လံာ်ပှၤစံၣ်တဲၤတဲလီၤတၢ် 9:10 - Sgaw Karen Common Bible

¹⁰ ကယဲၢ်တၢ်လၢနမၤအီၤတမံၤလၢ်လၢ်န့ၣ်, မၤအီၤဆူၣ်ဆူၣ်တက့ၢ်. အဂ့ၢ်ဒ်အံၤ, တၢ်မၤမ့ၢ်ဂ့ၤ, တၢ်ကူၣ်မ့ၢ်ဂ့ၤ, တၢ်သ့ၣ်ညါမ့ၢ်ဂ့ၤ, တၢ်ကူၣ်သ့မ့ၢ်ဂ့ၤတအိၣ်ဘၣ်ဖဲပျုၤပူၤဘၣ်. ဒီးအဝဲန့ၣ်မ့ၢ်တၢ်လီၢ်လၢနကလဲၤလီၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 9:10 Iomraidhean Croise

လံာ်တၢ်ကဲထီၣ်အခီၣ်ထံး 37:35

ကယဲၢ်အဖိခွါဒီးအဖိမုၣ်တဖၣ်ဟဲဝဲလၢကမၤမုာ်အီၤအဂီၢ်, ဘၣ်ဆၣ်ဒီးအဝဲဂ့ၢ်လိာ်ကွံာ်တၢ်မၤမုာ်အီၤဒီးစံးဝဲ, “ယကလဲၤလီၤဆူတၢ်သံအကီၢ်ပူၤ, အိၣ်ဒံးဒီးတၢ်သူၣ်အုးသး အုးလၢယဖိခွါအဃိန့ၣ်လီၤ.” အန့ၣ်ဒီးအဝဲဟီၣ်ယၢၤထွဲဒံးဝဲလၢအဖိခွါစီၤယိၤသးအဃိ န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 22:19

ခဲကနံၣ်အံၤ, မၤယွၤသုကစၢ်ယွၤအတၢ်မၤလၢသုသးဒီဖျၢၣ်ညါ ဒီးသုသူၣ်ကံၢ်သးလဲန့ၣ်တက့ၢ်. စးထီၣ်သူၣ်ထီၣ်ယွၤအတၢ်လုၢ်ဟံၣ်ဒ်သိးသုပာ်ယွၤအတၢ်အၢၣ်လီၤ အီလီၤအတလါစီဆှံဒီးကယဲၢ်တၢ်အဃၢၤအဃိၢ်စီဆှံလၢအဘၣ်တၢ်သူ အီၤလၢတၢ်ဘူၣ်ထီၣ်ဘါထီၣ်အီၤအဂီၢ်တဖၣ်, လၢအပူၤကသ့ဝဲန့ၣ်တက့ၢ်.”

လံာ်ကွဲးနီၣ်တၢ်အခီၣ်ထံးတဘ့ၣ် 28:20

စီၤပၤစီၤဒၤဝံးစံးဘၣ်အဖိခွါစီၤၡလိၤမိၤ, “နာ်န့ၢ်လီၤနသးဒီးပာ်နသးကျၢၤမုဆှုတက့ၢ်. စးထီၣ်နတၢ်မၤဒီးပျဲတၢ်နီတမံၤဒုးဆိကတီၢ်နၤတဂ့ၤ. ယွၤ, ကစၢ်ယွၤလၢယမၤအတၢ်ကအိၣ်ဒီးနၤလီၤ. အဝဲတပာ်လီၤတဲာ်နၤဘၣ်. မ့မ့ၢ်အဝဲကအိၣ်ဒီးနၤတုၤနသူၣ်ထီၣ်ယွၤအတၢ်လုၢ်ဟံၣ်ဝံၤဝဲ တစုန့ၣ်လီၤ.”

လံာ်စီၤနဃ့မယၤ 2:12

ယတတဲပှၤနီတဂၤလၢတၢ်လၢကစၢ်ယွၤဟ့ၣ်ဂံၢ်ဟ့ၣ်ဘါ ယၤလၢယကမၤတၢ်လၢဝ့ၢ်ယရူၤၡလ့ၣ်အဂီၢ်န့ၣ်ဘၣ်. ဒီးလၢမုၢ်နၤဖးဖီမုၢ်အကတီၢ်န့ၣ်ယဂဲၤဆၢထၢၣ်ဒီးဟးထီၣ်ဆူ တၢ်ချၢဃုာ်ဒီးယတံၤသကိးတနီၤန့ၣ်လီၤ. ဒီးမ့တမ့ၢ်ဘၣ်လၢကသ့ၣ်ယီၤတဒုလၢယဒိးအီၤဘၣ်န့ၣ်ဆၣ်ဖိ ကီၢ်ဖိအဂုၤအဂၤတအိၣ်ဒီးယၤဘၣ်.

