လံာ်ပှၤစံၣ်တဲၤတဲလီၤတၢ် 5:17 - Sgaw Karen Common Bible

¹⁷ ပဘၣ်အိၣ်မူပတၢ်အိၣ်မူတဖၣ်လၢတၢ်ခံးတၢ်နၤဒီးတၢ်သူၣ်အုးသး အုး, တၢ်ဘၣ်ကိၢ်ဘၣ်ဂီၤ, တၢ်သူၣ်ဒိၣ်သးဖျိး, ဒီးတၢ်ဆူးတၢ်ဆါအပူၤလီၤ.

လံာ်ပှၤစံၣ်တဲၤတဲလီၤတၢ် 5:17 Iomraidhean Croise

လံာ်တၢ်ကဲထီၣ်အခီၣ်ထံး 3:17

ဒီးအဝဲစံးဘၣ်ပိာ်ခွါန့ၣ်, “နဒိကနၣ်နမါအကလုၢ်ဒီးအီၣ်သ့ၣ် သၣ်လၢယမၤလိာ်နၤအီၣ်အီၤတဂ့ၤန့ၣ်လီၤ. မ့ၢ်လၢနမၤတ့ၢ်တၢ်အံၤအဃိဟီၣ်ခိၣ်ကအိၣ်လၢတၢ်ဆိၣ်အၢတမံၤအဖီလာ်လီၤ. နကဘၣ်မၤတၢ်ဆူၣ်ဆူၣ်တစိၤနသးဒ်သိးနကမၤန့ၢ်တၢ်အီၣ်လၢလၢလီၣ်လီၣ်လၢအပူၤ, လၢနဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 17:12

မုၣ်ကမဲစံးဆၢအီၤ, “ယဆိၣ်လီၤယသးလၢယွၤ, နကစၢ်လၢအမူဝဲတဂၤအမံၤအပူၤလၢယတအိၣ်ဒီးကိၣ်နီတစဲးဘၣ်. တၢ်လၢအအိၣ်ဒီးယၤခဲလၢာ်န့ၣ်မ့ၢ်ဒၣ်ကိၣ်ကမူၣ်တစှီၤလၢလီခီ တဖျၢၣ်အပူၤဒီးသ့ၣ်စၤယံးအသိတစဲးဖိလၢကိတဖျၢၣ်အပူၤန့ၣ် လီၤ. ယဟဲတ့ၢ်ဖဲအံၤဒ်သိးယကထၢဖှိၣ်သ့ၣ်မုၣ်တနီၤလၢယကက့ၤစိာ်ဆူ ဟံၣ်ဒီးကတဲာ်ကတီၤတၢ်လၢအအိၣ်ဒီးယၤတစဲးဖိအံၤလၢယဖိခွါ ဒီးယၤအဂီၢ်န့ၣ်လီၤ. တၢ်န့ၣ်မ့ၢ်ပတၢ်အီၣ်လၢခံကတၢၢ်ဝံၤဒီးပကလီၤဒိသံကွံာ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 1:2

ကီၢ်အံၣ်စရ့လးအစီၤပၤအဃၤစယၤလီၤတဲာ်ကွံာ်ဝဲဒၣ်လၢအနီ အဘျီၣ်ခိၣ်ဒုးဖီခိၣ်လၢဝ့ၢ်ၡၤမရံအပူၤဒီးဘၣ်ဒိဘၣ်ထံးနး နးကလဲာ်န့ၣ်လီၤ. လၢတၢ်န့ၣ်အဃိအဝဲမၢလီၤပှၤစိာ်တၢ်ကစီၣ်တနီၤလၢကလဲၤဃ့တၢ် ဟ့ၣ်ကူၣ်ဒီးပှၤဖလ့ၡသးဖိအဝ့ၢ်ဧ့ကြိၣ်အကစၢ်ဘဧၤလးစဘူာ်, လၢကသ့ၣ်ညါဘၣ်ဝဲဘျါက့ၤသ့, တသ့ဘၣ်အဂ့ၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 1:6

