လံာ်ပှၤစံၣ်တဲၤတဲလီၤတၢ် 6:3 - Sgaw Karen Common Bible

³ ပှၤတဂၤကအိၣ်ဒီးအဖိတကယၤဂၤဒီးအိၣ်မူအါနံၣ်အါလါ, ဘၣ်ဆၣ်အဝဲအိၣ်မူယံာ်ထဲလဲၣ်နာ်က့, မ့ၢ်တန့ၢ်ဘၣ်တၢ်သူၣ်ဖှံသးညီလၢအဂီၢ်ဒၣ်ဝဲဒီးမ့ၢ်တန့ၢ်ဘၣ် တၢ်ခူၣ်လီၤဘျၢအီၤဂ့ၤဂ့ၤဘၣ်ဘၣ်ဒီး, ယစံးယဲလၢဖိသၣ်တဂၤ အိၣ်ဖျဲၣ်ထီၣ်လၢအသံန့ၣ်ဂ့ၤဒိၣ်တက့ၢ်လီၤ.

လံာ်ပှၤစံၣ်တဲၤတဲလီၤတၢ် 6:3 Iomraidhean Croise

လံာ်တၢ်ကဲထီၣ်အခီၣ်ထံး 33:5

တုၤစီၤဧ့ၡီၤကွၢ်တၢ်ဝးဝးဒီးထံၣ်ဝဲပှၤပိာ်မုၣ်တဖၣ်ဒီးဖိ သၣ်တဖၣ်န့ၣ်သံကွၢ်ဝဲ, “ပှၤအိၣ်ဒီးနၤတဖၣ်အံၤမ့ၢ်မတၤလဲၣ်.” စီၤယၤကိာ်စံးဆၢဝဲ, “တၢ်ဒိၣ်ဧၢ, အဝဲသ့ၣ်တဖၣ်အံၤမ့ၢ်ဖိ သၣ်တဖၣ်လၢကစၢ်ယွၤဟ့ၣ်သးကညီၤယၤန့ၣ်လီၤ.”

လံာ်တၢ်ကဲထီၣ်အခီၣ်ထံး 47:9

စီၤယၤကိာ်စံးဆၢဝဲ, “ယတၢ်ဟးဝ့ၤဝီၤအတၢ်အိၣ်မူယံာ်ဝဲ အနံၣ်တကယၤသၢဆံလီၤ. ဒီးနံၣ်ဧိၤလါဧိၤတဖၣ်အံၤတဒ်သိးဘၣ် ယမိၢ်ပၢ်ဖံဖုလၢပျၢၤအတၢ်ဟးဝ့ၤဝီၤလၢအါနံၣ်အါလါအပူၤ ဘၣ်. စှၤဝဲဒီးကီခဲဒိၣ်မးလီၤ.”

လံာ်စီၤပၤခံဘ့ၣ်တဘ့ၣ် 10:1

စီၤပၤအၤဃာ်အစၢၤအသွဲၣ်တဖၣ်အိၣ်ဝဲအဂၤနွံဆံလၢအအိၣ်ဆိးဝဲ ဖဲဝ့ၢ်ၡၤမရံအပူၤန့ၣ်လီၤ. စီၤယ့ၤဟူကွဲးဝဲလံာ်ပရၢတဘ့ၣ်ဒီးဟ့ၣ်လီၤဝဲလံာ်အဒိတဖၣ် ဆူဝ့ၢ်အပှၤပၢတၢ်တဖၣ်အအိၣ်, ဆူခူဖိဝ့ၢ်ဖိတူၢ်ဒိၣ်ကီၤဒိၣ်တဖၣ်အအိၣ်ဒီးဆူပှၤလၢအကွၢ် ထွဲစီၤအၤဃာ်အစၢၤအသွဲၣ်တဖၣ်အအိၣ်န့ၣ်လီၤ. ဒီးလံာ်ပရၢန့ၣ်စံးဝဲ,

လံာ်စီၤပၤခံဘ့ၣ်တဘ့ၣ် 9:35

ဘၣ်ဆၣ်ပှၤတဖၣ်လၢအဟးထီၣ်ဒ်သိးကလဲၤခူၣ်လီၤကွံာ်အီၤန့ၣ်, တထံၣ်တၢ်နီတမံၤဘၣ်. ထံၣ်ဒၣ်ထဲအခိၣ်ကုဒီးအစုဃံဒီးအခီၣ် ဃံန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:5

