လံာ်ပှၤစံၣ်တဲၤတဲလီၤတၢ် 9:13 - Sgaw Karen Common Bible

¹³ တၢ်အိၣ်ဒံးဝဲအဂၤတမံၤလၢယထံၣ်တ့ၢ်ဒီးမ့ၢ်တၢ်ဒိဂ့ၤတဲာ်ဘၣ် တမံၤလၢတၢ်ကူၣ်သ့ဘၣ်တၢ်ပာ်ကဲအီၤလၢဟီၣ်ခိၣ်ချၢအံၤဒ်လဲၣ် န့ၣ်လီၤ.

လံာ်ပှၤစံၣ်တဲၤတဲလီၤတၢ် 9:13 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 20:22

အန့ၣ်ဝံၤဒီး, ပိာ်မုၣ်န့ၣ်လဲၤဆူဝ့ၢ်အပှၤဂီၢ်မုၢ်အအိၣ်ဃုာ် ဒီးအဝဲအတၢ်ကူၣ်တၢ်ကျဲၤ, သတးဒီးအဝဲသ့ၣ်ကျီတဲာ်ကွံာ်စီၤၡဘၤအခိၣ်ဒီးကွံာ်ခီအီၤဆူ စီၤယိၤအာ်အအိၣ်လၢဝ့ၢ်ခိၣ်ဒူန့ၣ်လီၤ. စီၤယိၤအာ်အူထီၣ်ကွဲၤဒ်တၢ်ပနီၣ်တမံၤဒ်သိးအပှၤတဖၣ်ကဟးထီၣ် ကွံာ်လၢဝ့ၢ်န့ၣ်ဒီးအဝဲသ့ၣ်က့ၤကဒါက့ၤဆူဟံၣ်န့ၣ်လီၤ. ဒီးစီၤယိၤအာ်က့ၤကဒါက့ၤဆူဝ့ၢ်ယရူၤၡလ့ၣ်ဆူစီၤပၤအအိၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 6:1

ယပာ်သူၣ်ပာ်သးတ့ၢ်လၢတၢ်စံၣ်ညီၣ်တတီဒိၣ်မးတမံၤမၤတ့ၢ် အသးလၢဟီၣ်ခိၣ်အံၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 7:15

ယတၢ်အိၣ်မူမ့ၢ်တ့ၢ်တၢ်လၢအဘျုးတအိၣ်ဘၣ်လီၤ. ဘၣ်ဆၣ်ဒီးလၢအပူၤန့ၣ်ယထံၣ်တ့ၢ်တၢ်ခဲလၢာ်လီၤ. ပှၤအဂ့ၤတဂၤကသံဝဲဖဲပှၤတဂၤလၢအအၢဒၣ်လဲာ်အိၣ်မူဒံးဝဲအခါ န့ၣ်လီၤ.

လံာ်ပှၤစံၣ်တဲၤတဲလီၤတၢ် 7:19

တၢ်ကူၣ်သ့မၤတၢ်လၢပှၤတဂၤအဂီၢ်ဒိၣ်န့ၢ်အါန့ၢ်ဒံးပှၤပၢတၢ် အဂၤတဆံမၤတၢ်သ့လၢဝ့ၢ်တဝ့ၢ်အဂီၢ်တက့ၢ်လီၤ.

လံာ်ပှၤစံၣ်တဲၤတဲလီၤတၢ် 8:16

ဖဲယကျဲးစၢးကဲထီၣ်ပှၤကူၣ်သ့ဒီးမၤလိတၢ်လၢအမၤသးလၢဟီၣ် ခိၣ်အံၤတဘျီလၢ်လၢ်န့ၣ်ယသ့ၣ်ညါလီၤတံၢ်လၢ, မုၢ်ဆါမ့ၢ်ဂ့ၤမုၢ်နၤမ့ၢ်ဂ့ၤနကအိၣ်ဖုသံနီၣ်တထံၣ်ဃီ,

လံာ်ပှၤစံၣ်တဲၤတဲလီၤတၢ် 9:11

ယသ့ၣ်ညါလီၤတံၢ်တၢ်အဂၤတမံၤလၢ, ဟီၣ်ခိၣ်အံၤပှၤဃ့ၢ် သတြီၤတၢ်ချ့တဖၣ်တမၤနၢၤတၢ်ပြၢထီဘိဘၣ်ဒီးပှၤအဒူတဖၣ် တမၤနၢၤတၢ်ဒုးထီဘိဘၣ်. ပှၤကူၣ်တၢ်သ့တဖၣ်မၤအီၣ်မၤအီ တကဲထီၣ်လိၣ်ထီၣ်ဘၣ်ထီဘိဘၣ်. ပှၤလၢအအိၣ်ဒီးတၢ်ကူၣ်တၢ်ဆးတဖၣ် တထူးထီၣ်တီၤထီၣ်တဘိယူၢ်ဃီဘၣ်. ဒီးပှၤလၢအမၤတၢ်သ့တဖၣ်တမၤန့ၢ်လီၢ်ဒိၣ်လၤထီထီဘိဘၣ်. ဘူၣ်တီၢ်အၢသီမၤအသးလၢပှၤကိးဂၤဒဲးလီၤ.

လံာ်ပှၤစံၣ်တဲၤတဲလီၤတၢ် 9:12

နတသ့ၣ်ညါနဆၢကတီၢ်ကတုၤအိၣ်နၤခဲလဲၣ်န့ၣ်ဘၣ်. ဒ်ထိၣ်တဖၣ်ဘၣ်တၢ်ဖီၣ်န့ၢ်အီၤသတူၢ်ကလာ်လၢပျံၤသကွီၤအသိး, ဒီးဒ်ဒ့ၣ်ဧိၤညၣ်ဧိၤဘၣ်တၢ်ဖီၣ်န့ၢ်အီၤလၢပှာ်ဧိၤစၤဧိၤအသိး န့ၣ်, ပဘၣ်တ့ၢ်ထုလၢဆၢကတီၢ်အၢသီတနီၤအပူၤဖဲပတမုၢ်လၢ်အီၤ အခါန့ၣ်လီၤ.

လံာ်ပှၤစံၣ်တဲၤတဲလီၤတၢ် 9:14

ဝ့ၢ်အဆံးဖိအိၣ်ဝဲတဝ့ၢ်လၢပှၤတအိၣ်လၢအပူၤအါဂၤဘၣ်န့ၣ်လီၤ. စီၤပၤလၢအစိကမီၤဒိၣ်ဝဲတဂၤဟဲဒုးအီၤလီၤ. အဝဲကဝီၤဃာ်ဝ့ၢ်အံၤဒီးကတဲာ်ကတီၤအသးလၢကမၤလီၤပှီၢ်ဝ့ၢ် အခိၣ်ဒူတဖၣ်န့ၣ်လီၤ.

လံာ်ဒၤနံးယ့လး 2:14

တုၤနုၤတစုစီၤဒၤနံးယ့လးလဲၤဆူပှၤပၢၤစီၤပၤအသးသမူအသုး ခိၣ်စီၤအၤရယိးပှၤတဂၤလၢကဘၣ်မၤသံပှၤဟ့ၣ်ကူၣ်တၢ်တဖၣ်န့ၣ် အအိၣ်ဒီးကတိၤတၢ်လၢတၢ်ကူၣ်ဘၣ်ဖးသ့ဒီးတၢ်သးဆးအပူၤ,