အ့းဖ့းစူး 1:11 - Sgaw Karen Common Bible

¹¹ တၢ်ခဲလၢာ်ဘၣ်တၢ်မၤအီၤဒ်ကစၢ်ယွၤအတၢ်ရဲၣ်တၢ်ကျဲၤဒီး အတၢ်စံၣ်ညီၣ်တဲာ်တၢ်အသိးလီၤ. ယွၤဃုထၢထီၣ်ပှၤဒ်သိး ပကကဲထီၣ်အပှၤဂီၢ်မုၢ်ခီဖျိတၢ်အိၣ်မူလၢခရံာ်အပူၤ, ဒ်အတၢ်တိာ်အိၣ်ဝဲအသိး, သန့ၤထီၣ်အသးလၢယွၤ အတၢ်စံၣ်ညီၣ်တဲာ်တ့ၢ်ဝဲလၢတၢ်အခီၣ်ထံးလံၤလံၤန့ၣ်လီၤ.

အ့းဖ့းစူး 1:11 Iomraidhean Croise

လံာ်စီၤယိၤဘး 12:13

ပှၤသးပှၢ်အိၣ်ဝဲဒီးသးအတၢ်သ့ၣ်ညါ, မ့မ့ၢ်ကစၢ်ယွၤအိၣ်ဝဲဒီးသးအတၢ်သ့ၣ်ညါဒီးတၢ်စိ တၢ်ကမီၤလၢကမၤတၢ်အဂီၢ်န့ၣ်လီၤ.

လံာ်စီၤယိၤဘး 33:29

ကစၢ်ယွၤမၤကယဲၢ်တၢ်ခဲလၢာ်အံၤဒီးပှၤကညီခံဘျီ, ဒီးတုၤလၢသၢဘျီဒၣ်လဲာ်,

စံးထီၣ်ပတြၢၤ 37:18

ယွၤကွၢ်ထွဲပှၤလၢအဒိကနၣ်အီၤ, ဒီးအတၢ်န့ၢ်သါန့ၣ်ကအိၣ်ဝဲလီၤစိၤလီၤထီလီၤ.

တၢ်ကတိၤဒိ. 8:14

ယအိၣ်ဒီးတၢ်တိာ်ပာ်တဖၣ်ဒီးမၤကဲထီၣ်အီၤလီၤ. ယအိၣ်ဒီးတၢ်သ့ၣ်ညါနၢ်ပၢၢ်ဒီးယဂံၢ်ဆူၣ်ဘါဆူၣ်လီၤ.

လံာ်ယၡါယၤ 25:1

ယွၤဧၢ, နမ့ၢ်ယကစၢ်ယွၤလီၤ. ယကမၤလၤကပီၤနၤဒီးစံးထီၣ်ပတြၢၤနမံၤလီၤ. နမၤတ့ၢ်တၢ်လၢအလီၤလိၢ်လီၤလးမးတဖၣ်လီၤ. နတၢ်ကူၣ်တၢ်ကျဲၤလၢပျၢၤတဖၣ်န့ၣ်နမၤလၢထီၣ် ပှဲၤထီၣ်အီၤလၢတၢ်သူၣ်တီသးရၤအပူၤလီၤ.

လံာ်ယၡါယၤ 28:29

တၢ်ကူၣ်သ့ခဲလၢာ်အံၤဟဲလၢယွၤသ့တၢ်လၢာ်အအိၣ်လီၤ. ကစၢ်ယွၤအတၢ်တိာ်ကျဲၤတဖၣ်ပှဲၤဒီးတၢ်ကူၣ်သ့, ဒီးကဲထီၣ်လိၣ်ထီၣ်ဝဲဒၣ်ထီဘိလီၤ.

