လံာ်ပှၤစံၣ်တဲၤတဲလီၤတၢ် 5:10 - Sgaw Karen Common Bible

¹⁰ နမ့ၢ်အဲၣ်စ့ဒီးနသးတမံနီတစုဘၣ်. နမ့ၢ်ဆၢထူးထီၣ်တီၤထီၣ် ဒီး, တၢ်လၢနသးလီအီၤခဲလၢာ်န့ၣ်နမၤတန့ၢ်နီတဘျီဘၣ်. တၢ်အံၤမ့ၢ်တၢ်လၢအဘျုးတအိၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 5:10 Iomraidhean Croise

စံးထီၣ်ပတြၢၤ 52:1

ပှၤအဆူၣ်တဂၤဧၢ, ဘၣ်မနုၤလၢ နပာ်ကဖိနသးလၢနမၤကမၣ်တၢ်အဃိန့ၣ်လဲၣ် ကစၢ်ယွၤအတၢ်အဲၣ်န့ၣ်. အိၣ်ဝဲလီၤထူလီၤယိာ်လီၤ.

စံးထီၣ်ပတြၢၤ 52:7

“ကွၢ်, ပှၤတဂၤလၢအတပာ်ဘၣ်ကစၢ်ယွၤလၢ အတၢ်အိၣ်တဒၢအလီၢ်, မ့မ့ၢ်သန့ၤအသးလၢအတၢ်ထူးတၢ်တီၤ လၢအအါဒီး ဃုထံၣ်န့ၢ်အတၢ်အိၣ်တဒၢအလီၢ်လၢ လၢအတၢ်ဟးဂီၤအပူၤန့ၣ်တက့ၢ်.”

စံးထီၣ်ပတြၢၤ 62:10

သန့ၤသုသးလၢတၢ်မၤအၢတၢ်တဂ့ၤ. မုၢ်လၢ်ဒိးန့ၢ်တၢ်တမံၤမံၤလၢတၢ်မၤန့ၢ်ဆူၣ်ပှၤဂၤ အတၢ်န့ၣ်တဂ့ၤ. သုတၢ်စုလီၢ်ခီၣ်ခိၣ်န့ၣ်မ့ၢ်အါထီၣ်ဒၣ်လဲာ် ပာ်သုသးလၢအီၤန့ၣ်တဂ့ၤ.

လံာ်ပှၤစံၣ်တဲၤတဲလီၤတၢ် 1:17

ယပာ်လီၤယသးလၢယကမၤလိတၢ်သ့ၣ်ညါဒီးတၢ်သးတဆး, တၢ်ကူၣ်သ့ဒီးတၢ်ပျုၢ်အတၢ်လီၤဆီန့ၣ်လီၤ. ဘၣ်ဆၣ်ယထံၣ်သ့ၣ်ညါလၢအအံၤစ့ၢ်ကီးကမ့ၢ်ဒၣ်တၢ်လူၤဖီၣ်ကလံၤ န့ၣ်လီၤ.

လံာ်ပှၤစံၣ်တဲၤတဲလီၤတၢ် 1:8

တၢ်ခဲလၢာ်ဆှၢတၢ်ဆူတၢ်ဘှံးသူၣ်တီၤသးအပူၤ, တၢ်ဘှံးသူၣ်တီၤသးလၢအဒိၣ်ကဲၣ်ဆိးတုၤပတဲလၢတၢ်ကတိၤ တဖၣ်တသ့ဘၣ်န့ၣ်လီၤ. ပမဲာ်ချံတဖၣ်ကွၢ်တၢ်သနာ်က့, တလၢကွၢ်ဘၣ်. ပနၢ်တဖၣ်တလၢနၢ်ဟူတၢ်ဘၣ်.

လံာ်ပှၤစံၣ်တဲၤတဲလီၤတၢ် 2:10

ဒီးတၢ်လၢယသးလီတမံၤလၢ်လၢ်န့ၣ်, ယမၤန့ၢ်ယဲလီၤ. ယတပျဲဘၣ်တၢ်မုာ်လၤသးခုလဲၤပူၤကွံာ်လၢယဂီၢ်နီတမံၤဘၣ်. ယပာ်ကဖၢလၢယသးလၢတၢ်လၢယမၤတ့ၢ်အီၤကိးမံၤဒဲးအဃိ, ဒီးတၢ်ခဲလၢာ်အံၤမ့ၢ်ယခိၣ်ဖးန့ၣ်လီၤ.

