အ့းဖ့းစူး 1:19 - Sgaw Karen Common Bible

¹⁹ ဒီးအစိအကမီၤလၢအမၤတၢ်လၢပဝဲပှၤစူၢ်က့ၤနာ်က့ၤတၢ် တဖၣ်အပူၤအံၤဒိၣ်ဝဲဆူၣ်ဝဲဆံးဒိၣ်လဲၣ်အဂီၢ်န့ၣ်လီၤ. တၢ်စိကမီၤလၢအမၤတၢ်လၢပပူၤအံၤမ့ၢ်တၢ်ဂံၢ်တၢ်ဘါဖးဒိၣ် တမံၤဃီ,

အ့းဖ့းစူး 1:19 Iomraidhean Croise

လံာ်ယၡါယၤ 53:1

ပှၤဂီၢ်မုၢ်စံးဆၢကဒါက့ၤဝဲ, “တၢ်လၢပပာ်ဖျါခဲအံၤမ့ၢ်မတၤကနာ်အီၤန့ၣ်လဲၣ်. မ့ၢ်မတၤထံၣ်ယွၤအစုမၤတၢ်လၢတၢ်အံၤအပူၤ ကသ့န့ၣ်လဲၣ်.

လံာ်ယိၤဟၣ် 3:6

ပှၤကညီတဂၤအိၣ်ဖျဲၣ်ထီၣ်ဝဲနီၢ်ခိနီၢ်ခီလၢမိၢ်ပၢ်လၢအအိၣ် ဒီးသွံၣ်ထံဖံးညၣ်လီၤ. ဘၣ်ဆၣ်ဒီး, အဝဲအိၣ်ဖျဲၣ်ထီၣ်လၢသူၣ် လၢသး, လၢယွၤအသးန့ၣ်လီၤ.

မၤတၢ် 26:18

နကဘၣ်အိးထီၣ်အဝဲသ့ၣ်အမဲာ်ချံဒီးဃၣ်ကွံာ်အဝဲသ့ၣ် လၢတၢ်ခံးတၢ်နၤဆူတၢ်ကပီၤ, ဒီးလၢမုၣ်ကီၤလံၢ်အစိကမီၤ ဆူကစၢ်ယွၤအစိကမီၤ, ဒ်သိးခီဖျိအဝဲသ့ၣ်တဖၣ်အတၢ်စူၢ် တၢ်နာ်လၢယပူၤန့ၣ်, အဝဲသ့ၣ်အတၢ်ကမၣ်ကဘၣ်တၢ်ပျၢ် ကွံာ်အီၤ, ဒီးကဒိးန့ၢ်ဘၣ်အလီၢ်လၢယွၤအပှၤဃုထၢဖိတဖၣ် အကျါန့ၣ်လီၤ.’

ရိမ့ၤ 1:16

အဂ့ၢ်ဒ်အံၤ, ယမဲာ်တဆှးဘၣ်လၢခရံာ်အတၢ်သးခုကစီၣ်အဃိဘၣ်. မ့ၢ်ကစၢ်ယွၤအစိကမီၤလၢကအုၣ်က့ၤခီၣ်က့ၤပှၤလၢအစူၢ်က့ၤနာ် က့ၤတၢ်ခဲလၢာ်, ပှၤယူဒၤဖိတဖၣ်လၢအဆိဒီး ပှၤကြံးခ်ဖိတဖၣ်စ့ၢ်ကီးန့ၣ်လီၤ.

၂ ကရံၣ်သူး 4:7

မ့ၢ်သနာ်က့ဒ်န့ၣ်ဒီး, ပဝဲလၢအအိၣ်ဒီးသးအတၢ်လုၢ်ဒိၣ်ပှ့ၤဒိၣ် အဝဲအံၤန့ၣ်, ပလီၤဂာ်ဒီးသပၢၤဟီၣ်ခိၣ်မုၢ်ဆ့ၣ်မုၢ်ဂီၤတဖၣ်ဒ်သိး ပကပာ်ဖျါလၢတၢ်စိကမီၤအထီကတၢၢ်န့ၣ်ဘၣ်ဃးလၢ ယွၤ, ဒီးတမ့ၢ်ပတၢ်ဘၣ်န့ၣ်လီၤ.

