အ့းဖ့းစူး 1:15 - Sgaw Karen Common Bible

¹⁵ လၢတၢ်ဂ့ၢ်အံၤအဃိ, စးထီၣ်လၢယနၢ်ဟူဘၣ်သုတၢ်စူၢ်တၢ်နာ်က့ၤကစၢ်ယ့ၣ်ၡူး အဂ့ၢ်ဒီးလၢသုတၢ်အဲၣ်ဘၣ်ကစၢ်ယွၤအပှၤဂီၢ်မုၢ်ခဲလၢာ် အဂ့ၢ်လံၤလံၤန့ၣ်,

အ့းဖ့းစူး 1:15 Iomraidhean Croise

စံးထီၣ်ပတြၢၤ 16:3

ယွၤအပှၤဂီၢ်မုၢ်လၢအသးတီသ့ၣ်တဖၣ်န့ၣ် ဂ့ၤဆံးဒိၣ်လဲၣ်. ယတၢ်သးခုအဒိၣ်ကတၢၢ်န့ၣ် မ့ၢ်ဝဲယကအိၣ်ဘၣ်ဒီးအဝဲသ့ၣ်န့ၣ်လီၤ.

မၤတၢ် 20:21

ယဟ့ၣ်ပလီၢ်ပှၤယူဒၤဖိဒီးပှၤကလုာ်ဂၤခံဖုလၢာ်သပှၢ်ပှၢ်ဒ်သိးအဝဲသ့ၣ် ကညိကွံာ်အတၢ်ဒဲးဘးဒီးဃၣ်က့ၤအသးဆူကစၢ်ယွၤအအိၣ်, ဒီးစူၢ်က့ၤနာ်က့ၤပကစၢ်ယ့ၣ်ၡူးန့ၣ်လီၤ.

ရိမ့ၤ 1:8

အဆိကတၢၢ်န့ၣ်, ယစံးဘျုးယကစၢ်ယွၤခီဖျိယ့ၣ်ၡူးခရံာ်လၢ သုဝဲခဲလၢာ်အဃိ, မ့ၢ်လၢသုတၢ်စူၢ်တၢ်နာ်အဂ့ၢ်ဟူထီၣ်သါလီၤလၢဟီၣ်ခိၣ်ဒီဘ့ၣ် အဃိန့ၣ်လီၤ.

ကလၤတံ 5:6

အဂ့ၢ်ဒ်အံၤ, ဖဲပမ့ၢ်တၢ်တမံၤဃီဒီးယ့ၣ်ၡူးခရံာ်န့ၣ်, တၢ်ကူး တရံးမ့ၢ်ဂ့ၤ, တၢ်တဒိးတၢ်ကူးတရံးမ့ၢ်ဂ့ၤ, တမ့ၢ်တၢ်အလီၤ ဆီဘၣ်. မ့မ့ၢ်တၢ်အကါဒိၣ်တခီမ့ၢ်ဝဲတၢ်စူၢ်တၢ်နာ်လၢ အမၤတၢ်ခီဖျိတၢ်အဲၣ်တၢ်ကွံန့ၣ်လီၤ.

အ့းဖ့းစူး 1:1

လၢစီၤပီလူး, ယ့ၣ်ၡူးခရံာ်အပှၤတၢ်မၢဖိဖဲကစၢ်ယွၤအတၢ်ဘၣ် အသးတဂၤ, ဆူပှၤစီဆှံလၢခရံာ်အပူၤလၢအကလုၢ်တီဒီးအီၤ တဖၣ်အအိၣ်,

အ့းဖ့းစူး 3:18

ဒ်သိးသုကအိၣ်ဒီးတၢ်စိတၢ်ကမီၤလၢသုကနၢ်ပၢၢ်သကိးဒီး ပှၤစီဆှံတဖၣ်, ခရံာ်အတၢ်အဲၣ်တၢ်ကွံန့ၣ်လဲၢ်ထဲလဲၣ်ဒီးထီ ထဲလဲၣ်, ထီၣ်ထီထဲလဲၣ်, ယိာ်ထဲလဲၣ်အဂီၢ်န့ၣ်လီၤ.

၁ သ့းစၤလနံ 1:3

တဘျီလၢ်လၢ်ဖဲပဃ့ဘါထုကဖၣ်တၢ်ဆူပကစၢ်ယွၤဒီးပပၢ် အအိၣ်န့ၣ်, ပသ့ၣ်နီၣ်ထီၣ်သုအိၣ်မူမၤထွဲသုတၢ်စူၢ်တၢ်နာ် အခံဒ်လဲၣ်, သုဖံးသုမၤတၢ်ဆူၣ်ဆူၣ်လၢတၢ်အဲၣ်အဃိဒ်လဲၣ်, ဒီးသုတၢ်မုၢ်လၢ်လၢပကစၢ်ယ့ၣ်ၡူးခရံာ်အပူၤဂၢၢ်ကျၢၤဒ်လဲၣ် အဂ့ၢ်န့ၣ်လီၤ.

