လံာ်ပှၤစံၣ်တဲၤတဲလီၤတၢ် 9:18 - Sgaw Karen Common Bible

¹⁸ တၢ်ကူၣ်သ့မၤဂ့ၤတၢ်သ့ဒိၣ်န့ၢ်ဒံးတၢ်စုကဝဲၤတဖၣ်လီၤ. မ့မ့ၢ်, ပှၤတၢ်ဒဲးဘးဖိတဂၤမၤဟးဂီၤတၢ်အဂ့ၤအါမးလီၤ.

လံာ်ပှၤစံၣ်တဲၤတဲလီၤတၢ် 9:18 Iomraidhean Croise

လံာ်စီၤပၤခံဘ့ၣ်တဘ့ၣ် 21:2

စီၤမနၤၡ့ၤမၤတၢ်ဒဲးဘးထီဒါယွၤ, ခီဖျိတၢ်ပိာ်ထွဲပှၤ ကလုာ်တဖၣ်အတၢ်မၤလၢအလီၤသးဘၣ်အၢတဖၣ်အခံ, ပှၤတဖၣ်လၢယွၤဟီထီၣ်ကွံာ်တ့ၢ်အီၤလၢကီၢ်ဖဲအဝဲအပှၤဂီၢ်မုၢ် ဟဲထီၣ်ဒုးတၢ်အခါန့ၣ်လီၤ.

လံာ်စီၤယိၤဘး 35:8

လၢနတၢ်ဒဲးဘးတဖၣ်အဃိဒီးပှၤကညီကဒဲကဒဲဒ်နၤတူၢ်ဘၣ်တၢ်, ဒီးတၢ်အဂ့ၤလၢနမၤန့ၣ်, မၤစၢၤအီၤလီၤ.

လံာ်ပှၤစံၣ်တဲၤတဲလီၤတၢ် 10:1

သၣ်ဘုလါအသံတဖၣ်န့ၣ်, မၤနၢအုၣ်သိနၢမူဒီပလီသ့လီၤ. ဒီးတၢ်သူၣ်တထံသးတဆးတစဲးတြူာ်ကွံာ်တၢ်ကူၣ်သ့အဒိၣ် ကတၢၢ်သ့လီၤ.

လံာ်ပှၤစံၣ်တဲၤတဲလီၤတၢ် 10:10

နကွါအကနၣ်မ့ၢ်လူၤဒီးနမ့ၢ်တကျ့အီၤဘၣ်ဒီး, နကဘၣ်မၤတၢ်ဆူၣ်ဒိၣ်တက့ၢ်ဖဲနသူအီၤလီၤ. တၢ်ကတဲာ်ကတီၤဆိမ့ၢ်တၢ်သးဆးဒိၣ်တက့ၢ်လီၤ.

လံာ်ပှၤစံၣ်တဲၤတဲလီၤတၢ် 2:13

အိ, ယသ့ၣ်ညါလံ. တၢ်ကူၣ်သ့န့ၣ်ဂ့ၤန့ၢ်တၢ်သးတဆး, ဒ်တၢ်ကပီၤဂ့ၤန့ၢ်တၢ်ခံးအသိးန့ၣ်လီၤ.

လံာ်ပှၤစံၣ်တဲၤတဲလီၤတၢ် 7:12

ဒီးကဟ့ၣ်နၤတၢ်ဘံၣ်ဘၢပူၤဖျဲးအါထဲသိးဒီးတၢ်လၢစ့မၤဝဲ သ့တက့ၢ်န့ၣ်လီၤ. တၢ်ကူၣ်သ့ပာ်ပူၤဖျဲးနၤလီၤ. အဝဲအံၤမ့ၢ်တၢ်အိၣ်ဒီးတၢ်သ့ၣ်ညါအဘျုးအဖှိၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 7:19

တၢ်ကူၣ်သ့မၤတၢ်လၢပှၤတဂၤအဂီၢ်ဒိၣ်န့ၢ်အါန့ၢ်ဒံးပှၤပၢတၢ် အဂၤတဆံမၤတၢ်သ့လၢဝ့ၢ်တဝ့ၢ်အဂီၢ်တက့ၢ်လီၤ.

လံာ်ပှၤစံၣ်တဲၤတဲလီၤတၢ် 9:16

ယစံးယဲထီဘိလၢတၢ်ကူၣ်သ့န့ၣ်ဂ့ၤဒိၣ်န့ၢ်ဒံးတၢ်ဂံၢ်တၢ်ဘါ တက့ၢ်လီၤ. ဘၣ်ဆၣ်ဒီးပှၤတဆိကမိၣ်ထီၣ်ပှၤအဖှီၣ်တဂၤအံၤ အဂ့ၢ်ဒ်ပှၤကူၣ်တၢ်သ့မ့ၢ်ဂ့ၤ, ပာ်သူၣ်ပာ်သးလၢတၢ်လၢအဝဲစံးကတိၤဝဲအဂ့ၢ်မ့ၢ်ဂ့ၤန့ၣ်နီ တဂၤဘၣ်.

