဖျိတၢ် ဆိကမိၣ်, ဒီးတၢ်ဖံးတၢ်မၤအအၢအသီတဖၣ်န့ၣ်လီၤ.

ယၤကိာ် 1:27

တၢ်လၢပၢ်ကစၢ်ယွၤပာ်ဝဲလၢအမ့ၢ်တၢ်အကဆှီဒီးတၢ်ဘူၣ်တၢ် ဘါနီၢ်နီၢ်န့ၣ်မ့ၢ်ဝဲ, တၢ်အံးက့ၤကွၢ်က့ၤဖိၣ်ဃဲဒီးမုၣ်ကမဲတဖၣ်လၢ အတၢ်နးတၢ်ဖှီၣ်အပူၤဒီးတၢ်ပၢၤလီၤက့ၤပသးဒ်သိးပသုတဘၣ် တၢ်မၤဘၣ်အၢပှၤလၢဟီၣ်ခိၣ်အဃံၣ်အမူးတဖၣ်တဂ့ၤအဂီၢ် န့ၣ်လီၤ.

ယၤကိာ် 1:7

ပှၤဒ်န့ၣ်သိးတဂၤန့ၣ်, တဘၣ်ဆိကမိၣ်လၢအကဒိးန့ၢ်ဘၣ်တၢ်တမံၤမံၤလၢကစၢ် အအိၣ်န့ၣ်တဂ့ၤ.

ယၤကိာ် 4:4

ပှၤလၢအသးတတီဒီးကစၢ်ယွၤသ့ၣ်ဧၢ, မ့ၢ်သုတသ့ၣ်ညါဘၣ်လၢတၢ်ကဲဟီၣ်ခိၣ်အတံၤသကိး န့ၣ်အခီပညီမ့ၢ်တၢ်ကဲကစၢ်ယွၤအဒုၣ်အဒါန့ၣ်ဘၣ်ဧါ. ပှၤတဂၤဂ့ၤတဂၤဂ့ၤလၢသးအိၣ်ကဲဟီၣ်ခိၣ်အတံၤ သကိးန့ၣ်, ဒုးကဲထီၣ်အသးလၢကစၢ်ယွၤအဒုၣ်အဒါ တဖၣ်န့ၣ်လီၤ.

၁ ပ့းတရူး 1:14

စူၢ်ကစၢ်ယွၤတက့ၢ်. ဒီးတဘၣ်ပျဲသုသးသမူမၤန့ၢ်အက့ၢ်အဂီၤလၢအဘၣ်တၢ်တ့န့ၢ် အီၤလၢတၢ်သူၣ်လီသးကွံလၢအအိၣ်ဒီးသုဖဲသုတၢ်သ့ၣ်ညါ နၢ်ပၢၢ်တအိၣ်ဒံးဘၣ်အခါန့ၣ်တဂ့ၤ.

၁ ပ့းတရူး 4:3

သုမၤလၢာ်တ့ၢ်တၢ်ဆၢကတီၢ်လၢအပူၤကွံာ်ခီဖျိသုမၤ တၢ်လၢပှၤတသ့ၣ်ညါယွၤတဖၣ်သးအိၣ်မၤဝဲန့ၣ်လီၤ. သုတၢ်အိၣ်မူဘၣ်တၢ်မၤလၢာ်အီၤလၢတၢ်တဆဲးတလၤ, တၢ်သးကတၢ, တၢ်အီမူၤအီဘှီးသး, တၢ်အီသံးဂဲၤ ကလံာ်တဖၣ်, တၢ်အီသံးအမူးတဖၣ်, ဒီးတၢ်လီၤသးဘၣ်အၢလၢတၢ်ဘါထီၣ်တၢ်ဂီၤတၢ်ဖီၣ် တဖၣ်န့ၣ်လီၤ.

