လံာ်ပှၤစံၣ်တဲၤတဲလီၤတၢ် 5:19 - Sgaw Karen Common Bible

¹⁹ ယွၤမ့ၢ်ဟ့ၣ်ပှၤကညီတဂၤလၢတၢ်ထူးတၢ်တီၤဒီးတၢ်စုလီၢ်ခီၣ် ခိၣ်ဒီးပျဲအမုာ်လၤသးခုလၢတၢ်လၢအမၤန့ၢ်တ့ၢ်ဝဲတဖၣ်ဒီး, အဝဲကြၢးသ့ၣ်ညါတၢ်ဘျုးတၢ်ဖှိၣ်ဒီးမၤမုာ်လၤသးခုလၢတၢ်လၢ အမၤတ့ၢ်ဝဲအဃိန့ၣ်လီၤ. တၢ်န့ၣ်မ့ၢ်တၢ်ဟ့ၣ်ဟဲလၢယွၤတမံၤလီၤ.

လံာ်ပှၤစံၣ်တဲၤတဲလီၤတၢ် 5:19 Iomraidhean Croise

လံာ်စီၤပၤအခီၣ်ထံးတဘ့ၣ် 3:13

ယကဟ့ၣ်လီၤစ့ၢ်ကီးနၤတၢ်လၢနတဃ့တဖၣ်န့ၣ်လီၤ. လၢနသးသမူဒီတစိၤန့ၣ်နကအိၣ်ဒီးတၢ်ထူးတၢ်တီၤဒီးတၢ်လၤတၢ် ကပီၤအါန့ၢ်ဒိၣ်န့ၢ်ဒံးစီၤပၤအဂၤ, တဂၤလၢ်လၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 1:12

ယကဟ့ၣ်လီၤနၤတၢ်ကူၣ်သ့ဒီးတၢ်သ့ၣ်ညါန့ၣ်လီၤ. အါန့ၢ်အန့ၣ်ယကဟ့ၣ်နၤတၢ်ထူးတၢ်တီၤ, တၢ်လုၢ်ဒိၣ်ပှ့ၤဒိၣ်, ဒီးတၢ်မံၤဟူသၣ်ဖျါအါန့ၢ်ဒံးစီၤပၤတဂၤလၢ်လၢ်လၢနမဲာ်ညါ မၤန့ၢ်တ့ၢ်မ့ၢ်ဂ့ၤ, စီၤပၤတဂၤလၢ်လၢ်လၢနလီၢ်ခံကမၤန့ၢ်ကဒီးဝဲမ့ၢ်ဂ့ၤ, န့ၣ်လီၤ.”

လံာ်ပှၤစံၣ်တဲၤတဲလီၤတၢ် 3:13

ပဝဲခဲလၢာ်ပကြၢးအီၣ်တၢ်အီတၢ်ဒီးမုာ်လၤသးခုလၢတၢ်လၢပမၤ တ့ၢ်ခဲလၢာ်အပူၤန့ၣ်လီၤ. အအံၤမ့ၢ်ကစၢ်ယွၤအတၢ်ဟ့ၣ်လီၤ.

လံာ်ပှၤစံၣ်တဲၤတဲလီၤတၢ် 6:2

ကစၢ်ယွၤကဟ့ၣ်လီၤပှၤတဂၤဂၤလၢတၢ်ထူးတၢ်တီၤ, တၢ်လၤကပီၤ, ဒီးတၢ်စုလီၢ်ခီၣ်ခိၣ်ဒီးတၢ်ခဲလၢာ်လၢအသးလီဝဲန့ၣ်လီၤ. ဘၣ်ဆၣ်ဒီးတပျဲဘၣ်အဝဲလၢအကမုာ်လၤသးခုဝဲ လၢတၢ်န့ၣ်အဃိဘၣ်. အခိၣ်တလိာ်ပှၤအဂၤကမုာ်လၤသးခု လၢအလီၢ်န့ၣ်လီၤ. တၢ်အံၤမ့ၢ်တၢ်လၢအဘျုးတအိၣ်ဘၣ်, ဒီးတၢ်န့ၣ်ကမၣ်ခဲလၢာ်လီၤ.

လံာ်သိၣ်လီၤသီလီၤတၢ် 8:18

သ့ၣ်နီၣ်ထီၣ်က့ၤလၢပှၤလၢအဟ့ၣ်လီၤသုတၢ်စိတၢ်ကမီၤလၢသု ကထူးထီၣ်တီၤထီၣ်န့ၣ်မ့ၢ်ယွၤ, သုကစၢ်ယွၤန့ၣ်တက့ၢ်. အဝဲမၤတၢ်အံၤမ့ၢ်လၢအဝဲအသူၣ်တီသးရၤဒံးဝဲဒီး အတၢ်အၢၣ်လီၤအီလီၤလၢအမၤတ့ၢ်ဝဲဒီးသုမိၢ်ပၢ်ဖံဖုလၢပျၢၤတဖၣ်တုၤ မုၢ်မဆါတနံၤအံၤအဃိန့ၣ်လီၤ.