လံာ်ပှၤစံၣ်တဲၤတဲလီၤတၢ် 8:14 - Sgaw Karen Common Bible

¹⁴ ဘၣ်ဆၣ်တၢ်အံၤမ့ၢ်တၢ်လၢအဘျုးတအိၣ်ဘၣ်လီၤ. ကွၢ်တၢ်မၤအသးလၢဟီၣ်ခိၣ်အံၤတက့ၢ်. တဘျီဘျီပှၤတီပှၤလိၤတဖၣ်တူၢ်ဘၣ်တၢ်စံၣ်ညီၣ်လၢပှၤတတီ တလိၤတဖၣ်အလီၢ်, ဒီးပှၤတတီတလိၤတဖၣ်ဒိးန့ၢ်ဘၣ်ခိၣ်ဖးလၢပှၤ တီပှၤလိၤတဖၣ်အလီၢ်န့ၣ်လီၤ. ယစံး, တၢ်အံၤမ့ၢ်တၢ်လၢအဘျုးတအိၣ်ဘၣ်လီၤ.

လံာ်ပှၤစံၣ်တဲၤတဲလီၤတၢ် 8:14 Iomraidhean Croise

လံာ်စီၤယိၤဘး 1:22

လၢကယဲၢ်တၢ်မၤတ့ၢ်အသးခဲလၢာ်ဒၣ်လဲၣ်အဃိန့ၣ်တၢ်ဒဲးဘး မ့ၢ်ဂ့ၤ, တၢ်ပာ်ဒ့ၣ်ကမၣ်ကစၢ်ယွၤမ့ၢ်ဂ့ၤစီၤယိၤဘးတမၤဝဲဒၣ် ဘၣ်.

လံာ်စီၤယိၤဘး 21:7

ကစၢ်ယွၤပျဲပှၤတၢ်ဒဲးဘးဖိတဖၣ်မူဝဲ, သးပှၢ်ထီၣ်ဝဲဒီးဘီၣ် ထီၣ်ညီထီၣ်န့ၣ်ဘၣ်မနုၤလဲၣ်.

လံာ်စီၤယိၤဘး 27:12

မ့မ့ၢ်သုဝဲခဲလၢာ်သုထံၣ်တ့ၢ်လံတၢ်အံၤလၢသုနီၢ်ကစၢ်ဒၣ်သု ဝဲလံ. မၤသးဒ်န့ၣ်ဒီး, ဘၣ်မနုၤအဃိသုစံးသုကတိၤတၢ်လၢ အခီပညီတအိၣ်ဘၣ်ဒ်အံၤအသိးန့ၣ်လဲၣ်.

စံးထီၣ်ပတြၢၤ 73:3

အဂ့ၢ်ဒ်အံၤ, ယထံၣ်တ့ၢ်လၢ ပှၤတတီတလိၤတဖၣ်ဘီၣ်ထီၣ်ညီထီၣ်, ဒီးယသးက့ၣ်ထီၣ်လၢအဝဲသ့ၣ်လၢ အတၢ်ပာ်ထီၣ်ထီအသးအဃိန့ၣ်လီၤ.

လံာ်ပှၤစံၣ်တဲၤတဲလီၤတၢ် 10:5

လၢဟီၣ်ခိၣ်အံၤအပူၤ, ယထံၣ်တ့ၢ်တၢ်စံၣ်ညီၣ်တတီတမံၤ, တၢ်စံၣ်ညီၣ်တတီလၢအဘၣ်တၢ်မၤအီၤလၢပှၤပၢတၢ်တဖၣ်လီၤ.

လံာ်ပှၤစံၣ်တဲၤတဲလီၤတၢ် 2:14

ပှၤကူၣ်တၢ်သ့တဖၣ်န့ၣ်မ့ၢ်အဝဲသ့ၣ်လဲၤဆူလဲၣ်ဆူလဲၣ်န့ၣ်ထံၣ် သ့ၣ်ညါဝဲလီၤ. မ့မ့ၢ်ပှၤဟးဂီၤဖိတဖၣ်တထံၣ်သ့ၣ်ညါဝဲဘၣ်. ဘၣ်ဆၣ်ဒီးယသ့ၣ်ညါစ့ၢ်ကီးလၢတၢ်ဘူၣ်တၢ်တီၢ်တမံၤဃီန့ၣ်အိၣ် ခိးပာ်ပှၤကိးဂၤဒဲးလီၤ.

