လံာ်ပှၤစံၣ်တဲၤတဲလီၤတၢ် 9:11 - Sgaw Karen Common Bible

¹¹ ယသ့ၣ်ညါလီၤတံၢ်တၢ်အဂၤတမံၤလၢ, ဟီၣ်ခိၣ်အံၤပှၤဃ့ၢ် သတြီၤတၢ်ချ့တဖၣ်တမၤနၢၤတၢ်ပြၢထီဘိဘၣ်ဒီးပှၤအဒူတဖၣ် တမၤနၢၤတၢ်ဒုးထီဘိဘၣ်. ပှၤကူၣ်တၢ်သ့တဖၣ်မၤအီၣ်မၤအီ တကဲထီၣ်လိၣ်ထီၣ်ဘၣ်ထီဘိဘၣ်. ပှၤလၢအအိၣ်ဒီးတၢ်ကူၣ်တၢ်ဆးတဖၣ် တထူးထီၣ်တီၤထီၣ်တဘိယူၢ်ဃီဘၣ်. ဒီးပှၤလၢအမၤတၢ်သ့တဖၣ်တမၤန့ၢ်လီၢ်ဒိၣ်လၤထီထီဘိဘၣ်. ဘူၣ်တီၢ်အၢသီမၤအသးလၢပှၤကိးဂၤဒဲးလီၤ.

လံာ်ပှၤစံၣ်တဲၤတဲလီၤတၢ် 9:11 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 17:14

စီၤအးဘၡါလိၣ်ဒီးကယဲၢ်ပှၤအံၣ်စရ့လးဖိခဲလၢာ်စံးဝဲဒၣ်, “စီၤဃူၤၡဲအတၢ်ဟ့ၣ်ကူၣ်န့ၣ်ဂ့ၤဒိၣ်န့ၢ်ဒံးစီၤအဃံသဖ့ၤလး အတၢ်ဟ့ၣ်ကူၣ်တက့ၢ်လီၤ.” ယွၤပာ်လီၤတ့ၢ်လံအသးလၢစီၤအဃံသဖ့ၤလးအတၢ်ဟ့ၣ်ကူၣ်လၢအဂ့ၤန့ၣ်တၢ်သုတမၤထွဲအီၤတဂ့ၤ, ဒ်သိးတၢ်တတၢးတနါကလီၤဘၣ်လၢစီၤအးဘၡါလိၣ်အလိၤအဂီၢ်န့ၣ် လီၤ.

လံာ်စီၤၡမူၤအ့လးခံဘ့ၣ်တဘ့ၣ် 17:23

ဖဲစီၤအဃံသဖ့ၤလးထံၣ်သ့ၣ်ညါဝဲလၢအတၢ်ဟ့ၣ်ကူၣ်တဘၣ်တၢ်မၤ ထွဲအီၤန့ၣ်, အဝဲဂီၤကၢ်ထီၣ်အကသ့ၣ်ယီၤဒီးက့ၤကဒါက့ၤဆူအဝ့ၢ်ဒၣ်ဝဲန့ၣ်လီၤ. တုၤအဝဲကျဲၤလီၤအဟံၣ်အဃီ အဂ့ၢ်အကျိၤဘၣ်ဘၣ်ဝံၤအလီၢ်ခံန့ၣ်, အဝဲစၢသံလီၤက့ၤအသးန့ၣ် လီၤ. အဝဲဘၣ်တၢ်ခူၣ်လီၤကွံာ်အီၤဖဲအဒူၣ်ဖိထၢဖိအသွၣ်ခိၣ်အပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:15

စီၤယၤဃစအ့လးစံးဝဲ, “နဲဒၣ်တၢ်ဒိၣ်စီၤပၤဖးဒိၣ်ဒီး ကယဲၢ်သုဝဲပှၤဂီၢ်မုၢ်လၢကီၢ်ယူဒၤဒီးဝ့ၢ်ယရူၤၡလ့ၣ်အပူၤ သ့ၣ်ဧၢ, ယွၤစံးဝဲဒၣ်, လၢသုတ့ၢ်စၢ်လီၤသုဂံၢ်သုဘါမ့ၢ်ဂ့ၤ, ပျံၤတၢ်ဖုးတၢ်လၢသုကကွၢ်ဆၢၣ်မဲာ်သုးမုၢ်ဖးဒိၣ်အံၤမ့ၢ်ဂ့ၤ, အလီၢ်တအိၣ်ဘၣ်. တၢ်ဒုးန့ၣ်သန့ၤထီၣ်အသးလၢယွၤအဖီခိၣ်ဒီး တမ့ၢ်ဘၣ်လၢသုဖီခိၣ်ဘၣ်.