လံာ်ယၡါယၤ 5:19

သုစံး, “ပျဲယွၤမၤချ့ချ့ဒီးမၤတၢ်လၢအစံးဝဲလၢအကမၤဝဲဒ်သိး ပကထံၣ်ဘၣ်အီၤအဂီၢ်တက့ၢ်. မ်အံၣ်စရ့လးအကစၢ်ယွၤစီဆှံမၤ ကဲထီၣ်လိၣ်ထီၣ်အတၢ်တိာ်ကျဲၤတဖၣ်တက့ၢ်. မ်ပကကွၢ်တၢ်မနုၤတမံၤအိၣ်လၢအသးပူၤလဲၣ်တက့ၢ်.”

လံာ်ယံးရမံယၤ 23:18

ယစံးယဲ, “ဝံတဖၣ်အံၤတသ့ၣ်ညါယွၤအတၢ် ဆိကမိၣ်ခူသူၣ်တဖၣ်နီတဂၤနီတစုဘၣ်. အဝဲသ့ၣ်တနၢ်ဟူတ့ၢ်ဒီးနၢ်ပၢၢ်တ့ၢ်ယွၤအတၢ် ကစီၣ်မ့ၢ်ဂ့ၤ, ဒိကနၣ်ဝဲမ့ၢ်ဂ့ၤ, ပာ်သူၣ်ပာ်သးဝဲမ့ၢ်ဂ့ၤလၢ တၢ်လၢအဝဲကတိၤတ့ၢ်ဝဲနီတဂၤနီတစုဘၣ်.

လံာ်ယံးရမံယၤ 32:19

နမၤတၢ်ကူၣ်သ့အတၢ်ရဲၣ်တၢ်ကျဲၤတဖၣ်ဒီး မၤတၢ်လၢ အလီၤဘီလီၤမုၢ်တဖၣ်န့ၣ်လီၤ. နထံၣ်တၢ်ခဲလၢာ်လၢ ပှၤဂီၢ်မုၢ်မၤဝဲ, ဒီးနဟ့ၣ်ဘျုးအဝဲသ့ၣ်ဒ် အမၤတၢ်တဖၣ် အသိးန့ၣ်လီၤ.

လံာ်စကၤရယၤ 6:13

အဝဲမ့ၢ်ပှၤတဂၤလၢကဘှီထီၣ်တၢ်လုၢ်ဟံၣ်န့ၣ်, ဒီးဒိးန့ၢ်တၢ်လၤကပီၤဒ်အကြၢးဒီးစီၤပၤတဂၤအသိး, ဒီးအဝဲကပၢအပှၤဂီၢ်မုၢ်န့ၣ်လီၤ. ပှၤလုၢ်တၢ်အခိၣ်တဂၤကဆၢထၢၣ်ဖဲအလီၢ်ပစိာ်ကပၤ, ဒီးအဝဲသ့ၣ်ကမၤသကိးတၢ်လၢတၢ်ဃူတၢ်ဖိးဒီးတၢ် ဘၣ်လိာ်ဖိးဒ့အပူၤလီၤ.

မၤတၢ် 13:48

ဖဲပှၤကလုာ်ဂၤတဖၣ်နၢ်ဟူဘၣ်တၢ်တမံၤအံၤန့ၣ်, အဝဲသ့ၣ်အသးခုဒီးစံးထီၣ်ပတြၢၤကစၢ်ယွၤလၢအတၢ်ကစီၣ် အဃိန့ၣ်လီၤ. ဒီးပှၤလၢယွၤဃုထၢအီၤဒ်သိးအကဒိးန့ၢ် တၢ်မူအထူအယိာ်တဖၣ်န့ၣ်, စူၢ်က့ၤနာ်က့ၤတၢ်လီၤ.

မၤတၢ် 2:23

ဒ်ကစၢ်ယွၤကူၣ်ကျဲၤဒီးသ့ၣ်ညါပာ်ဝဲအသိး, ယ့ၣ်ၡူးဘၣ်တၢ်ဟ့ၣ်လီၤကွံာ်အီၤဆူသုစုပူၤဒီးသုမၤသံအီၤခီ ဖျိသုပျဲပှၤတၢ်ဒဲးဘးဖိတဖၣ်ပျၤထီအီၤလၢထူၣ်စုညါအလိၤန့ၣ်လီၤ.