၂ ကရံၣ်သူး 5:17

ဖဲပှၤတဂၤဂ့ၤတဂၤဂ့ၤဘၣ်တၢ်ပာ်ဖှိၣ်ဃုာ်အီၤဒီးခရံာ်န့ၣ်, အဝဲဒၣ်မ့ၢ်ပှၤအသီတဂၤလီၤ. တၢ်အလီၢ်လံၤလီၤမၢ်ကွံာ်ဝဲ, တၢ်အသီဟဲတုၤလံဝဲလံ.

အ့းဖ့းစူး 2:10

အဂ့ၢ်ဒ်အံၤ, ပမ့ၢ်ကစၢ်ယွၤအစုအတၢ်ဘၣ်တ့, တ့လီၤဝဲလၢပကမူလၢယ့ၣ်ၡူးခရံာ်အပူၤ, လၢတၢ်မၤဂ့ၤတၢ်အတၢ်အိၣ်မူလၢအဝဲကတီၤပာ်စၢၤဝဲလၢပဂီၢ် အပူၤန့ၣ်လီၤ.

အ့းဖ့းစူး 3:20

ခီဖျိလၢအစိအကမီၤလၢအမၤတၢ်လၢပပူၤန့ၣ်, ယွၤမၤတၢ်သ့ဝဲဒိၣ်န့ၢ်အါန့ၢ်ဒၣ်လဲာ်တၢ်လၢပဃ့ဒီးဆိ ကမိၣ်ဝဲသ့တက့ၢ်န့ၣ်လီၤ.

အ့းဖ့းစူး 3:7

ယဘၣ်တၢ်ဒုးကဲထီၣ်ယၤလၢတၢ်သးခုကစီၣ်အံၤအခ့အပှၤ ခီဖျိယွၤအတၢ်ဟ့ၣ်လီၤဆီလၢအဟဲခီဖျိယွၤအစိအကမီၤလၢ အမၤတၢ်လၢယပူၤန့ၣ်လီၤ.

အ့းဖ့းစူး 6:10

တၢ်ကတိၤလၢခံကတၢၢ်, အိၣ်ပှဲၤဒီးဂံၢ်ဘါလၢကစၢ်အပူၤဒီးလၢအစိကမီၤအဂံၢ် အဘါအပူၤတက့ၢ်.

ဖံလံးပံၤ 2:13

အဂ့ၢ်ဒ်အံၤ, ကစၢ်ယွၤမၤတၢ်လၢသုပူၤထီဘိဒ်သိးသုကသးအိၣ် ဒီးဒိကနၣ်မၤထွဲအတၢ်တိာ်ပာ်ကသ့အဂီၢ်န့ၣ်လီၤ.

ဖံလံးပံၤ 3:21

အဝဲဒၣ်ကလဲလိာ်ကွံာ်ပနီၢ်ခိလၢအဂံၢ်စၢ်ဘါစၢ်လၢ အသံသ့အံၤတဖၣ်, ဒီးဒုးကဲထီၣ်အီၤဒ်အနီၢ်ကစၢ်ဒၣ်ဝဲအနီၢ်ခိလၢအအိၣ်ဒီးတၢ် လၤကပီၤအသိး, ဒီးကသူဝဲတၢ်စိကမီၤလၢအဝဲဒၣ်ဒုးအိၣ်တၢ်ခဲလၢာ်လၢ အတၢ်ပၢအဖီလာ်သ့, တမံၤန့ၣ်လီၤ.

ကလီးစဲ 1:29

လၢတၢ်အံၤအဂီၢ်ယဂုာ်မၤယဲလၢာ်ဂံၢ်လၢာ်ဘါဒ်ခရံာ်မၤ ဆူၣ်ထီၣ်ယသးဒိၣ်ဒိၣ်ကလဲာ်အသိးန့ၣ်လီၤ.

ကလီးစဲ 2:12

အဂ့ၢ်ဒ်အံၤ, ဖဲသုဒိးစူၢ်ဒိးဘျၢသုသးအခါန့ၣ်, သုဘၣ်တၢ်ခူၣ်လီၤကွံာ်သုဃုာ်ဒီးခရံာ် ဒီးသုဘၣ်တၢ်ဒုးဂဲၤ ဆၢထၢၣ်က့ၤသုလၢတၢ်သံအပူၤဃုာ်ဒီးခရံာ်ခီဖျိလၢသုတၢ် စူၢ်တၢ်နာ်ယွၤအစိအကမီၤလၢအဒုးဂဲၤဆၢထၢၣ်သမူထီၣ်က့ၤ ခရံာ်လၢတၢ်သံအပူၤအဃိန့ၣ်လီၤ.

