အ့းဖ့းစူး 1:20 - Sgaw Karen Common Bible

²⁰ လၢယွၤသူဝဲဖဲအဒုးဂဲၤဆၢထၢၣ်က့ၤခရံာ်လၢတၢ်သံဒီး ဒုးဆ့ၣ်နီၤအီၤလၢအစုထွဲတခီလၢမူခိၣ်န့ၣ်လီၤ.

အ့းဖ့းစူး 1:20 Iomraidhean Croise

စံးထီၣ်ပတြၢၤ 110:1

ယွၤစံးဘၣ်ယကစၢ်စီၤပၤ, “ဆ့ၣ်နီၤလၢယစုထွဲ တုၤယပာ်နဒုၣ်နဒါတဖၣ်လၢ နခီၣ်ယီၢ်လီၢ်န့ၣ်တက့ၢ်.

လံာ်ဒၤနံးယ့လး 7:14

အဝဲဘၣ်တၢ်ဟ့ၣ်လီၤအီၤလၢပှၤပၢတၢ်အစိကမီၤ, တၢ်လၤကပီၤ, ဒီးစီၤလိၣ်စီၤပၤအစိကမီၤ, ဒ်သိးကယဲၢ်ပှၤဂီၢ်မုၢ်လၢထံကီၢ်ခဲလၢာ်, ပှၤကိးကလုာ်ဒဲးဒီးပှၤကတိၤကျိာ်အကလုာ်ကလုာ်တဖၣ်ကမၤ အခ့အပှၤအတၢ်မၤန့ၣ်လီၤ. အစိအကမီၤကအိၣ်လီၤထူလီၤယိာ်, ဒီးအဘီအမုၢ်န့ၣ်အကတၢၢ်တအိၣ်ဘၣ်.

လံာ်မးသဲ 26:64

ယ့ၣ်ၡူးစံးဆၢအီၤ, “နစံးတ့ၢ်လံနဲလံ. မ့မ့ၢ်ယတဲဘၣ်သုခဲလၢာ် လၢစးထီၣ်ခဲအံၤဒီးဆူညါသုကထံၣ်ပှၤကညီဖိခွါဆ့ၣ်နီၤလၢတၢ် သ့တၢ်လၢာ်တဂၤအစုထွဲဒီးဟဲဒိးဝဲမူခိၣ်အတၢ်အၢၣ်တဖၣ်လီၤ.”

လံာ်မးသဲ 28:18

ယ့ၣ်ၡူးလဲၤဘူးထီၣ်ဒီးအဝဲသ့ၣ်ဒီးစံး, “ယဘၣ်တၢ်ဟ့ၣ်လီၤလံယၤလၢတၢ်စိတၢ်ကမီၤလၢမူခိၣ်ဒီးလၢ ဟီၣ်ခိၣ်ချၢခဲလၢာ်လံ.

လံာ်မၢ်ကူး 14:62

ယ့ၣ်ၡူးစံးဆၢက့ၤအီၤ, “ယမ့ၢ်အဝဲလီၤ. ဒီးသုကထံၣ်ဘၣ်ပှၤကညီဖိခွါအံၤအိၣ်ဆ့ၣ်နီၤလၢတၢ်သ့တၢ်လၢာ် တဂၤအစုထွဲဒီးသုကထံၣ်အဟဲဒိးဝဲမူခိၣ်အတၢ်အၢၣ်တဖၣ်လီၤ.”

လံာ်မၢ်ကူး 16:19

ကစၢ်ယ့ၣ်ၡူးစံးကတိၤတၢ်ဒီးအဝဲသ့ၣ်ဝံၤအလီၢ်ခံ, အဝဲဒၣ်ဘၣ်တၢ်ဟံးထီၣ်အီၤဆူမူခိၣ်, ဒီးဆ့ၣ်နီၤဝဲလၢကစၢ်ယွၤအစုထွဲတခီလီၤ.