မၤတၢ် 20:27

အဂ့ၢ်ဒ်အံၤ, တၢ်လၢကစၢ်ယွၤတိာ်ပာ်ဝဲခဲလၢာ်ခဲဆ့န့ၣ်, ယတပာ်ခူသူၣ်ယဲဘၣ်ဒီးဘိးဘၣ်သ့ၣ်ညါသုလီၤ.

မၤတၢ် 20:32

ဒီးခဲကနံၣ်အံၤ, ယဟ့ၣ်လီၤသုဆူကစၢ်ယွၤအတၢ်အံးတၢ်ကွၢ်ဒီးတၢ်ကစီၣ်ဘၣ်ဃး အဝဲဒၣ်အဘျုးအဖှိၣ်အပူၤ, လၢအမၤထီၣ်မၤထီသုသ့ဝဲဒီးဟ့ၣ်သုတၢ်ဆိၣ်ဂ့ၤဆိၣ်ဝါလၢ အကတဲာ်ကတီၤပာ်ဝဲလၢအပှၤဂီၢ်မုၢ်ခဲလၢာ်အဂီၢ်န့ၣ်လီၤ.

မၤတၢ် 26:18

နကဘၣ်အိးထီၣ်အဝဲသ့ၣ်အမဲာ်ချံဒီးဃၣ်ကွံာ်အဝဲသ့ၣ် လၢတၢ်ခံးတၢ်နၤဆူတၢ်ကပီၤ, ဒီးလၢမုၣ်ကီၤလံၢ်အစိကမီၤ ဆူကစၢ်ယွၤအစိကမီၤ, ဒ်သိးခီဖျိအဝဲသ့ၣ်တဖၣ်အတၢ်စူၢ် တၢ်နာ်လၢယပူၤန့ၣ်, အဝဲသ့ၣ်အတၢ်ကမၣ်ကဘၣ်တၢ်ပျၢ် ကွံာ်အီၤ, ဒီးကဒိးန့ၢ်ဘၣ်အလီၢ်လၢယွၤအပှၤဃုထၢဖိတဖၣ် အကျါန့ၣ်လီၤ.’

မၤတၢ် 4:28

အဝဲသ့ၣ်ပာ်ဖှိၣ်ထီၣ်အသးဒ်သိးကမၤတၢ်ခဲလၢာ်လၢနစံၣ်ညီၣ် တဲာ်တ့ၢ်လၢအကဘၣ်မၤအသး, ခီဖျိနစိနကမီၤဒီး နတၢ်ဘၣ်နသးန့ၣ်လီၤ.

ရိမ့ၤ 11:34

ဒ်တၢ်ကွဲးအသးစီဆှံစံးဝဲအသိး, “မတၤသ့ၣ်ညါကစၢ်အသးတဂၤလဲၣ်. မတၤဟ့ၣ်ကူၣ်ဟ့ၣ်ဖးအီၤကသ့တဂၤလဲၣ်.

ရိမ့ၤ 8:17

မ့ၢ်လၢပမ့ၢ်အဖိတဖၣ်အဃိ, ပကန့ၢ်သါတၢ်ဆိၣ်ဂ့ၤတဖၣ် လၢအပာ်ဃာ်ဝဲလၢအပှၤဂီၢ်မုၢ်အဂီၢ်, ဒီးပကန့ၢ်သါဃုာ် ဒီးခရံာ်တၢ်လၢကစၢ်ယွၤပာ်ဃာ်လၢအဝဲအဂီၢ်စ့ၢ်ကီးန့ၣ် လီၤ. အဂ့ၢ်ဒ်လဲၣ်န့ၣ်, ပမ့ၢ်ဒိးဃုာ်တၢ်နးတၢ်ဖှီၣ်ဒီးခရံာ် ဒီးပကဘၣ်ဃုာ်တၢ်လၤတၢ်ကပီၤဒီးအီၤစ့ၢ်ကီးလီၤ.