လံာ်စီၤယိၤဘး 34:29

တုၤမ့ၢ်ကစၢ်ယွၤပာ်လီၤအသးလၢကအိၣ်ဘှ့ၣ်အိၣ်ဘှီၣ်ဒီး မတၤပာ်တၢ်ကမၣ်လၢအလိၤသ့တဂၤလဲၣ်. တုၤအပာ် သဒၢအမဲာ်ဒီးမတၤထံၣ်အီၤကသ့တဂၤလဲၣ်.

စံးထီၣ်ပတြၢၤ 76:5

ပှၤသုးဖိလၢအဒူတဖၣ်ပာ်လီၤတ့ၢ်လံအစုကဝဲၤ, ဒီးအခဲအံၤမံဝဲလၢတၢ်သံအတၢ်မံအပူၤလံ. အဂံၢ်အဘါဒီးအတၢ်သ့တၢ်ဘၣ်ခဲလၢာ် တဂိာ်တသီၣ်လၢၤနီတမံၤဘၣ်.

တၢ်ကတိၤဒိ. 1:5

တၢ်ကူၣ်သ့အတၢ်ကတိၤတဖၣ်အံၤမၤအါထီၣ်ပှၤကူၣ်သ့တဖၣ် အတၢ်သ့ၣ်ညါဒီးဟ့ၣ်တၢ်နဲၣ်ကျဲဆူပှၤမၤလိမၤဒိးဘၣ်တၢ်တဖၣ် သ့ဝဲ,

လံာ်ပှၤစံၣ်တဲၤတဲလီၤတၢ် 2:12

နီၢ်နီၢ်တခီန့ၣ်, စီၤပၤတဂၤမၤတၢ်ကသ့ဒၣ်ထဲသိးသိးစီၤပၤ လၢအပူၤကွံာ်တဖၣ်မၤတ့ၢ်ဝဲန့ၣ်လီၤ. မၤသးဒ်န့ၣ်ဒီး, ယစးထီၣ်ဆိကမိၣ်ထီၣ်တၢ်ကဲထီၣ်ပှၤကူၣ်တၢ်သ့, မ့တမ့ၢ်ပှၤလၢအတပလီၢ်အသး, မ့တမ့ၢ်ပှၤဟးဂီၤဖိ, အခီပညီမ့ၢ်တၢ်မနုၤလဲၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 3:14

ယသ့ၣ်ညါလၢတၢ်ခဲလၢာ်လၢကစၢ်ယွၤမၤဝဲန့ၣ်ကအိၣ်ဂၢၢ်ဆိးကျၢၤ ဝဲလီၤထူလီၤယိာ်လီၤ. နပာ်ဖှိၣ်အါထီၣ်တၢ်တမံၤမံၤမ့ၢ်ဂ့ၤ, ထုးကွံာ်တၢ်တမံၤမံၤမ့ၢ်ဂ့ၤတသ့ဝဲဘၣ်. ဒီးတၢ်တမံၤလၢကစၢ်ယွၤမၤဝဲန့ၣ်မ့ၢ်, ကမၢပဆၢထၢၣ်လၢအမဲာ်ညါလၢတၢ်ပျံၤဒီးတၢ်ယူးယီၣ်အီၤပူၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 3:17

ယစံးလၢယသးကံၢ်ပူၤ, “ကစၢ်ယွၤကစံၣ်ညီၣ်ပှၤအတီအလိၤ, ဒီးပှၤအၢပှၤသီဒ်သိးသိးလီၤ. မ့ၢ်အဂ့ၢ်ဒ်လဲၣ်န့ၣ်, တၢ်ခဲလၢာ်, တၢ်မၤခဲလၢာ်, ကမၤအသးလၢတၢ်အကတီၢ်ဒၣ်ဝဲဒ်တၢ်ပာ် လီၤတ့ၢ်အီၤအသိးန့ၣ်လီၤ.

