လံာ်ပှၤစံၣ်တဲၤတဲလီၤတၢ် 7:17 - Sgaw Karen Common Bible

¹⁷ ဘၣ်ဆၣ်အၢသီကဲၣ်ဆိးမ့ၢ်ဂ့ၤ. မၢးကဲၣ်ဆိးမ့ၢ်ဂ့ၤတဂ့ၤ. ဘၣ်မနုၤအဆၢကတီၢ်တချုးတုၤဒံးဘၣ်ဒီးနကသံန့ၣ်လဲၣ်.

လံာ်ပှၤစံၣ်တဲၤတဲလီၤတၢ် 7:17 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 6:20

တၢ်န့ၣ်ဝံၤအလီၢ်ခံ, ဖဲစီၤဒၤဝံးက့ၤဆူအဟံၣ် ဒ်သိးကဆၢဂ့ၤဆၢဝါအဟံၣ်ဖိဃီဖိန့ၣ်နီၢ်မံၤကၤလးဟးထီၣ်လၢကသဂၢၢ်အီၤအဂီၢ်လီၤ. ပိာ်မုၣ်န့ၣ်စံးဝဲ, “တနံၤအံၤ, ကီၢ်အံၣ်စရ့လးအစီၤပၤမၤဒိၣ်ထီၣ်အမံၤတဖျၢၣ်လၢအဂီၢ်ဒၣ်ဝဲန့ၣ်လီၤ. အဝဲပာ်ဖျါထီၣ်တ့ၢ်အသးဒ်တၢ်ပျုၢ်တဂၤအသိး လၢအဝဲအပဒိၣ်ပပှၢ်တဖၣ်ဒီးအကုၢ်ပိာ်မုၣ်တဖၣ်အမဲာ်ညါန့ၣ်လီၤ.”

လံာ်စီၤယိၤဘး 22:16

အဝဲသ့ၣ်ဘၣ်တၢ်ထုးကွံာ်စိာ်ကွံာ်အီၤသတူၢ်ကလာ်တချူးလၢ အဆၢကတီၢ်ဘၣ်ဒံးဒီးထံအီၣ်ကွံာ်အတၢ်ခီၣ်ထံးတဖၣ်န့ၣ်လီၤ.

စံးထီၣ်ပတြၢၤ 55:23

ဘၣ်ဆၣ်နဲဒၣ်ကစၢ်ယွၤဧၢ, နကဒုးလဲၤလီၤအဝဲသ့ၣ်ဆူ တၢ်ဟးဂီၤအတၢ်ပူၤလီၤ. ပှၤမၤသံတၢ်ဒီးပှၤလီတၢ်တဖၣ်န့ၣ်, တအိၣ်မူဘၣ် အမုၢ်နံၤမုၢ်သီတဝာ်ဒၣ်လဲာ်န့ၣ်ဘၣ်. မ့မ့ၢ်ယဲဒၣ်အံၤယကသန့ၤယသးလၢနၤလီၤ.

တၢ်ကတိၤဒိ. 10:27

တၢ်ပျံၤယွၤန့ၣ်ဒုးထီထီၣ်တၢ်အိၣ်မူလီၤ. မ့မ့ၢ်, ပှၤတတီတလိၤအနံၣ်အလါကဖုၣ်ဝဲလီၤ.

လံာ်ယဃ့းစက့လး 16:20

ဝံၤဒီး, နဟံးန့ၢ်ဖိခွါတဖၣ်ဒီးဖိမုၣ်တဖၣ်လၢနဆံးစၢ်ထီၣ်န့ၢ်ယၤ, ဒီးလုၢ်ထီၣ်အဝဲသ့ၣ်ဒ်တၢ်လုၢ်တၢ်ပာ်တဖၣ်အသိးဆူတၢ်ဂီၤတၢ်ဖီၣ် ဖၣ်န့ၣ်လီၤ. ထဲနတၢ်သးတတီဒီးယၤန့ၣ်, တအၢတ့ၢ်မးလံ.