လံာ်ယိၤဟၣ် 10:18

ပှၤဟံးန့ၢ်ကွံာ်ယသးသမူလၢယၤတသ့ဘၣ်နီတဂၤ ဘၣ်. ယဟ့ၣ်လီၤကွံာ်အီၤလၢယသးဒၣ်ယဲန့ၣ်လီၤ. ယအိၣ်ဒီးတၢ်စိကမီၤလၢယကဟ့ၣ်လီၤကွံာ်အီၤဒီး ယအိၣ်ဒီးတၢ်စိကမီၤလၢယကဟံးက့ၤအီၤအဂီၢ်လီၤ. အဝဲအံၤမ့ၢ်တၢ်လၢယပၢ်မၤလိာ်တ့ၢ်ယၤလၢယကမၤ အီၤအဂီၢ်လီၤ.”

လံာ်ယိၤဟၣ် 10:30

ယပၢ်ဒီးယၤန့ၣ်မ့ၢ်တၢ်တမံၤဃီလီၤ.”

မၤတၢ် 10:40

ဘၣ်ဆၣ်ဒီးကစၢ်ယွၤဒုးဂဲၤဆၢထၢၣ်က့ၤအီၤလၢတၢ်သံဖဲသၢသီ တသီဒီးဒုးအိၣ်ဖျါထီၣ်အီၤ,

မၤတၢ် 26:8

ဘၣ်မနုၤအဃိသုဝဲသုတနာ်လၢကစၢ်ယွၤဒုးဂဲၤဆၢထၢၣ် သမူထီၣ်က့ၤပှၤသံန့ၣ်လဲၣ်.

မၤတၢ် 4:10

သုဝဲခဲလၢာ်သုကြၢးသ့ၣ်ညါ, ဒီးပှၤအံၣ်စရ့လးဖိခဲလၢာ်ကြၢး သ့ၣ်ညါဝဲလၢ, ပှၤတဂၤအံၤအိၣ်ဆၢထၢၣ်ပှဲၤဂံၢ်ပှဲၤဘါလၢသုမဲာ်ညါဖဲအံၤ န့ၣ်ခီဖျိပှၤနစၤရ့းဖိယ့ၣ်ၡူးအမံၤအစိကမီၤအဃိန့ၣ်လီၤ. ယ့ၣ်ၡူးခရံာ်မ့ၢ်ပှၤလၢသုပျၤထီအီၤလၢထူၣ်စုညါအလိၤ, ဘၣ်ဆၣ်ဒီးယွၤဒုးဂဲၤဆၢထၢၣ်က့ၤအီၤလၢတၢ်သံန့ၣ်လီၤ.

မၤတၢ် 5:31

ကစၢ်ယွၤပာ်ထီၣ်ထီအီၤလၢအစုထွဲတကပၤဒ်ပှၤခိၣ်ပှၤနၢ် ဒီးပှၤအုၣ်က့ၤခီၣ်က့ၤပှၤတဂၤအသိး, ဒ်သိးကဟ့ၣ်ပှၤအံၣ်စရ့လးဖိတဖၣ်တၢ်အခွဲးအယာ်လၢကပီၢ်ယၢ်ဒီး ဃၣ်လိၤက့ၤအသးဒီးအတၢ်ဒဲးဘးကဘၣ်တၢ်ပျၢ်ကွံာ်အီၤ အဂီၢ်န့ၣ်လီၤ.

ရိမ့ၤ 1:4

မ့မ့ၢ်ယွၤအတၢ်စီတၢ်ဆှံလၢအအိၣ်လၢအပူၤန့ၣ်, ပာ်ဖျါထီၣ်အီၤဒ်အမ့ၢ်ကစၢ်ယွၤအဖိခွါအိၣ်ဒီးတၢ်စိတၢ် ကမီၤဖးဒိၣ်, ခီဖျိတၢ်ဒုးဂဲၤဆၢထၢၣ်က့ၤအီၤလၢတၢ်သံ အပူၤန့ၣ်လီၤ.