လံာ်စီၤနဃ့မယၤ 4:2

ဒီးလၢအတံၤသကိးသ့ၣ်တဖၣ်, ဒီးၡၤမရံအပှၤသုးဖိသ့ၣ်တဖၣ် အမဲာ်ညါန့ၣ်စံးဝဲ, “ပှၤယူဒၤဖိလၢအတဂိာ်တသီၣ်တၢ်သ့ၣ်တဖၣ်အံၤမ့ၢ်အဆိကမိၣ်ဝဲ လၢအမၤတၢ်မနူၤန့ၣ်လဲၣ်. မ့ၢ်အဝဲသ့ၣ်အဲၣ်ဒိးသူၣ်ထီၣ်ကဒါက့ၤဝ့ၢ်န့ၣ်ဧါ. မ့ၢ်အဆိကမိၣ်ဝဲဒၣ်လၢခီဖျိအတၢ်လုၢ်ထီၣ်ပာ်ထီၣ်တၢ်န့ၣ်မၤတၢ် လၢတနံၤဃီအတီၢ်ပူၤကဝံၤန့ၣ်ဧါ. မ့ၢ်အမၤကဲထီၣ်လၢၢ်လၢတၢ်တဂိာ်တသီၣ်လၢမ့ၣ်အူအီၣ်အီၤအကျါ န့ၣ်ကသ့စ့ၢ်ကီးဧါ.”

လံာ်စီၤနဃ့မယၤ 4:6

ဒီးပဘှီဝ့ၢ်ခိၣ်ဒူဒီးဝံၤဝဲတုၤအကစီၤထီၣ်အဖးဖီမ့ၢ်လၢ ပှၤဂီၢ်မုၢ်တဖၣ်အိၣ်ဒီးတၢ်သးဆူၣ်လၢကမၤတၢ်အဂီၢ်အဃိန့ၣ်လီၤ.

လံာ်စီၤယိၤဘး 10:21

တယံာ်ဘၣ်ဒီးယကလဲၤတၢ်ဒီးတဟဲက့ၤနီတဘျီလၢၤဘၣ် န့ၣ်လီၤ. ယကလဲၤဆူတၢ်လီၢ်လၢတၢ်ခံးတၢ်နၤဒီးတၢ်သး ဟးဂူာ်ဟးဂီၤအလီၢ်,

လံာ်စီၤယိၤဘး 10:22

ကီၢ်တဘ့ၣ်လၢအပှဲၤဒီးတၢ်ခံးသူ, တၢ်အကဒုတဖၣ်ဒီးတၢ်သဘံၣ်ဘုၣ်, ဖဲတၢ်ကပီၤဒၣ်လဲာ်မ့ၢ်ဒ်တၢ်ခံးတၢ်နၤအသိးန့ၣ်လီၤ.

လံာ်စီၤယိၤဘး 21:13

မၤလၢာ်အမုၢ်နံၤတဖၣ်လၢတၢ်ဘီၣ်တၢ်ညီအပူၤဒီးလဲၤလီၤ ဆူပျူၤပူၤမုာ်မုာ်ခုၣ်ခုၣ်လီၤ.

စံးထီၣ်ပတြၢၤ 6:5

အဂ့ၢ်ဒ်အံၤ, တၢ်သ့ၣ်နီၣ်ထီၣ်က့ၤနၤ တအိၣ်ဘၣ်လၢတၢ်သံအပူၤဘၣ်. လၢပျုၤပူၤန့ၣ်, မ့ၢ်မတၤကသ့စံးထီၣ်ပတြၢၤ နဘျုးနဖှိၣ်တဂၤလဲၣ်.

တၢ်ကတိၤဒိ. 3:28

နမၤစၢၤအီၤခဲအံၤမ့ၢ်သ့ဒီး, တဲပှၤလၢနဃၢၤနီတစုလၢအကအိၣ်ခိးဝဲ တုၤခဲမုၢ်ဆ့ၣ်တဂ့ၤ.

လံာ်ပှၤစံၣ်တဲၤတဲလီၤတၢ် 11:3

သ့ၣ်တထူၣ်မ့ၢ်လီၤတကူၢ်ဆူလဲၣ်ဂ့ၤဆူလဲၣ်ဂ့ၤန့ၣ်တမ့ၢ်တၢ်အမိၢ် ပှၢ်ဘၣ်. ကအိၣ်မံလီၤဒၣ်ဖဲအလီၤတကူၢ်ဝဲအလီၢ်လီၤ. တုၤတၢ်အၢၣ်တဖၣ်ပှဲၤဝဲဒီး, တၢ်ဟဲစူၤလီၤလီၤ.