လံာ်ပှၤစံၣ်တဲၤတဲလီၤတၢ် 4:4

ဘၣ်မနုၤအဃိပှၤမၤတၢ်ဆူၣ်ဆူၣ်လၢကမၤန့ၢ်မၤနၢၤတၢ်အဂီၢ်လဲၣ်န့ၣ်, ယမၤလိဃုနၢ်ပၢၢ်ယဲစ့ၢ်ကီးလီၤ. အဂ့ၢ်ဒ်အံၤ, အဝဲသ့ၣ်သးကါပှၤလၢအဃၢၤတဖၣ်အဃိလီၤ. ဘၣ်ဆၣ်တၢ်အံၤမ့ၢ်တၢ်လၢအဘျုးတအိၣ်ဘၣ်လီၤ. မၤအသးဒ်တၢ်လူၤဖီၣ်ကလံၤအသိးန့ၣ်လီၤ.

လံာ်ပှၤစံၣ်တဲၤတဲလီၤတၢ် 4:8

တၢ်အံၤမ့ၢ်ပှၤအိၣ်ဝဲတဂၤလၢအအိၣ်ဒၣ်ထဲတဂၤဧိၤန့ၣ်လီၤ. အဖိခွါတအိၣ်, အဒီပုၢ်ဝဲၢ်တအိၣ်နီတဂၤသနာ်က့အဝဲမၤတၢ်တထံၣ် ဃီဒီးတသးမံဒံးဝဲလၢတၢ်ထူးတၢ်တီၤလၢအအိၣ်ဒီးအီၤန့ၣ် ဘၣ်. မ့ၢ်အဝဲမၤတၢ်ဆူၣ်ထဲအံၤညါဒီးညိကွံာ်အတၢ်မုာ်လၤသးဖှံလၢ မတၤတဂၤအဂီၢ်န့ၣ်လဲၣ်. အအံၤစ့ၢ်ကီးမ့ၢ်တၢ်လၢအဘျုးတအိၣ်ဘၣ်ဒီးမ့ၢ်တၢ်ဘၣ်ကိၢ်ဘၣ် ဂီၤအတၢ်အိၣ်မူန့ၣ်လီၤ.

လံာ်ပှၤစံၣ်တဲၤတဲလီၤတၢ် 7:15

ယတၢ်အိၣ်မူမ့ၢ်တ့ၢ်တၢ်လၢအဘျုးတအိၣ်ဘၣ်လီၤ. ဘၣ်ဆၣ်ဒီးလၢအပူၤန့ၣ်ယထံၣ်တ့ၢ်တၢ်ခဲလၢာ်လီၤ. ပှၤအဂ့ၤတဂၤကသံဝဲဖဲပှၤတဂၤလၢအအၢဒၣ်လဲာ်အိၣ်မူဒံးဝဲအခါ န့ၣ်လီၤ.

လံာ်ယံးရမံယၤ 12:1

ယွၤဧၢ, ယမ့ၢ်လိာ်ကွီၢ်ယတၢ်ဂ့ၢ်ဒီးနၤဒီး, နကဒုးနဲၣ်ဖျါလၢနတၢ်မ့ၢ်ဝဲတီဝဲန့ၣ်လီၤ. သနာ်က့, ယဘၣ်သံကွၢ်နၤတၢ်ဂ့ၢ် တၢ်ကျိၤတဖၣ်လၢအဘၣ်ဃးဒီးတၢ်စံၣ်ညီၣ်န့ၣ်လီၤ. ဘၣ်မနုၤအဃိပှၤအၢပှၤသီတဖၣ်ဘီၣ်ထီၣ်ညီထီၣ်ဝဲ နးမးန့ၣ်လဲၣ်. ဘၣ်မနုၤအဃိပှၤတတီတလိၤတဖၣ် မၤတၢ်ကဲထီၣ်လိၣ်ထီၣ်ဝဲန့ၣ်လဲၣ်.

လံာ်မၤလကံ 3:15

ဒ်ပထံၣ်တ့ၢ်လံအသိးန့ၣ်, ပှၤလၢအပာ်ထီၣ်ထီအသးတဖၣ်န့ၣ်မ့ၢ်ပှၤ လၢအဘၣ်ဆိၣ်ဂ့ၤန့ၣ်လီၤ. ပှၤတတီတလိၤတဖၣ်တမ့ၢ်ထဲအဘီၣ် ထီၣ်ညီထီၣ်ဘၣ်. မ့မ့ၢ်, အဝဲသ့ၣ်မၤကွၢ်ကစၢ်ယွၤအတၢ်သးစူၤလၢအတၢ်မၤအအၢ အသီတဖၣ်ဒီးလူၤပိာ်ထွဲဝဲအခံန့ၣ်လီၤ.”