အ့းဖ့းစူး 1:8 - Sgaw Karen Common Bible

⁸ တၢ်ဘျုးတၢ်ဖှိၣ်လၢအလူလီၤဂၢ်လီၤဝဲလၢပလိၤဒိၣ်ဒိၣ် အါအါန့ၣ်လီၤ.

အ့းဖ့းစူး 1:8 Iomraidhean Croise

စံးထီၣ်ပတြၢၤ 104:24

ယွၤဧၢ, နမၤတၢ်အါမံၤလီၤ. နမၤတၢ်ခဲလၢာ်န့ၣ် ပှဲၤမးဒီး တၢ်ကူၣ်သ့မးလဲၣ်. ဟီၣ်ခိၣ်ပှဲၤဝဲဒီး နတၢ်ဘၣ်တ့တဖၣ်လီၤ.

တၢ်ကတိၤဒိ. 8:12

ယဲဒၣ်အံၤယမ့ၢ်တၢ်ကူၣ်သ့ဒီးယအိၣ်ဒီးတၢ်ထံၣ်တၢ်လၢသးန့ၣ်လီၤ. ယအိၣ်ဒီးတၢ်သ့ၣ်ညါနၢ်ပၢၢ်ဒီးတၢ်စံၣ်ညီၣ်တီလီၤ.

လံာ်ယၡါယၤ 52:13

ယွၤစံးဝဲ, “ယခ့ယပှၤကမၤန့ၢ်မၤနၢၤတၢ်လၢအတၢ်မၤအပူၤ, ဒီးအဝဲဒၣ်ကဘၣ်တၢ်မၤလၤကပီၤအီၤဒိၣ်ဒိၣ်ကလဲာ်ဒီးပာ်အီၤလၢ တၢ်စိတၢ်ကမီၤကိးမံၤဒဲးအဖီခိၣ်လီၤ.

လံာ်မးသဲ 11:19

တုၤပှၤကညီဖိခွါဟဲဝဲဒီးအီၣ်တၢ်အီတၢ်ဒီးပှၤကိးဂၤစံးဝဲ, ‘ကွၢ်တက့ၢ်. ပှၤတဂၤအံၤမ့ၢ်ပှၤအီၣ်လုၣ်ကိတၢ်ဒီးအီလုၣ်ကိစပံးထံ, ပှၤဃ့သွဲဒီးပှၤတၢ်ဒဲးဘးဖိတဖၣ်အတံၤသကိးလီၤ.’ ဘၣ်ဆၣ်ကစၢ်ယွၤအတၢ်ကူၣ်သ့န့ၣ်ဘၣ်တၢ်ပာ်တီပာ်လိၤအီၤလၢ အတၢ်ဖံးတၢ်မၤဒၣ်ဝဲန့ၣ်လီၤ.”

ရိမ့ၤ 11:33

ကစၢ်ယွၤအတၢ်ထူးတၢ်တီၤတဖၣ်ဒိၣ်နီၢ်မးလဲၣ်. အတၢ်ကူၣ်ဘၣ်ကူၣ်သ့ဒီးအတၢ်သ့ၣ်ညါတဖၣ်ယိာ်မးလဲၣ်. အတၢ်စံၣ်ညီၣ်နီၤဖးတဖၣ်မတၤတဲနၢ်ပၢၢ်လၢအဂ့ၢ်ကသ့ တဂၤလဲၣ်. အကျဲတဖၣ်မတၤနၢ်ပၢၢ်ကသ့တဂၤလဲၣ်.

ရိမ့ၤ 5:15

ဘၣ်ဆၣ်တၢ်ခံမံၤအံၤတမ့ၢ်တၢ်ဒ်သိးသိးဘၣ်, မ့ၢ်လၢကစၢ်ယွၤအတၢ်ဟ့ၣ်ကလီတဒ်သိးဒီးစီၤ အၤဒၣ်အတၢ်ဒဲးဘးအဃိန့ၣ်လီၤ. မ့ၢ်ဝဲတီဝဲလၢပှၤအါဂၤသံလၢပှၤတဂၤအံၤအတၢ် ဒဲးဘးအဃိလီၤ. ဘၣ်ဆၣ်ကစၢ်ယွၤအဘျုးအံၤဒိၣ် ဒၣ်တၢ်တက့ၢ်, ဒီးအတၢ်ဟ့ၣ်ကလီပှၤအါဒံအါ ဂၤတၢ်ဘျုးတၢ်ဖှိၣ်ခီဖျိပှၤတဂၤလၢအမ့ၢ်ယ့ၣ်ၡူး ခရံာ်န့ၣ်, ဒိၣ်ဒံးဒၣ်တၢ်တက့ၢ်န့ၣ်လီၤ.

1 ကရံၣ်သူး 2:7

တၢ်ကူၣ်ဘၣ်ကူၣ်သ့လၢယစံၣ်တဲၤတဲလီၤအဝဲအံၤန့ၣ် မ့ၢ်ကစၢ်ယွၤအတၢ်ကူၣ်ဘၣ်ကူၣ်သ့ခူသူၣ်, လၢအအိၣ်တဒၢလၢပှၤကညီအမဲာ်ညါ, ဘၣ်ဆၣ်ဒီးမ့ၢ်တၢ်လၢအဝဲဒၣ်ဃုထၢတ့ၢ်ဝဲလၢပလၤကပီၤ အဂီၢ်, တချုးဒၣ်လဲာ်လၢဟီၣ်ခိၣ်တဘ့ၣ်အံၤဘၣ်တၢ်တ့လီၤ ပာ်လီၤအီၤဒံးဘၣ်န့ၣ်လီၤ.