လံာ်ပှၤစံၣ်တဲၤတဲလီၤတၢ် 4:1

မၤကဒီးတစု, ယကွၢ်တၢ်စံၣ်ညီၣ်တတီခဲလၢာ်လၢအမၤဒံးအသးလၢ ဟီၣ်ခိၣ်ချၢအံၤန့ၣ်လီၤ. ပှၤလၢအဘၣ်တၢ်မၤနးမၤဖှီၣ်အီၤတဖၣ်ဟီၣ်တၢ်ယၢၤတၢ်ဘၣ်ဆၣ်ပှၤမၤ စၢၤအီၤတအိၣ်နီတဂၤဘၣ်. ပှၤတမၤစၢၤအီၤနီတဂၤဘၣ်န့ၣ်မ့ၢ်လၢတၢ်စိကမီၤအိၣ်လၢပှၤမၤ နးမၤဖှီၣ်တၢ်တဖၣ်အစုပူၤအဃိန့ၣ်လီၤ.

လံာ်ပှၤစံၣ်တဲၤတဲလီၤတၢ် 4:4

ဘၣ်မနုၤအဃိပှၤမၤတၢ်ဆူၣ်ဆူၣ်လၢကမၤန့ၢ်မၤနၢၤတၢ်အဂီၢ်လဲၣ်န့ၣ်, ယမၤလိဃုနၢ်ပၢၢ်ယဲစ့ၢ်ကီးလီၤ. အဂ့ၢ်ဒ်အံၤ, အဝဲသ့ၣ်သးကါပှၤလၢအဃၢၤတဖၣ်အဃိလီၤ. ဘၣ်ဆၣ်တၢ်အံၤမ့ၢ်တၢ်လၢအဘျုးတအိၣ်ဘၣ်လီၤ. မၤအသးဒ်တၢ်လူၤဖီၣ်ကလံၤအသိးန့ၣ်လီၤ.

လံာ်ပှၤစံၣ်တဲၤတဲလီၤတၢ် 7:13

ဆိကမိၣ်ထီၣ်တၢ်လၢကစၢ်ယွၤမၤတ့ၢ်ဝဲန့ၣ်တက့ၢ်. တၢ်လၢကစၢ်ယွၤမၤက့ၣ်တ့ၢ်အီၤန့ၣ်, မ့ၢ်မတၤမၤဘျၢကသ့ တဂၤလဲၣ်.

လံာ်ပှၤစံၣ်တဲၤတဲလီၤတၢ် 9:2

တၢ်လီၤဆီတအိၣ်နီတမံၤဘၣ်. တၢ်ဘူၣ်တၢ်တီၢ်တမံၤဃီတုၤအိၣ်ပှၤ တီပှၤလိၤဒီးပှၤတတီတလိၤ, ပှၤအဂ့ၤဒီးပှၤအတဂ့ၤ, ပှၤတဖၣ်လၢအအဲၣ်တၢ်ဘူၣ်တၢ်ဘါဒီးပှၤတဖၣ်လၢအတအဲၣ်ဘၣ်, ပှၤတဖၣ်လၢအလုၢ်ထီၣ်တၢ်ဒီးပှၤတဖၣ်လၢအတလုၢ်ထီၣ်တၢ်န့ၣ်လီၤ. ပှၤအဂ့ၤတဂၤတဂ့ၤဒိၣ်န့ၢ်ပှၤတၢ်ဒဲးဘးဖိတဂၤဘၣ်. ပှၤလၢအဆိၣ်လီၤအသးတဂၤ, တဂ့ၤဒိၣ်န့ၢ်ပှၤလၢအတမၤဝဲတဂၤန့ၣ် ဘၣ်.

