လံာ်ပှၤစံၣ်တဲၤတဲလီၤတၢ် 5:16 - Sgaw Karen Common Bible

¹⁶ တၢ်အံၤတဘၣ်ဘၣ်. ပက့ၤဒ်ပဟဲအသိးန့ၣ်လီၤ. ပဖံးတၢ်မၤတၢ်, ပကျဲးစၢးဖီၣ်ကလံၤ, ဒီးပမၤန့ၢ်တၢ်မနုၤလဲၣ်.

လံာ်ပှၤစံၣ်တဲၤတဲလီၤတၢ် 5:16 Iomraidhean Croise

တၢ်ကတိၤဒိ. 11:29

ပှၤလၢအမၤကိၢ်မၤဂီၤအဟံၣ်ဖိဃီဖိန့ၣ်, လၢခံကတၢၢ်အတၢ်တအိၣ်ဒီးအီၤနီတမံၤလၢၤဘၣ်. ပှၤသူၣ်တထံသးတဆးတဖၣ်ကကဲထီၣ်တၢ်အကုၢ်အပှၤ တဖၣ်လၢပှၤကူၣ်သ့အဂီၢ်ထီဘိလီၤ.

လံာ်ပှၤစံၣ်တဲၤတဲလီၤတၢ် 1:3

နမၤလၢာ်နတၢ်အိၣ်မူလၢတၢ်ဖံးတၢ်မၤ, တၢ်ကျဲးစၢးလၢာ်ဂံၢ်လၢာ်ဘါ, ဘၣ်ဆၣ်ဒီးနအိၣ်ဒီးတၢ်မနုၤလၢနကပာ်ကဖၢလၢနသးအဂီၢ်လဲၣ်.

လံာ်ပှၤစံၣ်တဲၤတဲလီၤတၢ် 2:11

အန့ၣ်ဝံၤယဆိကမိၣ်ထီၣ်တၢ်လၢယမၤတ့ၢ်ခဲလၢာ်ဒီးယမၤတ့ၢ်အီၤ ဆူၣ်ထဲလဲၣ်ထဲလဲၣ်အဂ့ၢ်ဒီးယသ့ၣ်ညါလၢအခီပညီတအိၣ်နီ တမံၤဘၣ်န့ၣ်လီၤ. မၤအသးဒ်တၢ်လူၤဖီၣ်ကလံၤအသိးဒီး အဘျုးတအိၣ်နီတမံၤဘၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 3:9

လၢပတၢ်မၤခဲလၢာ်အဃိ, ပဘၣ်ဘျုးလၢမနုၤတမံၤလဲၣ်.

လံာ်ပှၤစံၣ်တဲၤတဲလီၤတၢ် 5:13

တၢ်အံၤမ့ၢ်တၢ်လၢအလီၤပျံၤဒိၣ်မးတမံၤလၢယထံၣ်ဘၣ်တ့ၢ်အီၤလၢ ဟီၣ်ခိၣ်အံၤန့ၣ်လီၤ. ပှၤဂီၢ်မုၢ်ပာ်ဖှိၣ်အကျိၣ်အစ့ဖဲလၢတၢ်အကတီၢ်ဖဲအဝဲသ့ၣ်ကလိၣ် ဘၣ်ဝဲအဂီၢ်န့ၣ်လီၤ.

လံာ်ယၡါယၤ 26:18

ပအိၣ်တ့ၢ်လၢတၢ်ဆူးတၢ်ဆါဒီးတၢ်သူၣ်အူ သးကဲၤအပူၤ နာ်က့, ပတဆံးစၢ်ထီၣ်တၢ်နီတမံၤဘၣ်. ပတမၤန့ၢ်တၢ်မၤနၢၤလၢပထံပကီၢ်အဂီၢ်နီတမံၤဘၣ်. ပတမၤကဲထီၣ်လိၣ်ထီၣ်တၢ်နီတမံၤဘၣ်.

