အ့းဖ့းစူး 2:14 - Sgaw Karen Common Bible

¹⁴ အဂ့ၢ်ဒ်အံၤ, ခရံာ်အနီၢ်ကစၢ်ဒၣ်ဝဲဟဲစိာ်န့ၢ်ပှၤတၢ်ဃူတၢ်ဖိးခီဖျိ အဒုးကဲထီၣ်ပှၤယူဒၤဖိဒီးပှၤကလုာ်အဂၤတဖၣ်လၢပှၤ တကလုာ်ဃီ, ဒီးမၤလီၤပှီၢ်ကွံာ်တၢ်အဒူၣ်အဆၢလၢအမၤ လီၤဖးအဝဲသ့ၣ်ဒီးဒုးကဲအဝဲသ့ၣ်လၢဒုၣ်ဒါတဖၣ်န့ၣ်လီၤ.

အ့းဖ့းစူး 2:14 Iomraidhean Croise

လံာ်နီၢ်အ့ၤစတၢ် 3:8

လၢတၢ်န့ၣ်အဃိစီၤဟၤမၣ်တဲဘၣ်စီၤပၤ, “ပှၤအိၣ်ဝဲဒၣ်တကလုာ်လၢအအိၣ်လီၤပြံလီၤပြါလၢနဘီနမုၢ်ဒီ ဘ့ၣ်ညါအပူၤန့ၣ်လီၤ. အဝဲသ့ၣ်အိၣ်ဒီးအလုၢ်အလၢ်အတၢ်ဆဲးတၢ်လၤတဖၣ်လၢအတ ဒ်သိးဒီးပှၤဘၣ်န့ၣ်လီၤ. အါန့ၣ်အန့ၣ်, အဝဲသ့ၣ်တဒိကနၣ်ဘီ မုၢ်အတၢ်သိၣ်တၢ်သီတဖၣ်ဘၣ်. ဒီးနတကြၢးသူၣ်အိၣ်သးအိၣ်အဝဲသ့ၣ်ဒီးပျဲအဝဲသ့ၣ်ကမၤဒ် အလုၢ်အလၢ်အိၣ်အသိးန့ၣ်ဘၣ်.

လံာ်မံကၤ 5:5

ဒီးအဝဲကဟဲစိာ်တၢ်ဃူတၢ်ဖိးလီၤ. ဖဲပှၤကီၢ်အၤၡူၢ်ဖိတဖၣ်ဘၢၣ်ဖျိပတိာ်ဧိၤ တာ်ဧိၤတဖၣ်ဒီးဟဲနုာ်လီၤဒုးပထံပကီၢ်န့ၣ်, ပကမၢလီၤပခိၣ်ပနၢ်လၢအဂံၢ်အဘါဆူၣ်ကတၢၢ်တဖၣ်လၢ အကဒုးအဝဲသ့ၣ်န့ၣ်လီၤ.

လံာ်စကၤရယၤ 6:13

အဝဲမ့ၢ်ပှၤတဂၤလၢကဘှီထီၣ်တၢ်လုၢ်ဟံၣ်န့ၣ်, ဒီးဒိးန့ၢ်တၢ်လၤကပီၤဒ်အကြၢးဒီးစီၤပၤတဂၤအသိး, ဒီးအဝဲကပၢအပှၤဂီၢ်မုၢ်န့ၣ်လီၤ. ပှၤလုၢ်တၢ်အခိၣ်တဂၤကဆၢထၢၣ်ဖဲအလီၢ်ပစိာ်ကပၤ, ဒီးအဝဲသ့ၣ်ကမၤသကိးတၢ်လၢတၢ်ဃူတၢ်ဖိးဒီးတၢ် ဘၣ်လိာ်ဖိးဒ့အပူၤလီၤ.

လံာ်လူၤကၣ် 1:79

ဒီးကပီၤလီၤလၢမူခိၣ်လၢ ပှၤကိးဂၤဒဲးလၢ အအိၣ်မူလၢတၢ်ခံးဒီးတၢ်သံအကဒုအပူၤ, ဒီးကဆှၢပခီၣ်ခါတဖၣ်ဆူ တၢ်ဃူတၢ်ဖိးအကျဲပူၤန့ၣ်လီၤ.”

