လံာ်ပှၤစံၣ်တဲၤတဲလီၤတၢ် 8:7 - Sgaw Karen Common Bible

⁷ တၢ်ကမၤအသးမနုၤမနုၤလဲၣ်န့ၣ်, ပတသ့ၣ်ညါနီတဂၤဘၣ်. အဂ့ၢ်ဒ်အံၤ, ပှၤလၢအကတဲဘၣ်ပှၤတအိၣ်နီတဂၤဘၣ်.

လံာ်ပှၤစံၣ်တဲၤတဲလီၤတၢ် 8:7 Iomraidhean Croise

လံာ်နီၢ်အ့ၤစတၢ် 5:12

စီၤဟၤမၣ်စံးကဒီးဝဲ, “အါန့ၢ်အန့ၣ်နီၢ်ပၤမုၣ်အ့ၤစတၢ်မၤတၢ်အီၣ်အမူး တခါ, တမ့ၢ်လၢပှၤအဂၤနီတဂၤအဂီၢ်ဘၣ်, မ့မ့ၢ်, မ့ၢ်ဒၣ်လၢစီၤပၤဒီး ယၤပဂီၢ်, ဒီးအဝဲကွဲကဒါက့ၤကဒီးပှၤခဲမုၢ်ဆ့ၣ်တနံၤလီၤ.

တၢ်ကတိၤဒိ. 24:22

ပှၤဒ်န့ၣ်သိးတဖၣ်ကဟးဂီၤဝဲလၢတစိၢ်ဖိအတီၢ်ပူၤလီၤ. တၢ်တတၢးတနါလၢကစၢ်ယွၤ, မ့တမ့ၢ်, စီၤပၤဒုးအိၣ်ထီၣ်ဝဲသ့န့ၣ်, မ့ၢ်နသ့ၣ်ညါနၢ်ပၢၢ်စ့ၢ်ကီးဧါ.

တၢ်ကတိၤဒိ. 27:1

ပာ်ကဖိနသးလၢခဲဂီၤကိာ်အဂ့ၢ်နီတစုတဂ့ၤ. အဂ့ၢ်ဒ်အံၤ, တၢ်ကမၤအသးလၢခဲအံၤဒီးဆူညါအဘၢၣ်စၢၤန့ၣ်, နတသ့ၣ်ညါဘၣ်.

တၢ်ကတိၤဒိ. 29:1

ဖဲနဘၣ်တၢ်သိၣ်ဃီၣ်နၤကိးဘျီဒဲးန့ၣ်နခိၣ်မ့ၢ်ကိၤအါထီၣ်ဒီး, မုၢ်ကအိၣ်ဝဲတနံၤလၢနကဘၣ်တၢ်မၤလီၤကလဲနၤဒီး တၢ်မၤဘျါက့ၤနၤတအိၣ်လၢၤနီတဘျီဘၣ်.

လံာ်ပှၤစံၣ်တဲၤတဲလီၤတၢ် 10:14

ပှၤဟးဂီၤဖိကတိၤတၢ်တဆိတ့ၢ်ဝဲဘၣ်. တၢ်မနုၤကမၤအသးဆူညါ လဲၣ်န့ၣ်, ပှၤတသ့ၣ်ညါနီတဂၤဘၣ်. ဒီးပသံဝံၤတၢ်မနုၤကမၤအသးလဲၣ်န့ၣ်, ပှၤတဲပှၤတသ့နီတဂၤဘၣ်.

လံာ်ပှၤစံၣ်တဲၤတဲလီၤတၢ် 3:22

လၢတၢ်န့ၣ်အဃိ, ယထံၣ်သ့ၣ်ညါလၢတၢ်အဂ့ၤကတၢၢ်လၢပမၤသ့န့ၣ် မ့ၢ်ဒၣ်ပကမုာ်လၤသးခုလၢတၢ်လၢပမၤတ့ၢ်တဖၣ်အပူၤလီၤ. တၢ်အဂၤလၢပမၤသ့တအိၣ်နီတမံၤဘၣ်. ပသံဝံၤတၢ်မနုၤကမၤအသးလဲၣ်န့ၣ်, ကျဲတအိၣ်နီတဘိလၢပကသ့ၣ်ညါဘၣ်အီၤအဂီၢ်န့ၣ်ဘၣ်.