လံာ်ပှၤစံၣ်တဲၤတဲလီၤတၢ် 2:11

အန့ၣ်ဝံၤယဆိကမိၣ်ထီၣ်တၢ်လၢယမၤတ့ၢ်ခဲလၢာ်ဒီးယမၤတ့ၢ်အီၤ ဆူၣ်ထဲလဲၣ်ထဲလဲၣ်အဂ့ၢ်ဒီးယသ့ၣ်ညါလၢအခီပညီတအိၣ်နီ တမံၤဘၣ်န့ၣ်လီၤ. မၤအသးဒ်တၢ်လူၤဖီၣ်ကလံၤအသိးဒီး အဘျုးတအိၣ်နီတမံၤဘၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 2:26

ကစၢ်ယွၤဟ့ၣ်တၢ်ကူၣ်သ့, တၢ်သ့ၣ်ညါဒီးတၢ်သူၣ်ဖှံ သးညီဆူပှၤတဖၣ်လၢအမၤမုာ်အသးန့ၣ်လီၤ. မ့မ့ၢ်, မၢပှၤတၢ်ဒဲးဘးဖိတဖၣ်မၤတၢ်, မၤန့ၢ်တၢ်ဒီးပာ်ဖှိၣ် တၢ်, ဒ်သိးတၢ်လၢအဝဲသ့ၣ်မၤန့ၢ်တ့ၢ်တဖၣ်, ကဘၣ်တၢ်ဟ့ၣ်လီၤအီၤဆူ ပှၤလၢအမၤမုာ်အဝဲအသးတဖၣ်အအိၣ်န့ၣ်လီၤ. တၢ်ခဲလၢာ်န့ၣ်, အဘျုးတအိၣ်ဘၣ်. တၢ်န့ၣ်လီၤဂာ်ဒီးတၢ်လူၤဖီၣ်ကလံၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 3:19

နီၢ်နီၢ်န့ၣ်, တၢ်ဘူၣ်တၢ်တီၢ်တမံၤဃီအိၣ်ခိးပှၤကညီဒီးဆၣ်ဖိ ကီၢ်ဖိဒ်သိးသိးန့ၣ်လီၤ. တဂၤသံဝဲဒ်အဂၤတဂၤအသိးလီၤ. အဝဲသ့ၣ်မ့ၢ်ဒၣ်တၢ်ဘၣ်တ့ဒ်သိးသိးလီၤ. ပှၤကညီတဂၤတဂ့ၤန့ၢ်ဆၣ်ဖိကီၢ်ဖိတဒုဘၣ်. မ့ၢ်လၢတၢ်အိၣ်မူ အခီပညီတအိၣ်ဘၣ်လၢအဝဲသ့ၣ်အဂီၢ်အဃိလီၤ.

လံာ်ပှၤစံၣ်တဲၤတဲလီၤတၢ် 4:16

တၢ်မၤနီၣ်ဃးပှၤဂီၢ်မုၢ်အနီၣ်ဂံၢ်လၢစီၤပၤတဂၤကပၢအီၤအဂီၢ် န့ၣ်တသ့ဝဲဘၣ်. ဖဲအဝဲလဲၤပူၤကွံာ်ဝဲန့ၣ်, ပှၤတစံးဘျုးအီၤလၢတၢ်လၢအမၤတ့ၢ်ဝဲတဖၣ်အဃိနီတဂၤဘၣ်. တၢ်အံၤမ့ၢ်တၢ်လၢအဘျုးတအိၣ်ဘၣ်လီၤ. မၤသးဒ်တၢ်လူၤဖီၣ်ကလံၤအသိးန့ၣ်လီၤ.

လံာ်ပှၤစံၣ်တဲၤတဲလီၤတၢ် 4:4

ဘၣ်မနုၤအဃိပှၤမၤတၢ်ဆူၣ်ဆူၣ်လၢကမၤန့ၢ်မၤနၢၤတၢ်အဂီၢ်လဲၣ်န့ၣ်, ယမၤလိဃုနၢ်ပၢၢ်ယဲစ့ၢ်ကီးလီၤ. အဂ့ၢ်ဒ်အံၤ, အဝဲသ့ၣ်သးကါပှၤလၢအဃၢၤတဖၣ်အဃိလီၤ. ဘၣ်ဆၣ်တၢ်အံၤမ့ၢ်တၢ်လၢအဘျုးတအိၣ်ဘၣ်လီၤ. မၤအသးဒ်တၢ်လူၤဖီၣ်ကလံၤအသိးန့ၣ်လီၤ.