လံာ်ပှၤစံၣ်တဲၤတဲလီၤတၢ် 11:6

သူၣ်လီၤဖျးလီၤတၢ်လၢမုၢ်ဂီၤဒီးလၢမုၢ်ဟါစ့ၢ်ကီးတက့ၢ်. အဂ့ၢ်ဒ်အံၤ, ကဒိၣ်ထီၣ်ဂ့ၤဂ့ၤခဲလၢာ်ဧါ, မ့တမ့ၢ်, ကဂ့ၤတနီၤ, တဂ့ၤတနီၤဧါန့ၣ်, နတသ့ၣ်ညါနီတစုဘၣ်.

လံာ်ယၡါယၤ 38:10

ယဆိကမိၣ်တ့ၢ်လၢ, လၢတၢ်အိၣ်မူမုၢ်ထူၣ်အကတီၢ်န့ၣ်, ယလဲၤလီၤတ့ၢ်ဆူပှၤသံတဖၣ်အကီၢ်ပူၤဒီးတအိၣ်မူဘၣ်လၢၤ ယတၢ်အိၣ်မူနီတစုဘၣ်န့ၣ်လီၤ.

လံာ်ယံးရမံယၤ 29:13

သုကဃုယၤဒီး သုကထံၣ်န့ၢ်ယၤ, မ့ၢ်လၢသုကဃုယၤလၢ သုသးဒီဖျၢၣ်ညါ အဃိန့ၣ်လီၤ.

လံာ်တၢ်ဂံၢ် 13:30

စီၤကၤလ့းဒုးအိၣ်ဘှီၣ်ပှၤဂီၢ်မုၢ်လၢအကဒူးကဒ့ၣ်တၢ်ထီဒါ စီၤမိၤၡ့ဒီးစံးဝဲဒၣ်, “ပကြၢးလဲၤထီၣ်ဒုးတၢ်ခဲအံၤဒီးမၤန့ၢ်ကီၢ်န့ၣ်လီၤ. ပဂံၢ်ပဘါအိၣ်လၢလၢပှဲၤပှဲၤလၢပကမၤနၢၤအီၤအဂီၢ်လီၤ.”

လံာ်မးသဲ 20:7

အဝဲသ့ၣ်စံးဆၢအီၤ, ‘မ့ၢ်လၢပှၤတမၢလဲပှၤနီတဂၤအဃိလီၤ.’ ဒီးစံးဘၣ်အဝဲသ့ၣ်, ‘လဲၤစ့ၢ်ကီးသုဝဲဆူစပံးလီၢ်အပူၤ, ဒီးမၤတၢ်ဖဲန့ၣ်တက့ၢ်.’

လံာ်မးသဲ 6:33

မ့မ့ၢ်ဃုဆိကစၢ်ယွၤအဘီအမုၢ်ဒီးအတၢ်တီတၢ်လိၤတက့ၢ်. ဒီးကစၢ်ယွၤကဟ့ၣ်လီၤသုလၢတၢ်တဖၣ်န့ၣ်ခဲလၢာ်လီၤ.

လံာ်ယိၤဟၣ် 4:34

ယ့ၣ်ၡူးစံးဘၣ်အဝဲသ့ၣ်, “ယတၢ်အီၣ်န့ၣ်မ့ၢ်ယကမၤပှၤလၢ အမၢလီၤယၤတဂၤအတၢ်ဘၣ်အသးဒီးမၤအီၤတုၤအဝံၤ တစုန့ၣ်လီၤ.

လံာ်ယိၤဟၣ် 5:4

(အဝဲသ့ၣ်အိၣ်ခိးဝဲထံကဟူးဝးထီၣ်မ့ၢ်လၢ တဘျီဘၣ်တဘျီဖဲကစၢ်အကလူးဟဲလီၤဒီးမၤဟူးဝးထီၣ်နိၣ်အံၤ အထံန့ၣ်, ပှၤဆူးပှၤဆါလၢအလဲၤနုာ်လီၤဆူ ထံကျါအဆိကတၢၢ်တဂၤန့ၣ်, ဘျါက့ၤလၢအတၢ်ဆါလၢအအိၣ်ဒီးအီၤအဃိန့ၣ်လီၤ.)

လံာ်ယိၤဟၣ် 9:4

ဖဲမုၢ်ဆါခီအကတီၢ်အံၤ, ပကဘၣ်မၤပှၤလၢအမၢလီၤယၤ တဂၤအတၢ်မၤလီၤ. မုၢ်နၤကဟဲဝဲဖဲပှၤမၤတၢ်တသ့လၢၤနီ တဂၤဘၣ်.