လံာ်ပှၤစံၣ်တဲၤတဲလီၤတၢ် 6:12

တၢ်အဂ့ၤကတၢၢ်လၢပှၤကညီတဂၤအဂီၢ်လၢအဝဲအတၢ်အိၣ်မူ ဖုၣ်ကိာ်, တၢ်အိၣ်မူလၢအဘျုးတအိၣ်ဘၣ်, တၢ်အိၣ်မူလၢအလဲၤပူၤကွံာ်ဝဲဒ်တၢ်ကဒုအသိးန့ၣ်အပူၤအံၤ, မ့ၢ်တၢ်မနုၤလဲၣ်န့ၣ်, အဝဲသ့ၣ်ညါကသ့ဒ်လဲၣ်. အဝဲသံဝံၤအလီၢ်ခံ, တၢ်မနုၤကမၤအသးလၢဟီၣ်ခိၣ်ချၢအံၤလဲၣ် န့ၣ်, မ့ၢ်မတၤသ့ၣ်ညါကသ့တဂၤလဲၣ်.

လံာ်ပှၤစံၣ်တဲၤတဲလီၤတၢ် 7:14

ဖဲတၢ်ခဲလၢာ်လဲၤအသးဂ့ၤဂ့ၤဘၣ်ဘၣ်လၢနဂီၢ်ဒီး, သးခုတက့ၢ်. ဒီးဖဲတၢ်ကီတၢ်ခဲဟဲဝဲဒီး, သ့ၣ်နီၣ်ထီၣ်လၢကစၢ်ယွၤဆှၢလီၤတၢ်သူၣ်ဖှံသးညီဒီးတၢ်ကီတၢ် ခဲခံမံၤလိာ်တက့ၢ်. ခဲကိာ်တၢ်မနုၤကမၤအသးလဲၣ်န့ၣ်, နတသ့ၣ်ညါနီတစုဘၣ်.

လံာ်ပှၤစံၣ်တဲၤတဲလီၤတၢ် 9:1

ဘၣ်ဃးတၢ်ဂ့ၢ်ခဲလၢာ်အံၤယဆိကမိၣ်တၢ်ဒိၣ်ဒိၣ်ယိာ်ယိာ်, ယံာ်ယံာ်ထၢထၢဒီးထံၣ်လၢကစၢ်ယွၤပၢၤပှၤကူၣ်တၢ်သ့ဒီးပှၤတီ ပှၤလိၤအတၢ်မၤတဖၣ်, တုၤဒၣ်လဲာ်လၢအဝဲသ့ၣ်အတၢ်အဲၣ်တၢ်ကွံဒီးအတၢ်သူၣ်ဟ့သးဟ့ အဂ့ၢ်န့ၣ်လီၤ. တၢ်အိၣ်ပာ်လီၤဆိအသးလၢအမဲာ်ညါမ့ၢ်မနုၤလဲၣ်န့ၣ်, ပှၤတသ့ၣ်ညါနီတဂၤဘၣ်.

လံာ်ပှၤစံၣ်တဲၤတဲလီၤတၢ် 9:12

နတသ့ၣ်ညါနဆၢကတီၢ်ကတုၤအိၣ်နၤခဲလဲၣ်န့ၣ်ဘၣ်. ဒ်ထိၣ်တဖၣ်ဘၣ်တၢ်ဖီၣ်န့ၢ်အီၤသတူၢ်ကလာ်လၢပျံၤသကွီၤအသိး, ဒီးဒ်ဒ့ၣ်ဧိၤညၣ်ဧိၤဘၣ်တၢ်ဖီၣ်န့ၢ်အီၤလၢပှာ်ဧိၤစၤဧိၤအသိး န့ၣ်, ပဘၣ်တ့ၢ်ထုလၢဆၢကတီၢ်အၢသီတနီၤအပူၤဖဲပတမုၢ်လၢ်အီၤ အခါန့ၣ်လီၤ.

လံာ်မးသဲ 24:44

လၢတၢ်န့ၣ်အဃိ, သုဝဲစ့ၢ်ကီးသုကဘၣ်အိၣ်ကတဲာ်ကတီၤ သုသးထီဘိလီၤ. အဂ့ၢ်မ့ၢ်လၢ, ပှၤကညီဖိခွါကဟဲဝဲလၢအကတီၢ်နၣ်ရံၣ်ဖဲသုတဆိကမိၣ် ဒီးမုၢ်လၢ်ဘၣ်ဝဲအခါန့ၣ်လီၤ.

လံာ်မးသဲ 24:50

မုၢ်တနံၤန့ၣ်, ဖဲတၢ်အခ့အပှၤအံၤတမုၢ်လၢ်ဝဲဘၣ်ဒီး, တၢ်အဆၢကတီၢ်လၢအဝဲတသ့ၣ်ညါဝဲဘၣ်န့ၣ်, အကစၢ်ကဟဲက့ၤတုၤဝဲလီၤ.