၂ ပ့းတရူး 2:14

အဝဲသ့ၣ်အမဲာ်ပှဲၤဝဲဒီးတၢ်သးအိၣ်မၤကမၣ်မုၣ်ကမၣ်ခွါ, ဒီးမၤတၢ်ဒဲးဘးတလၢမၤနီတဘျီဘၣ်. အဝဲသ့ၣ်ကွဲန့ၢ်လွဲန့ၢ် ပှၤလၢအဂံၢ်စၢ်ဘါစၢ်တဖၣ်ဆူတၢ်ဒဲးဘးအပူၤလီၤ. တၢ်သူၣ်လီသးကွံအသးဒိၣ်စိလၢအပူၤဒီးအဝဲသ့ၣ်အိၣ်လၢ ယွၤအတၢ်ဆိၣ်အၢအဖီလာ်လီၤ.

၁ ယိၤဟၣ် 3:10

အအံၤမ့ၢ်တၢ်လီၤဆီလၢအအိၣ်ဖျါဝဲလီၤတံၢ်လီၤဆဲးလၢ ကစၢ်ယွၤအဖိတဖၣ်ဒီးမုၣ်ကီၤလံၢ်အဖိတဖၣ်အဘၢၣ်စၢၤ န့ၣ်လီၤ. ပှၤတဂၤဂၤလၢအတမၤတၢ်လၢအဘၣ်, မ့တမ့ၢ် တအဲၣ်ဘၣ်အဒီပုၢ်ဝဲၢ်န့ၣ်, တမ့ၢ်ကစၢ်ယွၤအဖိဘၣ်.

၁ ယိၤဟၣ် 3:8

မတၤတဂၤဂ့ၤတဂၤဂ့ၤလၢအမၤဒံးတၢ်ဒဲးဘးန့ၣ်, ဘၣ်ဃးဒီးမုၣ်ကီၤလံၢ်, မ့ၢ်လၢမုၣ်ကီၤလံၢ်မၤတ့ၢ်တၢ်ဒဲးဘးလၢအခီၣ်ထံးလံၤလံၤ အဃိန့ၣ်လီၤ. ကစၢ်ယွၤအဖိခွါလီၣ်ဖျါထီၣ်အသးလၢ တၢ်ဂ့ၢ်အဝဲအံၤအဂီၢ်, ဒ်သိးအကမၤဟးဂီၤကွံာ်တၢ်လၢ မုၣ်ကီၤလံၢ်မၤတ့ၢ်ဝဲတဖၣ်အဂီၢ်န့ၣ်လီၤ.

၁ ယိၤဟၣ် 4:4

ဘၣ်ဆၣ်ဒီး, ယဖိယလံၤသ့ၣ်ဧၢ, သုဘၣ်ဃးဒီးကစၢ်ယွၤ ဒီးမၤနၢၤမၤဃၣ်တ့ၢ်လံဝံအဘျၣ်တဖၣ်, မ့ၢ်လၢယွၤအသးလၢအအိၣ်လၢသုပူၤအံၤအစိကမီၤဒိၣ် န့ၢ်ဒံးသးလၢအအိၣ်လၢပှၤလၢအဘၣ်ဃးဒီးဟီၣ်ခိၣ် တဖၣ်အပူၤအဃိန့ၣ်လီၤ.

၁ ယိၤဟၣ် 5:19

ပသ့ၣ်ညါလၢပဘၣ်ဃးဒီးကစၢ်ယွၤ, ဘၣ်ဆၣ်ဒီးဟီၣ်ခိၣ်ဒီဘ့ၣ်ညါအိၣ်လၢတၢ်အၢတၢ်သီတဂၤ အတၢ်ပၢအဖီလာ်န့ၣ်လီၤ.

၁ ယိၤဟၣ် 5:4

မ့ၢ်လၢကစၢ်ယွၤအဖိကိးဂၤဒဲးမၤနၢၤဟီၣ်ခိၣ်သ့အဃိန့ၣ်လီၤ. အအံၤမ့ၢ်ပတၢ်မၤနၢၤဟီၣ်ခိၣ်ခီဖျိပတၢ်စူၢ်တၢ်နာ်န့ၣ်လီၤ.