လံာ်ပှၤစံၣ်တဲၤတဲလီၤတၢ် 9:3

ဘူၣ်တီၢ်တမံၤဃီတုၤအိၣ်ပှၤခဲလၢာ်, ဒီးတၢ်အံၤကမၣ်ဒၣ်ဒ်တၢ် တမံၤဂ့ၤတမံၤဂ့ၤလၢအမၤသးလၢဟီၣ်ခိၣ်ချၢအံၤန့ၣ်လီၤ. ဖဲပှၤကညီအိၣ်မူဒံးအကတီၢ်န့ၣ်, အသးပှဲၤဒီးတၢ်အၢဒီးတၢ်သူၣ် တထံသးတဆးဒီးသတူၢ်ကလာ်အဝဲသ့ၣ်သံဝဲလီၤ.

လံာ်ယံးရမံယၤ 46:6

ပှၤလၢအဃ့ၢ်ချ့တဖၣ်, ဃ့ၢ်တပူၤဘၣ်. ပှၤသုးဖိတဖၣ် ဃ့ၢ်ပူၤဖျဲးဝဲတသ့ၣ်ဘၣ်. လၢကလံၤစိးတကပၤ, လၢထံကျိဖရၤသးအဃၢၤန့ၣ် အဝဲသ့ၣ် အခီၣ်ဘၣ်တိၢ်ဒီး လီၤဃံၤဝဲလီၤ.

လံာ်ယံးရမံယၤ 48:14

ကီၢ်မိၤအးအပှၤပိာ်ခွါသ့ၣ်ဧၢ, ဘၣ်မနုၤအဃိသုစံးလီၤသုသးလၢ သုမ့ၢ်ပှၤဒူပှၤဃိၤတဖၣ်, ပှၤသုးဖိအဒူတဖၣ်လၢ အဘၣ်တၢ်မၤကွၢ်တ့ၢ်လံ အီၤလၢ တၢ်ဒုးတၢ်ယၤအပူၤလံ, န့ၣ်လဲၣ်.

လံာ်ယံးရမံယၤ 9:23

ယွၤစံးဝဲဒၣ်, “ပှၤကူၣ်တၢ်သ့တဖၣ်တကြၢးပာ်ကဖၢလၢအသးလၢ အတၢ်ကူၣ်သ့ အဃိမ့ၢ်ဂ့ၤ, ပှၤဂံၢ်ဆူၣ်ဘါဆူၣ်တဖၣ်လၢအတၢ်ဂံၢ်တၢ်ဘါအဃိမ့ၢ်ဂ့ၤ, ဒီးပှၤထူးပှၤတီၤတဖၣ်လၢ အတၢ်ထူးတၢ်တီၤအဃိမ့ၢ်ဂ့ၤန့ၣ်ဘၣ်.

လံာ်ဒၤနံးယ့လး 4:35

ကယဲၢ်ပှၤအိၣ်လၢဟီၣ်ခိၣ်ချၢခဲလၢာ်န့ၣ်ပာ်ဝဲဒ်တမ့ၢ် တၢ်နီတမံၤအသိး, ဒီးမၤတၢ်ဖဲအတၢ်ဘၣ်အသးဒၣ်ဝဲလၢမူခိၣ် တၢ်သုးမုၢ်ဂီၢ်မုၢ်အကျါ, ဒီးလၢပှၤအိၣ်လၢဟီၣ်ခိၣ်ချၢတဖၣ် အကျါန့ၣ်လီၤ. ပှၤတြီအစုမ့ၢ်ဂ့ၤ, သံကွၢ်အီၤမ့ၢ်နမၤတၢ်မနုၤလဲၣ်မ့ၢ်ဂ့ၤ တန့ၢ်ဘၣ်နီတဂၤဘၣ်.

လံာ်စကၤရယၤ 4:6

ကလူးမၢယတဲဘၣ်စီၤစရူၤဘၤဘ့လးလၢယွၤ အတၢ်ကစီၣ်ဒ်အံၤ, “နကမၤနၢၤတၢ်, ဘၣ်ဆၣ်ဒီးတမ့ၢ်ဘၣ်လၢသုးမုၢ်သံၣ်ဘိအစိ ကမီၤဒီးနဂံၢ်နဘါဒၣ်နဲဘၣ်. မ့မ့ၢ်တခီမ့ၢ်လၢယသးလီၤ.

