အ့းဖ့းစူး 2:16 - Sgaw Karen Common Bible

¹⁶ ခီဖျိအတၢ်သံလၢထူၣ်စုညါအလိၤန့ၣ်, ခရံာ်မၤကတၢၢ်ကွံာ်အဝဲသ့ၣ်အတၢ်သူၣ်ဟ့သးဟ့လီၤ. ခီဖျိထူၣ်စုညါန့ၣ်, အဝဲပာ်ဖှိၣ်ပှၤခံကလုာ်လၢာ်ဆူနီၢ်တဂၤဃီ အပူၤ, ဒီးဆှၢက့ၤအဝဲသ့ၣ်ဆူကစၢ်ယွၤအအိၣ်လီၤ.

အ့းဖ့းစူး 2:16 Iomraidhean Croise

ရိမ့ၤ 5:10

ပမ့ၢ်တ့ၢ်ကစၢ်ယွၤအဒုၣ်အဒါတဖၣ်, ဘၣ်ဆၣ်အဝဲမၤဘၣ်လိာ်က့ၤပှၤဒီးအီၤခီဖျိအဖိခွါအတၢ်သံန့ၣ်လီၤ. ဒီးခဲအံၤမ့ၢ်လၢပမ့ၢ်ကစၢ်ယွၤအတံၤသကိးတဖၣ်အဃိဒီး, ခရံာ်အတၢ်မူကအုၣ်က့ၤခီၣ်က့ၤပှၤဒိၣ်န့ၢ်အန့ၣ်တက့ၢ်ဆံးဒိၣ်လဲၣ်.

ရိမ့ၤ 6:6

ဒီးပသ့ၣ်ညါတၢ်အံၤလီၤ. ပနီၢ်လီၢ်လံၤအံၤဘၣ်တၢ်မၤသံတ့ၢ်လံအီၤဃုာ်ဒီးခရံာ်လၢ အထူၣ်စုညါအလိၤ, ဒ်သိးတၢ်ဒဲးဘးအနီၢ်ခိနီၢ်ကစၢ်အစိကမီၤ ကဘၣ်တၢ်မၤဟးဂီၤကွံာ်အီၤ, ဒီးဒ်သိးပသုတကဲလၢၤတၢ်ဒဲးဘးအကုၢ်အပှၤတဖၣ်တဂ့ၤအဂီၢ်န့ၣ်လီၤ.

ရိမ့ၤ 8:3

မ့ၢ်လၢပှၤကညီအန့ဆၢၣ်အဂံၢ်စၢ်ဘါစၢ်အဃိ, တၢ်လၢတၢ်သိၣ်တၢ်သီမၤတသ့ဘၣ်န့ၣ်ကစၢ်ယွၤမၤဝဲလီၤ. အဝဲစံၣ်ညီၣ်ဃၣ်တၢ်ဒဲးဘးလၢပှၤကညီအန့ဆၢၣ်အပူၤ, ခီဖျိအတၢ်ဆှၢလီၤအဖိခွါဒၣ်ဝဲအိၣ်ဒီးန့ဆၢၣ်လၢအမ့ၢ် ပှၤကညီအတၢ်ဒဲးဘးအန့ဆၢၣ်ဒ်သိးအကတြူာ် ကွံာ်တၢ်ဒဲးဘးအဂီၢ်န့ၣ်လီၤ.

ရိမ့ၤ 8:7

လၢတၢ်န့ၣ်အဃိ, ပှၤဟီၣ်ခိၣ်ဖိတဂၤကဲထီၣ်ကစၢ်ယွၤ အဒုၣ်အဒါဖဲအဝဲအတၢ်ဆိကမိၣ်ဆိကမးဘၣ်တၢ်ပၢ ဆှၢအီၤလၢပှၤဟီၣ်ခိၣ်ဖိအန့ဆၢၣ်န့ၣ်လီၤ. အဂ့ၢ်ဒ်လဲၣ်န့ၣ် အဝဲတကစၢ်ယွၤအတၢ်သိၣ်တၢ်သီဘၣ်. နီၢ်နီၢ်န့ၣ်စူၢ်ဝဲ တကဲဘၣ်န့ၣ်လီၤ.

