လံာ်ပှၤစံၣ်တဲၤတဲလီၤတၢ် 6:2 - Sgaw Karen Common Bible

² ကစၢ်ယွၤကဟ့ၣ်လီၤပှၤတဂၤဂၤလၢတၢ်ထူးတၢ်တီၤ, တၢ်လၤကပီၤ, ဒီးတၢ်စုလီၢ်ခီၣ်ခိၣ်ဒီးတၢ်ခဲလၢာ်လၢအသးလီဝဲန့ၣ်လီၤ. ဘၣ်ဆၣ်ဒီးတပျဲဘၣ်အဝဲလၢအကမုာ်လၤသးခုဝဲ လၢတၢ်န့ၣ်အဃိဘၣ်. အခိၣ်တလိာ်ပှၤအဂၤကမုာ်လၤသးခု လၢအလီၢ်န့ၣ်လီၤ. တၢ်အံၤမ့ၢ်တၢ်လၢအဘျုးတအိၣ်ဘၣ်, ဒီးတၢ်န့ၣ်ကမၣ်ခဲလၢာ်လီၤ.

လံာ်ပှၤစံၣ်တဲၤတဲလီၤတၢ် 6:2 Iomraidhean Croise

လံာ်စီၤပၤအခီၣ်ထံးတဘ့ၣ် 3:13

ယကဟ့ၣ်လီၤစ့ၢ်ကီးနၤတၢ်လၢနတဃ့တဖၣ်န့ၣ်လီၤ. လၢနသးသမူဒီတစိၤန့ၣ်နကအိၣ်ဒီးတၢ်ထူးတၢ်တီၤဒီးတၢ်လၤတၢ် ကပီၤအါန့ၢ်ဒိၣ်န့ၢ်ဒံးစီၤပၤအဂၤ, တဂၤလၢ်လၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:25

ယွၤပာ်ဒိၣ်ပာ်ထီစီၤၡလိၤမိၤဒိၣ်ဒိၣ်ကလဲာ်လၢအံၣ်စရ့လးခဲ လၢာ်အမဲာ်ညါဒီးဒုးကဲထီၣ်အီၤစီၤပၤတဂၤလၢအလၤကပီၤအိၣ်အါ န့ၢ်ဒံးစီၤပၤအဂၤလၢအပၢတ့ၢ်ကီၢ်အံၣ်စရ့လးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:28

အဝဲသံဖဲအမှံၤတုာ်ပှၢ်တီၤ, အိၣ်ပှဲၤဒီးနံၣ်အါလါအါ, တၢ်ထူးဒိၣ်တၢ်တီၤအါ, ဒီးတၢ်လီၤယူးယီၣ်ပာ်ကဲ, ဒီးအဝဲအဖိခွါစီၤၡလိၤမိၤကဲထီၣ်ဘၣ်စီၤပၤလၢအလီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 1:11

ကစၢ်ယွၤစံးဆၢစီၤၡလိၤမိၤ, “နဃုထၢတ့ၢ်လံတၢ်လၢအဘၣ်လီၤ. လၢနကဃ့တၢ်ထူးတၢ်တီၤမ့ၢ်ဂ့ၤ, တၢ်လုၢ်ဒိၣ်ပှ့ၤဒိၣ်မ့ၢ်ဂ့ၤ, တၢ်မံၤဟူသၣ်ဖျါမ့ၢ်ဂ့ၤ, နဒုၣ်ဒါတဖၣ်အတၢ်သံမ့ၢ်ဂ့ၤ, ဒီးလၢနကစၢ်ဒၣ်နဲအတၢ်အိၣ်ကၢအိၣ်ခိးအဂီၢ်မ့ၢ်ဂ့ၤ, အလီၢ်န့ၣ်နဃ့တၢ်ကူၣ်သ့ဒီးတၢ်သ့ၣ်ညါဒ်သိးနကပၢယပှၤဂီၢ်မုၢ် လၢယဒုးကဲထီၣ်နၤလၢစီၤပၤလၢအဝဲသ့ၣ်အဖီခိၣ်, ကသ့န့ၣ်လီၤ.

