လံာ်ပှၤစံၣ်တဲၤတဲလီၤတၢ် 8:9 - Sgaw Karen Common Bible

⁹ ဖဲယဆိကမိၣ်ထီၣ်တၢ်မၤအသးတဖၣ်လၢဟီၣ်ခိၣ်အံၤဒီး, ယထံၣ်ဘၣ်လၢဟီၣ်ခိၣ်အံၤပှၤတနီၤအိၣ်ဒီးအစိကမီၤဒီးပှၤအဂၤ တဖၣ်ဘၣ်တူၢ်တၢ်လၢအဝဲသ့ၣ်အစုတီၤအဖီလာ်လီၤ.

လံာ်ပှၤစံၣ်တဲၤတဲလီၤတၢ် 8:9 Iomraidhean Croise

လံာ်စီၤပၤခံဘ့ၣ်တဘ့ၣ် 25:7

ဖဲစီၤစံးဒကံယၤကွၢ်တၢ်အဖၢမုၢ်န့ၣ်, အဝဲအဖိခွါတဖၣ်ဘၣ်တၢ် မၤသံအီၤဝံၤဒီးစီၤနဘူၤကးန့စၢ်အူခွဲးထီၣ်ကွံာ်စီၤစံး ဒကံယၤအမဲာ်ချံစၢဃာ်အီၤလၢထးသွဲဒီးက့ၤမိၤအီၤဆူ ဝ့ၢ်ဘၤဘူၤလိၣ်န့ၣ်လီၤ.

လံာ်တၢ်ဟးထီၣ်ကွံာ် 14:28

ထံဟဲက့ၤကဒါက့ၤဒီးလုၣ်ဘၢကွံာ်လ့ၣ်ကဟၣ်ဒုးသုးတဖၣ်, ပှၤနီၣ်တၢ်တဖၣ်ဒီးကယဲၢ်ပှၤအဲၤကူပတူးအသုးမုၢ်လၢအလူၤထွဲ ပှၤအံၣ်စရ့လးဖိတဖၣ်အခံဆူပီၣ်လဲၣ်ပူၤန့ၣ်လီၤ. ပှၤတဂၤဒၣ်လဲာ်တအိၣ်တ့ၢ်ဘၣ်.

လံာ်ပှၤစံၣ်တဲၤတဲလီၤတၢ် 1:14

ယထံၣ်တ့ၢ်တၢ်ခဲလၢာ်လၢတၢ်မၤတ့ၢ်လံအီၤလၢဟီၣ်ခိၣ်အံၤ, ဒီးယစံးဘၣ်နၤ, တၢ်ခဲလၢာ်န့ၣ်အဘျုးတအိၣ်ဘၣ်. မၤအသးဒ်တၢ်လူၤဖီၣ်ကလံၤအသိးန့ၣ်လီၤ.

လံာ်ပှၤစံၣ်တဲၤတဲလီၤတၢ် 3:10

ယသ့ၣ်ညါတၢ်ဝံဃၢတဖၣ်လၢကစၢ်ယွၤပာ်ထီၣ်လၢပလိၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 3:16

အါန့ၢ်အန့ၣ်, လၢဟီၣ်ခိၣ်အံၤအပူၤယပာ်သူၣ်ပာ်သးစ့ၢ်ကီးလၢ, ဖဲတၢ်စံၣ်ညီၣ်တီဒီးတၢ်အဘၣ်ကြၢးအိၣ်ဝဲအလီၢ်န့ၣ်, တၢ်ထံၣ်န့ၢ်တၢ်တတီတလိၤလီၤ.

လံာ်ပှၤစံၣ်တဲၤတဲလီၤတၢ် 4:1

မၤကဒီးတစု, ယကွၢ်တၢ်စံၣ်ညီၣ်တတီခဲလၢာ်လၢအမၤဒံးအသးလၢ ဟီၣ်ခိၣ်ချၢအံၤန့ၣ်လီၤ. ပှၤလၢအဘၣ်တၢ်မၤနးမၤဖှီၣ်အီၤတဖၣ်ဟီၣ်တၢ်ယၢၤတၢ်ဘၣ်ဆၣ်ပှၤမၤ စၢၤအီၤတအိၣ်နီတဂၤဘၣ်. ပှၤတမၤစၢၤအီၤနီတဂၤဘၣ်န့ၣ်မ့ၢ်လၢတၢ်စိကမီၤအိၣ်လၢပှၤမၤ နးမၤဖှီၣ်တၢ်တဖၣ်အစုပူၤအဃိန့ၣ်လီၤ.