လံာ်လူၤကၣ် 2:14

“တၢ်လၤကပီၤမ်အဘၣ်ကစၢ်ယွၤလၢ တၢ်လီၢ်အထီကတၢၢ်, လၢမူခိၣ်န့ၣ်တက့ၢ်. ဒီးမ်တၢ်ဃူတၢ်ဖိးအိၣ်ထီၣ်လၢဟီၣ်ခိၣ်ချၢ လၢပှၤလၢအဝဲဒၣ်ဘၣ်အသးတဖၣ် အသိးအကျါတက့ၢ်.”

လံာ်ယိၤဟၣ် 10:16

သိအိၣ်ဝဲအဂၤတဖၣ်လၢအဘၣ်ဃးဒီးယၤလၢ အတအိၣ်လၢသိကရၢၢ်အဝဲအံၤအပူၤဘၣ်. ဘၣ်ဆၣ်ဒီးယကဘၣ်ဆှၢအီၤစ့ၢ်ကီးလီၤ. ဒီးအဝဲသ့ၣ်ကဒိကနၣ်ယကလုၢ်ဒီးကကဲထီၣ်သိ တဖုဃီအိၣ်ဒီးပှၤကွၢ်သိတဂၤဃီလီၤ.

လံာ်ယိၤဟၣ် 11:52

ဒီးတမ့ၢ်ထဲပှၤတကလုာ်ဧိၤန့ၣ်အဂီၢ်ဘၣ်. မ့ၢ်စ့ၢ်ကီးလၢအကထုးဖှိၣ်ပာ်ဖှိၣ်က့ၤကစၢ်ယွၤအပှၤဂီၢ်မုၢ် လၢအလီၤပြံလီၤပြါတဖၣ်ဒ်သိးအကကဲထီၣ်က့ၤပှၤတဖုဃီ အဂီၢ်န့ၣ်လီၤ.

လံာ်ယိၤဟၣ် 16:33

ယစံးဘၣ်တ့ၢ်သုတၢ်အံၤဒ်သိးသုကအိၣ်ဒီးတၢ်ဃူတၢ်ဖိးလၢ ယပူၤအဂီၢ်လီၤ. ဟီၣ်ခိၣ်ကမၤနးမၤဖှီၣ်သုလီၤ. ဘၣ်ဆၣ်ဒီး, ပာ်သုသးဒူဒူတက့ၢ်. ယမၤနၢၤလံဟီၣ်ခိၣ်လံ.

မၤတၢ် 10:28

ဒီးအဝဲဒၣ်စံးဘၣ်အဝဲသ့ၣ်, “သုနီၢ်ကစၢ်ဒၣ်သုဝဲသုသ့ၣ်ညါလၢပှၤယူဒၤဖိတဂၤအတၢ် ဘူၣ်တၢ်ဘါတပျဲအီၤလၢအကလဲၤဒီးရ့လိာ်အသးဒီးပှၤကလုာ် ဂၤမ့ၢ်ဂ့ၤ, ကမၤဘၣ်ထွဲအသးဒီးအီၤမ့ၢ်ဂ့ၤန့ၣ်ဘၣ်. ဘၣ်ဆၣ်ဒီးကစၢ်ယွၤဒုးနဲၣ်တ့ၢ်ယၤလၢယတဘၣ်ပာ်ပှၤနီတဂၤလၢ အတကဆှီမ့ၢ်ဂ့ၤ, တစီတဆှံမ့ၢ်ဂ့ၤန့ၣ်ဘၣ်လီၤ.

မၤတၢ် 10:36

သုသ့ၣ်ညါတၢ်ကစီၣ်လၢအဝဲဒၣ်ဆှၢလီၤဆူပှၤအံၣ်စရ့လးဖိ တကလုာ်အအိၣ်, လၢအဘိးဘၣ်သ့ၣ်ညါတၢ်သးခုအကစီၣ်ဘၣ်ဃးဒီးတၢ်ဃူတၢ်ဖိး ခီဖျိယ့ၣ်ၡူးခရံာ်, လၢအမ့ၢ်ပှၤကိးဂၤဒဲးအကစၢ်န့ၣ်လီၤ.

ရိမ့ၤ 5:1

ဒီးခဲအံၤမ့ၢ်လၢပဘၣ်တၢ်ပာ်တီပာ်လိၤပှၤခီဖျိတၢ်နာ် အဃိ, ပအိၣ်ဒီးတၢ်ဃူတၢ်ဖိးဒီးကစၢ်ယွၤခီဖျိပကစၢ် ယ့ၣ်ၡူးခရံာ်န့ၣ်လီၤ.

