လံာ်ပှၤစံၣ်တဲၤတဲလီၤတၢ် 7:3 - Sgaw Karen Common Bible

³ တၢ်သူၣ်အုးသးအုးန့ၣ်ဂ့ၤန့ၢ်ဒံးတၢ်နံၤတၢ်အ့တက့ၢ်လီၤ. ကမၤလီၤသပှၢ်နမဲာ်, ဘၣ်ဆၣ်ကမၤဂ့ၤထီၣ်နတၢ်သ့ၣ်ညါနၢ်ပၢၢ်လီၤ.

လံာ်ပှၤစံၣ်တဲၤတဲလီၤတၢ် 7:3 Iomraidhean Croise

စံးထီၣ်ပတြၢၤ 119:67

ယတချုးဘၣ်ဒံးဘၣ်တၢ်နးတၢ်ဖှီၣ်ဒီး, ယညီနုၢ်ဟးဖျိးကျဲလီၤ. မ့မ့ၢ်ခဲကနံၣ်အံၤ, ယတိၢ်န့ၢ်ဖံးဃာ် နကလုၢ်နကထါလီၤ.

စံးထီၣ်ပတြၢၤ 119:71

ယဘၣ်တၢ်နးတၢ်ဖှီၣ်န့ၣ်ဂ့ၤဝဲလၢယဂီၢ် လၢယကမၤလိနတၢ်သိၣ်တၢ်သီ တဖၣ်အဂီၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 2:2

ယထံၣ်တ့ၢ်လၢတၢ်နံၤတၢ်အ့မ့ၢ်တၢ်မၢးဒီးတၢ်မုာ်လၤတမၤဂ့ၤနၤ နီတမံၤဘၣ်.

လံာ်ပှၤစံၣ်တဲၤတဲလီၤတၢ် 7:4

ပှၤတဂၤလၢထီဘိဆိကမိၣ်ဒၣ်ထဲတၢ်သူၣ်ဖှံသးညီန့ၣ်, မ့ၢ်ပှၤအမၢးတဂၤလီၤ. ပှၤလၢအကူၣ်တၢ်သ့တဂၤန့ၣ်, ဆိကမိၣ်တၢ်ဘၣ်ဃးတၢ်သံအဂ့ၢ်လီၤ.

လံာ်ဒၤနံးယ့လး 10:19

ဒီးစံးဘၣ်ယၤ, “ကစၢ်ယွၤအဲၣ်နၤလီၤ. မၤသးဒ်န့ၣ်ဒီး ပျဲတၢ်မၤကိၢ်မၤဂီၤနၤမ့ၢ်ဂ့ၤတၢ်မၤပျံၤမၤဖုးနၤမ့ၢ်ဂ့ၤအိၣ်နီ တမံၤတဂ့ၤ.” ဖဲအစံးတၢ်အံၤဝံၤဒီး, မၤသးဒ်ယဂံၢ်ယဘါဆူၣ်ထီၣ်န့ၢ်အလီၢ်ဒီးယစံးဘၣ်အီၤ, “တၢ်ဒိၣ်ဧၢ, တဲဘၣ်ယၤတၢ်လၢနကဘၣ်တဲယၤန့ၣ်တက့ၢ်. နမၤဆူၣ်ထီၣ်က့ၤယၤလီၤ.”

လံာ်လူၤကၣ် 6:21

“သုဝဲလၢတၢ်သၣ်ဝံၤအသးခဲကနံၣ်အံၤတဖၣ်န့ၣ် သုဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, သုကဘျဲးအီၣ်ဘျဲးအီသုဝဲလီၤ. “သုဝဲလၢအဟီၣ်အယၢၤခဲကနံၣ်အံၤတဖၣ်န့ၣ် သုဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, သုကနံၤထီၣ်သုဝဲလီၤ.

လံာ်လူၤကၣ် 6:25

“သုဝဲလၢအအီၣ်ကုးအီပှဲၤခဲကနံၣ်အံၤတဖၣ် သုဘၣ်အဖှီၣ်ဆံးဒိၣ်လဲၣ်. အဂ့ၢ်ဒ်အံၤ, သုကသၣ်ဝံၤလီၤဒိလီၤ. “သုဝဲလၢအနံၤခဲကနံၣ်အံၤတဖၣ် သုဘၣ်အဖှီၣ်ဆံးဒိၣ်လဲၣ်. အဂ့ၢ်ဒ်အံၤ, သုကသူၣ်အုးသးအုးဒီး သုကဟီၣ်ကယၢၤလီၤ.

၂ ကရံၣ်သူး 4:17

ဒီးတၢ်ကီတၢ်ခဲတဆံးတက့ၢ်လၢပတူၢ်ဘၣ်အီၤတစိၢ် တလီၢ်အံၤကဟဲစိာ်န့ၢ်ပှၤတၢ်လၤကပီၤအဒိၣ်အမုၢ်အထူ အယိာ်လၢအဒိၣ်န့ၢ်တၢ်ကီတၢ်ခဲအဝဲအံၤန့ၣ်လီၤ.