လံာ်ပှၤစံၣ်တဲၤတဲလီၤတၢ် 4:8

တၢ်အံၤမ့ၢ်ပှၤအိၣ်ဝဲတဂၤလၢအအိၣ်ဒၣ်ထဲတဂၤဧိၤန့ၣ်လီၤ. အဖိခွါတအိၣ်, အဒီပုၢ်ဝဲၢ်တအိၣ်နီတဂၤသနာ်က့အဝဲမၤတၢ်တထံၣ် ဃီဒီးတသးမံဒံးဝဲလၢတၢ်ထူးတၢ်တီၤလၢအအိၣ်ဒီးအီၤန့ၣ် ဘၣ်. မ့ၢ်အဝဲမၤတၢ်ဆူၣ်ထဲအံၤညါဒီးညိကွံာ်အတၢ်မုာ်လၤသးဖှံလၢ မတၤတဂၤအဂီၢ်န့ၣ်လဲၣ်. အအံၤစ့ၢ်ကီးမ့ၢ်တၢ်လၢအဘျုးတအိၣ်ဘၣ်ဒီးမ့ၢ်တၢ်ဘၣ်ကိၢ်ဘၣ် ဂီၤအတၢ်အိၣ်မူန့ၣ်လီၤ.

လံာ်ပှၤစံၣ်တဲၤတဲလီၤတၢ် 5:9

စီၤပၤတဂၤဒၣ်လဲာ်ဘၣ်သန့ၤအသးလၢဟီၣ်ခိၣ်အတၤသၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 6:7

ပှၤကညီတဂၤမၤအတၢ်မၤခဲလၢာ်မ့ၢ်ဒၣ်လၢကမၤန့ၢ်တၢ်တမံၤမံၤလၢ ကအီၣ်ဝဲအဂီၢ်, ဘၣ်ဆၣ်အဝဲတအိၣ်ဒီးတၢ်လၢလၢလီၣ်လီၣ်လၢအဂီၢ်နီတဘျီဘၣ်.

လံာ်မးသဲ 6:19

တဘၣ်ပာ်ဖှိၣ်တၢ်ထူးတၢ်တီၤလၢသုဂီၢ်လၢဟီၣ်ခိၣ်ချၢ ဖဲတၢ်ဖိဃၢ်ဒီးထးဃံၣ်မၤဟးဂီၤတၢ်, ဒီးတၢ်ဘျၣ်ဘၢၣ်ဖျိတၢ်, ဒီးဟုၣ်န့ၢ်တၢ်အလီၢ်န့ၣ်တဂ့ၤ.

လံာ်မးသဲ 6:24

ပှၤမၤတၢ်အခ့အပှၤအတၢ်မၤလၢကစၢ်ခံဂၤအဂီၢ်တသ့နီတဂၤဘၣ်. ကအဲၣ်ဝဲတဂၤဒီးကသးဟ့ဝဲတဂၤလီၤ. ကတီဝဲဒီးကစၢ်တဂၤဒီးကကွၢ်တလီၤဝဲအတဂၤန့ၣ်လီၤ. သုမၤကစၢ်ယွၤအတၢ်မၤဒီးကျိၣ်စ့အတၢ်မၤခံမံၤလၢာ်တသ့ဘၣ်.

လံာ်လူၤကၣ် 12:15

ဒီးအဝဲဒၣ်ကတိၤတၢ်ဒီးစံးဘၣ်အဝဲသ့ၣ်ကိးဂၤဒဲး, “ပလီၢ်သူၣ်ပလီၢ်သး, ဒီးဟးဆှဲးတၢ်သးကွံကိးကလုာ်ဒဲးတက့ၢ်. အဂ့ၢ်ဒ်အံၤ, ပှၤကညီတဂၤမ့ၢ်ထူးဝဲတီၤဝဲဆံးအါဆံးအါသနာ်က့ အဝဲအတၢ်အိၣ်မူနီၢ်နီၢ်န့ၣ်, တဘၣ်ဃးဘၣ်ဒီးတၢ်လၢအအိၣ်ဒီးအီၤသ့ၣ်တဖၣ်န့ၣ်ဘၣ်.”

၁ တံၤမသ့း 6:10

အဂ့ၢ်ဒ်လဲၣ်န့ၣ်, တၢ်အဲၣ်စ့မ့ၢ်တၢ်အၢတၢ်သီခဲလၢာ်အဂံၢ်ထံးလီၤ. ပှၤတနီၤသူၣ်ဆူၣ်သးဂဲၤလၢအကမၤန့ၢ်ဘၣ်အီၤတုၤဒၣ်လဲာ် အဝဲသ့ၣ်ဟးဖးဒီးတၢ်စူၢ်တၢ်နာ်, ဒီးတၢ်သူၣ်အုးသးအုးအါမံၤမၤသဘှံးအဝဲသ့ၣ်အသးန့ၣ်လီၤ.