ကလၤတံ 3:28

အဃိ, တၢ်လီၤဆီလိာ်သးတအိၣ်ဘၣ်လၢပှၤယူဒၤဖိဒီးပှၤ ကလုာ်ဂၤတဖၣ်အဘၢၣ်စၢၤ, ပှၤကုၢ်ဖိဒီးပှၤသဘျ့ဖိတဖၣ် အဘၢၣ်စၢၤ, ပှၤပိာ်ခွါဒီးပှၤပိာ်မုၣ်တဖၣ်အဘၢၣ်စၢၤန့ၣ်ဘၣ်. သုဝဲခဲလၢာ်န့ၣ်သုမ့ၢ်တၢ်တမံၤဃီလၢယ့ၣ်ၡူးခရံာ်အပူၤ န့ၣ်လီၤ.

အ့းဖ့းစူး 2:15

အဝဲတြူာ်ကွံာ်ပှၤယူဒၤဖိအတၢ်သိၣ်တၢ်သီဃုာ်ဒီးအတၢ်မၤ လိာ်ဒီးအတၢ်ဘျၢတဖၣ်ဒ်သိးအကဒုးကဲထီၣ်ပှၤခံကလုာ်လၢပှၤ တကလုာ်ဃီလၢအဝဲအပူၤ, ဒီးလၢကျဲဒ်အံၤအပူၤဒုးအိၣ်ထီၣ်တၢ် ဃူတၢ်ဖိးလီၤ.

အ့းဖ့းစူး 2:17

ခရံာ်ဟဲဝဲဒီးစံၣ်တဲၤတဲလီၤတၢ်သးခုအကစီၣ်ဘၣ်ဃးဒီးတၢ်ဃူ တၢ်ဖိးဆူပှၤခဲလၢာ်အအိၣ်, သုဝဲပှၤကလုာ်ဂၤတဖၣ်လၢအအိၣ်ယံၤဒီးကစၢ်ယွၤဒီးပှၤယူဒၤဖိ တဖၣ်လၢအမ့ၢ်ပှၤအိၣ်ဘူးဒီးကစၢ်ယွၤအအိၣ်န့ၣ်လီၤ.

အ့းဖ့းစူး 3:15

ပၢ်လၢဒူၣ်ထၢကိးဒူၣ်ဒဲးလၢမူခိၣ်ဒီးဟီၣ်ခိၣ်တဖၣ်ဒိးန့ၢ် ဘၣ်အမံၤအမ့ၢ်အတီတဂၤန့ၣ်လီၤ.

အ့းဖ့းစူး 4:16

လၢအဝဲဒၣ်အပူၤန့ၣ်, က့ၢ်ဂီၤလၢအလီၤဆီလိာ်အသးခဲလၢာ်ဘၣ်တၢ်ဒုးစဲဘူးအီၤလၢ နီၢ်တဂၤဃီအပူၤလၢတၢ်အဆၢတဖၣ်လၢအမၤစၢၤတၢ်ဒ်က့ၢ်ဂီၤ တမံၤဒီးတမံၤအတၢ်မၤအိၣ်ဝဲအသိးန့ၣ်လီၤ. ဖဲက့ၢ်ဂီၤတဖၣ်အံၤမၤသကိးတၢ်ဒ်အဂ့ၤမၤဝဲန့ၣ်, နီၢ်ဒီဂၤညါဒိၣ်ထီၣ်ထီထီၣ်ဒီးမၤထီၣ်မၤထီလီၤက့ၤအသးခီ ဖျိတၢ်အဲၣ်တၢ်ကွံန့ၣ်လီၤ.

ကလီးစဲ 1:20

ဒီးခီဖျိအီၤန့ၣ်ကစၢ်ယွၤကမၤဘၣ်လိာ်က့ၤတၢ်ခဲလၢာ်ဒီး အနီၢ်ကစၢ်ဒၣ်ဝဲ, ဒီးခီဖျိဖိခွါအတၢ်ဒိးသံအသးလၢထူၣ်စုညါ အလိၤန့ၣ်, အဝဲမၤတၢ်ဃူတၢ်ဖိးဒီးတၢ်အိၣ်လၢဟီၣ်ခိၣ် ဒီးမူခိၣ်ခဲလၢာ်, ဒီးကိးက့ၤအဝဲသ့ၣ်ဆူအနီၢ်ကစၢ်ဒၣ်ဝဲအအိၣ် န့ၣ်လီၤ.

