လံာ်ပှၤစံၣ်တဲၤတဲလီၤတၢ် 7:9 - Sgaw Karen Common Bible

⁹ ပၢၤဃာ်နတၢ်သူၣ်ဒိၣ်သးထီၣ်တက့ၢ်. တၢ်စၢဃးပှၤဂၤအတၢ်ကမၣ်နၣ်မ့ၢ်တၢ်မၢးလီၤ.

လံာ်ပှၤစံၣ်တဲၤတဲလီၤတၢ် 7:9 Iomraidhean Croise

လံာ်တၢ်ကဲထီၣ်အခီၣ်ထံး 4:8

ဒီးစီၤကၤယံၣ်စံးဘၣ်အပုၢ်စီၤဟ့းဘ့းလး, “ပကလဲၤသကိးဆူပျီပူၤ” န့ၣ်လီၤ. ဒီးဖဲအတုၤလၢပျီပူၤန့ၣ်ဒီးစီၤကၤယံၣ်ထီဒါအပုၢ်စီၤဟ့း ဘ့းလးဒီးမၤသံကွံာ်အီၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 13:22

ဒီးစီၤအးဘၡါလိၣ်သးဟ့ကွံာ်ဝဲစီၤအၤမနိၣ်နးမး, လၢအမၤတရီတပါအပုၢ်ပိာ်မုၣ်နီၢ်တၤမၢ်အဃိ, တုၤဒၣ်လဲာ်တကတိၤလၢၤတၢ်ဒီးအီၤနီတစုလၢၤဘၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 13:28

ဒီးမၤလိာ်ပိာ်လီၤအခ့အပှၤတဖၣ်ဒ်အံၤ, ဖဲစီၤအၤမနိၣ် မုာ်လၤလၢတၢ်အီစပံးထံအါမးအခါန့ၣ်, ပာ်သူၣ်ပာ်သး, ဒီးတုၤယဟ့ၣ်လီၤယကလုၢ်န့ၣ်, မၤသံကွံာ်အီၤတက့ၢ်. ပျံၤတၢ်တဂ့ၤ. ယကဟံးန့ၢ်မူဒါလၢယနီၢ်ကစၢ်ဒၣ်ယဲလီၤ. အိၣ်ဒီးတၢ်သးဒူဒီးမၤသုသးယၢ်တံၢ်ယၢ်တၢၤတဂ့ၤ.

လံာ်စီၤၡမူၤအ့လးခံဘ့ၣ်တဘ့ၣ် 13:32

ဘၣ်ဆၣ်ဒီးစီၤဒၤဝံးအဒီပုၢ်ဝဲခွါစီၤၡံမၤအဖိခွါစီၤယိၤနဒာ်စံးဝဲဒၣ်, “နဲဒၣ်တၢ်ဒိၣ်ကစၢ်စီၤပၤဧၢ, အဝဲတမၤသံကွံာ်ဘၣ်နဖိခွါခဲလၢာ်ဘၣ်. ထဲဒၣ်စီၤအၤမနိၣ်တဂၤဧိၤသံဝဲလီၤ. ခီဖျိနကွၢ်ဃီၤစီၤအးဘၡါလိၣ်န့ၣ်, နတဲသ့လၢအဝဲပာ်လီၤတ့ၢ်လံအသးလၢကမၤတၢ်အံၤစးထီၣ်ဒၣ်လဲာ်လၢ စီၤအၤမနိၣ်မၤဆူၣ်မၤစိးအဝဲအဒီပုၢ်ဝဲၢ်မုၣ်နီၢ်တၤမၢ်အကတီၢ်လံၤလံၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 19:43

ပှၤကီၢ်အံၣ်စရ့လးဖိတဖၣ်စံးဆၢဝဲဒၣ်, “အဝဲမ့မ့ၢ်ဒၣ်လဲာ် ပှၤတဂၤလၢသုဘူးသုတံၢ်အကျါဘၣ်ဆၣ်, ပတဲသ့လၢပတၢ်ဘၣ်ဃးဒီးစီၤပၤန့ၣ်အိၣ်ဝဲဆံဆဲၣ်ဘျီ, ဒီးအါန့ၢ်ဒံးသုလၢသုဘၣ်ဃးဒီးအီၤတက့ၢ်လီၤ. ဘၣ်မနုၤအဃိသုကွၢ်တလီၤပှၤန့ၣ်လဲၣ်. ပမ့ၢ်တ့ၢ်ပှၤအဆိကတၢၢ်လၢအကတိၤတၢ်ဘၣ်ဃး တၢ်ကိးကဒါက့ၤစီၤပၤအဂ့ၢ်လီၤန့ၣ်, သးပ့ၤနီၣ်အီၤတဂ့ၤ.” ဘၣ်ဆၣ်ဒီး, ပှၤလၢကီၢ်ယူဒၤတဖၣ်ကတိၤတၢ်ဆူၣ်ဆူၣ်လၢအတၢ်ဘၣ်ဃး ဒီးစီၤပၤအဂ့ၢ်န့ၣ်, အါန့ၢ်ဒိၣ်န့ၢ်ဒံးပှၤလၢကီၢ်အံၣ်စရ့လးတဖၣ်တက့ၢ်န့ၣ်လီၤ.

တၢ်ကတိၤဒိ. 14:17

ပှၤလၢအသးထီၣ်ကဲၤတဖၣ်မၤပှၤဟးဂီၤဖိအတၢ်မၤလီၤ. ပှၤလၢအကူၣ်သ့ဒိၣ်ဒၣ်တၢ်တက့ၢ်တဖၣ်အိၣ်ဝဲခုၣ်ခုၣ်မုာ်မုာ်လီၤ.