လံာ်မၤလကံ 3:18

တုၤနုၤတစု, ယပှၤဂီၢ်မုၢ်ကထံၣ်ဘၣ်တၢ်လီၤဆီလၢအမၤအ သးလၢပှၤတီပှၤလိၤဒီးပှၤတတီတလိၤ, ပှၤလၢအမၤယတၢ်ဒီးပှၤလၢ အတမၤယတၢ်အဘၢၣ်စၢၤန့ၣ်လီၤ.”

အ့းဖ့းစူး 1:11

တၢ်ခဲလၢာ်ဘၣ်တၢ်မၤအီၤဒ်ကစၢ်ယွၤအတၢ်ရဲၣ်တၢ်ကျဲၤဒီး အတၢ်စံၣ်ညီၣ်တဲာ်တၢ်အသိးလီၤ. ယွၤဃုထၢထီၣ်ပှၤဒ်သိး ပကကဲထီၣ်အပှၤဂီၢ်မုၢ်ခီဖျိတၢ်အိၣ်မူလၢခရံာ်အပူၤ, ဒ်အတၢ်တိာ်အိၣ်ဝဲအသိး, သန့ၤထီၣ်အသးလၢယွၤ အတၢ်စံၣ်ညီၣ်တဲာ်တ့ၢ်ဝဲလၢတၢ်အခီၣ်ထံးလံၤလံၤန့ၣ်လီၤ.

လံာ်သိၣ်လီၤသီလီၤတၢ် 8:17

လၢတၢ်န့ၣ်အဃိ, သုတဘၣ်ဆိကမိၣ်ထီၣ်နီတစုလၢသုမၤထူးထီၣ် တီၤထီၣ်သုသးလၢသုနီၢ်ကစၢ်ဒၣ်ဝဲ, အတၢ်စိကမီၤဒီးတၢ်ဂံၢ်တၢ်ဘါဒၣ်ဝဲအပူၤန့ၣ်တဂ့ၤ.

လံာ်သိၣ်လီၤသီလီၤတၢ် 8:18

သ့ၣ်နီၣ်ထီၣ်က့ၤလၢပှၤလၢအဟ့ၣ်လီၤသုတၢ်စိတၢ်ကမီၤလၢသု ကထူးထီၣ်တီၤထီၣ်န့ၣ်မ့ၢ်ယွၤ, သုကစၢ်ယွၤန့ၣ်တက့ၢ်. အဝဲမၤတၢ်အံၤမ့ၢ်လၢအဝဲအသူၣ်တီသးရၤဒံးဝဲဒီး အတၢ်အၢၣ်လီၤအီလီၤလၢအမၤတ့ၢ်ဝဲဒီးသုမိၢ်ပၢ်ဖံဖုလၢပျၢၤတဖၣ်တုၤ မုၢ်မဆါတနံၤအံၤအဃိန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:50

မၤသးဒ်န့ၣ်ဒီး, စီၤဒၤဝံးမၤနၢၤဒီးမၤသံကွံာ်စီၤကၤလယး လၢနီၣ်ဘျုးတခါဒီးလၢၢ်တဖျၢၣ်, တအိၣ်ဒီးနးတဘ့ၣ်ဘၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 6:9

တုၤနုၤတစုကွၢ်ထွဲအတၢ်လဲၤတက့ၢ်. ဒီးမ့ၢ်လဲၤတၢ်လိၤလိၤဆူ ဝ့ၢ်ဘ့ၤသၡ့မ့ၣ်န့ၣ်, တၢ်အံၤအခီပညီမ့ၢ်ဝဲကီၢ်အံၣ်စရ့လးအကစၢ်ယွၤဆှၢလီၤတၢ်နးတၢ်ဖှီၣ်အၢအၢသီသီလၢပဖီခိၣ်လီၤ. ဘၣ်ဆၣ်ဒီးမ့တမ့ၢ်ဒ်န့ၣ်ဘၣ်န့ၣ်, ပကသ့ၣ်ညါလၢအဝဲတဆှၢလီၤတၢ်သံသတြိာ်ဘၣ်. မ့ၢ်ဒၣ်တၢ်ဘၣ်ဆၢၣ်ဘၣ်တီၤတမံၤန့ၣ်လီၤ.”