လံာ်ပှၤစံၣ်တဲၤတဲလီၤတၢ် 7:16 - Sgaw Karen Common Bible

¹⁶ မၤသးဒ်န့ၣ်ဒီး, ဂ့ၤကဲၣ်ဆိးတဂ့ၤ, ကူၣ်သ့ကဲာ်ဆိးတဂ့ၤ. ဘၣ်မနုၤအဃိနကမၤသံလီၤနသးန့ၣ်လဲၣ်.

လံာ်ပှၤစံၣ်တဲၤတဲလီၤတၢ် 7:16 Iomraidhean Croise

လံာ်တၢ်ကဲထီၣ်အခီၣ်ထံး 3:6

ဒီးပိာ်မုၣ်န့ၣ်ထံၣ်ဝဲလၢသ့ၣ်တထံးန့ၣ်ဃံလၤဝဲဒီးအသၣ်န့ၣ် တၢ်မ့ၢ်အီၣ်ဘၣ်ဒီးကဝံၣ်ဝဲဆံးဒိၣ်လဲၣ်ဒီးပိာ်မုၣ်န့ၣ်ဆိ ကမိၣ်ကွၢ်ဝဲလၢအဝဲမ့ၢ်ကူၣ်သ့ကူၣ်ဘၣ်ထီၣ်ဒီးကမုာ်သူၣ်မုာ်သး ဆံးဒိၣ်လဲၣ်န့ၣ်လီၤ. လၢတၢ်န့ၣ်အဃိအဝဲဟံးန့ၢ်သ့ၣ်သၣ်တနီၤဒီးအီၣ်ဝဲ ဒၣ်လီၤ. ဒီးဟ့ၣ်လီၤအဝၤတနီၤဒီးအဝဲဒၣ်စ့ၢ်ကီးအီၣ်ဝဲလီၤ.

လံာ်စီၤယိၤဘး 11:12

ပှၤလၢအမ့ၢ်တၢ်ကလီကလီတဖၣ်ကအိၣ်ထီၣ်ဒီးတၢ်ကူၣ်ဘၣ် ကူၣ်သ့ဖဲကသ့ၣ်ယီၤမံၤအိၣ်ဖျဲၣ်ထီၣ်ကသ့ၣ်ယီၤဒၢန့ၣ်လီၤ.

လံာ်စီၤယိၤဘး 28:28

ဒီးကစၢ်ယွၤစံးဘၣ်ပှၤကညီ, ကွၢ်ကွၢ်တၢ်ပျံၤယွၤန့ၣ်မ့ၢ်တၢ် ကူၣ်သ့ဒီးတၢ်ဟးဆှဲးကွံာ်လၢတၢ်အၢန့ၣ်မ့ၢ်တၢ်သ့ၣ်ညါနၢ်ပၢၢ် န့ၣ်လီၤ.

တၢ်ကတိၤဒိ. 23:4

အိၣ်ဒီးတၢ်ကူၣ်သ့အလၢအပှဲၤ, ဒ်သိးနသုတမၤတၢ်တုၤနစုလၢာ် ခီၣ်လၢာ်လၢနကထူးထီၣ်တီၤထီၣ်အဂီၢ်တဂ့ၤန့ၣ်တက့ၢ်.

တၢ်ကတိၤဒိ. 25:16

အီၣ်ကနဲစီအါန့ၢ်နကြၢးအီၣ်န့ၣ်တဂ့ၤ. မ့ၢ်အါကဲၢ်ဆိးဒီး ကဒုးဘှိးထီၣ်နၤလီၤ.

လံာ်ပှၤစံၣ်တဲၤတဲလီၤတၢ် 12:12

ယဖိခွါဧၢ, တၢ်အိၣ်ဒံးဝဲအဂၤတမံၤလၢတၢ်ပလီၢ်သူၣ်ပလီၢ်သး အဂီၢ်လီၤ. တၢ်ကွဲးလံာ်တဖၣ်န့ၣ်အကတၢၢ်ကတာ်တအိၣ်နီ တဘျီဘၣ်. ဒီးတၢ်မၤလိတၢ်အါကဲၣ်ဆိးန့ၣ်, ကမၤလီၤဘှံးကွံာ် နၤလီၤ.

