လံာ်ပှၤစံၣ်တဲၤတဲလီၤတၢ် 7:14 - Sgaw Karen Common Bible

¹⁴ ဖဲတၢ်ခဲလၢာ်လဲၤအသးဂ့ၤဂ့ၤဘၣ်ဘၣ်လၢနဂီၢ်ဒီး, သးခုတက့ၢ်. ဒီးဖဲတၢ်ကီတၢ်ခဲဟဲဝဲဒီး, သ့ၣ်နီၣ်ထီၣ်လၢကစၢ်ယွၤဆှၢလီၤတၢ်သူၣ်ဖှံသးညီဒီးတၢ်ကီတၢ် ခဲခံမံၤလိာ်တက့ၢ်. ခဲကိာ်တၢ်မနုၤကမၤအသးလဲၣ်န့ၣ်, နတသ့ၣ်ညါနီတစုဘၣ်.

လံာ်ပှၤစံၣ်တဲၤတဲလီၤတၢ် 7:14 Iomraidhean Croise

လံာ်စီၤပၤအခီၣ်ထံးတဘ့ၣ် 8:47

ဒိကနၣ်လၢ်နပှၤဂီၢ်မုၢ်အတၢ်ထုကဖၣ်တဖၣ်န့ၣ်တက့ၢ်. လၢထံကီၢ်တဖၣ်န့ၣ်အပူၤအဝဲသ့ၣ်မ့ၢ်ပီၢ်ယၢ်လီၤက့ၤအသးဒီးဘါ ထုကဖၣ်ဆူနအိၣ်, ဒီးအၢၣ်လီၤဝဲလၢအမၤတ့ၢ်တၢ်ဒဲးဘးဒီးမၤတ့ၢ်တၢ်အၢတၢ်သီ ထဲလဲၣ်ထဲလဲၣ်န့ၣ်ဒီး, ယွၤဧၢ, ဒိကနၣ်လၢ်အဝဲသ့ၣ်အတၢ်ထုကဖၣ်တဖၣ်န့ၣ်တက့ၢ်.

လံာ်စီၤယိၤဘး 2:10

မ့မ့ၢ်စီၤယိၤဘးစံးဆၢအီၤ, “နကတိၤတၢ်ဒ်ပှၤဟးဂီၤမုၣ်တ ဂၤကတိၤတၢ်အသိးန့ၣ်လီၤ. မ့ၢ်ပကဒိးန့ၢ်ဘၣ်တၢ်ဂ့ၤလၢကစၢ်ယွၤ အစုပူၤဒီးပတဒိးန့ၢ်ဘၣ်တၢ်အၢဘၣ်ဧါ.” လၢတၢ်အံၤခဲလၢာ်အပူၤန့ၣ်စီၤယိၤဘးတမၤဘၣ်တၢ်ဒဲးဘး လၢအထးခိၣ်ဘၣ်.

စံးထီၣ်ပတြၢၤ 119:71

ယဘၣ်တၢ်နးတၢ်ဖှီၣ်န့ၣ်ဂ့ၤဝဲလၢယဂီၢ် လၢယကမၤလိနတၢ်သိၣ်တၢ်သီ တဖၣ်အဂီၢ်န့ၣ်လီၤ.

စံးထီၣ်ပတြၢၤ 40:3

အဝဲသိၣ်လိတ့ၢ်ယၤလၢယကသးဝံၣ်တၢ်သးဝံၣ်အသီ, တၢ်သးဝံၣ်စံးထီၣ်ပတြၢၤဆူပကစၢ်ယွၤန့ၣ်လီၤ. ပှၤအါဂၤလၢအထံၣ်တၢ်အံၤ ကအိၣ်ဒီးတၢ်ပျံၤဒီးတၢ်နာ်လၢယွၤအပူၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 10:14

ပှၤဟးဂီၤဖိကတိၤတၢ်တဆိတ့ၢ်ဝဲဘၣ်. တၢ်မနုၤကမၤအသးဆူညါ လဲၣ်န့ၣ်, ပှၤတသ့ၣ်ညါနီတဂၤဘၣ်. ဒီးပသံဝံၤတၢ်မနုၤကမၤအသးလဲၣ်န့ၣ်, ပှၤတဲပှၤတသ့နီတဂၤဘၣ်.