အ့းဖ့းစူး 1:11

တၢ်ခဲလၢာ်ဘၣ်တၢ်မၤအီၤဒ်ကစၢ်ယွၤအတၢ်ရဲၣ်တၢ်ကျဲၤဒီး အတၢ်စံၣ်ညီၣ်တဲာ်တၢ်အသိးလီၤ. ယွၤဃုထၢထီၣ်ပှၤဒ်သိး ပကကဲထီၣ်အပှၤဂီၢ်မုၢ်ခီဖျိတၢ်အိၣ်မူလၢခရံာ်အပူၤ, ဒ်အတၢ်တိာ်အိၣ်ဝဲအသိး, သန့ၤထီၣ်အသးလၢယွၤ အတၢ်စံၣ်ညီၣ်တဲာ်တ့ၢ်ဝဲလၢတၢ်အခီၣ်ထံးလံၤလံၤန့ၣ်လီၤ.

အ့းဖ့းစူး 1:7

အဂ့ၢ်ဒ်အံၤ, မ့ၢ်လၢခရံာ်အတၢ်ဒိးသံအသးအဃိ, ပဘၣ် တၢ်ပှ့ၤက့ၤပှၤဒီးပဘၣ်တၢ်မၤထူၣ်ဖျဲးထီၣ်ကွံာ်ပှၤ, ဒ်ပစံးတၢ် အသိးပတၢ်ဒဲးဘးတဖၣ်ဘၣ်တၢ်ပျၢ်ကွံာ်အီၤဒ်ကစၢ်ယွၤ အဘျုးအဖှိၣ်ထူးဝဲတီၤဝဲအသိး,

အ့းဖ့းစူး 1:9

လၢအတၢ်ကူၣ်ဘၣ်ကူၣ်သ့ဒီးအတၢ်ထံၣ်တုာ်ကွၢ်ဖျါတၢ်ခဲလၢာ် အပူၤ, ယွၤမၤတ့ၢ်တၢ်ဒ်အတိာ်ပာ်တ့ၢ်ဝဲအသိးဒီးလီၣ်ဖျါထီၣ်န့ၢ်ပှၤ လၢအတၢ်ရဲၣ်တၢ်ကျဲၤခူသူၣ်လၢအတိာ်ပာ်တ့ၢ်လံဝဲလၢ အကမၤလၢထီၣ်ပှဲၤထီၣ်ဝဲခီဖျိခရံာ်န့ၣ်လီၤ.

အ့းဖ့းစူး 3:10

ဒ်သိးဒီးလၢမုၢ်မဆါတနံၤအံၤ, ခီဖျိတၢ်အိၣ်ဖှိၣ်န့ၣ်ယွၤအတၢ်ကူၣ်သ့ကူၣ်ဘၣ်အကလုာ် ကလုာ်ကဘၣ်တၢ်သ့ၣ်ညါမၤလိန့ၢ်အီၤလၢကလူးလၢအပၢတၢ် တဖၣ်ဒီးတၢ်စိတၢ်ကမီၤဘၣ်ဃးမူခိၣ်န့ၣ်လီၤ.

ကလီးစဲ 2:3

ခရံာ်လီၣ်ဖျါထီၣ်ကစၢ်ယွၤအတၢ်ကူၣ်သ့ဒီးအတၢ်သ့ၣ်ညါခဲလၢာ် လၢအလီၤဂာ်ဒီးတၢ်ထူးတၢ်တီၤလုၢ်ဒိၣ်ပှ့ၤဒိၣ်လၢအအိၣ်သဒၢ တဖၣ်န့ၣ်လီၤ.

ယူဒၤ 1:25

ကစၢ်ယွၤတဂၤဃီ, ပပှၤအုၣ်က့ၤခီၣ်က့ၤတၢ်ခီဖျိပကစၢ် ယ့ၣ်ၡူးခရံာ်အံၤ, မ်တၢ်လၤကပီၤ, တၢ်ကဟုကညီၢ်, တၢ်ဂံၢ်ဆူၣ်ဘါဆူၣ်, ဒီးတၢ်စိတၢ်ကမီၤအိၣ်ဒီးအီၤ, လၢစိၤလၢအပူၤကွံာ်ခဲလၢာ်, ဒီးစိၤခဲအံၤ, ဒီးဆူညါအစိၤစိၤအဃၣ်ဃၣ်န့ၣ်တက့ၢ်. အၤမ့ၣ်.

လံာ်လီၣ်ဖျါ 5:12

ဒီးသးဝံၣ်တၢ်လၢအကလုၢ်ဖးဒိၣ် “သိဖိလၢအဘၣ်တၢ်မၤသံအီၤန့ၣ် ကြၢးဝဲဘၣ်ဝဲလၢအကဒိးန့ၢ်ဘၣ် တၢ်စိတၢ်ကမီၤ, တၢ်ထူးတၢ်တီၤ, တၢ်ကူၣ်ဘၣ်ကူၣ်သ့ဒီးတၢ်ဂံၢ်တၢ်ဘါ, တၢ်မံၤလၤသၣ်ကပီၤ, တၢ်ယူးယီၣ် ဒီးတၢ်စံးထီၣ်ပတြၢၤန့ၣ်လီၤ.”