လံာ်မးသဲ 23:29

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီ ဒီးပှၤဖၤရံၤၡဲသ့ၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, သုဘှီန့ၢ်တၢ်သွၣ်ခိၣ်ပူၤအဂ့ၤလၢဝံတဖၣ်အဂီၢ်, ဒီးသုကယၢကယဲတၢ်ပနီၣ်လၢတၢ်သူၣ်ထီၣ်အီၤလၢ တၢ်သ့ၣ်နီၣ်ပှၤတီပှၤလိၤတဖၣ်အဂီၢ်,

လံာ်မးသဲ 23:38

လၢတၢ်န့ၣ်အဃိ, နတၢ်လုၢ်ဟံၣ်န့ၣ်ကဘၣ်တၢ်လဲၤသဒၣ်အီၤဒီး ကအိၣ်သယုၢ်သညိလီၤ.

လံာ်မးသဲ 23:5

အဝဲသ့ၣ်မၤတၢ်ခဲလၢာ်ဒ်သိးဒီးပှၤကညီကထံၣ်အီၤအဂီၢ်လီၤ. လံာ်စီဆှံအဆၢဖိတဖၣ်အဒၢလၢအစၢဃာ်ဝဲလၢအခိၣ်တိသၣ်ဒီး အစုတီၤလိၤတဖၣ်န့ၣ်, မၤဒိၣ်လီၤဆီဝဲ, ဒီးအဆ့ကၤအနွံတဖၣ်စ့ၢ်ကီးမၤထီလီၤဆီဝဲလီၤ.

လံာ်မးသဲ 9:14

ပှၤဘျၢတၢ်စီၤယိၤဟၣ်အပျဲၢ်အဘီၣ်တဖၣ်ဟဲဆူယ့ၣ်ၡူး အအိၣ်ဒီးသံကွၢ်အီၤ, “ဘၣ်မနုၤအဃိလၢပဝဲဒၣ်ဒီးပှၤဖၤရံၤၡဲတဖၣ်ဒုၣ်တၢ်အီၣ် တလီၢ်လီၢ်, မ့မ့ၢ်နပျဲၢ်နဘီၣ်တဖၣ်တဒုၣ်တၢ်အီၣ်နီတဘျီဘၣ်န့ၣ်လဲၣ်.”

လံာ်လူၤကၣ် 18:12

ယဒုၣ်တၢ်အီၣ်တၢ်အီတနွံခံဘျီ, ကိးနွံဒဲး, ဒီးလၢယတၢ်ဟဲနုာ်ခဲလၢာ်န့ၣ်, ယဟ့ၣ်နၤအပူတဆံတပူလီၤ.’

ရိမ့ၤ 10:2

ယအုၣ်ယသးလၢအဝဲသ့ၣ်အဂီၢ်လၢအဝဲသ့ၣ်အဲၣ်ကစၢ်ယွၤ နီၢ်နီၢ်လီၤ. ဘၣ်ဆၣ်ဒီးအတၢ်အဲၣ်ကစၢ်ယွၤန့ၣ်တသန့ၤထီၣ် အသးလၢတၢ်သ့ၣ်ညါအမ့ၢ်အတီအလိၤဘၣ်.