လံာ်ပှၤစံၣ်တဲၤတဲလီၤတၢ် 11:9

ပှၤသးစၢ်သ့ၣ်ဧၢ, မုာ်လၤလၢနတၢ်မ့ၢ်ပှၤသးစၢ်အဃိတက့ၢ်. ဖဲနသးစၢ်ဒံးအခါအံၤန့ၣ်, သူၣ်ဖှံသးညီတက့ၢ်. မၤတၢ်လၢနအဲၣ်ဒိးမၤဒီးလူၤထွဲနသးအတၢ်ဆၢန့ၢ်ဘၣ်တက့ၢ်. ဘၣ်ဆၣ်သ့ၣ်နီၣ်ထီၣ်က့ၤလၢကစၢ်ယွၤကစံၣ်ညီၣ်နၤလၢတၢ်လၢနမၤ အီၤတမံၤဂ့ၤတမံၤဂ့ၤအဃိတက့ၢ်.

လံာ်ပှၤစံၣ်တဲၤတဲလီၤတၢ် 12:13

တၢ်ခဲလၢာ်ဝံၤအလီၢ်ခံန့ၣ်, တၢ်အိၣ်တီၢ်ဒၣ်ထဲတမံၤလၢတၢ်က စံးကတိၤအီၤအဂီၢ်လီၤ. အိၣ်ဒီးတၢ်ယူးယီၣ်ကစၢ်ယွၤတက့ၢ်. ဒီးစူၢ်အတၢ်မၤလိာ်တဖၣ်တက့ၢ်. အဂ့ၢ်ဒ်အံၤ, တၢ်တ့လီၤပှၤကညီလၢတၢ်အံၤအဂီၢ်လီၤ.

လံာ်ပှၤစံၣ်တဲၤတဲလီၤတၢ် 12:8

အဘျုးတအိၣ်ဘၣ်, အဘျုးတအိၣ်ဘၣ်, ပှၤဆိကမိၣ်တၢ်အဒိၣ်အယိာ်စံးဝဲဒၣ်. တၢ်ခဲလၢာ်မ့ၢ်တၢ်လၢအဘျုးတအိၣ်ဘၣ်လီၤ.

လံာ်ပှၤစံၣ်တဲၤတဲလီၤတၢ် 3:22

လၢတၢ်န့ၣ်အဃိ, ယထံၣ်သ့ၣ်ညါလၢတၢ်အဂ့ၤကတၢၢ်လၢပမၤသ့န့ၣ် မ့ၢ်ဒၣ်ပကမုာ်လၤသးခုလၢတၢ်လၢပမၤတ့ၢ်တဖၣ်အပူၤလီၤ. တၢ်အဂၤလၢပမၤသ့တအိၣ်နီတမံၤဘၣ်. ပသံဝံၤတၢ်မနုၤကမၤအသးလဲၣ်န့ၣ်, ကျဲတအိၣ်နီတဘိလၢပကသ့ၣ်ညါဘၣ်အီၤအဂီၢ်န့ၣ်ဘၣ်.

လံာ်ပှၤစံၣ်တဲၤတဲလီၤတၢ် 3:4

အဝဲပာ်လီၤဝဲတၢ်အကတီၢ်လၢတၢ်သးအုးအဂီၢ်ဒီးတၢ် အကတီၢ်လၢတၢ်သးခုအဂီၢ်, တၢ်အကတီၢ်လၢတၢ်ဟီၣ်တၢ်ယၢၤအဂီၢ်, ဒီးတၢ်အကတီၢ်လၢတၢ်ဂဲၤကလံၣ်အဂီၢ်,

လံာ်ပှၤစံၣ်တဲၤတဲလီၤတၢ် 5:17

ပဘၣ်အိၣ်မူပတၢ်အိၣ်မူတဖၣ်လၢတၢ်ခံးတၢ်နၤဒီးတၢ်သူၣ်အုးသး အုး, တၢ်ဘၣ်ကိၢ်ဘၣ်ဂီၤ, တၢ်သူၣ်ဒိၣ်သးဖျိး, ဒီးတၢ်ဆူးတၢ်ဆါအပူၤလီၤ.

လံာ်ပှၤစံၣ်တဲၤတဲလီၤတၢ် 8:7

တၢ်ကမၤအသးမနုၤမနုၤလဲၣ်န့ၣ်, ပတသ့ၣ်ညါနီတဂၤဘၣ်. အဂ့ၢ်ဒ်အံၤ, ပှၤလၢအကတဲဘၣ်ပှၤတအိၣ်နီတဂၤဘၣ်.