ရိမ့ၤ 8:28

ဒီးပသ့ၣ်ညါလၢပှၤလၢအအဲၣ်ကစၢ်ယွၤ, ပှၤလၢအဘၣ်တၢ် ကိးထီၣ်အီၤဒ်အတၢ်ကူၣ်ပာ်အသိးန့ၣ်, ကစၢ်ယွၤမၤဃုာ်တၢ် ဒီးအီၤလၢတၢ်ခဲလၢာ်အပူၤလၢတၢ်ဂ့ၤအဂီၢ်လီၤ.

ရိမ့ၤ 8:29

ပှၤလၢကစၢ်ယွၤဃုထၢပာ်ဝဲတဖၣ်န့ၣ်, ပာ်လီၤဆီဝဲလၢအကကဲထီၣ်ပှၤလၢအလီၤဂာ်ဒီးအဖိခွါ, ဒ်သိးအဖိခွါကကဲထီၣ်ဝဲၢ်ကိလၢဒီပုၢ်ဝဲၢ်အါဂၤအကျါ န့ၣ်လီၤ.

ရိမ့ၤ 8:30

ဒီးလၢတၢ်န့ၣ်အဃိ ကစၢ်ယွၤကိးထီၣ်ပှၤလၢအပာ်လီၤ ဆီတ့ၢ်လံဝဲတဖၣ်, ဒီးပှၤတဖၣ်လၢအကိးထီၣ်ဝဲန့ၣ်အဝဲဒၣ် ပာ်တီပာ်လိၤဝဲဒီးအီၤ, ဒီးပှၤတဖၣ်လၢအပာ်တီပာ်လိၤ ဝဲန့ၣ်ဟ့ၣ်နီၤလီၤဝဲလၢအလၤအကပီၤစ့ၢ်ကီးန့ၣ်လီၤ.

ရိမ့ၤ 9:11

ဘၣ်ဆၣ်ဒ်သိးဒီးတၢ်ဃုထၢဖိခွါတဂၤကမ့ၢ်ကစၢ်ယွၤ အတၢ်တိာ်ဒၣ်ဝဲအတၢ်ဃုထၢနီၢ်နီၢ်အဂီၢ်န့ၣ်, ကစၢ်ယွၤ စံးဘၣ်နီၢ်ရံးဘကၤ,

ကလၤတံ 3:18

အဂ့ၢ်ဒ်အံၤကစၢ်ယွၤအတၢ်ဟ့ၣ်မ့ၢ်သန့ၤထီၣ်အသးလၢတၢ်သိၣ် တၢ်သီဒီးတၢ်ဟ့ၣ်အံၤတသန့ၤထီၣ်အသးလၢတၢ်အၢၣ်လီၤအီလီၤ လၢၤဘၣ်. ဘၣ်ဆၣ်ဒီး, မ့ၢ်လၢအတၢ်အၢၣ်လီၤအီလီၤအဃိကစၢ်ယွၤဟ့ၣ်တၢ်ဆိၣ်ဂ့ၤ အံၤဆူစီၤအၤဘြၤဟၣ်လီၤ.

အ့းဖ့းစူး 1:14

သးစီဆှံမ့ၢ်တၢ်လၢအအုၣ်အသးဘၣ်ဃးဒီးတၢ်လၢ ကစၢ်ယွၤကဟ့ၣ်သါအပှၤဂီၢ်မုၢ်တဖၣ်တုၤလီၤလၢပဒိး န့ၢ်ဘၣ်အီၤလၢလၢပှဲၤပှဲၤတစုန့ၣ်လီၤ. မ်ပစံးထီၣ်ပတြၢၤကစၢ်ယွၤအလၤကပီၤန့ၣ်တက့ၢ်.

