လံာ်ပှၤစံၣ်တဲၤတဲလီၤတၢ် 8:17 - Sgaw Karen Common Bible

¹⁷ ဒီးနၢ်ပၢၢ်တၢ်လၢကစၢ်ယွၤမၤဝဲန့ၣ်တသ့နီတဘျီဘၣ်. နမ့ၢ်ကျဲးစၢးဆူၣ်ဆူၣ်ထဲအံၤထဲနုၤနာ်က့, နဃုထံၣ်န့ၢ်အီၤတသ့ဘၣ်. ပှၤကူၣ်တၢ်သ့တဖၣ်စံးလီၤအသးလၢအသ့ၣ် ညါဝဲလီၤ. ဘၣ်ဆၣ်တသ့ၣ်ညါဝဲဘၣ်.

လံာ်ပှၤစံၣ်တဲၤတဲလီၤတၢ် 8:17 Iomraidhean Croise

လံာ်စီၤယိၤဘး 5:9

တၢ်မၤအဒိၣ်အမုၢ်လၢကစၢ်ယွၤမၤဝဲတဖၣ်န့ၣ်ပသ့ၣ်ညါနၢ်ပၢၢ် အီၤတသ့ဘၣ်. ဒီးအတၢ်လီၤလိၢ်လီၤလးတဖၣ်န့ၣ်တၢ်ဂံၢ်အီၤ တလၢာ်ဘၣ်.

စံးထီၣ်ပတြၢၤ 104:24

ယွၤဧၢ, နမၤတၢ်အါမံၤလီၤ. နမၤတၢ်ခဲလၢာ်န့ၣ် ပှဲၤမးဒီး တၢ်ကူၣ်သ့မးလဲၣ်. ဟီၣ်ခိၣ်ပှဲၤဝဲဒီး နတၢ်ဘၣ်တ့တဖၣ်လီၤ.

စံးထီၣ်ပတြၢၤ 40:5

ယွၤပကစၢ်ယွၤဧၢ, နမၤတ့ၢ်တၢ်လီၤလးအါမးလၢပဂီၢ်လီၤ. ပှၤဒ်သိးဒီးနၤတအိၣ်နီတဂၤဘၣ်. နအိၣ်ဒီးတၢ်ကူၣ်ထီၣ်ဖးလီၤလၢ အလီၤလးအါမးလၢပဂီၢ်န့ၣ်လီၤ. ယစံးလၢအဂ့ၢ်တလၢာ်နီတဘျီဘၣ်. အါန့ၢ်ယဂံၢ်သ့တက့ၢ်လီၤ.

စံးထီၣ်ပတြၢၤ 73:16

ယကျဲးစၢးဆိကမိၣ်တ့ၢ်တၢ်ကီတၢ်ခဲန့ၣ်လီၤ တံၢ်လီၤဆဲးဘၣ်ဆၣ် မ့ၢ်တၢ်ကီကဲာ်ဆိး လၢယကနၢ်ပၢၢ်အီၤအဂီၢ်,

လံာ်ပှၤစံၣ်တဲၤတဲလီၤတၢ် 1:13

ယပာ်လီၤယသးလၢယကသမံသမိးဒီးမၤလိတၢ်ခဲလၢာ်လၢအဘၣ်တၢ်မၤ တ့ၢ်အီၤလၢဟီၣ်ခိၣ်ချၢအံၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 11:5

ကစၢ်ယွၤမၤတၢ်ကိးမံၤဒဲးဒီးတၢ်လၢအမၤဝဲန့ၣ်ဒ်နတနၢ်ပၢၢ်သး သမူအသီဟဲအိၣ်ထီၣ်ဝဲလၢပိာ်မုၣ်တဂၤအဒၢလီၢ်ပူၤအသိး, နနၢ်ပၢၢ်အီၤတသ့ဘၣ်.

လံာ်ပှၤစံၣ်တဲၤတဲလီၤတၢ် 3:11

အဝဲပာ်လီၤတၢ်အကတီၢ်အဘၣ်လၢတၢ်ကိးမံၤဒဲးအဂီၢ်လီၤ. အဝဲဟ့ၣ်ပှၤတၢ်သးအိၣ်သ့ၣ်ညါတၢ်လၢအကမၤအသး, ဘၣ်ဆၣ်တၢ်လၢအမၤဝဲန့ၣ်, တဟ့ၣ်ပှၤတၢ်သးမံဒီးတၢ်နၢ်ပၢၢ်အလၢ အပှဲၤနီတစုဘၣ်.

လံာ်ပှၤစံၣ်တဲၤတဲလီၤတၢ် 7:13

ဆိကမိၣ်ထီၣ်တၢ်လၢကစၢ်ယွၤမၤတ့ၢ်ဝဲန့ၣ်တက့ၢ်. တၢ်လၢကစၢ်ယွၤမၤက့ၣ်တ့ၢ်အီၤန့ၣ်, မ့ၢ်မတၤမၤဘျၢကသ့ တဂၤလဲၣ်.

လံာ်ယၡါယၤ 40:28

မ့ၢ်နတသ့ၣ်ညါဘၣ်ဧါ. မ့ၢ်နတနၢ်ဟူတ့ၢ်ဘၣ်ဧါ. ယွၤမ့ၢ်ကစၢ်ယွၤအထူအယိာ်ဒီးတ့လီၤပာ်လီၤဟီၣ်ခိၣ်ခဲလၢာ် လီၤ. အဝဲတလီၤဘှံးလီၤတီၤဘၣ်ဒီးအသးတလီၤစၢ်လီၤဘှါနီတစုဘၣ်. အတၢ်ဆိကမိၣ်တဖၣ်န့ၣ်ပှၤတနၢ်ပၢၢ်အီၤနီတဂၤဘၣ်.

ရိမ့ၤ 11:33

ကစၢ်ယွၤအတၢ်ထူးတၢ်တီၤတဖၣ်ဒိၣ်နီၢ်မးလဲၣ်. အတၢ်ကူၣ်ဘၣ်ကူၣ်သ့ဒီးအတၢ်သ့ၣ်ညါတဖၣ်ယိာ်မးလဲၣ်. အတၢ်စံၣ်ညီၣ်နီၤဖးတဖၣ်မတၤတဲနၢ်ပၢၢ်လၢအဂ့ၢ်ကသ့ တဂၤလဲၣ်. အကျဲတဖၣ်မတၤနၢ်ပၢၢ်ကသ့တဂၤလဲၣ်.