လံာ်ပှၤစံၣ်တဲၤတဲလီၤတၢ် 6:7 - Sgaw Karen Common Bible

⁷ ပှၤကညီတဂၤမၤအတၢ်မၤခဲလၢာ်မ့ၢ်ဒၣ်လၢကမၤန့ၢ်တၢ်တမံၤမံၤလၢ ကအီၣ်ဝဲအဂီၢ်, ဘၣ်ဆၣ်အဝဲတအိၣ်ဒီးတၢ်လၢလၢလီၣ်လီၣ်လၢအဂီၢ်နီတဘျီဘၣ်.

လံာ်ပှၤစံၣ်တဲၤတဲလီၤတၢ် 6:7 Iomraidhean Croise

တၢ်ကတိၤဒိ. 16:26

ပှၤမၤတၢ်ဖိတဂၤအသးဃ့အီၣ်တၢ်, ဒုးမၤအီၤတၢ်ဆူၣ်ဒိၣ်ထီၣ် တက့ၢ်လီၤ. အဂ့ၢ်ဒ်အံၤ, အသးအိၣ်ဝဲလၢကမၤမံသူၣ်မံသးအတၢ်သၣ်ဝံၤအဃိလီၤ.

လံာ်ပှၤစံၣ်တဲၤတဲလီၤတၢ် 1:8

တၢ်ခဲလၢာ်ဆှၢတၢ်ဆူတၢ်ဘှံးသူၣ်တီၤသးအပူၤ, တၢ်ဘှံးသူၣ်တီၤသးလၢအဒိၣ်ကဲၣ်ဆိးတုၤပတဲလၢတၢ်ကတိၤ တဖၣ်တသ့ဘၣ်န့ၣ်လီၤ. ပမဲာ်ချံတဖၣ်ကွၢ်တၢ်သနာ်က့, တလၢကွၢ်ဘၣ်. ပနၢ်တဖၣ်တလၢနၢ်ဟူတၢ်ဘၣ်.

လံာ်ပှၤစံၣ်တဲၤတဲလီၤတၢ် 5:10

နမ့ၢ်အဲၣ်စ့ဒီးနသးတမံနီတစုဘၣ်. နမ့ၢ်ဆၢထူးထီၣ်တီၤထီၣ် ဒီး, တၢ်လၢနသးလီအီၤခဲလၢာ်န့ၣ်နမၤတန့ၢ်နီတဘျီဘၣ်. တၢ်အံၤမ့ၢ်တၢ်လၢအဘျုးတအိၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 5:9

စီၤပၤတဂၤဒၣ်လဲာ်ဘၣ်သန့ၤအသးလၢဟီၣ်ခိၣ်အတၤသၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 6:3

ပှၤတဂၤကအိၣ်ဒီးအဖိတကယၤဂၤဒီးအိၣ်မူအါနံၣ်အါလါ, ဘၣ်ဆၣ်အဝဲအိၣ်မူယံာ်ထဲလဲၣ်နာ်က့, မ့ၢ်တန့ၢ်ဘၣ်တၢ်သူၣ်ဖှံသးညီလၢအဂီၢ်ဒၣ်ဝဲဒီးမ့ၢ်တန့ၢ်ဘၣ် တၢ်ခူၣ်လီၤဘျၢအီၤဂ့ၤဂ့ၤဘၣ်ဘၣ်ဒီး, ယစံးယဲလၢဖိသၣ်တဂၤ အိၣ်ဖျဲၣ်ထီၣ်လၢအသံန့ၣ်ဂ့ၤဒိၣ်တက့ၢ်လီၤ.

လံာ်ပှၤစံၣ်တဲၤတဲလီၤတၢ် 6:8

ပှၤလၢအကူၣ်တၢ်သ့တဂၤဂ့ၤဒိၣ်န့ၢ်ဒံးပှၤဟးဂီၤဖိတဂၤလၢကျဲဒ်လဲၣ်. တၢ်သ့ၣ်ညါကွၢ်ဆၢၣ်မဲာ်တၢ်အိၣ်မူန့ၣ်, ကမၤဂ့ၤပှၤအဖှီၣ်တဂၤဒ်လဲၣ်.

လံာ်မးသဲ 6:25

လၢတၢ်န့ၣ်အဃိ ယစံးဘၣ်သု, သုတဘၣ်ယိၣ်တၢ်လၢတၢ်အီၣ်တၢ်အီလၢ သုသးသမူအဂီၢ်မ့ၢ်ဂ့ၤ, တၢ်ကူတၢ်သိးလၢသုနီၢ်ခိအဂီၢ်မ့ၢ်ဂ့ၤန့ၣ်တဂ့ၤ. နီၢ်နီၢ်တခီသးသမူန့ၣ်အကါဒိၣ်န့ၢ်တၢ်အီၣ်တၢ်အီဒီးနီၢ်ခိအကါဒိၣ်န့ၢ် တၢ်ကူတၢ်သိးတက့ၢ်တမ့ၢ်ဘၣ်ဧါ.

လံာ်လူၤကၣ် 12:19

တုၤနုၤတစု, ယကစံးဘၣ်လီၤက့ၤယသး, ယသးဧၢ, နအိၣ်ဒီးတၢ်အဂ့ၤအဘၣ်လၢနလိၣ်ဘၣ်အီၤခဲလၢာ်, လၢအါနံၣ်အါလါအဂီၢ်လီၤ. အိၣ်မူမုာ်မုာ်ခုၣ်ခုၣ်, အီၣ်တၢ်, အီတၢ်, ဒီးမၤမုာ်မၤခုၣ်နသးတက့ၢ်.’

လံာ်ယိၤဟၣ် 6:27

တဘၣ်မၤတၢ်လၢတၢ်အီၣ်လၢအဟးဂီၤသ့အဂီၢ် တဂ့ၤ. မ့မ့ၢ်မၤတၢ်လၢတၢ်အီၣ်လၢအအိၣ်ဂၢၢ်ကျၢၤ လၢတၢ်မူအထူအယိာ်အဂီၢ်န့ၣ်တက့ၢ်. တၢ်အံၤမ့ၢ်တၢ်အီၣ်လၢပှၤကညီဖိခွါကဟ့ၣ်သု, မ့ၢ်လၢပၢ်ကစၢ်ယွၤစဲပနီၣ်ဃာ်အီၤလၢတၢ်ပနီၣ်လၢ အပာ်ဖျါအတၢ်ဘၣ်အသးလၢအီၤအဃိန့ၣ်လီၤ.”