ရိမ့ၤ 8:34

မ့မ့ၢ်ဒ်န့ၣ်ဒီး, မ့ၢ်မတၤကစံၣ်ညီၣ်ဃၣ်အဝဲသ့ၣ်တဂၤဂၤန့ၣ်လဲၣ်. တမ့ၢ်ယ့ၣ်ၡူးခရံာ်လၢအသံတ့ၢ်, ဘၣ်ဆၣ်တၢ်ဒုးဂဲၤဆၢထၢၣ် သမူထီၣ်က့ၤအီၤဒီးခဲအံၤအိၣ်ဝဲဒၣ်လၢယွၤအစုထွဲတခီ တဂၤန့ၣ်ဘၣ်ဧါ. အဝဲဒၣ်ဃ့သကွံၢ်ကညးတၢ်ဒီးယွၤလၢ ပဂီၢ်န့ၣ်လီၤ.

အ့းဖ့းစူး 1:3

မ်ပစံးထီၣ်ပတြၢၤကစၢ်ယွၤပကစၢ်ယ့ၣ်ၡူးခရံာ်အပၢ်တက့ၢ်. အဂ့ၢ်ဒ်အံၤ, လၢခရံာ်အပူၤန့ၣ်အဝဲဒၣ်ဟ့ၣ်လီၤပှၤလၢတၢ်ဆိၣ်ဂ့ၤဘၣ်ဃးဒီး သူၣ်ဒီးသးတဖၣ်လၢအအိၣ်ဝဲလၢမူခိၣ်န့ၣ်လီၤ.

ဖံလံးပံၤ 3:10

တၢ်လၢယအဲၣ်ဒိးန့ၣ် မ့ၢ်ဒၣ်တၢ်သ့ၣ်ညါခရံာ်ဒီးတၢ်ကလၢၢ်ဘၣ် အတၢ်ဂဲၤဆၢထၢၣ်သမူထီၣ်က့ၤအစိကမီၤ, တၢ်တူၢ်သကိးဃုာ်တၢ်နးတၢ်ဖှီၣ်ဒီးအီၤ, ဒီးကဲထီၣ်ပှၤလီၤဂာ်ဒီးအီၤလၢအတၢ်သံအပူၤ,

ကလီးစဲ 1:16

ခီဖျိခရံာ်န့ၣ်ယွၤတ့လီၤတၢ်ခဲလၢာ်လၢအအိၣ်လၢမူခိၣ်ဒီးလၢ ဟီၣ်ခိၣ်, တၢ်လၢပထံၣ်အီၤသ့ဒီးတၢ်လၢပထံၣ်အီၤတသ့ဘၣ် တဖၣ်အိၣ်ဃုာ်ဒီးတၢ်စိတၢ်ကမီၤဘၣ်ဃးဒီးသူၣ်ဒီးသးတဖၣ်, ကစၢ်တဖၣ်, ပှၤပၢထံပၢကီၢ်တဖၣ်, ပဒိၣ်ပပှၢ်တဖၣ်န့ၣ်လီၤ. ယွၤတ့လီၤတၢ်ခဲလၢာ်ခီဖျိခရံာ်ဒီးလၢခရံာ်အဂီၢ်လီၤ.

ကလီးစဲ 3:1

သုဘၣ်တၢ်ဒုးဂဲၤဆၢထၢၣ်က့ၤသုလၢတၢ်သံဃုာ်ဒီးခရံာ်သတး ဒီး, သးအိၣ်ဆၢန့ၢ်ဘၣ်တၢ်ဘၣ်ဃးဒီးမူခိၣ်ဖဲခရံာ်ဆ့ၣ်နီၤဝဲလၢ ကစၢ်ယွၤအစုထွဲတခီန့ၣ်တက့ၢ်.