လံာ်ပှၤစံၣ်တဲၤတဲလီၤတၢ် 5:13

တၢ်အံၤမ့ၢ်တၢ်လၢအလီၤပျံၤဒိၣ်မးတမံၤလၢယထံၣ်ဘၣ်တ့ၢ်အီၤလၢ ဟီၣ်ခိၣ်အံၤန့ၣ်လီၤ. ပှၤဂီၢ်မုၢ်ပာ်ဖှိၣ်အကျိၣ်အစ့ဖဲလၢတၢ်အကတီၢ်ဖဲအဝဲသ့ၣ်ကလိၣ် ဘၣ်ဝဲအဂီၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 5:7

တၢ်မံမီၢ်အါဒီးတၢ်ကတိၤတၢ်အါန့ၣ်အခီပညီတအိၣ်ဘၣ်. မၤသးဒ်န့ၣ်ဒီးဆၢထၢၣ်လၢကစၢ်ယွၤအမဲာ်ညါလၢတၢ်ပျံၤဒီးတၢ် ယူးယီၣ်အပူၤန့ၣ်တက့ၢ်.

လံာ်ပှၤစံၣ်တဲၤတဲလီၤတၢ် 5:8

ဖဲလၢနထံၣ်ဘၣ်ထံကီၢ်ပဒိၣ်ပပှၢ်မၤနးမၤဖှီၣ်ပှၤဖှီၣ်ဖိယာ်ဖိဒီးတပျဲ ဘၣ်အဝဲသ့ၣ်ဒိးန့ၢ်တၢ်စံၣ်ညီၣ်တီဒီးအခွဲးအယာ်တဖၣ်ဘၣ်န့ၣ်, ကမၢကမၣ်တဂ့ၤ. ပဒိၣ်ပပှၢ်ကိးဂၤဒဲးန့ၣ်ဘၣ်တၢ်ဒီဒၣ်အိၣ်ပှိၤ အီၤလၢပှၤလၢအဖီခိၣ်တဂၤ, ဒီးအဝဲသ့ၣ်ခံဂၤလိာ်န့ၣ်ဘၣ်တၢ်ဒီဒၣ်အိၣ်ပှိၤဒံးအီၤလၢ ပဒိၣ်ပပှၢ်တဖၣ်လၢအဒိၣ်န့ၢ်ထီန့ၢ်အဝဲသ့ၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 7:25

ဘၣ်ဆၣ်ဒီးယဟ့ၣ်လီၤယသးဆူတၢ်သ့ၣ်ညါဒီးတၢ်မၤလိ န့ၢ်တၢ်လီၤ. ယပာ်လီၤယသးလၢယကဃုန့ၢ်တၢ်ကူၣ်သ့ဒီးတၢ်စံးဆၢ တဖၣ်လၢယတၢ်သံကွၢ်တဖၣ်အဂီၢ်, ဒီးလၢယကမၤလိတၢ်သူၣ်တထံသးတဆးအံၤအၢဆံးအါဆံးအါမၢး ဆံးအါဆံးအါအဂ့ၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 7:7

ဖဲပှၤကူၣ်တၢ်သ့တဂၤလီန့ၢ်ပှၤတဂၤဂၤန့ၣ်, မ့ၢ်ဒၣ်အဝဲမၤအသးဒ်ပှၤဟးဂီၤဖိတဂၤအသိးန့ၣ်လီၤ. နမ့ၢ်ဟံးန့ၢ်ခိၣ်ဖးလာ်ဆှိးဒီး, နမၤဟးဂီၤနသကဲာ်ပဝးန့ၣ်လီၤ.

လံာ်သိၣ်လီၤသီလီၤတၢ် 2:30

ဘၣ်ဆၣ် စီၤပၤစံဃိၣ်တပျဲလဲၤခီဂာ်ပှၤလၢ အထံအကီၢ်ဘၣ်. ယွၤသုကစၢ်ယွၤမၤကိၤအဝဲသ့ၣ်အခိၣ်ဒီး ဒုးပူထီၣ်လီထီၣ်အီၤတၢ်, မ့ၢ်ဒ်သိးပမၤနၢၤကွံာ်အဝဲဒၣ်ဒီး ဟံးန့ၢ်ကွံာ်အလီၢ်ကဝီၤလၢပမၤ န့ၢ်ပာ်စၢၤအီၤခဲအံၤကသ့ဝဲန့ၣ်လီၤ.