အ့းဖ့းစူး 1:18

ယဃ့လၢသုသးအမဲာ်ကအိးထီၣ်အသးဒီးသုကထံၣ်အတၢ် ကပီၤ, ဒ်သိးဒီးသုကနၢ်ပၢၢ်အဝဲအတၢ်ကိးန့ၢ်သုဆူတၢ်မုၢ် လၢ်မနုၤတမံၤအအိၣ်လဲၣ်, ဒီးတၢ်ဆိၣ်ဂ့ၤလၢအဝဲတိာ်ပာ် ဒီးစံးပာ်လၢအကဟ့ၣ်အပှၤဂီၢ်မုၢ်န့ၣ်ထူးတီၤဆံးဒိၣ်လဲၣ်,

အ့းဖ့းစူး 1:5

မ့ၢ်လၢကစၢ်ယွၤအတၢ်အဲၣ်ဘၣ်ပှၤအဃိ, အဝဲဒၣ်ပာ်လီၤတ့ၢ်လံအသးလၢခီဖျိယ့ၣ်ၡူးခရံာ်န့ၣ်, အဝဲကဒုးကဲထီၣ်ပှၤလၢအဖိဒၣ်ဝဲန့ၣ်လီၤ. အအံၤမ့ၢ်ယွၤအတၢ်ဘၣ်အသးဒီးအတၢ်တိာ်ပာ်န့ၣ်လီၤ.

အ့းဖ့းစူး 1:8

တၢ်ဘျုးတၢ်ဖှိၣ်လၢအလူလီၤဂၢ်လီၤဝဲလၢပလိၤဒိၣ်ဒိၣ် အါအါန့ၣ်လီၤ.

အ့းဖ့းစူး 1:9

လၢအတၢ်ကူၣ်ဘၣ်ကူၣ်သ့ဒီးအတၢ်ထံၣ်တုာ်ကွၢ်ဖျါတၢ်ခဲလၢာ် အပူၤ, ယွၤမၤတ့ၢ်တၢ်ဒ်အတိာ်ပာ်တ့ၢ်ဝဲအသိးဒီးလီၣ်ဖျါထီၣ်န့ၢ်ပှၤ လၢအတၢ်ရဲၣ်တၢ်ကျဲၤခူသူၣ်လၢအတိာ်ပာ်တ့ၢ်လံဝဲလၢ အကမၤလၢထီၣ်ပှဲၤထီၣ်ဝဲခီဖျိခရံာ်န့ၣ်လီၤ.

အ့းဖ့းစူး 3:11

ကစၢ်ယွၤမၤတၢ်အံၤဒ်အတၢ်တိာ်ပာ်အထူအယိာ်အိၣ်ဝဲ အသိး, လၢအမၤလၢထီၣ်ပှဲၤထီၣ်ဝဲခီဖျိခရံာ်န့ၣ်လီၤ.

လံာ်သိၣ်လီၤသီလီၤတၢ် 4:20

မ့မ့ၢ်, သုမ့ၢ်ပှၤဂီၢ်မုၢ်လၢအဝဲအုၣ်က့ၤခီၣ်က့ၤဝဲလၢကီၢ် အဲၤကူပတူးတခီ, လၢဖၣ်ကပူၤလၢအကဲၤကပျီၤအပူၤန့ၣ်လီၤ. အဝဲထုးထီၣ်ကွံာ်သုဒ်သိးကဒုးကဲထီၣ်သုလၢအပှၤဂီၢ်မုၢ်ဒ်သု မ့ၢ်တၢ်တနံၤအံၤအသိးန့ၣ်လီၤ.

ကလီးစဲ 1:12

ဒီးလၢတၢ်သူၣ်ခုသးခုအပူၤစံးထီၣ်ပတြၢၤပၢ်လၢအဒုးထီၣ် ဘးလံပှၤဒ်သိးပကန့ၢ်သါဃုာ်တၢ်ဒီးပှၤစီဆှံတဖၣ်လၢတၢ်ကပီၤ အဘီအမုၢ်အပူၤန့ၣ်တက့ၢ်.

ကလီးစဲ 3:24

သ့ၣ်ညါသုဝဲလၢကစၢ်ကဟ့ၣ်သုတၢ်န့ၢ်သါလၢအကတီၤ ပာ်တ့ၢ်ဝဲလၢအပှၤဂီၢ်မုၢ်အဂီၢ်, ဒ်ခိၣ်ဖးအသိးန့ၣ်တက့ၢ်. အဂ့ၢ်ဒ်အံၤ, ခရံာ်မ့ၢ်ကစၢ်နီၢ်နီၢ်လၢသုမၤအတၢ်န့ၣ်လီၤ.