လံာ်လီၣ်ဖျါ 12:9

ပယိၤဖးဒိၣ်, ဂုၢ်လၢပျၢၤတဘိ, လၢအမံၤမ့ၢ်ဝဲ, မုၣ်ကီၤလံၢ် မ့တမ့ၢ်စၤတၣ်, လၢအလီန့ၢ်ဟီၣ်ခိၣ်ဒီဘ့ၣ်န့ၣ်, ဘၣ်တၢ်တ့ၢ်လီၤကွံာ်အီၤလီၤ. အဝဲဘၣ်တၢ်တ့ၢ်လီၤကွံာ်အီၤ ဆူဟီၣ်ခိၣ်ချၢ, ဃုာ်ဒီးအကလူးတဖၣ်ခဲလၢာ်လီၤ.

လံာ်လီၣ်ဖျါ 13:14

ဒီးအဝဲဒၣ်လီန့ၢ်ကယဲၢ်ပှၤအိၣ်ဝဲဆိးဝဲလၢဟီၣ်ခိၣ်ချၢ ခီဖျိတၢ်လီၤလးလၢတၢ်ပျဲအမၤဝဲလၢတၢ်ဒူတၢ်ဃိၤ တၢတဒုအမဲာ်ညါန့ၣ်လီၤ. တၢ်ဒူတၢ်ဃိၤခံဒုတဒုအံၤမၢအဝဲသ့ၣ်ဘှီန့ၢ်က့ၢ်ဂီၤ တခါလၢတၢ်ကမၤလၤကပီၤတၢ်ဒူတၢ်ဃိၤလၢအဘၣ် တၢ်မၤဘၣ်ဒိအီၤလၢနး, ဘၣ်ဆၣ်ဒီးအိၣ်မူဒံးဝဲတဒုန့ၣ် အဂီၢ်လီၤ.

လံာ်လီၣ်ဖျါ 13:8

ပှၤကိးဂၤဒဲးလၢအအိၣ်ဝဲဆိးဝဲလၢဟီၣ်ခိၣ်ချၢကဘူၣ် ထီၣ်ဘါထီၣ်အီၤ, ဒီးပှၤလၢအတဘါထီၣ်အီၤန့ၣ်, မ့ၢ်ထဲပှၤလၢအမံၤအိၣ်ကွဲးအသးလၢလံာ်မူအပူၤ, တချုးတၢ်တ့လီၤပာ်လီၤဟီၣ်ခိၣ်ဒံးဘၣ်, လံာ်မူလၢအမ့ၢ်သိဖိလၢအဘၣ်တၢ်မၤသံအီၤတဒုန့ၣ် အတၢ်လီၤ.

လံာ်လီၣ်ဖျါ 16:17

အန့ၣ်ဝံၤအလီၢ်ခံ, ကလူးနွံဂၤတဂၤဂၢ်လီၤအသလၢလၢကလံၤ ကျါလီၤ. တၢ်ကလုၢ်ဖးဒိၣ်သီၣ်ထီၣ်လၢလီၢ်ပစိာ်လၢတၢ်လုၢ်ဟံၣ် အပူၤဒီးစံးဝဲ, “တၢ်မၤအသးဝံၤလံ.”

လံာ်လီၣ်ဖျါ 20:2

အဝဲဒၣ်ဖီၣ်ဃာ်ပယိၤ, ဂုၢ်သ့ၣ်လၢထံးလၢသီတဘိလၢ အမ့ၢ်မုၣ်ကီၤလံၢ်မ့တမ့ၢ်စၤတၣ်, ဒီးစၢဃာ်အီၤလၢအနံၣ် တကထိအတီၢ်ပူၤလီၤ.