အဝဲသ့ၣ်စံးဆၢဝဲဒၣ်, “ပဘၣ်တၢ်ဟဲသဂၢၢ်ပှၤလၢပှၤတဂၤလၢအတဲ ဘၣ်ပှၤလၢပကဟဲက့ၤကဒါက့ၤဒီးတဲဘၣ်နၤလၢယွၤစံးဘၣ်ဝဲ, ဘၣ်မနုၤလၢနဆှၢလီၤနပှၤစိာ်တၢ်ကစီၣ်တဖၣ်ဆူ ပှၤဧ့ကြိၣ်အကစၢ်ဘဧၤလးစဘူာ်အအိၣ်လၢကဃ့န့ၢ်တၢ်ဟ့ၣ်ကူၣ်န့ၣ် လဲၣ်. တၢ်န့ၣ်မ့ၢ်နဆိကမိၣ်လၢကစၢ်တအိၣ်နီတဂၤလၢကီၢ်အံၣ်စရ့လး အပူၤအဃိန့ၣ်ဧါ. နတဘျါက့ၤဘၣ်လၢနတၢ်ဘၣ်ဒိဘၣ်ထံးန့ၣ်ဘၣ်. နကသံလီၤ.”

လံာ်စီၤပၤခံဘ့ၣ်တဘ့ၣ် 5:27

ခဲကနံၣ်အံၤစီၤနဧၤမၣ်အတၢ်ဆါကလီၤဘၣ်လၢနလိၤဒီး, နၤဒီးနစၢၤနသွဲၣ်တဖၣ်ကအိၣ်ဒီးတၢ်ဆါအံၤလီၤစိၤလီၤထီန့ၣ် လီၤ.” တုၤစီၤက့ၤဃစံဟးထီၣ်ကွံာ်န့ၣ်အဝဲမၤန့ၢ်တၢ်ဆါဒီးအဖံးဝါ ဝဲဒ်မူခိၣ်ဖီအသိးန့ၣ်လီၤ.

လံာ်စီၤယိၤဘး 21:25

ပှၤအဂၤတနီၤတၢ်သးဖှံတအိၣ်ဒီးအီၤနီတစုဘၣ်. အိၣ်မူဒီးသံဝဲဃုာ်ဒီးတၢ်သးဆါန့ၣ်လီၤ.

စံးထီၣ်ပတြၢၤ 102:9

ယအီၣ်ဖၣ်ဆါဒ်ကိၣ်အသိး ဒီးယမၤဃါဃုာ်ယတၢ်အီဒီးမဲာ်ထံလီၤ.

စံးထီၣ်ပတြၢၤ 127:2

သုဂဲၤဆၢထၢၣ်ဂီၤဂီၤ, သုကီၤမံဃဲးဃဲး, သုအီၣ်တၢ်သူၣ်ကိၢ်သးဂီၤအကိၣ်န့ၣ် မ့ၢ်တၢ်ကလီကလီလီၤ. အဂ့ၢ်ဒ်အံၤ, ပှၤလၢယွၤအဲၣ်အီၤတဖၣ်န့ၣ် ယွၤဟ့ၣ်အီၤလၢအမံဝဲဒ်န့ၣ်အသိးလီၤ.

စံးထီၣ်ပတြၢၤ 39:6

ပှၤကညီလဲၤဝ့ၤဝီၤတၢ်ဒ်တၢ်ကဒုအသိးလီၤ. မၤတံာ်တာ်အသးလၢတၢ်ကလီကလီအဃိလီၤ. ပှၤကညီပာ်ဖှိၣ်တၢ်ထူးတၢ်တီၤဒီးမတၤ ကမၤန့ၢ်အီၤလဲၣ်န့ၣ်တသ့ၣ်ညါဝဲဘၣ်. စ့လၤ

စံးထီၣ်ပတြၢၤ 78:33

မၤသးဒ်န့ၣ်ဒီး, အဝဲမၤလၢာ်ကွံာ်အဝဲသ့ၣ်အမုၢ်နံၤတဖၣ် လၢတၢ်ကလီကလီအပူၤ, ဒီးအနံၣ်အလါတဖၣ်လၢတၢ်ကိၢ်တၢ်ဂီၤအပူၤလီၤ.