တံတူး 2:14

အဝဲဒၣ်ဟ့ၣ်လီၤအသးလၢပဂီၢ်ဒ်သိးကမၤထူၣ်ဖျဲးပှၤလၢတၢ် အၢတၢ်သီခဲလၢာ်ဒီးကဒုးကဲထီၣ်ပှၤ, ပှၤတကလုာ်လၢအကဆှီဝဲလၢအဘၣ်ဃးထဲဒၣ်ဒီးအီၤဒီး အသးဆူၣ်လၢတၢ်မၤဂ့ၤတၢ်အဂီၢ်န့ၣ်လီၤ.

တံတူး 3:7

ဒ်သိးပကန့ၢ်ဘၣ်တၢ်ပာ်တီပာ်လိၤပှၤခီဖျိအဝဲအဘျုးအဖှိၣ် ဒီးပကန့ၢ်ဘၣ်သါတၢ်မူအထူအယိာ်လၢပမုၢ်လၢ်အီၤန့ၣ်လီၤ.

ဧ့ၤဘြံၤ 6:17

လၢတၢ်န့ၣ်အဃိ, ဖဲကစၢ်ယွၤသးအိၣ်လီၣ်ဖျါထီၣ်န့ၢ်ပှၤလၢ အကန့ၢ်သါဃုာ်တၢ်စံးပာ်အံၤတဖၣ်လၢအတၢ်တိာ်ပာ်မ့ၢ် တၢ်လၢအတလဲလိာ်အသးဘၣ်န့ၣ်, ယွၤအၢၣ်လီၤတၢ်အိၣ်ဒီးတၢ်ဆိၣ်လီၤအသးလီၤ.

ယၤကိာ် 2:5

ယဒီပုၢ်ဝဲၢ်သးဘိသ့ၣ်ဧၢ, ဒိကနၣ်တက့ၢ်. ကစၢ်ယွၤဃုထၢပှၤအဖှီၣ်လၢဟီၣ်ခိၣ်အံၤဒ်သိး ကထူးဝဲတီၤဝဲလၢတၢ်စူၢ်တၢ်နာ်ဒီးမၤန့ၢ်ဘီမုၢ်လၢ အအၢၣ်လီၤတ့ၢ်ဝဲလၢပှၤလၢအအဲၣ်အီၤတဖၣ်အဂီၢ်န့ၣ်လီၤ.

၁ ပ့းတရူး 1:4

ဒီးလၢတၢ်န့ၣ်အဃိ, ပကွၢ်စိဃီၤဆူတၢ်န့ၢ်သါလၢအဟးဂီၤ တသ့, တဘၣ်အၢဘၣ်သီ, ဒီးတလီၤညွံးလီၤဘဲဘၣ်အတၢ်ဆိၣ်ဂ့ၤ လၢကစၢ်ယွၤပာ်အီၤလၢမူခိၣ်လၢအပှၤဂီၢ်မုၢ်အဂီၢ်န့ၣ်လီၤ.

၁ ပ့းတရူး 3:9

ဟ့ၣ်ကၣ်တၢ်အၢလၢတၢ်အၢ, မ့တမ့ၢ်တၢ်ဆိၣ်အၢလၢတၢ်ဆိၣ် အၢတဂ့ၤ. မ့မ့ၢ်, ဟ့ၣ်ဆၢက့ၤလၢတၢ်ဆိၣ်ဂ့ၤန့ၣ်တက့ၢ်. အဂ့ၢ်ဒ်လဲၣ်န့ၣ်, တၢ်ဆိၣ်ဂ့ၤမ့ၢ်တၢ်လၢကစၢ်ယွၤအၢၣ်လီၤတ့ၢ်လၢကဟ့ၣ်သုဖဲ အဝဲကိးန့ၢ်သုအခါန့ၣ်လီၤ.