လံာ်ပှၤစံၣ်တဲၤတဲလီၤတၢ် 8:10 - Sgaw Karen Common Bible

¹⁰ ယထံၣ်ဘၣ်တ့ၢ်ပှၤတတီတလိၤတဖၣ်ဘၣ်တၢ်ခူၣ်လီၤအီၤလၢ အသွၣ်ခိၣ်ပူၤ, ဘၣ်ဆၣ်ဒီးဖဲယဟဲက့ၤကဒါက့ၤလၢတၢ်သွၣ်ခိၣ်န့ၣ်, ပှၤစံးပတြၢၤအဝဲသ့ၣ်လၢဝ့ၢ်ပူၤလၢအဝဲသ့ၣ်မၤတ့ၢ်တၢ်အၢတၢ် သီန့ၣ်လီၤ. တၢ်အံၤမ့ၢ်တၢ်လၢအဘျုးတအိၣ်ဘၣ်လီၤ.

လံာ်ပှၤစံၣ်တဲၤတဲလီၤတၢ် 8:10 Iomraidhean Croise

လံာ်စီၤယိၤဘး 21:18

ဒီးအူဖျိးကွံာ်အဝဲသ့ၣ်လီၤဂာ်ဒ်လီၢ်ဧိၤဒံးဧိၤလၢကလံၤအ ကျါမ့ၢ်ဂ့ၤ, ဒ်ဖ့လၢကလံၤမုၢ်စိာ်ကွံာ်အီၤအသိးမ့ၢ်ဂ့ၤတဘျီဘျီ ဧါ.

စံးထီၣ်ပတြၢၤ 31:12

ပှၤကိးဂၤဒဲးသးပ့ၤနီၣ်ယၤဒ်ယမ့ၢ် ပှၤသံတ့ၢ်တဂၤအသိး, ယလီၤဂာ်ဒ်တၢ်တမံၤလၢအဘၣ်တၢ် စူးကွံာ်အီၤန့ၣ်လီၤ.

တၢ်ကတိၤဒိ. 10:7

ပှၤအဂ့ၤတဖၣ်န့ၣ်ကဘၣ်တၢ်သ့ၣ်နီၣ်ထီၣ်က့ၤအီၤဒ်တၢ်ဆိၣ်ဂ့ၤတမံၤ အသိးလီၤ. မ့မ့ၢ်ပှၤအၢပှၤသီတဂၤန့ၣ်တယံာ်ဘၣ်ဒီးကဘၣ် တၢ်သးပ့ၤနီၣ်ကွံာ်အီၤလီၤ.

လံာ်ပှၤစံၣ်တဲၤတဲလီၤတၢ် 1:11

တၢ်လၢအမၤတ့ၢ်အသးလၢအပူၤကွံာ်န့ၣ်, ပှၤတသ့ၣ်နီၣ်လၢၤနီတဂၤ ဘၣ်. ဒီးလၢမုၢ်နံၤလၢအကဟဲတဖၣ်အပူၤန့ၣ်, ပှၤတသ့ၣ်နီၣ်ထီၣ်လၢၤတၢ်မၤတ့ၢ်အသးလၢညါဒီးတၢ်မၤအသးခဲအံၤ အဘၢၣ်စၢၤနီတဂၤဘၣ်.

လံာ်ပှၤစံၣ်တဲၤတဲလီၤတၢ် 2:16

ပှၤတသ့ၣ်နီၣ်ပှၤကူၣ်တၢ်သ့မ့ၢ်ဂ့ၤ, ပှၤဟးဂီၤဖိတဖၣ်မ့ၢ်ဂ့ၤ နီတဂၤဘၣ်. မုၢ်နံၤလၢအကဟဲတဖၣ်အပူၤန့ၣ်, ပဝဲခဲလၢာ်ပကဘၣ်တၢ်သးပ့ၤနီၣ်ကွံာ်ပှၤန့ၣ်လီၤ. ပှၤကူၣ်တၢ်သ့မ့ၢ်ဂ့ၤ, ပှၤဟးဂီၤဖိမ့ၢ်ဂ့ၤ, ပကဘၣ်သံဒၣ်ခဲလၢာ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 9:15

ပှၤအိၣ်ဝဲတဂၤဖဲန့ၣ်လၢအဖှီၣ်ဝဲဘၣ်ဆၣ်, ကူၣ်တၢ်သ့တုၤအမၤ ပူၤဖျဲးဝ့ၢ်အံၤန့ၣ်လီၤ. ဘၣ်ဆၣ်ပှၤတဆိကမိၣ်လၢအဂ့ၢ်နီတစုဘၣ်.