ဧ့ၤဘြံၤ 1:3

အဝဲလီၣ်ဖျါထီၣ်န့ၢ်ပှၤလၢကစၢ်ယွၤအလၤကပီၤဒီးစိာ်မူ ဝဲကစၢ်ယွၤအက့ၢ်အဂီၤအန့ဆၢၣ်လီၤတံၢ်လီၤဆဲးဒီးဟံး ဃာ်ပၢၤဃာ်ဟီၣ်ခိၣ်မူခိၣ်လၢအကလုၢ်အစိအကမီၤလီၤ. တုၤအမၤကဆှီထီၣ်ပှၤလၢပတၢ်ဒဲးဘးလၢအကစၢ် ဒၣ်ဝဲဝံၤဒီး, ဆ့ၣ်နီၤဝဲလၢတၢ်စိဒိၣ်ကမီၤထီကစၢ်ယွၤ အစုထွဲတခီလီၤ.

ဧ့ၤဘြံၤ 10:12

မ့မ့ၢ်ခရံာ်လုၢ်ထီၣ်တၢ်လုၢ်တမံၤလၢတၢ်လုၢ်တၢ်ဒဲးဘးအဂီၢ်, တၢ်လုၢ်တမံၤလၢအဒုးကဲထီၣ်တၢ်ဘျုးလီၤထူလီၤယိာ်, ဝံၤဒီးဆ့ၣ်နီၤဝဲလၢ ကစၢ်ယွၤအစုထွဲတခီလီၤ.

ဧ့ၤဘြံၤ 13:20

ကစၢ်ယွၤဒုးဂဲၤထၢၣ်သမူထီၣ်က့ၤကစၢ်ယ့ၣ်ၡူးလၢအမ့ၢ် ပှၤကွၢ်သိဖးဒိၣ်လၢအတူၢ်သံအသးလၢအသိတဖၣ်အဂီၢ် ဒီးခီဖျိတၢ်အံၤန့ၣ်, တၢ်အၢၣ်လီၤအီလီၤအထူအယိာ်ဘၣ်တၢ်ဃံၤဃာ်အီၤန့ၣ်လီၤ.

ဧ့ၤဘြံၤ 2:9

မ့မ့ၢ်ပထံၣ်ယ့ၣ်ၡူး, လၢအဘၣ်တၢ်ပာ်အလီၢ်ဖုၣ်န့ၢ်ကလူးတဖၣ် တစိၢ်တလီၢ်, ဒ်သိးခီဖျိကစၢ်ယွၤအဘျုးအဖှိၣ်န့ၣ်အဝဲကဘၣ် သံဝဲလၢပှၤကိးဂၤဒဲးအဂီၢ်လီၤ. ပထံၣ်အီၤခဲအံၤဘၣ်တၢ်ကုာ်ထီၣ်အီၤလၢတၢ်လၤကပီၤဒီး တၢ်ကဟုကညီၢ်လၢအဝဲတူၢ်သံအသးအဃိလီၤ.

၁ ပ့းတရူး 1:3

မ်ပစံးဘျုးကစၢ်ယွၤ, ပကစၢ်ယ့ၣ်ၡူးခရံာ်အပၢ်န့ၣ်တက့ၢ်. မ့ၢ်လၢအတၢ်သးကညီၤဒိၣ်ဝဲအဃိ, အဝဲဟ့ၣ်လီၤပှၤတၢ်မူအသီခီဖျိအဒုးဂဲၤဆၢထၢၣ်က့ၤယ့ၣ်ၡူး ခရံာ်လၢတၢ်သံန့ၣ်လီၤ. တၢ်အံၤမၤပှဲၤပှၤဒီးတၢ်မုၢ်လၢ်အမူ,

လံာ်လီၣ်ဖျါ 1:17

ဖဲယထံၣ်အီၤန့ၣ်, ယလီၤဃံၤယဲဖဲအခီၣ်ထံးဒ်ပှၤသံတဂၤ အသိးလီၤ. အဝဲဒၣ်ပာ်ထီၣ်အစုထွဲလၢယလိၤဒီးစံးဝဲ, “ပျံၤတၢ်တဂ့ၤ, ယမ့ၢ်တၢ်အခီၣ်ထံးဒီးတၢ်အကတၢၢ်လီၤ.”