လံာ်ပှၤစံၣ်တဲၤတဲလီၤတၢ် 7:26 - Sgaw Karen Common Bible

²⁶ ယထံၣ်န့ၢ်တၢ်တမံၤလၢအခၣ်ဝဲဒိၣ်န့ၢ်ဒံးတၢ်သံတက့ၢ်လၢအမ့ၢ်ဝဲ ပိာ်မုၣ်လၢအလီၤဂာ်ဒ်ထုတခါအသိးန့ၣ်လီၤ. တၢ်အဲၣ်လၢအဝဲဟ့ၣ်လီၤနၤကဖီၣ်နၤဒ်ပှာ်ဧိၤစၤဧိၤအသိးလီၤ. ဒီးအဝဲစုတီၤတဖၣ်လၢအဖိးဟုဃာ်နၤန့ၣ်ကစှီၤဃာ်နၤဒ်ထးသွဲအသိးလီၤ. ပှၤလၢအမၤမုာ်ယွၤအသးန့ၣ်ကပူၤဖျဲးဒီးအီၤလီၤ. ဘၣ်ဆၣ်အဝဲကဖီၣ်န့ၢ်ပှၤတၢ်ဒဲးဘးဖိလီၤ.

လံာ်ပှၤစံၣ်တဲၤတဲလီၤတၢ် 7:26 Iomraidhean Croise

လံာ်တၢ်ကဲထီၣ်အခီၣ်ထံး 19:35

ဒီးလၢမုၢ်နၤတနၤန့ၣ်အဝဲသ့ၣ်ဒုးအီမူၤအီၤလၢစပံးထံဒီး အဖိမုၣ်အဆံးတဂၤမံဂုာ်ဂဲၤဃုာ်ဒီးအပၢ်န့ၣ်လီၤ. မၤကဒီးတစု, အဝဲမူၤဝဲတုၤဒၣ်လဲာ်တသ့ၣ်ညါတၢ်န့ၣ်ဘၣ်.

လံာ်တၢ်ကဲထီၣ်အခီၣ်ထံး 39:9

ယအိၣ်ဒီးတၢ်စိတၢ်ကမီၤထဲသိးဒီးအီၤလၢဟံၣ်အံၤအပူၤန့ၣ် လီၤ. မ့တမ့ၢ်ဘၣ်ထဲလၢနၤတဂၤဧိၤဘၣ်ဒီး, အဝဲတတြီဃာ်တၢ်အဂုၤအဂၤနီတမံၤလၢယကပၢၤအီၤဘၣ်လီၤ. လၢတၢ်န့ၣ်အဃိ, ယကမၤတၢ်အၢတၢ်သီဒ်သိးအံၤတမံၤဒီးမၤတၢ်ဒဲး ဘးထီဒါကစၢ်ယွၤဒ်လဲၣ်.”

လံာ်တၢ်ဟးထီၣ်ကွံာ် 10:7

စီၤပၤအပဒိၣ်ပပှၢ်တဖၣ်စံးဘၣ်အီၤ, “ပှၤတဂၤအံၤကမၤတံာ်တာ်ပှၤ ဆံးယံာ်လဲၣ်. ပျၢ်ကွံာ်ပှၤအံၣ်စရ့လးဖိအပိာ်ခွါတဖၣ်ဒ်သိးအကလဲၤဘူၣ်ထီၣ် ဘါထီၣ်အယွၤ, အကစၢ်ယွၤန့ၣ်တက့ၢ်. မ့ၢ်နတသ့ၣ်ညါဘၣ်လၢကီၢ်အဲၤကူပတူးအံၤဟးဂီၤကွံာ်လံန့ၣ်ဘၣ်ဧါ.”

တၢ်ကတိၤဒိ. 2:16

နမၤပူၤဖျဲးနသးထီဒါပိာ်မုၣ်ဟးဂီၤလၢအကျဲးစၢးကလံာ်န့ၢ်နၤ ခီဖျိအတၢ်ကတိၤလၢအဘျ့ဝဲ,

တၢ်ကတိၤဒိ. 22:14

တၢ်အဲၣ်ဘၢမါအဲၣ်ဘၢဝၤန့ၣ်မ့ၢ်ပျံၤသကွီၤတခါလၢအဖီၣ်န့ၢ်ပှၤ တဖၣ်လၢယွၤသးဒိၣ်ဘၣ်အီၤန့ၣ်လီၤ.

တၢ်ကတိၤဒိ. 6:23

အတၢ်သိၣ်က့ၤသီက့ၤတဖၣ်န့ၣ်, မ့ၢ်မ့ၣ်အူဒၢလၢအကပီၤထီၣ်ဝဲ, ဒီးအတၢ်ဘှီဘၣ်က့ၤသိၣ်လိနၤလၢနကအိၣ်မူဒ်လဲၣ်သ့ဝဲန့ၣ်လီၤ.

တၢ်ကတိၤဒိ. 6:24

ကတြီဃာ်နၤလၢပိာ်မုၣ်ဟးဂီၤတဖၣ်, ဒီးလၢပှၤဂၤအမါတဖၣ်အတၢ် ကတိၤကလံာ်န့ၢ်နၤန့ၣ်လီၤ.

တၢ်ကတိၤဒိ. 9:18

ပှၤလၢအဝဲမၤန့ၢ်ဝဲတဖၣ်န့ၣ်, တသ့ၣ်ညါဝဲလၢပှၤလဲၤနုာ်လီၤဆူ အဟံၣ်ပူၤတဖၣ်သံဝဲ, ဒီးလၢပှၤလၢအလဲၤနုာ်လီၤတ့ၢ်လံတဖၣ်န့ၣ် အခဲအံၤလီၤဘျၢလၢဟီၣ်ခိၣ်တၢ်သံအကီၢ်ပူၤလံန့ၣ်ဘၣ်လီၤ.

လံာ်ပှၤစံၣ်တဲၤတဲလီၤတၢ် 2:26

ကစၢ်ယွၤဟ့ၣ်တၢ်ကူၣ်သ့, တၢ်သ့ၣ်ညါဒီးတၢ်သူၣ်ဖှံ သးညီဆူပှၤတဖၣ်လၢအမၤမုာ်အသးန့ၣ်လီၤ. မ့မ့ၢ်, မၢပှၤတၢ်ဒဲးဘးဖိတဖၣ်မၤတၢ်, မၤန့ၢ်တၢ်ဒီးပာ်ဖှိၣ် တၢ်, ဒ်သိးတၢ်လၢအဝဲသ့ၣ်မၤန့ၢ်တ့ၢ်တဖၣ်, ကဘၣ်တၢ်ဟ့ၣ်လီၤအီၤဆူ ပှၤလၢအမၤမုာ်အဝဲအသးတဖၣ်အအိၣ်န့ၣ်လီၤ. တၢ်ခဲလၢာ်န့ၣ်, အဘျုးတအိၣ်ဘၣ်. တၢ်န့ၣ်လီၤဂာ်ဒီးတၢ်လူၤဖီၣ်ကလံၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 7:27

ပှၤဆိကမိၣ်တၢ်အဒိၣ်အယိာ်တဂၤစံးဝဲဒၣ်, မ့ၢ်လီၤ, ယထံၣ်န့ၢ်တၢ်အံၤတစဲးဘၣ်တစဲးဖဲယဃုထံၣ်တၢ်စံးဆၢတဖၣ်အဆၢ ကတီၢ်န့ၣ်လီၤ.