အ့းဖ့းစူး 2:17 - Sgaw Karen Common Bible

¹⁷ ခရံာ်ဟဲဝဲဒီးစံၣ်တဲၤတဲလီၤတၢ်သးခုအကစီၣ်ဘၣ်ဃးဒီးတၢ်ဃူ တၢ်ဖိးဆူပှၤခဲလၢာ်အအိၣ်, သုဝဲပှၤကလုာ်ဂၤတဖၣ်လၢအအိၣ်ယံၤဒီးကစၢ်ယွၤဒီးပှၤယူဒၤဖိ တဖၣ်လၢအမ့ၢ်ပှၤအိၣ်ဘူးဒီးကစၢ်ယွၤအအိၣ်န့ၣ်လီၤ.

အ့းဖ့းစူး 2:17 Iomraidhean Croise

စံးထီၣ်ပတြၢၤ 148:14

အဝဲမၤဆူၣ်ထီၣ်အပှၤကလုာ်အဂံၢ်အဘါ ဒ်သိးအပှၤဂီၢ်မုၢ်ခဲလၢာ်, ကီၢ်အံၣ်စရ့လးအပှၤဂီၢ်မုၢ်လၢ အအဲၣ်ဝဲဒိၣ်မးကစံးထီၣ်ပတြၢၤအီၤန့ၣ်လီၤ. စံးထီၣ်ပတြၢၤယွၤတက့ၢ်.

စံးထီၣ်ပတြၢၤ 75:1

ကစၢ်ယွၤဧၢ, ပစံးဘျုးစံးဖှိၣ်နၤ, ပစံးဘျုးစံးဖှိၣ်တၢ်လီၤ. ပကိးထီၣ်နမံၤ ဒီးပဂံၢ်ထီၣ်ဒွးထီၣ်က့ၤနတၢ်ဒိၣ်တၢ်မုၢ် နတၢ်မၤလီၤလးတဖၣ်န့ၣ်လီၤ.

စံးထီၣ်ပတြၢၤ 85:10

တၢ်အဲၣ်ဂၢၢ်ကျၢၤဒီးတၢ်သူၣ်တီသးလိၤ ကထံၣ်လိာ်အသး, တၢ်တီတၢ်လိၤဒီးတၢ်ဃူတၢ်ဖိး ကနၢမူလိာ်အသးလီၤ.

လံာ်ယၡါယၤ 27:5

ဘၣ်ဆၣ်ယပှၤဂီၢ်မုၢ်အဒုၣ်အဒါတဖၣ်မ့ၢ်အဲၣ်ဒိးယတၢ်ဒီဒၣ် အိၣ်ပှိၤအီၤဒီး, မ်အမၤတၢ်ဃူတၢ်ဖိးဒီးယၤတက့ၢ်. အၢၣ်, မ်အမၤတၢ်ဃူတၢ်ဖိးဒီးယၤတက့ၢ်.”

လံာ်ယၡါယၤ 52:7

တၢ်ထံၣ်ဘၣ်ပှၤစိာ်တၢ်ကစီၣ်တဂၤဟဲခီဂာ်ကစၢၢ်ကလိတဖၣ်, ဟဲစိာ်ဃုာ်ဝဲတၢ်သးခုဒီးတၢ်ဃူတၢ်ဖိးအကစီၣ်န့ၣ်, မ့ၢ်မးတၢ်လီၤလးဆံးဒိၣ်လဲၣ်. အဝဲဘိးဘၣ်သ့ၣ်ညါတၢ်မၤနၢၤဒီးစံးဘၣ်ဝ့ၢ်စံယိၣ်, နကစၢ်ယွၤမ့ၢ်စီၤပၤလီၤ.

လံာ်စကၤရယၤ 9:10

ဒီးယွၤစံးဝဲဒၣ်, ယကထုးကွံာ်လ့ၣ်ကဟၣ်ဒုးသုးတဖၣ်လၢ ကီၢ်အံၣ်စရ့လး, ဒီးဟံးန့ၢ်ကွံာ်ကသ့ၣ်တဖၣ်လၢဝ့ၢ်ယရူၤၡလ့ၣ်လီၤ. ချံၣ်တဖၣ်လၢအဘၣ်တၢ်သူအီၤ လၢတၢ်ဒုးတၢ်ယၤအပူၤန့ၣ်ကဘၣ်တၢ်မၤဟးဂီၤကွံာ်အီၤန့ၣ်လီၤ. နစီၤပၤကမၤတၢ်ဃူတၢ်ဖိးလၢပှၤကလုာ်တဖၣ်အကျါ, အဝဲကပၢတၢ်လၢပီၣ်လဲၣ်တုၤလၢပီၣ်လဲၣ်, စးထီၣ်လၢထံမိၢ်ပှၢ်ဖရၤသးဒီးတုၤလၢဟီၣ်ခိၣ်အကတၢၢ်လီၤ.”

လံာ်မးသဲ 10:13

ပှၤမ့ၢ်တူၢ်လိာ်သုဒီးပျဲသုတၢ်ဃူတၢ်မုာ်တုၤအိၣ်အီၤတက့ၢ်. ဘၣ်ဆၣ်ဒီးမ့ၢ်တတူၢ်လိာ်သုဘၣ်ဒီး ပျဲသုတၢ်ဃူတၢ်မုာ်ဟဲက့ၤကဒါက့ၤဆူ သုအိၣ်တက့ၢ်.

