လံာ်ပှၤစံၣ်တဲၤတဲလီၤတၢ် 9:2 - Sgaw Karen Common Bible

² တၢ်လီၤဆီတအိၣ်နီတမံၤဘၣ်. တၢ်ဘူၣ်တၢ်တီၢ်တမံၤဃီတုၤအိၣ်ပှၤ တီပှၤလိၤဒီးပှၤတတီတလိၤ, ပှၤအဂ့ၤဒီးပှၤအတဂ့ၤ, ပှၤတဖၣ်လၢအအဲၣ်တၢ်ဘူၣ်တၢ်ဘါဒီးပှၤတဖၣ်လၢအတအဲၣ်ဘၣ်, ပှၤတဖၣ်လၢအလုၢ်ထီၣ်တၢ်ဒီးပှၤတဖၣ်လၢအတလုၢ်ထီၣ်တၢ်န့ၣ်လီၤ. ပှၤအဂ့ၤတဂၤတဂ့ၤဒိၣ်န့ၢ်ပှၤတၢ်ဒဲးဘးဖိတဂၤဘၣ်. ပှၤလၢအဆိၣ်လီၤအသးတဂၤ, တဂ့ၤဒိၣ်န့ၢ်ပှၤလၢအတမၤဝဲတဂၤန့ၣ် ဘၣ်.

လံာ်ပှၤစံၣ်တဲၤတဲလီၤတၢ် 9:2 Iomraidhean Croise

လံာ်တၢ်ကဲထီၣ်အခီၣ်ထံး 24:3

ယအဲၣ်ဒိးလၢနကမၤတၢ်ဆိၣ်တမံၤလၢယွၤ, မူခိၣ်ဒီးဟီၣ်ခိၣ်အကစၢ်ယွၤအမံၤအပူၤလၢနတဃုထၢန့ၢ်ဘၣ်ယဖိ ခွါအမါတဂၤလၢပှၤဂီၢ်မုၢ်ဖဲအံၤလၢကီၢ်ကနၤဧၣ်အပူၤဘၣ်န့ၣ် လီၤ.

လံာ်စီၤယိၤဘး 9:22

လၢတၢ်န့ၣ်အဃိ, ယစံးလၢမ့ၢ်ဒၣ်တၢ်ဒ်သိးသိးခဲလၢာ်လီၤ. အဝဲမၤဟးဂီၤကွံာ်ပှၤလၢ တၢ်ပာ်တၢ်ကမၣ်အလီၢ်တအိၣ်ဒီး ပှၤတတီတလိၤန့ၣ်လီၤ.

စံးထီၣ်ပတြၢၤ 73:3

အဂ့ၢ်ဒ်အံၤ, ယထံၣ်တ့ၢ်လၢ ပှၤတတီတလိၤတဖၣ်ဘီၣ်ထီၣ်ညီထီၣ်, ဒီးယသးက့ၣ်ထီၣ်လၢအဝဲသ့ၣ်လၢ အတၢ်ပာ်ထီၣ်ထီအသးအဃိန့ၣ်လီၤ.

လံာ်ပှၤစံၣ်တဲၤတဲလီၤတၢ် 2:26

ကစၢ်ယွၤဟ့ၣ်တၢ်ကူၣ်သ့, တၢ်သ့ၣ်ညါဒီးတၢ်သူၣ်ဖှံ သးညီဆူပှၤတဖၣ်လၢအမၤမုာ်အသးန့ၣ်လီၤ. မ့မ့ၢ်, မၢပှၤတၢ်ဒဲးဘးဖိတဖၣ်မၤတၢ်, မၤန့ၢ်တၢ်ဒီးပာ်ဖှိၣ် တၢ်, ဒ်သိးတၢ်လၢအဝဲသ့ၣ်မၤန့ၢ်တ့ၢ်တဖၣ်, ကဘၣ်တၢ်ဟ့ၣ်လီၤအီၤဆူ ပှၤလၢအမၤမုာ်အဝဲအသးတဖၣ်အအိၣ်န့ၣ်လီၤ. တၢ်ခဲလၢာ်န့ၣ်, အဘျုးတအိၣ်ဘၣ်. တၢ်န့ၣ်လီၤဂာ်ဒီးတၢ်လူၤဖီၣ်ကလံၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 3:19