အဝဲဟ့ၣ်ယၤဖိခွါအါဂၤဒီးလၢကယဲၢ်အဝဲသ့ၣ်အကျါန့ၣ်, အဝဲဃုထၢထီၣ်တ့ၢ်စီၤၡလိၤမိၤဒ်သိးကပၢတၢ်လၢကီၢ်အံၣ်စရ့ လး, ယွၤအဘီအမုၢ်အဖီခိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 11:21

စီၤရဃၤဘၣ်အိၣ်ဒီးအမါခဲလၢာ်တဆံဃိးဂၤ, ဒီးအသံၣ်မါဃုဆံဂၤန့ၣ်လီၤ. အဖိခွါအိၣ်ဝဲခံဆံဃိးဂၤ ဒီးအဖိမုၣ်အိၣ်ဝဲအဂၤဃုဆံန့ၣ်လီၤ. လၢအမါဒီးအသံၣ်မါတဖၣ်ခဲလၢာ်အကျါန့ၣ်အဲၣ်အမါနီၢ်မၤကၤ အဒိၣ်ကတၢၢ်လီၤ.

လံာ်နီၢ်အ့ၤစတၢ် 5:11

အဝဲကတိၤဒိၣ်လီၤအသးလၢအဝဲသ့ၣ်အမဲာ်ညါဘၣ်ထွဲဒီးအဝဲ ထူးဝဲတီၤဝဲထဲလဲၣ်အဂ့ၢ်, အဖိခွါအိၣ်ပှံၤဂၤအဂ့ၢ်, စီၤပၤသုးထီထီၣ်အလီၢ်ဒ်လဲၣ်အဂ့ၢ် ဒီးအဝဲအကါဒိၣ်န့ၢ်ဒံးစီၤပၤအပဒိၣ်ပပှၢ်အဂၤထဲလဲၣ်အဂ့ၢ်န့ၣ်လီၤ.

လံာ်နီၢ်အ့ၤစတၢ် 7:10

မၤသးဒ်န့ၣ်ဒီး, စီၤဟၤမၣ်ဘၣ်တၢ်ဘျးထီၣ်အီၤလၢသ့ၣ်လၢပှၤပျၤထီသံတၢ်တကျီၣ် အလိၤလၢအဝဲမၤတ့ၢ်လၢစီၤမၢ်ဒကဲၤအဂီၢ်န့ၣ်လီၤ. တုၤနုၤတစုစီၤပၤအတၢ်သးဒိၣ်စၢ်လီၤဝဲဒၣ်န့ၣ်လီၤ.

လံာ်စီၤယိၤဘး 3:11

ယဆၢလၢယကသံတ့ၢ်လၢယမိၢ်အဒၢလီၢ်ပူၤလံၤလံၤမ့တမ့ၢ် ယကသံဖဲယအိၣ်ဖျဲၣ်ထီၣ်အကတီၢ်န့ၣ်လီၤ.

လံာ်စီၤယိၤဘး 3:16

မ့တမ့ၢ်ဘၣ်ဒီးယကမံယဲဒ်ဖိသၣ်လၢအအိၣ်ဖျဲၣ်သံအသိးန့ၣ်လီၤ.

စံးထီၣ်ပတြၢၤ 58:8

မ်အလီၤဂာ်ဒ်ချိၣ်လၢအပှံၢ်လီၤဝဲဒီးဟါမၢ်ကွံာ်အသိး, ဒီးဒ်ဖိသၣ်လီၤလူးတဂၤအသိး မ်အသုတထံၣ်ဘၣ်မုၢ်နီတစုတဂ့ၤ.

တၢ်ကတိၤဒိ. 17:6

ပှၤသးပှၢ်တဖၣ်ပာ်ကဖၢလၢအသးလၢအလံၤတဖၣ်အဃိဒ်ဖိသၣ်ပိာ်ခွါ တဖၣ်ပာ်ကဖၢလၢအသးလၢအပၢ်တဖၣ်အဃိအသိးန့ၣ်လီၤ.