လံာ်ပှၤစံၣ်တဲၤတဲလီၤတၢ် 2:10

ဒီးတၢ်လၢယသးလီတမံၤလၢ်လၢ်န့ၣ်, ယမၤန့ၢ်ယဲလီၤ. ယတပျဲဘၣ်တၢ်မုာ်လၤသးခုလဲၤပူၤကွံာ်လၢယဂီၢ်နီတမံၤဘၣ်. ယပာ်ကဖၢလၢယသးလၢတၢ်လၢယမၤတ့ၢ်အီၤကိးမံၤဒဲးအဃိ, ဒီးတၢ်ခဲလၢာ်အံၤမ့ၢ်ယခိၣ်ဖးန့ၣ်လီၤ.

လံာ်ပှၤစံၣ်တဲၤတဲလီၤတၢ် 2:23

လၢနတၢ်အိၣ်မူဒီကတီၢ်ညါန့ၣ်, တၢ်လၢနမၤအီၤခဲလၢာ်ဟဲစိာ် န့ၢ်နၤထဲတၢ်ကိၢ်တၢ်ဂီၤဒီးတၢ်သူၣ်လီၤဘှံးသးလီၤတီၤန့ၣ် လီၤ. လၢမုၢ်နၤခီအဆၢကတီၢ်ဒၣ်လဲာ်, နသးတဘၣ်တၢ်အမုာ်ဘၣ်. တၢ်ခဲလၢာ်န့ၣ်အဘျုးတအိၣ်နီတမံၤဘၣ်.

လံာ်ပှၤစံၣ်တဲၤတဲလီၤတၢ် 2:24

တၢ်အဂ့ၤကတၢၢ်လၢပှၤကညီတဂၤမၤဝဲသ့န့ၣ်, မ့ၢ်တၢ်အီၣ်တၢ်အီတၢ်ဒီးတၢ်မုာ်လၤသးဖှံလၢတၢ်လၢအမၤန့ၢ် တ့ၢ်ဝဲအပူၤန့ၣ်လီၤ. သနာ်က့ဒီး, ယသ့ၣ်ညါလၢအအံၤဒၣ်လဲာ်, ဟဲလၢကစၢ်ယွၤအအိၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 7:14

ဖဲတၢ်ခဲလၢာ်လဲၤအသးဂ့ၤဂ့ၤဘၣ်ဘၣ်လၢနဂီၢ်ဒီး, သးခုတက့ၢ်. ဒီးဖဲတၢ်ကီတၢ်ခဲဟဲဝဲဒီး, သ့ၣ်နီၣ်ထီၣ်လၢကစၢ်ယွၤဆှၢလီၤတၢ်သူၣ်ဖှံသးညီဒီးတၢ်ကီတၢ် ခဲခံမံၤလိာ်တက့ၢ်. ခဲကိာ်တၢ်မနုၤကမၤအသးလဲၣ်န့ၣ်, နတသ့ၣ်ညါနီတစုဘၣ်.

မၤတၢ် 12:23

သတူၢ်ကလာ်, ကစၢ်အကလူးတဂၤတီၢ်စီၤဟ့ၤရိာ်, အဂ့ၢ်မ့ၢ်လၢအဝဲတဟ့ၣ်တၢ်လၤကပီၤဆူကစၢ်ယွၤအအိၣ်အဃိန့ၣ်လီၤ. ဒီးထိးကလဲာ်လၢအပူၤအီၣ်ကွံာ်အီၤဒီးအဝဲဒၣ်သံဝဲန့ၣ်လီၤ.