နီၢ်နီၢ်န့ၣ်, တၢ်ဘူၣ်တၢ်တီၢ်တမံၤဃီအိၣ်ခိးပှၤကညီဒီးဆၣ်ဖိ ကီၢ်ဖိဒ်သိးသိးန့ၣ်လီၤ. တဂၤသံဝဲဒ်အဂၤတဂၤအသိးလီၤ. အဝဲသ့ၣ်မ့ၢ်ဒၣ်တၢ်ဘၣ်တ့ဒ်သိးသိးလီၤ. ပှၤကညီတဂၤတဂ့ၤန့ၢ်ဆၣ်ဖိကီၢ်ဖိတဒုဘၣ်. မ့ၢ်လၢတၢ်အိၣ်မူ အခီပညီတအိၣ်ဘၣ်လၢအဝဲသ့ၣ်အဂီၢ်အဃိလီၤ.

လံာ်ပှၤစံၣ်တဲၤတဲလီၤတၢ် 6:6

တၢ်လၢအဂ့ၤဒိၣ်န့ၢ်ဒံးဒၣ်လဲာ်ပှၤလၢအအိၣ်မူအနံၣ်ခံကထိသနာ် က့တမုာ်လၤသးခုဘၣ်လၢတၢ်အိၣ်မူအပူၤနီတစုဘၣ်တက့ၢ်န့ၣ်လီၤ. နီၢ်နီၢ်န့ၣ်အဝဲသ့ၣ်ခံဂၤလိာ်လဲၤဒၣ်ဆူတၢ်လီၢ်တပူၤဃီန့ၣ်လီၤ.

လံာ်ပှၤစံၣ်တဲၤတဲလီၤတၢ် 7:18

ပဒ့ၣ်ဟးဆှဲးတၢ်နးကဲာ်ဆိးခံမံၤလိာ်န့ၣ်တက့ၢ်. နမ့ၢ်အိၣ်ဒီးတၢ်ယူးယီၣ်ကစၢ်ယွၤဒီး, တမံၤဂ့ၤတမၠိဂ့ၤနကမၤ န့ၢ်မၤနၢၤတၢ်လီၤ.

လံာ်ပှၤစံၣ်တဲၤတဲလီၤတၢ် 7:2

တၢ်လဲၤဆူဟံၣ်တဖျၢၣ်ဖဲတၢ်သူၣ်အုးသးအုးအိၣ်ဝဲန့ၣ်, ဂ့ၤဒိၣ်န့ၢ်ဒံးတၢ်လဲၤဆူတၢ်အီၣ်သကိးအီသကိးတၢ်အဟံၣ်တက့ၢ် န့ၣ်လီၤ. အဂ့ၢ်ဒ်အံၤ, ပှၤအမူတဖၣ်ကြၢးမၤသ့ၣ်နီၣ်အသးထီဘိလၢတၢ်သံ အိၣ်ခိးပာ်ပဝဲခဲလၢာ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 9:11

ယသ့ၣ်ညါလီၤတံၢ်တၢ်အဂၤတမံၤလၢ, ဟီၣ်ခိၣ်အံၤပှၤဃ့ၢ် သတြီၤတၢ်ချ့တဖၣ်တမၤနၢၤတၢ်ပြၢထီဘိဘၣ်ဒီးပှၤအဒူတဖၣ် တမၤနၢၤတၢ်ဒုးထီဘိဘၣ်. ပှၤကူၣ်တၢ်သ့တဖၣ်မၤအီၣ်မၤအီ တကဲထီၣ်လိၣ်ထီၣ်ဘၣ်ထီဘိဘၣ်. ပှၤလၢအအိၣ်ဒီးတၢ်ကူၣ်တၢ်ဆးတဖၣ် တထူးထီၣ်တီၤထီၣ်တဘိယူၢ်ဃီဘၣ်. ဒီးပှၤလၢအမၤတၢ်သ့တဖၣ်တမၤန့ၢ်လီၢ်ဒိၣ်လၤထီထီဘိဘၣ်. ဘူၣ်တီၢ်အၢသီမၤအသးလၢပှၤကိးဂၤဒဲးလီၤ.