၁ သ့းစၤလနံ 1:5

အဂ့ၢ်ဒ်အံၤ, ပဟဲစိာ်န့ၢ်သုတၢ်သးခုကစီၣ်တမ့ၢ်ထဲလၢတၢ် ကတိၤဧိၤန့ၣ်ဘၣ်. မ့မ့ၢ်အိၣ်စ့ၢ်ကီးဒီးတၢ်စိတၢ်ကမီၤ, သးစီဆှံ, ဒီးတၢ်စူၢ်ဂၢၢ်နာ်ကျၢၤလၢတၢ်သးခုကစီၣ်အံၤမ့ၢ်ဝဲတီဝဲအဂ့ၢ်န့ၣ်လီၤ. ဖဲပအိၣ်ဒီးသုအဖၢမုၢ်ပအိၣ်မူဒ်လဲၣ်န့ၣ်သုသ့ၣ်ညါသုဝဲလီၤ. တၢ်သ့ၣ်တဖၣ်အံၤခဲလၢာ်န့ၣ်, မ့ၢ်ဒၣ်လၢသုဂီၢ်လီၤ.

၂ သ့းစၤလနံ 1:11

လၢတၢ်န့ၣ်အဃိ, ထီဘိန့ၣ်ပဃ့ဘါထုကဖၣ်တၢ်လၢသုဂီၢ်ဒ်သိးပကစၢ် ယွၤကဒုးကြၢးဒုးဘၣ်သုဒီးတၢ်အိၣ်မူလၢအဝဲဒၣ်ကိးဃီၤ သုလၢသုကအိၣ်မူအီၤန့ၣ်လီၤ. ဒီးခီဖျိအစိအကမီၤန့ၣ်, မ်ကစၢ်ယွၤမၤစၢၤသုလၢသုကမၤတၢ်အဂ့ၤတမံၤလၢ်လၢ်လၢ သုသးအိၣ်မၤအီၤ, ဒီးမၤလၢမၤပှဲၤတၢ်ဖံးတၢ်မၤလၢ သုမၤတ့ၢ်လံအီၤခီဖျိတၢ်စူၢ်တၢ်နာ်န့ၣ်တက့ၢ်.

ယၤကိာ် 1:18

ဖဲအသးဒၣ်ဝဲန့ၣ်, အဝဲဒၣ်ထီၣ်ဖိန့ၢ်ပှၤခီဖျိတၢ်မ့ၢ်တၢ်တီအကလုၢ် ကထါ, ဒ်သိးပကကဲထီၣ်တၤသၣ်ဆိတကလုာ်လၢအတၢ်ဘၣ်တ့ခဲလၢာ် အကျါအဂီၢ်န့ၣ်လီၤ.

၁ ပ့းတရူး 4:11

ပှၤတဂၤဂ့ၤတဂၤဂ့ၤလၢအစံၣ်တဲၤတဲလီၤတၢ်န့ၣ်, ကဘၣ်စံၣ်တဲၤတဲလီၤကစၢ်ယွၤအတၢ်ကစီၣ်တဖၣ်, ဒီးပှၤတဂၤဂ့ၤတဂၤဂ့ၤလၢအမၤတၢ်ခ့တၢ်ပှၤအတၢ်မၤန့ၣ်, ကဘၣ်မၤဝဲလၢတၢ်ဂံၢ်တၢ်ဘါလၢကစၢ်ယွၤဟ့ၣ်လီၤအီၤ အပူၤ, ဒ်သိးလၢတၢ်ခဲလၢာ်အပူၤယွၤကဘၣ်တၢ်စံးထီၣ်ပတြၢၤ အီၤခီဖျိယ့ၣ်ၡူးခရံာ်န့ၣ်လီၤ. တၢ်လၤကပီၤဒီးတၢ်စိတၢ်ကမီၤ န့ၣ်, မ့ၢ်အဝဲဒၣ်အတၢ်အစိၤစိၤအဃၣ်ဃၣ်လီၤ. အၤမ့ၣ်.