ရိမ့ၤ 11:25

ယဒီပုၢ်ဝဲၢ်သးဘိသ့ၣ်ဧၢ, တၢ်မ့ၢ်တၢ်တီခူသူၣ်အိၣ်တမံၤလၢယသးအိၣ်ဒုးသ့ၣ်ညါသုဒ် သိးသုသုတဆိကမိၣ်လီၤသုသး လၢသုကူၣ်ဘၣ်ကူၣ်သ့ တဂ့ၤအဂီၢ်လီၤ. တၢ်န့ၣ်မ့ၢ်တၢ်အံၤလီၤ. ပှၤအံၣ်စရ့လးဖိတဖၣ်အတၢ်သူၣ်ကိၤသးကိၤတမ့ၢ်တၢ်လီၤထူလီၤ ယိာ်ဘၣ်. ကယံာ်ဒၣ်တုၤဖဲပှၤကလုာ်ဂၤတဖၣ်ဟဲက့ၤဆူကစၢ် ယွၤအအိၣ်အနီၣ်ဂံၢ်ပှဲၤထီၣ်ဝဲအဆၢကတီၢ်န့ၣ်လီၤ.

ရိမ့ၤ 12:3

ဒီးမ့ၢ်ယွၤအတၢ်ဟ့ၣ်ဘျုးဟ့ၣ်ဖှိၣ်ယၤအဃိ, ယစံးဘၣ် တဲဘၣ်သုခဲလၢာ်လီၤ. တဘၣ်ဆိကမိၣ်လီၤသုသးဒိၣ်န့ၢ်ဒံး သုကြၢးဆိကမိၣ်န့ၣ်တဂ့ၤ. မ့မ့ၢ်တခီ, ဆိကမိၣ်လီၤသုသးဖဲ အဘၣ်အဘၣ်, ဒီးသုဝဲတဂၤဒီးတဂၤစံၣ်ညီၣ်လီၤသုသးဒ် တၢ်စူၢ်တၢ်နာ်လၢကစၢ်ယွၤဟ့ၣ်လီၤသုအသိးန့ၣ်တက့ၢ်.

1 ကရံၣ်သူး 3:18

မတၤတဂၤမးတကြၢးလီလီၤက့ၤအသးဒၣ်ဝဲဘၣ်. ပှၤလၢသုကျါတဂၤဂၤမ့ၢ်ဆိကမိၣ်လီၤအသးလၢအမ့ၢ် ပှၤကူၣ်ဘၣ်ကူၣ်သ့ခီဖျိဟီၣ်ခိၣ်တဘ့ၣ်အံၤအနီၣ်ထိၣ်ဒီး, အဝဲဒၣ်ကြၢးကဲထီၣ်ပှၤအသးတဆးတဂၤ, ဒ်သိးအဝဲဒၣ်ကကဲထီၣ်ပှၤကူၣ်ဘၣ်ကူၣ်သ့နီၢ်နီၢ်တဂၤအဂီၢ်န့ၣ်လီၤ.

1 ကရံၣ်သူး 3:20

ဒီးတၢ်ကွဲးအသးအဂၤတတီၤစံးဝဲ, “ကစၢ်သ့ၣ်ညါလၢပှၤကူၣ်ဘၣ်ကူၣ်သ့အတၢ်ဆိကမိၣ်မ့ၢ်တၢ်လၢ အလုၢ်တအိၣ်ပှ့ၤတအိၣ်ဘၣ်န့ၣ်လီၤ.”

ဖံလံးပံၤ 3:6

ဒီးယသူၣ်ဆူၣ်သးဂဲၤယဲဒိၣ်မးတုၤဒၣ်လဲာ်ယမၤအၢမၤနး တၢ်အိၣ်ဖှိၣ်န့ၣ်လီၤ. ဖဲလၢအဘၣ်ဃးဒီးပှၤကညီတဂၤတီဝဲလိၤဝဲလၢအတၢ်စူၢ်တၢ်သိၣ် တၢ်သီအတၢ်မၤလိာ်တဖၣ်န့ၣ်, တၢ်ပာ်တၢ်ကမၣ်လၢယလိၤအလီၢ် တအိၣ်ဘၣ်.