1 ကရံၣ်သူး 10:17

မ့ၢ်လၢကိၣ်အိၣ်ထဲတလိၣ်အဃိ, ပဝဲကိးဒံကိးဂၤဒဲး, ပမ့မ့ၢ်အါဂၤသနာ်က့, ပမ့ၢ်ဒၣ်နီၢ်ခိတဂၤဃီလီၤ. အဂ့ၢ်ဒ်အံၤ, ပနီၤဟံးန့ၢ်သကိးကိၣ်တလိၣ်ဃီလီၤ.

ကလၤတံ 2:20

လၢတၢ်န့ၣ်အဃိ, ပှၤလၢအမူဝဲခဲအံၤန့ၣ်, တမ့ၢ်လၢၤယၤဘၣ်, မ့မ့ၢ်ခရံာ်မ့ၢ်ပှၤလၢအမူဝဲလၢယပူၤလီၤ. တၢ်အိၣ်မူလၢယအိၣ်မူ ခဲကနံၣ်အံၤ, မ့ၢ်ယမူလၢတၢ်နာ်ဘၣ်ဃးဒီးကစၢ်ယွၤအဖိခွါလၢ အအဲၣ်ယၤဒီးဟ့ၣ်လီၤကွံာ်အသးသမူလၢယဂီၢ်တဂၤန့ၣ်အပူၤလီၤ.

အ့းဖ့းစူး 2:15

အဝဲတြူာ်ကွံာ်ပှၤယူဒၤဖိအတၢ်သိၣ်တၢ်သီဃုာ်ဒီးအတၢ်မၤ လိာ်ဒီးအတၢ်ဘျၢတဖၣ်ဒ်သိးအကဒုးကဲထီၣ်ပှၤခံကလုာ်လၢပှၤ တကလုာ်ဃီလၢအဝဲအပူၤ, ဒီးလၢကျဲဒ်အံၤအပူၤဒုးအိၣ်ထီၣ်တၢ် ဃူတၢ်ဖိးလီၤ.

အ့းဖ့းစူး 3:6

တၢ်ခူသူၣ်မ့ၢ်ဝဲ, ခီဖျိတၢ်သးခုကစီၣ်န့ၣ်, ပှၤကလုာ်ဂၤတဖၣ်မ့ၢ်ပှၤန့ၢ်သါဘၣ်ဃုာ်ကစၢ်ယွၤအတၢ်ဆိၣ်ဂ့ၤ တဖၣ်ဒီးပှၤယူဒၤဖိ, အဝဲသ့ၣ်မ့ၢ်နီၢ်တဂၤဃီအက့ၢ်အဂီၤတဖၣ် ဒီးဒိးန့ၢ်ဃုာ်တၢ်စံးပာ်လၢကစၢ်ယွၤစံးပာ်တ့ၢ်ဝဲခီဖျိယ့ၣ်ၡူးခရံာ် န့ၣ်လီၤ.

အ့းဖ့းစူး 4:4

ပမ့ၢ်နီၢ်တဂၤဃီ, အိၣ်ဒီးယွၤအသးတမံၤဃီ, ဒ်ကစၢ်ယွၤကိးန့ၢ်ပှၤလၢတၢ်မုၢ်လၢ်တမံၤဃီအဂီၢ်အသိးန့ၣ်လီၤ.

ကလီးစဲ 2:14

အဝဲတြူာ်ကွံာ်တၢ်ကွဲးနီၣ်ကွဲးဃါဘၣ်ဃးပဒ့ၣ်ကမၢ်ခဲလၢာ်ဃုာ် ဒီးတၢ်သိၣ်တၢ်သီလၢအစၢဃာ်တၢ်တဖၣ်လၢာ်လၢာ်ဆ့ဆ့ ခီဖျိအပျၤထီကွံာ်ဝဲလၢထူၣ်စုညါအလိၤန့ၣ်လီၤ.

ကလီးစဲ 3:15

မ်ခရံာ်အတၢ်ဃူတၢ်ဖိးပၢတၢ်လၢသုသူၣ်ကံၢ်သးလဲအပူၤ တက့ၢ်. အဂ့ၢ်ဒ်အံၤကစၢ်ယွၤကိးသုဆူတၢ်ကဲထီၣ်နီၢ်တဂၤ ဃီလၢတၢ်အိၣ်ဖှိၣ်အပူၤဒ်သိးသုကကလၢၢ်ဘၣ်တၢ်ဃူ တၢ်ဖိးအံၤန့ၣ်လီၤ. ဒီးသုဘၣ်စံးဘျုးယွၤလီၤ.