လံာ်ယံးရမံယၤ 2:8

ပှၤလုၢ်တၢ်အခိၣ်တဖၣ်တသံကွၢ်ဘၣ်ဝဲလၢ, ကစၢ်ယွၤအိၣ်ဖဲလဲၣ်, န့ၣ်ဘၣ်. ယပှၤလုၢ်တၢ်အခိၣ်ဒၣ်ယဲတဖၣ်တသ့ၣ်ညါယၤဘၣ်. ပှၤပၢတၢ်တဖၣ်ပူထီၣ်တၢ်ထီဒါယၤလီၤ. ဝံတဖၣ်ကတိၤထီၣ်တၢ်လၢဘဧၤလးအမံၤအပူၤ ဒီးဘူၣ်ထီၣ်ဘါထီၣ်တၢ်ဂီၤတၢ်ဖှီၣ်လၢ အတဂိာ်တသီၣ်ဘၣ်တၢ်တဖၣ်န့ၣ်လီၤ.

လံာ်ဟိၤၡ့ 8:7

ဖဲအဝဲသ့ၣ်သူၣ်လီၤကလံၤန့ၣ်အဝဲသ့ၣ်ကကူးဘၣ်ဝဲကလံၤမုၢ်န့ၣ်လီၤ. ဘုခ့အလီၢ်တလီၢ်လၢတၢ်ကူးအီၤတသ့န့ၣ်ဟ့ၣ်ထီၣ်ကိၣ်တမံၤမံၤ တသ့ဝဲဘၣ်. ဘၣ်ဆၣ်မ့ၢ်မံဒၣ်လဲာ်န့ၣ်ပှၤတခီဘီမုၢ်ဖိသ့ၣ်တဖၣ် ကအီၣ်လၢာ်ကွံာ်အီၤန့ၣ်လီၤ.

လံာ်မၢ်ကူး 8:36

ပှၤကညီတဂၤမ့ၢ်န့ၢ်ဘၣ်ဟီၣ်ခိၣ်ဒီဘ့ၣ်ညါဘၣ်ဆၣ်ဒီး အသးသမူနီၢ်နီၢ်မ့ၢ်လီၤမၢ်ကွံာ်န့ၢ်အီၤန့ၣ်, တၢ်ဘျုးလၢအဂီၢ်ကအိၣ်ဒံးမနုၤလဲၣ်.

လံာ်ယိၤဟၣ် 6:27

တဘၣ်မၤတၢ်လၢတၢ်အီၣ်လၢအဟးဂီၤသ့အဂီၢ် တဂ့ၤ. မ့မ့ၢ်မၤတၢ်လၢတၢ်အီၣ်လၢအအိၣ်ဂၢၢ်ကျၢၤ လၢတၢ်မူအထူအယိာ်အဂီၢ်န့ၣ်တက့ၢ်. တၢ်အံၤမ့ၢ်တၢ်အီၣ်လၢပှၤကညီဖိခွါကဟ့ၣ်သု, မ့ၢ်လၢပၢ်ကစၢ်ယွၤစဲပနီၣ်ဃာ်အီၤလၢတၢ်ပနီၣ်လၢ အပာ်ဖျါအတၢ်ဘၣ်အသးလၢအီၤအဃိန့ၣ်လီၤ.”

1 ကရံၣ်သူး 16:16

လၢသုကပိာ်ထွဲခိၣ်နၢ်ဒ်အံၤအသိးတဖၣ်အတၢ်ပၢတၢ်ဆှၢဒီးပှၤ တဂၤလၢ်လၢ်လၢအဖံးတၢ်မၤတၢ်ဒီးမၤယွၤအတၢ်မၤတပူၤဃီဒီး အဝဲသ့ၣ်တဖၣ်န့ၣ်အတၢ်ပၢတၢ်ဆှၢလီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:21

ပိာ်ထွဲကစၢ်အကဘျံးကဘျၣ်တဖၣ်အခံတဂ့ၤ. အဝဲသ့ၣ်မၤစၢၤသုမ့ၢ်ဂ့ၤ, အုၣ်က့ၤခီၣ်က့ၤသုမ့ၢ်ဂ့ၤတသ့ဘၣ်. အဂ့ၢ်ဒ်အံၤ, အဝဲသ့ၣ်တမ့ၢ်တၢ်နီၢ်နီၢ်ဘၣ်.