စံးထီၣ်ပတြၢၤ 17:14

ယွၤဧၢ, လၢနစုန့ၣ် မၤပူၤမၤဖျဲးယၤလၢပှၤဒ်သိးန့ၣ်တဖၣ် လၢအတၢ်အိၣ်မူအံၤ အတၢ်ကဲဘျုးမ့ၢ်ဒၣ်ဖဲ ဟီၣ်ခိၣ်အံၤန့ၣ်တက့ၢ်. စံၣ်ညီၣ်အဝဲသ့ၣ်လၢတၢ်နးတၢ်ဖှီၣ်တဖၣ် လၢနပာ်ဖှိၣ်တ့ၢ်လၢအဂီၢ်, ဒီးမ်ကလၢဝဲလၢ အဖိတဖၣ်အဂီၢ် ဒီးအိၣ်လီၤတဲာ်ဒံးတနီၤလၢ အဖိတဖၣ်အဖိအဂီၢ်န့ၣ်တက့ၢ်.

စံးထီၣ်ပတြၢၤ 39:6

ပှၤကညီလဲၤဝ့ၤဝီၤတၢ်ဒ်တၢ်ကဒုအသိးလီၤ. မၤတံာ်တာ်အသးလၢတၢ်ကလီကလီအဃိလီၤ. ပှၤကညီပာ်ဖှိၣ်တၢ်ထူးတၢ်တီၤဒီးမတၤ ကမၤန့ၢ်အီၤလဲၣ်န့ၣ်တသ့ၣ်ညါဝဲဘၣ်. စ့လၤ

စံးထီၣ်ပတြၢၤ 73:7

အဝဲသ့ၣ်အသးတဖၣ်လူလီၤတၢ်အၢတၢ်သီ, ဒီးအသးအတၢ်ဆိကမိၣ်တဖၣ်အါဝဲဒၣ်လၢ တၢ်ကူၣ်ထီၣ်ဖးလီၤအအၢအသီတဖၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 4:4

ဘၣ်မနုၤအဃိပှၤမၤတၢ်ဆူၣ်ဆူၣ်လၢကမၤန့ၢ်မၤနၢၤတၢ်အဂီၢ်လဲၣ်န့ၣ်, ယမၤလိဃုနၢ်ပၢၢ်ယဲစ့ၢ်ကီးလီၤ. အဂ့ၢ်ဒ်အံၤ, အဝဲသ့ၣ်သးကါပှၤလၢအဃၢၤတဖၣ်အဃိလီၤ. ဘၣ်ဆၣ်တၢ်အံၤမ့ၢ်တၢ်လၢအဘျုးတအိၣ်ဘၣ်လီၤ. မၤအသးဒ်တၢ်လူၤဖီၣ်ကလံၤအသိးန့ၣ်လီၤ.

လံာ်ပှၤစံၣ်တဲၤတဲလီၤတၢ် 4:8

တၢ်အံၤမ့ၢ်ပှၤအိၣ်ဝဲတဂၤလၢအအိၣ်ဒၣ်ထဲတဂၤဧိၤန့ၣ်လီၤ. အဖိခွါတအိၣ်, အဒီပုၢ်ဝဲၢ်တအိၣ်နီတဂၤသနာ်က့အဝဲမၤတၢ်တထံၣ် ဃီဒီးတသးမံဒံးဝဲလၢတၢ်ထူးတၢ်တီၤလၢအအိၣ်ဒီးအီၤန့ၣ် ဘၣ်. မ့ၢ်အဝဲမၤတၢ်ဆူၣ်ထဲအံၤညါဒီးညိကွံာ်အတၢ်မုာ်လၤသးဖှံလၢ မတၤတဂၤအဂီၢ်န့ၣ်လဲၣ်. အအံၤစ့ၢ်ကီးမ့ၢ်တၢ်လၢအဘျုးတအိၣ်ဘၣ်ဒီးမ့ၢ်တၢ်ဘၣ်ကိၢ်ဘၣ် ဂီၤအတၢ်အိၣ်မူန့ၣ်လီၤ.

