လံာ်ပှၤစံၣ်တဲၤတဲလီၤတၢ် 7:29 - Sgaw Karen Common Bible

²⁹ တၢ်အံၤမ့ၢ်တၢ်လၢယမၤလိန့ၢ်တ့ၢ်ခဲလၢာ်လီၤ. ယွၤတ့လီၤပှၤကညီလိၤလိၤဒီးဘျၢဘျၢလီၤ. ဘၣ်ဆၣ်ဒီးပမၤဒၢက့ၣ်ဒၢကူလီၤပသးနးမးလီၤ.

လံာ်ပှၤစံၣ်တဲၤတဲလီၤတၢ် 7:29 Iomraidhean Croise

လံာ်တၢ်ကဲထီၣ်အခီၣ်ထံး 5:1

အအံၤမ့ၢ်တၢ်ကွဲးနီၣ်ဘၣ်ဃးစီၤအၤဒၣ်အစၢၤအသွဲၣ်န့ၣ်လီၤ. (ဖဲကစၢ်ယွၤတ့လီၤပာ်လီၤပှၤဟီၣ်ခိၣ်ဖိန့ၣ်မၤဝဲဒ်အဂီၤဒၣ် ဝဲအသိးန့ၣ်လီၤ.

စံးထီၣ်ပတြၢၤ 106:29

အဝဲသ့ၣ်မၤသးထီၣ်ယွၤလၢအတၢ်မၤတဖၣ်အဃိ ဒီးတၢ်သံသတြိာ်အိၣ်ထီၣ်လၢအကျါလီၤ.

စံးထီၣ်ပတြၢၤ 106:39

အဝဲသ့ၣ်မၤတကဆှီအသးလၢ အတၢ်မၤတဖၣ်အဃိ, ဒီးတသးတီဒီး ကစၢ်ယွၤန့ၣ်ဘၣ်.

စံးထီၣ်ပတြၢၤ 99:8

ယွၤပကစၢ်ဧၢ, နစံးဆၢနပှၤဂီၢ်မုၢ်, နဒုးနဲၣ်အဝဲသ့ၣ်လၢ နမ့ၢ်ကစၢ်ယွၤတဂၤလၢ အပျၢ်တၢ်ကမၣ် ဖဲနစံၣ်ညီၣ်အဝဲသ့ၣ်လၢ အတၢ်ဒဲးဘးတဖၣ်အဃိဒၣ်လဲာ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 8:1

ထဲဒၣ်ပှၤလၢအကူၣ်တၢ်သ့တဂၤဧိၤသ့ၣ်ညါတၢ်တမံၤဂ့ၤတမံၤဂ့ၤ အခီပညီနီၢ်နီၢ်မ့ၢ်တၢ်မနုၤလဲၣ်န့ၣ်လီၤ. တၢ်ကူၣ်သ့ဒုးနံၤကမှံ ထီၣ်အီၤဒီးမၤဟါမၢ်ကွံာ်အတၢ်ကွၢ်လၢမဲာ်ကဒုလာ်န့ၣ်လီၤ.

လံာ်ယံးရမံယၤ 4:22

ယွၤစံးဝဲဒၣ်, “ယပှၤဂီၢ်မုၢ်တဖၣ်အံၤမၢးဒိၣ်မးဒီး တသ့ၣ်ညါယၤဘၣ်. အဝဲသ့ၣ်လီၤဂာ်ဒီးဖိသၣ်လၢသးတဆးတဖၣ် ဒီးအတၢ်သ့ၣ်ညါနၢ်ပၢၢ်တအိၣ်နီတမံၤဘၣ်. အဝဲသ့ၣ်မ့ၢ်ပှၤစဲၣ်နိးတဖၣ်, လၢတၢ်မၤတၢ်အၢအပူၤဘၣ် ဆၣ်လၢတၢ်မၤတၢ်ဂ့ၤန့ၣ်, အဝဲသ့ၣ်ဃၣ်ကွံာ်ဝဲလီၤ.”

လံာ်ယဃ့းစက့လး 28:15

နတၢ်သကဲးပဝးမ့ၢ် တၢ်လၢတၢ်ပှဲၤစးထီၣ်မုၢ်တနံၤလၢနဘၣ် တၢ်တ့လီၤပာ်လီၤနၤတုၤဃီၤလၢနစးထီၣ်မၤတၢ်အၢတၢ်သီတစုန့ၣ်လီၤ.

တံတူး 3:3

အဂ့ၢ်ဒ်လဲၣ်န့ၣ်, ပဝဲစ့ၢ်ကီးတဘျီန့ၣ်ပမ့ၢ်တ့ၢ်ပှၤဟးဂီၤဖိ, ပတစူၢ်တၢ်ဘၣ်, ဒီးပမၤကမၣ်တၢ်လီၤ. ပကဲတ့ၢ်ကုၢ်လၢတၢ်သူၣ်လီသးကွံဒီးတၢ်မၤမုာ်လၤသးဖှံ ပသးလၢတၢ်အကလုာ်ကလုာ်အပူၤန့ၣ်လီၤ. ပမၤလၢာ်တ့ၢ်ပမုၢ်နံၤတဖၣ်လၢတၢ်ဆၢအၢပှၤဂၤဒီးတၢ်သူၣ်က့ၣ် သးကါအပူၤလီၤ. ပှၤဂၤတဖၣ်သးဟ့ပှၤဒီးပသးဟ့အဝဲသ့ၣ် န့ၣ်လီၤ.