အ့းဖ့းစူး 1:14 - Sgaw Karen Common Bible

¹⁴ သးစီဆှံမ့ၢ်တၢ်လၢအအုၣ်အသးဘၣ်ဃးဒီးတၢ်လၢ ကစၢ်ယွၤကဟ့ၣ်သါအပှၤဂီၢ်မုၢ်တဖၣ်တုၤလီၤလၢပဒိး န့ၢ်ဘၣ်အီၤလၢလၢပှဲၤပှဲၤတစုန့ၣ်လီၤ. မ်ပစံးထီၣ်ပတြၢၤကစၢ်ယွၤအလၤကပီၤန့ၣ်တက့ၢ်.

အ့းဖ့းစူး 1:14 Iomraidhean Croise

စံးထီၣ်ပတြၢၤ 74:2

သ့ၣ်နီၣ်ထီၣ်က့ၤနပှၤဂီၢ်မုၢ်, ပှၤလၢနဃုထၢတ့ၢ်လံလၢနဂီၢ်လၢပျၢၤ, လၢနထုးထီၣ်ကွံာ်အီၤလၢကုၢ်အလီၢ် လၢကကဲထီၣ်နဒူၣ်ဖိထၢဖိဒၣ်နဲန့ၣ်တက့ၢ်. သ့ၣ်နီၣ်ထီၣ်က့ၤကစၢၢ်စံယိၣ်, လၢတဘျီနအိၣ်နဆိးတ့ၢ်နဲန့ၣ်တက့ၢ်.

စံးထီၣ်ပတြၢၤ 78:54

ဒီးအဝဲဒုးဟဲအဝဲသ့ၣ်ဆူအလီၢ်စီဆှံ, ဆူကစၢၢ်တဖၣ်လၢအစုထွဲမၤနၢၤတ့ၢ်တၢ်န့ၣ်လီၤ.

လံာ်လူၤကၣ် 21:28

ဖဲတၢ်သ့ၣ်တဖၣ်အံၤစးထီၣ်မၤအသးန့ၣ်, ဂဲၤဆၢထၢၣ်ဒီးမိာ်ထီၣ်သုခိၣ် တက့ၢ်. အဂ့ၢ်ဒ်အံၤ, သုတၢ်အုၣ်က့ၤခီၣ်က့ၤန့ၣ်ဘူးထီၣ်လံ.

မၤတၢ် 20:28

အံးထွဲကွၢ်ထွဲလီၤသုသးဒၣ်ဝဲ, ဒီးအံးထွဲကွၢ်ထွဲသိခဲလၢာ်လၢသးစီဆှံပာ်လီၤတ့ၢ်ဝဲလၢသု တၢ်အံးတၢ်ကွၢ်အပူၤန့ၣ်တက့ၢ်. ကဲထီၣ်ပှၤကွၢ်သိတဖၣ် လၢကစၢ်ယွၤအတၢ်အိၣ်ဖှိၣ်အဂီၢ်, တၢ်အိၣ်ဖှိၣ်လၢအဝဲဒုးကဲထီၣ်အီၤဆူ အတၢ်ဒၣ်ဝဲခီဖျိအဖိခွါအတၢ်သံန့ၣ်တက့ၢ်.

မၤတၢ် 20:32

ဒီးခဲကနံၣ်အံၤ, ယဟ့ၣ်လီၤသုဆူကစၢ်ယွၤအတၢ်အံးတၢ်ကွၢ်ဒီးတၢ်ကစီၣ်ဘၣ်ဃး အဝဲဒၣ်အဘျုးအဖှိၣ်အပူၤ, လၢအမၤထီၣ်မၤထီသုသ့ဝဲဒီးဟ့ၣ်သုတၢ်ဆိၣ်ဂ့ၤဆိၣ်ဝါလၢ အကတဲာ်ကတီၤပာ်ဝဲလၢအပှၤဂီၢ်မုၢ်ခဲလၢာ်အဂီၢ်န့ၣ်လီၤ.

ရိမ့ၤ 8:23

ဒီးတၢ်အံၤတမ့ၢ်ထဲတၢ်ဘၣ်တ့ဧိၤန့ၣ်ဘၣ်. ပဝဲလၢအအိၣ် ဒီးယွၤအသးလၢအမ့ၢ်ကစၢ်ယွၤအတၢ်ဟ့ၣ်အခီၣ်ထံးကတၢၢ် တမံၤစ့ၢ်ကီး, ပကအုကစွါလၢပသးကံၢ်ပူၤဖဲပအိၣ်ခိးကွၢ်လၢ် ယွၤအတၢ်ဒုးကဲထီၣ်ပှၤလၢအဖိတဖၣ်ဒီးအတၢ်မၤထူၣ်ဖျဲး ပနီၢ်ခိဒီဂၤညါအခါန့ၣ်လီၤ.

