လံာ်ပှၤစံၣ်တဲၤတဲလီၤတၢ် 7:5 - Sgaw Karen Common Bible

⁵ တၢ်ပျဲပှၤကူၣ်တၢ်သ့တဖၣ်သိၣ်က့ၤသီက့ၤနၤဆါဆါန့ၣ်, ဂ့ၤဒိၣ်န့ၢ်ဒံးတၢ်ပျဲပှၤအသးတထံတဖၣ်သးဝံၣ်စံးထီၣ်ပတြၢၤ နၤတက့ၢ်လီၤ.

လံာ်ပှၤစံၣ်တဲၤတဲလီၤတၢ် 7:5 Iomraidhean Croise

စံးထီၣ်ပတြၢၤ 141:5

မ်ပှၤအတီအလိၤတီၢ်ယၤ မ့တမ့ၢ်သိၣ်ဃီၣ်ယၤလၢ တၢ်သးကညီၤအပူၤန့ၣ်တက့ၢ်. မ်ပှၤအအၢအသီအသိအသုတဘၣ်တၢ်ဖှူအီၤလၢ ယခိၣ်နီတဘျီတဂ့ၤ. အဂ့ၢ်ဒ်အံၤ, ယထုကဖၣ်တၢ်ထီဒါ အတၢ်အၢတၢ်သီတဘိယူၢ်ဃီန့ၣ်လီၤ.

စံးထီၣ်ပတြၢၤ 69:12

ယကဲထီၣ်တၢ်ဘၣ်ကတိၤအလီၢ်လၢပှၤလၢ အဆ့ၣ်နီၤလၢပဲတြီဒီး ပှၤအီမူၤသံးတဖၣ်မၤတၢ်သးဝံၣ်တဖၣ်ဘၣ်ဃး ဒီးယၤလီၤ.

တၢ်ကတိၤဒိ. 13:13

နမ့ၢ်ဂ့ၢ်လိာ်တၢ်ဟ့ၣ်ကူၣ်အဂ့ၤအဘၣ်ဒီး, နဃ့န့ၢ်တၢ်ကီတၢ်ခဲန့ၣ်လီၤ. ပိာ်ထွဲအီၤ, ဒီးနကပူၤဖျဲးလီၤ.

တၢ်ကတိၤဒိ. 13:18

ပှၤတဂၤလၢအတမၤလိတၢ်ဘၣ်န့ၣ်, ကဖှီၣ်လီၤယာ်လီၤဝဲဒီးကဘၣ် တၢ်မဲာ်ဆှးလီၤ. မ့မ့ၢ်ပှၤတဂၤလၢ်လၢ်လၢအဒိကနၣ်တၢ်သိၣ်က့ၤသီ က့ၤအီၤန့ၣ်, ဘၣ်တၢ်ယူးယီၣ်ပာ်ကဲအီၤလီၤ.

တၢ်ကတိၤဒိ. 17:10

ပှၤသူၣ်ဆးသးဆးတဂၤမၤလိန့ၢ်တၢ်ခီဖျိတၢ်သိၣ်ဃီၣ်တထံၣ်ဒိၣ် န့ၣ်ဒံးပှၤဟးဂီၤဖိတဂၤမၤလိန့ၢ်တၢ်ခီဖျိတၢ်တီၢ်အီၤအဘီ တကယၤတက့ၢ်လီၤ.

တၢ်ကတိၤဒိ. 25:12

ပှၤလၢအတၢ်လဲၤခီဖျိအါတဂၤအတၢ်ဟ့ၣ်ပလီၢ်တထံၣ်ဆူ ပှၤတဂၤဂၤလၢအသးအိၣ်ဒိကနၣ်အီၤန့ၣ်, လုၢ်ဒိၣ်ပှ့ၤဒိၣ်အါန့ၢ်ဒံးပသံးထူတဖၣ်မ့ၢ်ဂ့ၤ, တၢ်ကယၢကယဲ လၢအဘၣ်တၢ်မၤအီၤလၢထူစီမ့ၢ်ဂ့ၤတက့ၢ်န့ၣ်လီၤ.