၁ သ့းစၤလနံ 4:9

ဘၣ်ဃးတၢ်အဲၣ်ဒီပုၢ်ဒီဝဲၢ်လၢအမ့ၢ်ပှၤစူၢ်က့ၤနာ်က့ၤတၢ် န့ၣ်, တၢ်ကွဲးန့ၢ်သုအလီၢ်တအိၣ်ဘၣ်. သုနီၢ်ကစၢ်ဒၣ်သုဝဲ, ကစၢ်ယွၤသိၣ်လိတ့ၢ်သုလၢသုကဘၣ်အဲၣ်လိာ်သုသး တဂၤဒီးတဂၤဒ်လဲၣ်န့ၣ်လီၤ.

၂ သ့းစၤလနံ 1:3

ဒီပုၢ်ဝဲၢ်သ့ၣ်ဧၢ, ပဘၣ်စံးဘျုးကစၢ်ယွၤကိးဆၢကိးကတီၢ် ဒဲးလၢသုဃိလီၤ. မ့ၢ်တၢ်အကြၢးအဘၣ်တမံၤလၢပဂ့ၤမၤ အီၤလီၤ. အဂ့ၢ်ဒ်အံၤသုတၢ်စူၢ်တၢ်နာ်ဒိၣ်ထီၣ်ဝဲအဒိၣ်အအါ, ဒီးသုတၢ်အဲၣ်လိာ်ကွံလိာ်သုသးဒိၣ်ထီၣ်အါထီၣ်ဝဲဒၣ်လီၤ.

၁ တံၤမသ့း 1:14

ဒီးပကစၢ်လူလီၤဂၢ်လီၤအဘျုးအဖှိၣ်အါအါကလဲာ်လၢယလိၤ, ဒီးဟ့ၣ်ယၤတၢ်စူၢ်တၢ်နာ်ဒီးတၢ်အဲၣ်တၢ်ကွံလၢအအိၣ်လၢ ယ့ၣ်ၡူးခရံာ်အပူၤန့ၣ်လီၤ.

၁ တံၤမသ့း 1:5

တၢ်ဟ့ၣ်လီၤကလုၢ်အံၤ, အတၢ်တိာ်မ့ၢ်ဒ်သိးအကထိၣ်ဟူးထိၣ် ဂဲၤတၢ်အဲၣ်တၢ်ကွံလၢအဟဲထီၣ်ဝဲလၢသးလၢအကဆှီတဖျၢၣ် အပူၤ, သးလၢအသ့ၣ်ညါဒၣ်တၢ်ဆှံဆှံ, ဒီးတၢ်စူၢ်တၢ်နာ်နီၢ်နီၢ် အပူၤန့ၣ်လီၤ.

ဖံၤလ့မိၣ် 1:5

အဂ့ၢ်မ့ၢ်လၢယနၢ်ဟူဘၣ်တၢ်အဲၣ်တၢ်ကွံဒီးတၢ်စူၢ်တၢ်နာ်လၢ အအိၣ်ဒီးနၤလၢကစၢ်ယ့ၣ်ၡူးဒီးပှၤစီဆှံခဲလၢာ်တဖၣ်အဂီၢ် အဃိန့ၣ်လီၤ.

ဧ့ၤဘြံၤ 6:10

အဂ့ၢ်ဒ်အံၤကစၢ်ယွၤတမ့ၢ်ပှၤလၢအမၤတၢ်တတီတလိၤ န့ၣ်ဘၣ်. သုတၢ်မၤဒီးသုတၢ်အဲၣ်တၢ်ကွံယွၤလၢသုလီၣ်ဖျါ ထီၣ်ခီဖျိသုတၢ်ဟ့ၣ်မၤစၢၤတ့ၢ်ဒီးဟ့ၣ်မၤစၢၤဒံးပှၤခရံာ်ဖိ ကဒဲကဒဲဒီးသုန့ၣ်ယွၤတကွၢ်ကပာ်ဒီးသးပ့ၤနီၣ်အီၤဘၣ်.

၁ ပ့းတရူး 1:22

ခဲအံၤ, မ့ၢ်လၢသုစူၢ်တၢ်မ့ၢ်တၢ်တီအဃိသုမၤကဆှီထီၣ်သုသး ဒီးသုတုၤဃီၤလၢတၢ်အဲၣ်နီၢ်နီၢ်လၢပှၤစူၢ်က့ၤနာ်က့ၤတၢ်ကဒဲ ကဒဲဒီးသုသတးဒီး, အဲၣ်လိာ်ကွံလိာ်သုသးတဂၤဒီးတဂၤနီၢ်နီၢ်လၢသုသးဒီဖျၢၣ် ညါန့ၣ်တက့ၢ်.

၁ ယိၤဟၣ် 3:17

ပှၤအထူးအတီၤတဂၤမ့ၢ်ထံၣ်အဒီပုၢ်ဝဲၢ်လိၣ်ဘၣ်တၢ်, ဘၣ်ဆၣ်တသးကညီၤအီၤဘၣ်န့ၣ်, ကစၢ်ယွၤအတၢ်အဲၣ်တၢ်ကွံအိၣ်လၢအပူၤကသ့ဒ်လဲၣ်.

၁ ယိၤဟၣ် 4:21

ဒီးတၢ်မၤလိာ်လၢပဒိးန့ၢ်ဘၣ်လၢခရံာ်အအိၣ်မ့ၢ်အအံၤ, ပှၤလၢအအဲၣ်အကွံကစၢ်ယွၤန့ၣ်, ကဘၣ် အဲၣ်အဒီပုၢ်ဝဲၢ်စ့ၢ်ကီးလီၤ.