လံာ်ပှၤစံၣ်တဲၤတဲလီၤတၢ် 9:5

ပှၤအမူတဖၣ်သ့ၣ်ညါဝဲလၢကဘၣ်သံဝဲ, ဘၣ်ဆၣ်ပှၤသံတဖၣ်တသ့ၣ်ညါ တၢ်နီတမံၤဘၣ်. ခိၣ်ဖးဆူညါလၢအဂီၢ်တအိၣ်ဘၣ်. အဝဲသ့ၣ်ဘၣ်တၢ်သးပ့ၤနီၣ်ကွံာ်အီၤလၢာ်လၢာ်ဆ့ဆ့လီၤ.

လံာ်ယံးရမံယၤ 17:13

ယွၤဧၢ, နမ့ၢ်ကီၢ်အံၣ်စရ့လးအတၢ်မုၢ်လၢ်လီၤ. ကယဲၢ်ပှၤလၢအပာ်လီၤတဲာ်ကွံာ်နၤန့ၣ် ကဘၣ်တၢ်မၤမဲာ်ဆှးအီၤလီၤ. အဝဲသ့ၣ်ကလီၤမၢ်ကွံာ်ဝဲဒ်မံၤတဖၣ်လၢအဘၣ်တၢ်ကွဲးလီၤအီၤလၢဖၣ် ကမူၣ်ဖၣ်ဆါကျါအသိး, မ့ၢ်လၢအဝဲသ့ၣ်ပာ်လီၤတဲာ်ကွံာ်နၤ, ယွၤတဂၤလၢအမ့ၢ်ထံမူအထံထီၣ်ပၢၢ်အဃိန့ၣ်လီၤ.

လံာ်လူၤကၣ် 16:22

ပှၤဖှီၣ်ဖိယာ်ဖိတဂၤအံၤသံဝဲ, ဒီးဘၣ်တၢ်စိာ်ထီၣ်အီၤလၢကလူး တဖၣ်ဆူ စီၤအၤဘြၤဟၣ်အကပၤ, ဖဲတၢ်အီၣ်အမူးလၢမူခိၣ်န့ၣ်လီၤ. ပှၤထူးပှၤတီၤစ့ၢ်ကီးသံဝဲ, ဒီးဘၣ်တၢ်ခူၣ်လီၤအီၤလီၤ.

မၤတၢ် 6:13

အန့ၣ်ဝံၤအဝဲသ့ၣ်ကိးနုာ်ဝဲပှၤတနီၤလၢကအုၣ်အသးကဘျံး ကဘျၣ်ထီဒါစီၤစတ့းဖၣ်ဒီးပှၤတဖၣ်န့ၣ်စံးဝဲ, “ပှၤတဂၤအံၤထီဘိန့ၣ်စံးကတိၤတၢ်ထီဒါပတၢ်လုၢ်ဟံၣ်စီ ဆှံဒီးတၢ်သိၣ်တၢ်သီလၢပန့ၢ်ဘၣ်ခီဖျိစီၤမိၤၡ့န့ၣ်လီၤ.

ဧ့ၤဘြံၤ 10:38

ဘၣ်ဆၣ်ဒီးယပှၤဂီၢ်မုၢ်အတီအလိၤန့ၣ် ကမူဝဲလၢတၢ်နာ်လီၤ. ဘၣ်ဆၣ်အဝဲသ့ၣ်အကျါတဂၤမ့ၢ်ဂုၤက့ၤဆူအလီၢ်ခံဒီး ယတဘၣ်သူၣ်ဘၣ်သးလၢၤအီၤဘၣ်.