လံာ်လူၤကၣ် 15:8

မ့တမ့ၢ်, ပစံးဒၣ်ကလိာ်ပိာ်မုၣ်တဂၤလၢအအိၣ်ဒီးစ့အဘ့ၣ်တဆံ အတၢ်လီၤမၢ်န့ၢ်အီၤတဘ့ၣ်လီၤ. အဝဲဒၣ်ကမၤဒ်လဲၣ်. အဝဲဒၣ်ကဒွဲၣ်ထီၣ်မ့ၣ်အူဒၢတဖျၢၣ်, ခွဲသိၣ်ခွဲပျီအဟံၣ်, ဒီးကွၢ်ဝဲလီၤတံၢ်လီၤဆဲးလၢတၢ်လီၢ်ကိးပူၤဒဲး တုၤလၢအထံၣ်န့ၢ်က့ၤဝဲတစုလီၤ.

လံာ်လူၤကၣ် 2:14

“တၢ်လၤကပီၤမ်အဘၣ်ကစၢ်ယွၤလၢ တၢ်လီၢ်အထီကတၢၢ်, လၢမူခိၣ်န့ၣ်တက့ၢ်. ဒီးမ်တၢ်ဃူတၢ်ဖိးအိၣ်ထီၣ်လၢဟီၣ်ခိၣ်ချၢ လၢပှၤလၢအဝဲဒၣ်ဘၣ်အသးတဖၣ် အသိးအကျါတက့ၢ်.”

မၤတၢ် 10:36

သုသ့ၣ်ညါတၢ်ကစီၣ်လၢအဝဲဒၣ်ဆှၢလီၤဆူပှၤအံၣ်စရ့လးဖိ တကလုာ်အအိၣ်, လၢအဘိးဘၣ်သ့ၣ်ညါတၢ်သးခုအကစီၣ်ဘၣ်ဃးဒီးတၢ်ဃူတၢ်ဖိး ခီဖျိယ့ၣ်ၡူးခရံာ်, လၢအမ့ၢ်ပှၤကိးဂၤဒဲးအကစၢ်န့ၣ်လီၤ.

မၤတၢ် 2:39

ကစၢ်ယွၤအတၢ်အၢၣ်လီၤအီလီၤအံၤမ့ၢ်ဝဲလၢသုဂီၢ်ဒီးလၢ သုဖိသုလံၤအဂီၢ်, ဒီးကယဲၢ်ပှၤအိၣ်လၢထံယံၤကီၢ်ယံၤတဖၣ်ခဲလၢာ် အဂီၢ်, ပှၤခဲလၢာ်လၢပကစၢ်ယွၤကိးန့ၢ်ဆူအအိၣ်န့ၣ်လီၤ.”

ရိမ့ၤ 10:14

ဘၣ်ဆၣ်ဒီးအဝဲသ့ၣ်မ့ၢ်တနာ်တၢ်ဘၣ်ဒီးကိးထီၣ်အီၤ ကသ့ဒ်လဲၣ်. ဒီးအဝဲဒၣ်မ့ၢ်တနၢ်ဟူဘၣ်တၢ်ကစီၣ်ဘၣ်ဒီး, နာ်တၢ်ကသ့ဒ်လဲၣ်. ဒီးတၢ်ကစီၣ်မ့ၢ်တဘၣ်တၢ်စံၣ်တဲၤတဲ လီၤအီၤဘၣ်ဒီး, နၢ်ဟူတၢ်ကသ့ဒ်လဲၣ်.

ရိမ့ၤ 5:1

ဒီးခဲအံၤမ့ၢ်လၢပဘၣ်တၢ်ပာ်တီပာ်လိၤပှၤခီဖျိတၢ်နာ် အဃိ, ပအိၣ်ဒီးတၢ်ဃူတၢ်ဖိးဒီးကစၢ်ယွၤခီဖျိပကစၢ် ယ့ၣ်ၡူးခရံာ်န့ၣ်လီၤ.

၂ ကရံၣ်သူး 5:20

လၢတၢ်န့ၣ်အဃိ, ခဲကနံၣ်အံၤ, ပကတိၤတၢ်လၢခရံာ် အဂီၢ်, ဒ်ကစၢ်ယွၤအနီၢ်ကစၢ်ဒၣ်ဝဲသကွံၢ်ကညးတၢ်ခီဖျိပှၤ န့ၣ်လီၤ. ပဃ့ကညးပဝဲလၢခရံာ်အခၢၣ်စး, ပျဲကစၢ်ယွၤလဲလိာ်ကွံာ်သုလၢဒုၣ်ဒါတဖၣ်ဆူအဝဲအတံၤ သကိးတဖၣ်န့ၣ်တက့ၢ်.

အ့းဖ့းစူး 4:21

သုနၢ်ဟူတ့ၢ်လံဒီးဒ်အပျဲၢ်အဘီၣ်တဖၣ်အသိးသုဘၣ် တၢ်သိၣ်လိသီလိတ့ၢ်သုလၢတၢ်မ့ၢ်တၢ်တီလၢအအိၣ်လၢ ယ့ၣ်ၡူးခရံာ်အပူၤန့ၣ်လီၤ.

လံာ်သိၣ်လီၤသီလီၤတၢ် 4:7

ပှၤကလုာ်ဂၤကဒိၣ်ထဲလဲၣ်ထဲလဲၣ်န့ၣ်, တအိၣ်ဘၣ်ဒီးကစၢ်တဂၤလၢ အအိၣ်ဘူးမးဒီးအဝဲသ့ၣ်, ဖဲအဝဲသ့ၣ်လိၣ်ဘၣ်အီၤအခါဒ်ယွၤ, ပကစၢ်ယွၤအိၣ်ဘူးဒီးပှၤအသိးန့ၣ်ဘၣ်. ဖဲပကိးထီၣ်လၢတၢ်မၤစၢၤအဂီၢ်တဘျီလၢ်လၢ်န့ၣ်, အဝဲစံးဆၢပှၤန့ၣ်လီၤ.