ကလီးစဲ 2:18

တဘၣ်ပျဲပှၤလၢအပာ်မၤအသးဒ်အဆီၣ်လီၤအသးဘါကလူး တဖၣ်, ပှၤလၢအဟံးန့ၢ်အခီၣ်တဃာ်လၢအတၢ်ထံၣ်တၢ်လၢညါ ခီတဖၣ်, ဒီးပာ်ကဖၢလၢအသးလၢအတၢ်ကူၣ်တၢ်ဆးဒၣ်ဝဲ အဃိတဖၣ်, စံၣ်ညီၣ်သုတဂ့ၤ.

ကလီးစဲ 2:23

တၢ်တဖၣ်အံၤ, ဖျါလီၤဂာ်ဒီးတၢ်ကူၣ်သ့ကူၣ်ဘၣ်အတၢ်သိၣ်တၢ် သီလၢအပာ်ဖျါထီၣ်အသးဒ်တၢ်သူၣ်ဆူၣ်သးဂဲၤအတၢ်ဘူၣ် တၢ်ဘါ, တၢ်ဆီၣ်လီၤသးဒီးတၢ်မၤအၢမၤနးလီၤက့ၤအနီၢ်ခိ အသိးန့ၣ်လီၤ. ဘၣ်ဆၣ်ဒီးမ့မ့ၢ်လၢအကမၤစၢၤဘှီက့ၤတၢ်လူၤ ဘၣ်နီၢ်ခိအတၢ်မိၣ်န့ၢ်သးလီန့ၣ်, တၢ်သိၣ်တၢ်သီတဖၣ်အံၤ အဘျုးတအိၣ်ဘၣ်.

၁ တံၤမသ့း 4:3

ပှၤဒ်သိးအံၤတဖၣ်သိၣ်လီၤသီလီၤဝဲလၢတၢ်န့ၢ်ဖိန့ၢ်မါန့ၣ်, မ့ၢ်တၢ်ကမၣ်ဒီးတၢ်အီၣ်တၢ်အီတနီၤနီၤန့ၣ်, ဂ့ၤဘၣ်တၢ်ဟးဆှဲး အီၤန့ၣ်လီၤ. ဘၣ်ဆၣ်ဒီးတၢ်အီၣ်တဖၣ်န့ၣ်, ယွၤတ့လီၤပာ်လီၤဝဲလၢပှၤစူၢ်က့ၤနာ်က့ၤတၢ်ဒီးသ့ၣ်ညါ တၢ်မ့ၢ်တၢ်တီတဖၣ်ကစံးထီၣ်ပတြၢၤတၢ်အဘျုးအဖှိၣ်ဝံၤ, ကအီၣ်ဝဲအဂီၢ်န့ၣ်လီၤ.

လံာ်လီၣ်ဖျါ 18:19

အဝဲသ့ၣ်ဖှံဖၣ်ဆါလၢအခိၣ်အလိၤ, ဟီၣ်ဝဲယၢၤဝဲ, ဒီးသူၣ်အုးသးအုးဒီးစံးဝဲ, “လီၤပျံၤလီၤဖုးဆံးဒိၣ်လဲၣ်. လၢဝ့ၢ်ဖးဒိၣ်တဖျၢၣ်အံၤအဂီၢ်နးဝဲဖှီၣ်ဝဲဆံးဒိၣ်လဲၣ်. အဝဲဒၣ်မ့ၢ်ဝ့ၢ်တဖျၢၣ်ဖဲကဘီကစၢ်လဲၤထီၣ်က့ၤလီၤလၢပီၣ်လဲၣ် ပူၤတဖၣ်ထူးထီၣ်တီၤထီၣ်လၢဝ့ၢ်အံၤအတၢ်လုၢ်ဒိၣ်ပှ့ၤဒိၣ် အဃိလီၤ. ဒီးလၢတနၣ်ရံၣ်အတီၢ်ပူၤတၢ်ခဲလၢာ်လီၤမၢ်ကွံာ်န့ၢ် အီၤလံ.”