လံာ်ပှၤစံၣ်တဲၤတဲလီၤတၢ် 9:7

လဲၤကာ်နဲာ်, အီၣ်နတၢ်အီၣ်ဒီးသူၣ်ခုသးခုနဲ, အီနစပံးထံဒီးသူၣ်ဖှံသးညီနဲတက့ၢ်. တၢ်န့ၣ်ဂ့ၤဝဲလၢကစၢ်ယွၤအမဲာ်လီၤ.

လံာ်ယၡါယၤ 26:11

နဒုၣ်နဒါတဖၣ်တသ့ၣ်ညါဝဲ လၢနကစံၣ်ညီၣ်အဝဲသ့ၣ်ဘၣ်. ယွၤဧၢ, မၤမဲာ်ဆှးအဝဲသ့ၣ်ဒီးပျဲအ ဝဲသ့ၣ်တူၢ်ဘၣ်တၢ်တက့ၢ်. ပျဲအဝဲသ့ၣ်တူၢ်ဘၣ်နတၢ်စံၣ်ညီၣ် လၢနကတဲာ်ကတီၤပာ်စၢၤန့ၣ်တက့ၢ်. ဒုးနဲၣ်အဝဲသ့ၣ်လၢနအဲၣ်နပှၤဂီၢ်မုၢ်ထဲလဲၣ်န့ၣ်တက့ၢ်.

လံာ်ယၡါယၤ 42:25

လၢတၢ်န့ၣ်အဃိ, အဝဲဒၣ်ဒုးကလၢၢ်ပှၤလၢအတၢ်သးဒိၣ်အသဟီၣ် ဒီးဒုးတူၢ်ပှၤတၢ်ဒုးတၢ်ယၤအတၢ်မၤဆူၣ်မၤစိးန့ၣ်လီၤ. ဒ်မ့ၣ်အူအီၣ်တၢ်အသိးအတၢ်သးထီၣ်အီၣ်တၢ်သကုၤကီၢ်အံၣ်စရ့လး လီၤ. ဘၣ်ဆၣ်ဒီးတၢ်မနုၤမနုၤမၤအသးန့ၣ် ပတနၢ်ပၢၢ်နီတစုဘၣ်. လၢတၢ်အံၤန့ၣ်, ပတမၤလိတ့ၢ်တၢ်နီတမံၤဘၣ်.

လံာ်ယံးရမံယၤ 23:20

ဒီးတဆိကတီၢ်ဘၣ်အသးတုၤလီၤလၢတၢ်လၢအဝဲတိာ်လၢကမၤဝဲ တဖၣ်မၤဝံၤဘၣ်က့ၤဝဲခဲလၢာ်တစုန့ၣ်ဘၣ်. လၢမုၢ်နံၤလၢအကဟဲ တဖၣ်အပူၤန့ၣ်, အပှၤဂီၢ်မုၢ်ကနၢ်ပၢၢ်တၢ်အံၤဆှံဆှံန့ၣ်လီၤ.”

လံာ်သးသယုၢ်တၢ် 3:38

တၢ်ဂ့ၤမ့ၢ်ဂ့ၤတၢ်အၢမ့ၢ်ဂ့ၤန့ၣ်ကဲထီၣ်လိၣ်ထီၣ်ဝဲဒ်အမၤလိာ် တၢ်အသိးန့ၣ်လီၤ.

လံာ်မံကၤ 6:9

တၢ်ပျံၤယွၤန့ၣ်မ့ၢ်တၢ်ကူၣ်သ့လီၤ. အဝဲဒၣ်ကိးဝဲဆူဝ့ၢ်ပူၤ, “သုဝဲပှၤဂီၢ်မုၢ်လၢအပာ်ဖှိၣ်ထီၣ်အသးလၢဝ့ၢ်ယရူၤၡလ့ၣ် အပူၤသ့ၣ်ဧၢ, ဒိကနၣ်တက့ၢ်.

လံာ်မးသဲ 9:13

လဲၤဒီးဃုနၢ်ပၢၢ်တၢ်ကွဲးအသးလၢအစံး, ‘ယအဲၣ်ဒိးတၢ်သူၣ် ကညီၤသးကညီၤဒီးတမ့ၢ်ဘၣ်တၢ်လုၢ်တၢ်ပာ်ဘၣ်’ အခီပညီတက့ၢ်. အဂ့ၢ်ဒ်အံၤ, ယဟဲလၢယကကိးန့ၢ် ပှၤတၢ်ဒဲးဘးဖိဒီးတမ့ၢ်ဘၣ်ပှၤတီပှၤလိၤတဖၣ်ဘၣ်.”

