လံာ်ပှၤစံၣ်တဲၤတဲလီၤတၢ် 5:15 - Sgaw Karen Common Bible

¹⁵ ပဟးထီၣ်ကွံာ်လၢဟီၣ်ခိၣ်အံၤဒ်ပဟဲနုာ်လီၤအသိး, တၢ်တအိၣ်ဒီးပှၤနီတမံၤဘၣ်န့ၣ်လီၤ. ပမၤတၢ်ထဲထဲအံၤသနာ်က့, တၢ်တအိၣ်နီတမံၤလၢပကက့ၤစိာ်ဃုာ်ဒီးပှၤန့ၣ်ဘၣ်.

လံာ်ပှၤစံၣ်တဲၤတဲလီၤတၢ် 5:15 Iomraidhean Croise

လံာ်စီၤယိၤဘး 1:21

ဒီးအဝဲစံးဝဲဒၣ်, “ယဟဲထီၣ်ဘ့ၣ်ဆ့လၢယမိၢ်အဒၢလီၢ်အပူၤ ဒီးယကက့ၤဘ့ၣ်ဆ့လီၤ. ယွၤဟ့ၣ်တၢ်ဒီးယွၤဟံးက့ၤတၢ်လံ မ်ယွၤအမံၤဘၣ်တၢ်စံးထီၣ်ပတြၢၤအီၤတက့ၢ်.”

စံးထီၣ်ပတြၢၤ 49:17

အဂ့ၢ်ဒ်အံၤ, တုၤအသံဒီးက့ၤစိာ်တၢ်တန့ၢ်နီတမံၤဘၣ်. အတၢ်ထူးတၢ်တီၤတလဲၤပိာ်ထွဲအခံဘၣ်.

လံာ်ပှၤစံၣ်တဲၤတဲလီၤတၢ် 5:14

ဘၣ်ဆၣ်သူလၢာ်ကွံာ်ဝဲခဲလၢာ်ခီဖျိတၢ်မၤအအၢတမံၤအဃိ, ဒီးအကတၢၢ်န့ၣ်ကဟ့ၣ်သါအဖိတဖၣ်အဂီၢ်တၢ်တအိၣ်နီတမံၤ လၢၤဘၣ်လီၤ.

လံာ်ဟိၤၡ့ 12:2

ယွၤအိၣ်ဒီးတၢ်ပာ်တၢ်ကမၣ်တမံၤလၢကဟဲစိာ်ဝဲထီဒါကီၢ် ယူဒၤအပှၤဂီၢ်မုၢ်လီၤ. အဝဲသါကစံၣ်ညီၣ်စ့ၢ်ကီးကီၢ်အံၣ်စရ့လးလၢအတၢ်ဖံးတၢ်မၤ အဂီၢ်လီၤ. အဝဲကဟ့ၣ်ဆၢက့ၤအဝဲသ့ၣ်လၢတၢ်လၢအဝဲသ့ၣ် အပှၤဂီၢ်မုၢ်မၤအဃိန့ၣ်လီၤ.

လံာ်လူၤကၣ် 12:20

ဘၣ်ဆၣ်ဒီး, ကစၢ်ယွၤစံးဘၣ်အီၤ, ‘ပှၤအသးတဆးနၤဧၢ, မုၢ်တနၤဃီအံၤန့ၣ်, နကဘၣ်ဟ့ၣ်လီၤကွံာ်နသးသမူလီၤ. တုၤနုၤတစု, တၢ်လၢနပာ်ဃာ်အီၤလၢနနီၢ်ကစၢ်ဒၣ်နဲအဂီၢ်ခဲလၢာ်န့ၣ်, မတၤကဒိးန့ၢ်ဘၣ်လဲၣ်.’ ”

၁ တံၤမသ့း 6:7

ပဟဲစိာ်နုာ်တၢ်မနုၤတဖၣ်ဆူဟီၣ်ခိၣ်ချၢလဲၣ်. ပတဟဲစိာ်နုာ် တၢ်နီတမံၤဘၣ်. ပက့ၤစိာ်ထီၣ်တၢ်မနုၤလၢဟီၣ်ခိၣ်ချၢအံၤ ကသ့လဲၣ်. ပက့ၤစိာ်ထီၣ်တၢ်တသ့နီတမံၤဘၣ်.