လံာ်ပှၤစံၣ်တဲၤတဲလီၤတၢ် 7:23 - Sgaw Karen Common Bible

²³ ယသူယတၢ်ကူၣ်သ့လၢတၢ်မၤကွၢ်တၢ်အံၤခဲလၢာ်လီၤ. ယပာ်လီၤတ့ၢ်ယသးလၢယကမ့ၢ်ပှၤကူၣ်တၢ်သ့လီၤ. ဘၣ်ဆၣ်တၢ်အံၤအိၣ်ယံၤဒီးယၤလီၤ.

လံာ်ပှၤစံၣ်တဲၤတဲလီၤတၢ် 7:23 Iomraidhean Croise

လံာ်တၢ်ကဲထီၣ်အခီၣ်ထံး 3:5

ကစၢ်ယွၤစံးတၢ်ဒ်န့ၣ်မ့ၢ်လၢအဝဲသ့ၣ်ညါလၢ, တုၤသုအီၣ်တၤသၣ်န့ၣ်ဒီးသုကလီၤဂာ်ဒီးကစၢ်ယွၤဒီးသုကသ့ၣ် ညါတၢ်ဂ့ၤဒီးတၢ်အတဂ့ၤအဃိန့ၣ်လီၤ.”

လံာ်ပှၤစံၣ်တဲၤတဲလီၤတၢ် 1:17

ယပာ်လီၤယသးလၢယကမၤလိတၢ်သ့ၣ်ညါဒီးတၢ်သးတဆး, တၢ်ကူၣ်သ့ဒီးတၢ်ပျုၢ်အတၢ်လီၤဆီန့ၣ်လီၤ. ဘၣ်ဆၣ်ယထံၣ်သ့ၣ်ညါလၢအအံၤစ့ၢ်ကီးကမ့ၢ်ဒၣ်တၢ်လူၤဖီၣ်ကလံၤ န့ၣ်လီၤ.

လံာ်ပှၤစံၣ်တဲၤတဲလီၤတၢ် 3:11

အဝဲပာ်လီၤတၢ်အကတီၢ်အဘၣ်လၢတၢ်ကိးမံၤဒဲးအဂီၢ်လီၤ. အဝဲဟ့ၣ်ပှၤတၢ်သးအိၣ်သ့ၣ်ညါတၢ်လၢအကမၤအသး, ဘၣ်ဆၣ်တၢ်လၢအမၤဝဲန့ၣ်, တဟ့ၣ်ပှၤတၢ်သးမံဒီးတၢ်နၢ်ပၢၢ်အလၢ အပှဲၤနီတစုဘၣ်.

လံာ်ပှၤစံၣ်တဲၤတဲလီၤတၢ် 7:22

ဒီးနသ့ၣ်ညါလီၤနသးစ့ၢ်ကီးလၢနကတိၤဒုၣ်ဒွဲၣ်စံးအၢတ့ၢ်ဘၣ် ပှၤအဂၤတဖၣ်အါစုအါဘျီလီၤ.

လံာ်ပှၤစံၣ်တဲၤတဲလီၤတၢ် 8:17

ဒီးနၢ်ပၢၢ်တၢ်လၢကစၢ်ယွၤမၤဝဲန့ၣ်တသ့နီတဘျီဘၣ်. နမ့ၢ်ကျဲးစၢးဆူၣ်ဆူၣ်ထဲအံၤထဲနုၤနာ်က့, နဃုထံၣ်န့ၢ်အီၤတသ့ဘၣ်. ပှၤကူၣ်တၢ်သ့တဖၣ်စံးလီၤအသးလၢအသ့ၣ် ညါဝဲလီၤ. ဘၣ်ဆၣ်တသ့ၣ်ညါဝဲဘၣ်.

ရိမ့ၤ 1:22

အဝဲသ့ၣ်စံးလီၤအသးလၢအကူၣ်တၢ်သ့, ဘၣ်ဆၣ်အဝဲသ့ၣ်မ့ၢ်ဒၣ်ပှၤဟးဂီၤဖိတဖၣ်န့ၣ်လီၤ.

1 ကရံၣ်သူး 1:20

မ့မ့ၢ်ဒ်န့ၣ်ဒီး, ပှၤကူၣ်ဘၣ်ကူၣ်သ့မ့ၢ်ဂ့ၤ, ပှၤသ့လံာ်သ့လဲၢ်မ့ၢ်ဂ့ၤ, မ့တမ့ၢ်ဘၣ်ဒီးပှၤသ့ဂ့ၢ်လိာ်ဘှီလိာ်တၢ်လၢဟီၣ်ခိၣ်တဘ့ၣ်အံၤ အပူၤန့ၣ်အိၣ်ဝဲဖဲလဲၣ်ပူၤလဲၣ်. ကစၢ်ယွၤဒုးနဲၣ်တ့ၢ်ဝဲဒၣ်လၢဟီၣ်ခိၣ်တဘ့ၣ်အံၤအတၢ်ကူၣ်ဘၣ်ကူၣ် သ့မ့ၢ်ဒၣ်တၢ်သူၣ်တဆးသးတဆးန့ၣ်လီၤ.