လံာ်ယဃ့းစက့လး 8:17

ယွၤစံးဘၣ်ယၤ, “ပှၤကညီလၢအသံသ့ဧၢ, နထံၣ်တၢ်န့ၣ်ကစီဒီဧါ. ကီၢ်ယူဒၤအပှၤဂီၢ်မုၢ်တဖၣ်အံၤတသးမံထဲလၢအမၤ တၢ်လီၤသးဘၣ်အၢတဖၣ်လၢနထံၣ်ဘၣ်တ့ၢ်ဖဲအံၤ, ဒီးရၤလီၤတၢ်စုဆူၣ်ခီၣ်တကးလၢထံကီၢ်ဒီဘ့ၣ်ညါဧိၤန့ၣ်ဘၣ်. မ့မ့ၢ်အဝဲသ့ၣ်ကဘၣ်ဟဲဒီးမၤတၢ်သ့ၣ်တဖၣ်အံၤ, ဖဲအံၤလၢယွၤအတၢ်လုၢ်ဟံၣ်အပူၤအံၤ, ဒီးမၤသးဒိၣ်အါထီၣ်ယၤ ဒၣ်လဲာ်န့ၣ်လီၤ. အဝဲသ့ၣ်မၤတရီတပါယၤလၢကျဲအၢအၢသီသီထဲလဲၣ်န့ၣ်ကွၢ် တက့ၢ်. တၢ်န့ၣ်မ့ၢ်တၢ်လီၤသးဆါကတၢၢ်န့ၣ်လီၤ.

မၤတၢ် 12:23

သတူၢ်ကလာ်, ကစၢ်အကလူးတဂၤတီၢ်စီၤဟ့ၤရိာ်, အဂ့ၢ်မ့ၢ်လၢအဝဲတဟ့ၣ်တၢ်လၤကပီၤဆူကစၢ်ယွၤအအိၣ်အဃိန့ၣ်လီၤ. ဒီးထိးကလဲာ်လၢအပူၤအီၣ်ကွံာ်အီၤဒီးအဝဲဒၣ်သံဝဲန့ၣ်လီၤ.

မၤတၢ် 16:28

ဘၣ်ဆၣ်ဒီးစီၤပီလူးကိးထီၣ်လၢအကလုၢ်ဖးဒိၣ်ဒီးစံးဝဲ, “မၤဆါလီၤနသးတဂ့ၤ. ပအိၣ်ပဝဲဖဲအံၤကိးဂၤဒဲးလီၤ.”

မၤတၢ် 5:10

တကီၢ်ခါဖဲန့ၣ်အဝဲလီၤဃံၤသံဝဲဒၣ်ဖဲစီၤပ့းတရူးအခီၣ်ထံးန့ၣ်လီၤ. ပိာ်ခွါသးစၢ်တဖၣ်ဟဲနုာ်ဒီးထံၣ်ဘၣ်လၢအဝဲဒၣ်သံလံသတးဒီး, စိာ်ထီၣ်ကွံာ်အီၤဒီးလဲၤခူၣ်လီၤကွံာ်အီၤလၢအဝၤအကပၤန့ၣ်လီၤ.

မၤတၢ် 5:5

တုၤစီၤအနၤနံနၢ်ဟူဘၣ်တၢ်အံၤဒီးတဘျီဃီလီၤဃံၤသံဝဲဒၣ်လီၤ. ဒီးပှၤခဲလၢာ်လၢအနၢ်ဟူဘၣ်တၢ်ဂ့ၢ်အံၤပျံၤတၢ်ဒိၣ်ဒိၣ်ကလဲာ်လီၤ.

ယၤကိာ် 1:21

လၢတၢ်န့ၣ်အဃိ, ညိကွံာ်လုၢ်လၢ်လၢအလီၤသးဘၣ်အၢဒီးသကဲာ်ပဝးအအၢ အသီခဲလၢာ်တက့ၢ်. ဆီၣ်လီၤသုသးလၢကစၢ်ယွၤအဖီလာ်, ဒီးတူၢ်လိာ်တၢ်အကလုၢ်အကထါလၢအဝဲသူၣ်လီၤလၢသုသးကံၢ်ပူၤ လၢအအုၣ်က့ၤခီၣ်က့ၤသုသ့န့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 25:38

လၢခံဆံဆဲၣ်သီဃၣ်ဃၣ်အလီၢ်ခံန့ၣ်ယွၤတီၢ်စီၤနၤဘလးဒီး အဝဲဒၣ်သံကွံာ်ဝဲလီၤ.