လံာ်ပှၤစံၣ်တဲၤတဲလီၤတၢ် 5:13

တၢ်အံၤမ့ၢ်တၢ်လၢအလီၤပျံၤဒိၣ်မးတမံၤလၢယထံၣ်ဘၣ်တ့ၢ်အီၤလၢ ဟီၣ်ခိၣ်အံၤန့ၣ်လီၤ. ပှၤဂီၢ်မုၢ်ပာ်ဖှိၣ်အကျိၣ်အစ့ဖဲလၢတၢ်အကတီၢ်ဖဲအဝဲသ့ၣ်ကလိၣ် ဘၣ်ဝဲအဂီၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 5:16

တၢ်အံၤတဘၣ်ဘၣ်. ပက့ၤဒ်ပဟဲအသိးန့ၣ်လီၤ. ပဖံးတၢ်မၤတၢ်, ပကျဲးစၢးဖီၣ်ကလံၤ, ဒီးပမၤန့ၢ်တၢ်မနုၤလဲၣ်.

လံာ်ပှၤစံၣ်တဲၤတဲလီၤတၢ် 5:18

အအံၤမ့ၢ်တၢ်လၢယထံၣ်ဘၣ်တ့ၢ်ယဲလီၤ. တၢ်အဂ့ၤကတၢၢ်လၢပှၤတဂၤဂ့ၤတဂၤဂ့ၤမၤဝဲသ့န့ၣ်, မ့ၢ်အကအီၣ်တၢ်, အီတၢ်, ဒီးမုာ်လၤသးခုလၢတၢ်လၢအမၤန့ၢ်တ့ၢ် ဝဲတဖၣ်လၢတၢ်အိၣ်မူဖုၣ်ကိာ်လၢကစၢ်ယွၤဟ့ၣ်လီၤအီၤအပူၤလီၤ. တၢ်အံၤမ့ၢ်ပှၤကညီအတၢ်ဘူၣ်တၢ်တီၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 5:19

ယွၤမ့ၢ်ဟ့ၣ်ပှၤကညီတဂၤလၢတၢ်ထူးတၢ်တီၤဒီးတၢ်စုလီၢ်ခီၣ် ခိၣ်ဒီးပျဲအမုာ်လၤသးခုလၢတၢ်လၢအမၤန့ၢ်တ့ၢ်ဝဲတဖၣ်ဒီး, အဝဲကြၢးသ့ၣ်ညါတၢ်ဘျုးတၢ်ဖှိၣ်ဒီးမၤမုာ်လၤသးခုလၢတၢ်လၢ အမၤတ့ၢ်ဝဲအဃိန့ၣ်လီၤ. တၢ်န့ၣ်မ့ၢ်တၢ်ဟ့ၣ်ဟဲလၢယွၤတမံၤလီၤ.

လံာ်ယၡါယၤ 55:2

ဘၣ်မနုၤအဃိသုကဘၣ်မၤလၢာ်ကျိၣ်လၢာ်စ့လၢတၢ်တတံၤ သူၣ်တံၤသးအဂီၢ်န့ၣ်လဲၣ်. ဘၣ်မနုၤအဃိသုကဘၣ်မၤလၢာ်သုဘူးသုလဲဒီးသူၣ်ဝံၤသၣ်စ့ၤဒံး ဒၣ်တၢ်န့ၣ်လဲၣ်. ဒိကနၣ်ယၤဒီးမၤတၢ်လၢယစံးဘၣ်သုန့ၣ်တက့ၢ်. အန့ၣ်ဒီး, သုကမုာ်လၤသးခုလၢတၢ်အီၣ်အဂ့ၤကတၢၢ်လၢ တၢ်အီၣ်ခဲလၢာ်အကျါလီၤ.