တၢ်ကတိၤဒိ. 14:29

နမ့ၢ်အိၣ်ခုၣ်ခုၣ်မုာ်မုာ်ဒီးနမ့ၢ်ပှၤကူၣ်သ့လီၤ. ဘၣ်ဆၣ်နမ့ၢ်အိၣ်ဒီးတၢ်သးထီၣ်ကဲၤန့ၣ်, နပာ်ဖျါထီၣ်ဒၣ်လၢနမ့ၢ် ပှၤအမၢးထဲလဲၣ်ထဲလဲၣ်န့ၣ်လီၤ.

တၢ်ကတိၤဒိ. 16:32

တၢ်ဝံသးစူၤဂ့ၤဒိၣ်န့ၢ်တၢ်ဂံၢ်ဆူၣ်ဘါဆူၣ်တက့ၢ်လီၤ. တၢ်မၤနၢၤဒီးတၢ်ပၢၤနသးဒၣ်နဲန့ၣ်ဂ့ၤဒိၣ်န့ၣ်ဒံးတၢ်ပၢၤ ဝ့ၢ်ဒီဝ့ၢ်တက့ၢ်လီၤ.

တၢ်ကတိၤဒိ. 25:8

လဲၤချ့ကဲၣ်ဆိးဆူကွီၢ်ဘျီၣ်ပူၤဘၣ်ဃးတၢ်လၢနထံၣ်ဘၣ်တ့ၢ် တမံၤအဂ့ၢ်န့ၣ်တဂ့ၤ. ပှၤအုၣ်အသးအဂၤလၢခံတဂၤမ့ၢ်ဒုးနဲၣ်ဖျါဝဲလၢနကမၣ်လံဒီး, တုၤနုၤတစုနကမၤက့ၤနဲဒ်လဲၣ်.

လံာ်ပှၤစံၣ်တဲၤတဲလီၤတၢ် 7:10

“အိ, ဘၣ်မနုၤအဃိတၢ်မၤအသးတဖၣ်, ဂ့ၤဒိၣ်တက့ၢ်လၢမုၢ်နံၤ လၢပျၢၤတဖၣ်အပူၤလဲၣ်” န့ၣ်, သံကွၢ်နီတစုတဂ့ၤ. တမ့ၢ်တၢ်သူၣ်ဆးသးဆးအတၢ်သံကွၢ်တမံၤဘၣ်.

လံာ်ယိၤနါ 4:3

ဒီးခဲကနံၣ်အံၤ, ယွၤဧၢ, ဟံးန့ၢ်ကွံာ်ယသးသမူလၢယၤန့ၣ်တက့ၢ်. ယဃ့ကညးနၤလီၤ. အဂ့ၢ်ဒ်အံၤ, ယသံဂ့ၤန့ၢ်ယမူတက့ၢ်လီၤ.”

လံာ်ယိၤနါ 4:8

တုၤမုၢ်ဟဲထီၣ်န့ၣ်ကစၢ်ယွၤဆှၢလီၤကလံၤကိၢ်လၢမုၢ်ထီၣ်, ဒီးမုၢ်ဆဲးဘၣ်စီၤယိၤနါအခိၣ်ဒီးလီၤဘှါဝဲလီၤ. မၤသးဒ်န့ၣ်ဒီး, ဆၢဝဲလၢအကသံလီၤ. ဒီးစံးဝဲဒၣ်, “အဂ့ၢ်ဒ်အံၤ, ယသံန့ၣ်ဂ့ၤန့ၢ်ယမူတက့ၢ်လီၤ.”

လံာ်ယိၤနါ 4:9

ဘၣ်ဆၣ်ကစၢ်ယွၤစံးဘၣ်စီၤယိၤနါ, “နသးဒိၣ်လၢမာ်တိ အဃိန့ၣ်ဂ့ၤစ့ၢ်ကီးဧါ.” ဒီးစီၤယိၤနါစံးဆၢ, “ယသးဒိၣ်န့ၣ်ဂ့ၤဝဲ, ဒီးယသးဒိၣ်တုၤယကသံဒၣ်လဲာ်န့ၣ်လီၤ.”

လံာ်မၢ်ကူး 6:19

အန့ၣ်ဒီး, နီၢ်ဟ့ၤရိၤဒံသးက့ၣ်ထီၣ်စီၤယိၤဟၣ်ဒီးအဲၣ်ဒိးမၤသံအီၤ, ဘၣ်ဆၣ်မၤဝဲတသ့ဘၣ်.

လံာ်မၢ်ကူး 6:24

လၢတၢ်န့ၣ်အဃိ, ပိာ်မုၣ်သးစၢ်အံၤဟးထီၣ်ဆူတၢ်ချၢဒီးသံကွၢ်အမိၢ်, “မ့ၢ်ယကဘၣ်ဃ့တၢ်မနုၤတမံၤလဲၣ်.” အမိၢ်စံးဆၢအီၤ, “ပှၤဘျၢတၢ်စီၤယိၤဟၣ်အခိၣ်လီၤ.”

ယၤကိာ် 1:19

ယဒီပုၢ်ဝဲၢ်သးဘိသ့ၣ်ဧၢ, သ့ၣ်နီၣ်ထီၣ်က့ၤတၢ်အံၤတက့ၢ်. ပှၤကိးဂၤဒဲးကဘၣ်ချ့လၢတၢ်နၢ်ဟူတၢ်, ဒီးဃၢဝဲလၢတၢ်ကတိၤဒီးတၢ်သးဒိၣ်ထီၣ်န့ၣ်လီၤ.