1 ကရံၣ်သူး 1:30

မ့မ့ၢ်ကစၢ်ယွၤပာ်ဖှိၣ်တ့ၢ်သုဒီးယ့ၣ်ၡူးခရံာ်, ဒီးကစၢ်ယွၤဒုးကဲယ့ၣ်ၡူးလၢပတၢ်ကူၣ်ဘၣ်ကူၣ်သ့န့ၣ်လီၤ. ခီဖျိခရံာ်န့ၣ်ပဘၣ်တၢ်မၤဘၣ်လိာ်ဖိးဒ့ပှၤဒီးယွၤ, ပကဲထီၣ်ယွၤအပှၤစီဆှံတကလုာ်ဒီးဘၣ်တၢ်ဒုးထူၣ်ဖျဲးထီၣ်ကွံာ်ပှၤလီၤ.

၂ ကရံၣ်သူး 1:22

ပာ်လီၤတ့ၢ်အတၢ်ပနီၣ်ဒၣ်ဝဲလၢပလိၤဒ်သိးကပာ်ဖျါဝဲလၢအမ့ၢ် ပကစၢ်, ဒီးဟ့ၣ်တ့ၢ်ပှၤသးစီဆှံလၢပသးပူၤဒ်တၢ်အုၣ်ခီၣ် အသးလၢတၢ်ခဲလၢာ်လၢအအိၣ်ကတဲာ်ကတီၤပာ်စၢၤဝဲလၢ ပဂီၢ်န့ၣ်လီၤ.

၂ ကရံၣ်သူး 5:5

ကစၢ်ယွၤမ့ၢ်ပှၤလၢအအိၣ်ကတဲာ်ကတီၤပာ်ပှၤလၢ တၢ်လဲလိာ်တမံၤအံၤအဂီၢ်, ဒီးအဝဲဒၣ်ဟ့ၣ်ပှၤအသးစီဆှံဒ်ပှၤအုၣ်ခီၣ်အသးဘၣ် ဃးဒီးတၢ်ခဲလၢာ်လၢအဝဲအိၣ်ကတဲာ်ကတီၤပာ်ဝဲလၢ ပဂီၢ်န့ၣ်လီၤ.

ကလၤတံ 4:6

ဒ်သိးအကအိၣ်ဖျါလၢသုမ့ၢ်အဖိခွါတဖၣ်န့ၣ်, ကစၢ်ယွၤဆှၢလီၤအဖိခွါအသးဆူပသးပူၤ, ယွၤအသးလၢ အကိးထီၣ်ဝဲ, “အးဘၤ, ပၢ်ဧၢ” န့ၣ်လီၤ.

အ့းဖ့းစူး 1:11

တၢ်ခဲလၢာ်ဘၣ်တၢ်မၤအီၤဒ်ကစၢ်ယွၤအတၢ်ရဲၣ်တၢ်ကျဲၤဒီး အတၢ်စံၣ်ညီၣ်တဲာ်တၢ်အသိးလီၤ. ယွၤဃုထၢထီၣ်ပှၤဒ်သိး ပကကဲထီၣ်အပှၤဂီၢ်မုၢ်ခီဖျိတၢ်အိၣ်မူလၢခရံာ်အပူၤ, ဒ်အတၢ်တိာ်အိၣ်ဝဲအသိး, သန့ၤထီၣ်အသးလၢယွၤ အတၢ်စံၣ်ညီၣ်တဲာ်တ့ၢ်ဝဲလၢတၢ်အခီၣ်ထံးလံၤလံၤန့ၣ်လီၤ.

အ့းဖ့းစူး 1:12

လၢတၢ်န့ၣ်အဃိ, ပဝဲလၢအမ့ၢ်ပှၤအဆိကတၢၢ်လၢ အမုၢ်လၢ်တၢ်လၢခရံာ်အပူၤတဖၣ်န့ၣ်, မ်ပစံးထီၣ်ပတြၢၤကစၢ်ယွၤအလၤကပီၤန့ၣ်တက့ၢ်.

အ့းဖ့းစူး 4:30

တဘၣ်မၤသးအုးယွၤအသးစီဆှံတဂ့ၤ. အဂ့ၢ်ဒ်အံၤယွၤအသးစီဆှံမ့ၢ်ကစၢ်ယွၤအတၢ်စဲပနီၣ်ဃာ် သုလၢတၢ်အုၣ်က့ၤခီၣ်က့ၤအမုၢ်တနံၤအဂီၢ်န့ၣ်လီၤ.

၁ ပ့းတရူး 2:9

ဘၣ်ဆၣ်ဒီး, သုမ့ၢ်ပှၤတကလုာ်လၢအဘၣ်တၢ်ဃုထၢ ထီၣ်အီၤ, စီၤပၤအပှၤလုၢ်တၢ်အခိၣ်တဖၣ်, ပှၤစီဆှံတကလုာ် (ဟးထီၣ် ၁၉:၆), ယွၤအပှၤဂီၢ်မုၢ်ဒၣ်ဝဲလၢအဘၣ်တၢ်ဃုထၢထီၣ်အီၤလၢ အကတဲဖျါယွၤအတၢ်မၤလီၤလးတဖၣ်, ယွၤလၢအကိးထီၣ်သုလၢတၢ်ခံးတၢ်နၤဆူအကစၢ်ဒၣ်ဝဲ အတၢ်ကပီၤလီၤလးအပူၤန့ၣ်လီၤ.