လံာ်သးသယုၢ်တၢ် 5:2

ပတၢ်စုလီၢ်ခီၣ်ခိၣ်န့ၣ်အိၣ်လၢပှၤတခီဘီမုၢ်ဖိတဖၣ် အစုပူၤလီၤ. ပှၤတခီဘီမုၢ်ဖိတဖၣ်အိၣ်ဆိးဝဲလၢ ပဟံၣ်တဖၣ်အပူၤလီၤ.

လံာ်ဒၤနံးယ့လး 5:18

တၢ်ထီကတၢၢ်ကစၢ်ယွၤဒုးကဲထီၣ်တ့ၢ်နပၢ်စီၤနဘူၤကးန့စၢ် လၢစီၤပၤဖးဒိၣ်တဂၤဒီးဟ့ၣ်အီၤလၢတၢ်လၤကပီၤဒီးတၢ်က ဟုကညီၢ်န့ၣ်လီၤ.

လံာ်ဟိၤၡ့ 7:9

ဒီးတသ့ၣ်ညါလီၤက့ၤအသးလၢ, တၢ်သန့ၤထီၣ်သးလၢပှၤတခီ ဘီမုၢ်ဖိတဖၣ်အံၤန့ၣ်, ဂုာ်ဆူၣ်ပျီဆူၣ်ကွံာ်အဝဲသ့ၣ်အ ဂံၢ်အဘါန့ၣ်ဘၣ်. အဝဲသ့ၣ်အမုၢ်နံၤတဖၣ်ဘၣ်တၢ်ဂံၢ်အီၤလံ, ဘၣ်ဆၣ်အဝဲသ့ၣ်တသ့ၣ်ညါဝဲဒၣ်လဲာ်ဘၣ်န့ၣ်လီၤ.

လံာ်သိၣ်လီၤသီလီၤတၢ် 28:33

ပှၤကလုာ်တကလုာ်လၢထံဂၤကီၢ်ဂၤတခီကဟံးန့ၢ်ကွံာ်ကယဲၢ်တၢ်မုၢ် တၢ်ဘိတၤသူတၤသၣ်တဖၣ်လၢသုကျဲးစၢးမၤတ့ၢ်ဆူၣ်ဆူၣ်ဒီးသူၣ် လီၤဖျးလီၤအီၤ, ဖဲသုတဒိးန့ၢ်တၢ်နီတမံၤဘၣ်, မ့မ့ၢ်တခီသုဘၣ်တၢ်မၤနၢၤမၤပ့ၤ, မၤအၢမၤနးသုဆါဆါကလဲာ် တပယူာ်ဃီန့ၣ်လီၤ.

လံာ်သိၣ်လီၤသီလီၤတၢ် 28:43

ပှၤထံဂၤကီၢ်ဂၤဖိတဖၣ်လၢအအိၣ်ဆိးလၢသုထံလီၢ်ကီၢ်ပူၤကမၤ န့ၢ်တၢ်စိတၢ်ကမီၤဒံးယံာ်ဒံးဒိၣ်ထီၣ်, ဖဲသုဝဲတခီသုတၢ်စိတၢ်ကမီၤကစှၤလီၤကွံာ်ပှီၢ်ပှီၢ်အခါန့ၣ်လီၤ.

လံာ်ပှၤစံၣ်ညီၣ်ကွီၢ် 18:10

ဖဲသုတုၤဖဲန့ၣ်ဒီး, သုကထံၣ်လၢပှၤအိၣ်ဖဲန့ၣ်တဖၣ် တပလီၢ်အသးလၢတၢ်နီတမံၤဘၣ်. မ့ၢ်ဝဲကီၢ်ဖးဒိၣ်တဘ့ၣ်လီၤ. အိၣ်ဝဲဒီးတၢ်ကိးမံၤလၢပှၤတဂၤမိၢ်န့ၢ်သးလီအီၤန့ၣ်လီၤ. ဒီးယွၤဟ့ၣ်လီၤအီၤလၢသုစုပူၤလံန့ၣ်လီၤ.”