တၢ်ကတိၤဒိ. 27:6

တံၤသကိးတဂၤမ့ၢ်မၤဘၣ်ဒိဘၣ်ထံးနၤဒၣ်လဲာ်, အတၢ်ပာ်အသးမ့ၢ်တၢ်တီတီလိၤလိၤလီၤ. ဘၣ်ဆၣ်, ဖဲဒုၣ်ဒါတဂၤပာ်ထီၣ်အစုလၢနဖံဘၣ်ခိၣ်ဒီး, ပလီၢ်နသးတက့ၢ်.

တၢ်ကတိၤဒိ. 6:23

အတၢ်သိၣ်က့ၤသီက့ၤတဖၣ်န့ၣ်, မ့ၢ်မ့ၣ်အူဒၢလၢအကပီၤထီၣ်ဝဲ, ဒီးအတၢ်ဘှီဘၣ်က့ၤသိၣ်လိနၤလၢနကအိၣ်မူဒ်လဲၣ်သ့ဝဲန့ၣ်လီၤ.

တၢ်ကတိၤဒိ. 9:8

သိၣ်က့ၤသီက့ၤပှၤပာ်ထီၣ်ထီအသးတဂၤနီတစုတဂ့ၤ. ကသးဟ့နၤလၢတၢ်န့ၣ်အဃိလီၤ. မ့မ့ၢ်သိၣ်က့ၤသီက့ၤပှၤလၢအအိၣ်ဒီးတၢ်ကူၣ်သ့တဂၤတက့ၢ်. ဒီးအဝဲကပာ်ကဲနၤလီၤ.

လံာ်ပှၤစံၣ်တဲၤတဲလီၤတၢ် 12:11

ပှၤကူၣ်တၢ်သ့တဖၣ်အတၢ်ကတိၤလီၤဂာ်ဒီးနီၣ်ခိၣ်စူတဖၣ်လၢပှၤ ကွၢ်သိတဖၣ်သူဝဲလၢတၢ်ပၢဆှၢသိအဂီၢ်, ဒီးတၢ်ကတိၤဒိတဖၣ်လၢအဘၣ်တၢ်ထၢ ဖှိၣ်အီၤအိၣ်စံၣ်အိၣ်ကျၢၤဝဲဒ်ထးတဖၣ်လၢအဘၣ် တၢ်ဒိတံၢ်ဂၢၢ်ကျၢၤအီၤအသိးန့ၣ်လီၤ. တၢ်သ့ၣ်တဖၣ်အံၤဘၣ်တၢ်ဟ့ၣ်လီၤတ့ၢ်အီၤလၢကစၢ်ယွၤ, ပှၤကွၢ်သိထဲတဂၤဧိၤလၢပဝဲခဲလၢာ်အဂီၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 7:4

ပှၤတဂၤလၢထီဘိဆိကမိၣ်ဒၣ်ထဲတၢ်သူၣ်ဖှံသးညီန့ၣ်, မ့ၢ်ပှၤအမၢးတဂၤလီၤ. ပှၤလၢအကူၣ်တၢ်သ့တဂၤန့ၣ်, ဆိကမိၣ်တၢ်ဘၣ်ဃးတၢ်သံအဂ့ၢ်လီၤ.

လံာ်ပှၤစံၣ်တဲၤတဲလီၤတၢ် 9:17

တၢ်ဒိကနၣ်ပှၤကူၣ်တၢ်သ့တဂၤအတၢ်ကတိၤကပုာ်လုးဖိန့ၣ်, ဂ့ၤဒိၣ်န့ၢ်ဒံးပှၤပၢတၢ်တဂၤအတၢ်ကိးပသူကိးပသီလၢပှၤသူၣ် တဆးသးတဆးဖိတဖၣ်အကီၣ်ကးအပူၤတက့ၢ်န့ၣ်လီၤ.

လံာ်လီၣ်ဖျါ 3:19

ပှၤလၢယအဲၣ်န့ၣ်, ယသိၣ်ဃီၣ်သီဃီၣ်, ဒီးစံၣ်ညီၣ်အီၤကိးဂၤဒဲးလီၤ. လၢတၢ်န့ၣ်အဃိ, ပာ်နသးသပှၢ်ပှၢ်, ဒီးဃၣ်ကွံာ်လၢနတၢ်ဒဲးတူာ်ဒဲးဘးတဖၣ်န့ၣ်တက့ၢ်.