လံာ်ပှၤစံၣ်တဲၤတဲလီၤတၢ် 4:3

ဘၣ်ဆၣ်ပှၤတဖၣ်လၢအဂ့ၤဒိၣ်န့ၢ်ဒံးအဝဲသ့ၣ်န့ၣ်, မ့ၢ်ပှၤလၢတအိၣ်ဖျဲၣ်ဒံးဘၣ်, ပှၤလၢတထံၣ်ဒံးဘၣ်တၢ်စံၣ်ညီၣ်တတီလၢအမၤအသးလၢဟီၣ်ခိၣ်ချၢ အံၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 6:4

တၢ်န့ၣ်တမၤဂ့ၤဖိသၣ်န့ၣ်လၢကအိၣ်ဖျဲၣ်ထီၣ်နီတမံၤဘၣ်. တၢ်န့ၣ်လီၤမၢ်ကွံာ်ဝဲဆူတၢ်ခံးတၢ်နၤအပူၤ, တၢ်လီၢ်ဖဲအဘၣ်တၢ်သးပ့ၤနီၣ်ကွံာ်အီၤန့ၣ်လီၤ.

လံာ်ယံးရမံယၤ 22:19

အဝဲကအိၣ်ဒီးတၢ်ခူၣ်လီၤအီၤအလၤကပီၤထဲသိးဒၣ်ကသ့ၣ်ယီၤ တဒုန့ၣ်လီၤ. အဝဲကဘၣ်တၢ်တွံၢ်ထုးထီၣ်အီၤ ဒီးကွံာ်ကွံာ်အီၤလၢဝ့ၢ်ယရူၤၡလ့ၣ်အတြဲၤတဖၣ်အချၢန့ၣ်လီၤ.”

လံာ်ယံးရမံယၤ 36:30

လၢတၢ်န့ၣ်အဃိအခဲအံၤ, ယၤ, ယွၤအံၤ, စံးဘၣ်နၤ, စီၤပၤယဟိၤယါကံၣ်, လၢနစၢၤနသွဲၣ်တအိၣ်လၢၤဘၣ်နီတဂၤ လၢကပၢဘၣ်စီၤဒၤဝံးအဘီအမုၢ်န့ၣ် နီတစုဘၣ်. နစိၣ်ကဘၣ်တၢ်ကွံာ်လီၤကွံာ်အီၤလၢ တၢ်လီၢ်ဖဲလၢ တၢ်ကိၢ်ကဘၣ်အီၤလၢ မုၢ်ဆါခီဒီး ပစီၤပၤထံလီၤသကၤကဘၣ်အီၤလၢ မုၢ်နၤခီန့ၣ်လီၤ.

လံာ်ယံးရမံယၤ 8:2

လၢတၢ်ကပာ်ဖှိၣ်ဒီးခူၣ်လီၤကွံာ်အီၤအလီၢ်န့ၣ်, အဝဲသ့ၣ်အဃံတဖၣ် ကအိၣ်ဒါလီၤအသးလၢဟီၣ်ခိၣ်အလိၤဒ်တၢ်အ့ၣ်တၢ်ဆံၣ်အသိး န့ၣ်လီၤ. ကအိၣ်ပြၤလီၤအသးလၢမုၢ်, လါ, ဒီးဆၣ်တဖၣ်, လၢပှၤဂီၢ်မုၢ်တဖၣ်အံၤအဲၣ်အီၤဒီးမၤအတၢ်မၤ, ဒီးမ့ၢ်တၢ်သ့ၣ်တဖၣ်လၢအဝဲသ့ၣ်ဃ့တၢ်ဟ့ၣ်ကူၣ်ဒီး ဘူၣ်ထီၣ်ဘါထီၣ်အီၤအမဲာ်ညါန့ၣ်လီၤ.

လံာ်မးသဲ 26:24

ပှၤကညီဖိခွါအံၤကဘၣ်သံဝဲ ဒ်တၢ်ကွဲးအသးစီဆှံစံးတ့ၢ်ဝဲ အသိးလီၤ. ဘၣ်ဆၣ်ဒီး, ပှၤကညီလၢအဆါလီၤကွံာ်ပှၤကညီဖိခွါအံၤကဘၣ်အဖှီၣ်ဆံးဒိၣ် လဲၣ်. အဝဲမ့ၢ်တအိၣ်ဖျဲၣ်ထီၣ်ဘၣ်န့ၣ်, ကဂ့ၤဒိၣ်ဒၣ်တၢ်တက့ၢ်လၢအဂီၢ်လီၤ.”