မၤတၢ် 14:22

အဝဲသ့ၣ်ဟ့ၣ်ဆူၣ်ထီၣ်ပှၤစူၢ်က့ၤနာ်က့ၤတၢ်တဖၣ်အဂံၢ်အဘါ ဒီးဟ့ၣ်သဆၣ်ထီၣ်အခံဒ်သိးအကအိၣ်ဂၢၢ်ဆိးကျၢၤလၢ အတၢ်စူၢ်တၢ်နာ်အပူၤန့ၣ်လီၤ. အဝဲသ့ၣ်သိၣ်လီၤသီလီၤတၢ်ဒီးစံးဝဲ, “လၢပကနုာ်လီၤဆူကစၢ်ယွၤအဘီအမုၢ်အဂီၢ်န့ၣ်, ပကဘၣ်လဲၤခီဖျိတၢ်ကီတၢ်ခဲအါမးလီၤ.

လံာ်သိၣ်လီၤသီလီၤတၢ် 26:11

စံးဘျုးကစၢ်ယွၤလၢတၢ်အဂ့ၤတဖၣ်လၢ ယွၤသုကစၢ်ယွၤဟ့ၣ်လီၤသုဝဲဒီးသုပှၤဟံၣ်ဖိဃီဖိ, ဒီးပျဲပှၤလ့ၤဝံဖိတဖၣ်ဒီးပှၤတခီဘီမုၢ်ဖိတဖၣ်လၢအအိၣ် ဆိးလၢသုကျါဘူၣ်သကိးဘါသကိးတၢ်ဒီးသုတက့ၢ်.

လံာ်သိၣ်လီၤသီလီၤတၢ် 28:47

ယွၤဆိၣ်ဂ့ၤတ့ၢ်သုလၢကျဲခဲလၢာ်အပူၤ, ဘၣ်ဆၣ်ဒီးသုတမၤတ့ၢ် အဝဲအတၢ်အိၣ်ဒီးတၢ်သူၣ်ဖှံသးညီဒီးသးတဖၣ်လၢအပှဲၤဒီးတၢ် သးခုဘၣ်လီၤ.

လံာ်သိၣ်လီၤသီလီၤတၢ် 8:3

အဝဲဒုးသူၣ်ဝံၤသၣ်စ့ၤသု, အန့ၣ်ဝံၤဒီးဟ့ၣ်လီၤကိၣ်မၤနၤလၢ သုကအီၣ်အဂီၢ်, တၢ်အီၣ်လၢသုဝဲဒီးသုမိၢ်ပၢ်ဖံဖုလၢပျၢၤတဖၣ်တအီၣ်တ့ၢ်ဘၣ် ဝဲလၢညါနီတစုဘၣ်န့ၣ်လီၤ. အဝဲမၤတ့ၢ်တၢ်အံၤဒ်သိးကသိၣ်သုလၢ, ပှၤကညီတမူဝဲထဲ လၢအအီၣ်ကိၣ်အဃိဧိၤဘၣ်. မ့မ့ၢ်မူဝဲလၢတၢ်အကလုၢ်ကထါလၢ အထီၣ်ဖျဲးလၢယွၤအထးခိၣ်ကိးထံၣ်ဒဲးန့ၣ်လီၤ.

လံာ်သိၣ်လီၤသီလီၤတၢ် 8:5

သ့ၣ်နီၣ်လၢယွၤ, သုကစၢ်ယွၤဘှီက့ၤဒီးစံၣ်ညီၣ်သုဒ်ပၢ်တဂၤ သိၣ်သီကတိၤအဖိတဖၣ်အသိးန့ၣ်တက့ၢ်.

ယၤကိာ် 5:13

ပှၤလၢသုကျါတဂၤဂၤဘၣ်တၢ်ကီတၢ်ခဲဧါ. အဝဲကြၢးဃ့ဘါထုကဖၣ်တၢ်လီၤ. မ့ၢ်အသူၣ်ဖှံသးညီတဂၤဂၤဧါ. အဝဲကြၢးသးဝံၣ်စံးထီၣ်ပတြၢၤကစၢ်ယွၤလီၤ.