၂ တံၤမသ့း 3:8

ဒ်စီၤယၣ်နံၤဒီးစီၤယၣ်ဘြံၤထီဒါစီၤမိၤၡ့အသိးန့ၣ်, ပှၤတဖၣ်အံၤထီဒါစ့ၢ်ကီးတၢ်မ့ၢ်တၢ်တီဒီးမ့ၢ်ပှၤတဖၣ် လၢအဆိကမိၣ်ဆိကမးတၢ်တဘၣ်ဒီးလီၤတိၢ်ကွံာ်လၢ အတၢ်စူၢ်တၢ်နာ်န့ၣ်လီၤ.

လံာ်စီၤယိၤၡူ 22:20

သ့ၣ်နီၣ်ထီၣ်က့ၤစီၤစ့ရၤအဖိခွါစီၤဧၤကၣ်အတၢ်တဒိ ကနၣ်တၢ်မၤလိာ်ဘၣ်ဃးတၢ်သ့ၣ်တဖၣ်လၢတၢ်ကဘၣ်မၤဟးဂီၤအီၤခဲ လၢာ်အဂ့ၢ်န့ၣ်တက့ၢ်. အံၣ်စရ့လးခဲလၢာ်ဘၣ်တၢ်စံၣ်ညီၣ်အီၤ လၢတၢ်ဂ့ၢ်အဝဲန့ၣ်အဃိလီၤ. စီၤဧၤကၣ်တမ့ၢ်ပှၤထဲတဂၤဧိၤလၢ အသံလၢအတၢ်ဒဲးဘးအဃိန့ၣ်ဘၣ်.”

လံာ်စီၤယိၤၡူ 7:1

ယွၤအတၢ်မၤလိာ်အံၣ်စရ့းလးလၢကဘၣ်မၤဟးဂီၤကွံာ်တၢ်ခဲလၢာ် ဒီးအသုတဟံးန့ၢ်တၢ်နီတမံၤလၢဝ့ၢ်ယရံၤဃိတဂ့ၤန့ၣ်, တဘၣ်တၢ်စူၢ်အီၤဘၣ်လီၤ. ပှၤတဂၤအမံၤမ့ၢ်ဝဲစီၤဧၤကၣ်တစူၢ်ယွၤအကလုၢ်ဘၣ်ဒီးယွၤအသး ကဲၤထီၣ်ဘၣ်ပှၤအံၣ်စရ့လးဖိန့ၣ်လီၤ. (စီၤဧၤကၣ်မ့ၢ်စီၤကၢ်မံၤအဖိခွါဒီးစီၤစးဘဒံၤအလံၤခွါ ဒီးဘၣ်ဃးဒီးစီၤစ့ရၤအဒူၣ်လၢအမ့ၢ်ယူဒၤအဒူၣ်အကျါတဒူၣ်န့ၣ်လီၤ.)

လံာ်စီၤယိၤၡူ 7:5

ပှၤဝ့ၢ်ဂဲဖိတဖၣ်စးထီၣ်လူၤအီၤလၢဝ့ၢ်အတြဲၤတုၤလၢၡဘၤရံၣ် ဒီးမၤသံကွံာ်ပှၤသၢဆံဃုဂၤဃၣ်ဃၣ်လၢကျဲလဲၤလီၤလၢကစၢၢ် အလိၤန့ၣ်လီၤ. ဒီးပှၤဂီၢ်မုၢ်အသးပှံၢ်လီၤကွံာ်, ဒီးမၤအသးဒ်ထံအသိးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:30

ပပှၤဂီၢ်မုၢ်တဖၣ်မ့ၢ်အီၣ်တၢ်အီၣ်လၢအဟဲစိာ်ဝဲန့ၣ်လၢတနံၤအံၤ ဖဲအမၤနၢၤကွံာ်အဒုၣ်အဒါန့ၣ်ကဂ့ၤဒိၣ်ဝဲဆံးဒိၣ်လဲၣ်. ထဲဆိကမိၣ်ကွၢ်လၢအဝဲသ့ၣ်မၤသံကွံာ်ပှၤဖလ့ၡသးဖိကန့ၢ်အါ န့ၣ်အလီၢ်ဆံးဒိၣ်လဲၣ်န့ၣ်တက့ၢ်.”