လံာ်ပှၤစံၣ်တဲၤတဲလီၤတၢ် 9:3

ဘူၣ်တီၢ်တမံၤဃီတုၤအိၣ်ပှၤခဲလၢာ်, ဒီးတၢ်အံၤကမၣ်ဒၣ်ဒ်တၢ် တမံၤဂ့ၤတမံၤဂ့ၤလၢအမၤသးလၢဟီၣ်ခိၣ်ချၢအံၤန့ၣ်လီၤ. ဖဲပှၤကညီအိၣ်မူဒံးအကတီၢ်န့ၣ်, အသးပှဲၤဒီးတၢ်အၢဒီးတၢ်သူၣ် တထံသးတဆးဒီးသတူၢ်ကလာ်အဝဲသ့ၣ်သံဝဲလီၤ.

လံာ်ယံးရမံယၤ 43:6

အဝဲသ့ၣ်လဲၤကိးစ့ၢ်ကီး ပိာ်ခွါတဖၣ်, ပိာ်မုၣ်တဖၣ်, ဖိသၣ်တဖၣ် ဒီးစီၤပၤအဖိမုၣ်တဖၣ်န့ၣ်လီၤ. အဝဲသ့ၣ်လဲၤကိးကွံာ် ပှၤကိးဂၤဒဲးလၢ သုးခိၣ်ဖးဒိၣ်စီၤနဘူစၢ်ရဒၣ်ပာ်လီၤတဲာ်တ့ၢ်ဝဲလၢ စီၤကဒါလယၤအတၢ်ပၢဆှၢကဟုကယာ်အပူၤ, ဃုာ်ဒီး စီၤဘၤရူးဒီၤယၤန့ၣ်လီၤ.

လံာ်မၤလကံ 3:15

ဒ်ပထံၣ်တ့ၢ်လံအသိးန့ၣ်, ပှၤလၢအပာ်ထီၣ်ထီအသးတဖၣ်န့ၣ်မ့ၢ်ပှၤ လၢအဘၣ်ဆိၣ်ဂ့ၤန့ၣ်လီၤ. ပှၤတတီတလိၤတဖၣ်တမ့ၢ်ထဲအဘီၣ် ထီၣ်ညီထီၣ်ဘၣ်. မ့မ့ၢ်, အဝဲသ့ၣ်မၤကွၢ်ကစၢ်ယွၤအတၢ်သးစူၤလၢအတၢ်မၤအအၢ အသီတဖၣ်ဒီးလူၤပိာ်ထွဲဝဲအခံန့ၣ်လီၤ.”

လံာ်မၤလကံ 3:18

တုၤနုၤတစု, ယပှၤဂီၢ်မုၢ်ကထံၣ်ဘၣ်တၢ်လီၤဆီလၢအမၤအ သးလၢပှၤတီပှၤလိၤဒီးပှၤတတီတလိၤ, ပှၤလၢအမၤယတၢ်ဒီးပှၤလၢ အတမၤယတၢ်အဘၢၣ်စၢၤန့ၣ်လီၤ.”

လံာ်မၤလကံ 3:5

ယွၤသ့တၢ်လၢာ်စံးဝဲ, “ယကလီၣ်ဖျါထီၣ်ယသးလၢသုကျါလၢယကစံၣ်ညီၣ်တၢ်, ဒီးယကအုၣ်ယသးတကီၢ်ခါထီဒါပှၤလၢအမၤကဒါပှၤမဲာ်, ထီဒါပှၤအဲၣ်ဘၢမါအဲၣ်ဘၢဝၤ, ထီဒါပှၤအုၣ်အသးကဘျံးကဘျၣ်, ပှၤလၢအလီန့ၢ်ပှၤမၤတၢ်ဖိလၢအဘူးအလဲတဖၣ်အပူၤ, ဒီးပှၤလၢအဟံးန့ၢ်တၢ်ခွဲးတၢ်ယာ်လၢပှၤမုၣ်ကမဲ, ပှၤဖိၣ်ဃဲတဖၣ်ဒီးပှၤတခီဘီမုၢ်ဖိတဖၣ် အဖီခိၣ်ဒီးထီဒါကယဲၢ်ပှၤလၢအတယူးယီၣ်ပာ်ကဲဘၣ်ယၤတဖၣ် န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:26

သ့ၣ်ပှၢ်န့ၣ်ပှဲၤဒီးကနဲစီလီၤ. ဘၣ်ဆၣ်ဒီးပှၤတအီၣ်ကနဲစီန့ၣ် နီတစဲးဘၣ်. အဂ့ၢ်ဒ်အံၤ, အဝဲသ့ၣ်ပျံၤစီၤစီလူးအတၢ်ဆိၣ်အၢအဃိလီၤ.