ရိမ့ၤ 12:11

မၤတၢ်ဆူၣ်ဆူၣ်ဒီးတဘၣ်ကၢၣ်တဂ့ၤ. မၤကစၢ်အတၢ်မၤလၢသးလၢအပှဲၤဒီးတၢ်အဲၣ်တၢ်ကွံ ဒီးတၢ်ဟ့ၣ်လီၤသးန့ၣ်တက့ၢ်.

1 ကရံၣ်သူး 15:10

ဘၣ်ဆၣ်ဒီးခီဖျိကစၢ်ယွၤအဘျုးန့ၣ်, ယမ့ၢ်တၢ်လၢယမ့ၢ်ဒီးတၢ်ဘျုးတၢ်ဖှိၣ်လၢအဝဲဒၣ်ဟ့ၣ်တ့ၢ်ယၤန့ၣ် တကဲတၢ်ကလီကလီဘၣ်. မ့မ့ၢ်ယဖံးမၤတ့ၢ်တၢ်ဆူၣ်န့ၢ်ပှၤတၢ်မၢဖိအဂၤတဖၣ်ခဲလၢာ်လီၤ. ဘၣ်ဆၣ်ဒီးတမ့ၢ်ယတၢ်မၤဒၣ်ယဲနီၢ်နီၢ်ဘၣ်, မ့မ့ၢ်တခီမ့ၢ်ဝဲယွၤအဘျုးအဖှိၣ်ဖံးမၤတၢ်ဒီးယၤလီၤ.

1 ကရံၣ်သူး 16:10

စီၤတံၤမသ့းမ့ၢ်ဟဲဘၣ်ဆူသုအိၣ်န့ၣ်, ပာ်သူၣ်ပာ်သးဒ်သိးအဝဲဒၣ်ကကလၢၢ်ဘၣ်သုတၢ် တူၢ်လိာ်မုာ်အီၤလၢသုသိးသုကျါန့ၣ်တက့ၢ်. အဂ့ၢ်ဒ်အံၤ, အဝဲဒၣ်မၤတၢ်လၢကစၢ်အဂီၢ်ဒ်ယမၤယဲအသိးလီၤ.

1 ကရံၣ်သူး 9:24

သုသ့ၣ်ညါသုဝဲကစီဒီလီၤ. လၢတၢ်ဃ့ၢ်ပြၢတဘျီအပူၤန့ၣ်, ပှၤပြၢတၢ်ဖိအိၣ်ဝဲအါဂၤ, ဘၣ်ဆၣ်ဒီးပှၤဒိးန့ၢ်ဘၣ်ခိၣ်ဖးအိၣ်ဝဲထဲ တဂၤဧိၤလီၤ. မ့မ့ၢ်ဒ်န့ၣ်ဒီး ဃ့ၢ်သုဝဲဒ်သိးသုဒိးန့ၢ်ခိၣ်ဖးကသ့ဝဲ အဂီၢ်တက့ၢ်.

1 ကရံၣ်သူး 9:26

လၢတၢ်န့ၣ်အဃိယဃ့ၢ်ယဲဒၣ်လိၤလိၤဆူဖီတၢၣ်အကတၢၢ်လီၤ. လၢတၢ်န့ၣ်အဃိယလီၤဂာ်ဒီးပှၤထိတၢ်ဖိတဂၤလၢအတထိ ဘၣ်ထဲကလံၤန့ၣ်ဘၣ်လီၤ.

အ့းဖ့းစူး 5:16

တၢ်ဆၢကတီၢ်ဒီးတၢ်ခွဲးတၢ်ယာ်ကိးကတီၢ်ဒဲးလၢသုဒိးန့ၢ်ဘၣ် န့ၣ်, သူအီၤအဂ့ၤကတၢၢ်တက့ၢ်. အဂ့ၢ်ဒ်အံၤမုၢ်နံၤတဖၣ်အံၤမ့ၢ် အအၢအသီလီၤ.

ကလီးစဲ 3:23

တၢ်လၢသုမၤတမံၤလၢ်လၢ်န့ၣ်, မၤအီၤလၢတၢ်သူၣ်ခုသးခု အပူၤဒ်သုမၤတၢ်လၢကစၢ်အဂီၢ်ဒီးတမ့ၢ်ဘၣ်လၢပှၤကညီ အဂီၢ်အသိးန့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 10:7

ဖဲတၢ်တဖၣ်အံၤမၤအသးန့ၣ်, မၤဒ်ကယဲၢ်တၢ်လၢကစၢ်ယွၤဆှၢနၤလၢ နကမၤအီၤန့ၣ်တက့ၢ်.