ကလီးစဲ 2:20

သုသံတ့ၢ်ဃုာ်ဒီးခရံာ် ဒီးဘၣ်တၢ်မၤထူၣ်ဖျဲးထီၣ်သုလၢဟီၣ် ခိၣ်အပှၤပၢတၢ်ဘၣ်ဃးဒီးသူၣ်ဒီးသးတဖၣ်အတၢ်ပၢတၢ်ဆှၢ အဖီလာ်လံ. မ့မ့ၢ်ဒ်န့ၣ်ဒီး, ဘၣ်မနုၤလၢသုအိၣ်မူဒ်ပှၤတဖၣ်လၢ အဘၣ်ဃးဒံးဒီးဟီၣ်ခိၣ်အသိးန့ၣ်လဲၣ်. ဘၣ်မနုၤလၢသုဟံးဃာ် ဒံးတၢ်ဒုၣ်တၢ်ထုတဖၣ်,

ကလီးစဲ 3:11

လၢတၢ်အိၣ်မူအသီအံၤအပူၤန့ၣ်, တၢ်ပာ်တၢ်အဒူၣ်အဆၢဒ် ပှၤကလုာ်အဂၤ, ဒီးပှၤယူဒၤဖိ, ပှၤဒိးတၢ်ကူးတရံးဒီးပှၤတဒိးဘၣ် တၢ်ကူးတရံး, ပှၤတခီထံတခီကီၢ်, ပှၤရၢၢ်ပှၤစၢၢ်, ပှၤကုၢ်ဖိဒီးပှၤသဘျ့ဖိတဖၣ်အိၣ်တသ့လၢၤဘၣ်. အဂ့ၢ်ဒ်အံၤ, ခရံာ်မ့ၢ်တၢ်ခဲလၢာ်ဒီးအိၣ်ဝဲဆိးဝဲလၢပှၤခဲလၢာ်အပူၤလီၤ.

ကလီးစဲ 3:15

မ်ခရံာ်အတၢ်ဃူတၢ်ဖိးပၢတၢ်လၢသုသူၣ်ကံၢ်သးလဲအပူၤ တက့ၢ်. အဂ့ၢ်ဒ်အံၤကစၢ်ယွၤကိးသုဆူတၢ်ကဲထီၣ်နီၢ်တဂၤ ဃီလၢတၢ်အိၣ်ဖှိၣ်အပူၤဒ်သိးသုကကလၢၢ်ဘၣ်တၢ်ဃူ တၢ်ဖိးအံၤန့ၣ်လီၤ. ဒီးသုဘၣ်စံးဘျုးယွၤလီၤ.

ဧ့ၤဘြံၤ 13:20

ကစၢ်ယွၤဒုးဂဲၤထၢၣ်သမူထီၣ်က့ၤကစၢ်ယ့ၣ်ၡူးလၢအမ့ၢ် ပှၤကွၢ်သိဖးဒိၣ်လၢအတူၢ်သံအသးလၢအသိတဖၣ်အဂီၢ် ဒီးခီဖျိတၢ်အံၤန့ၣ်, တၢ်အၢၣ်လီၤအီလီၤအထူအယိာ်ဘၣ်တၢ်ဃံၤဃာ်အီၤန့ၣ်လီၤ.

ဧ့ၤဘြံၤ 7:2

စီၤအၤဘြၤဟၣ်ဟ့ၣ်လီၤအီၤကယဲၢ်တၢ်လၢအဒိးန့ၢ်ဝဲ အပူတဆံတပူလီၤ. (အမံၤအဆိကတၢၢ်မၤလကံစဒ့း အခီပညီမ့ၢ်ဝဲ “တၢ်တီတၢ်လိၤအစီၤပၤ” လီၤ. အဝဲမ့ၢ်စ့ၢ်ကီးၡၤလ့ၣ်အစီၤပၤအခီပညီ “တၢ်ဃူတၢ်ဖိး အစီၤပၤ” န့ၣ်လီၤ.)