လံာ်ပှၤစံၣ်တဲၤတဲလီၤတၢ် 4:3 - Sgaw Karen Common Bible

³ ဘၣ်ဆၣ်ပှၤတဖၣ်လၢအဂ့ၤဒိၣ်န့ၢ်ဒံးအဝဲသ့ၣ်န့ၣ်, မ့ၢ်ပှၤလၢတအိၣ်ဖျဲၣ်ဒံးဘၣ်, ပှၤလၢတထံၣ်ဒံးဘၣ်တၢ်စံၣ်ညီၣ်တတီလၢအမၤအသးလၢဟီၣ်ခိၣ်ချၢ အံၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 4:3 Iomraidhean Croise

လံာ်စီၤယိၤဘး 3:22

အဝဲသ့ၣ်အသးအုးတုၤအကတီၢ်လၢအသံဒီးဘၣ်တၢ်ခူၣ်လီၤ ကွံာ်အီၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 1:14

ယထံၣ်တ့ၢ်တၢ်ခဲလၢာ်လၢတၢ်မၤတ့ၢ်လံအီၤလၢဟီၣ်ခိၣ်အံၤ, ဒီးယစံးဘၣ်နၤ, တၢ်ခဲလၢာ်န့ၣ်အဘျုးတအိၣ်ဘၣ်. မၤအသးဒ်တၢ်လူၤဖီၣ်ကလံၤအသိးန့ၣ်လီၤ.

လံာ်ပှၤစံၣ်တဲၤတဲလီၤတၢ် 2:17

အဃိဒီးတၢ်အိၣ်မူအခီပညီအိၣ်ဖျါထီၣ်လၢတမ့ၢ်တၢ်နီတမံၤလၢ ယဂီၢ်ဘၣ်န့ၣ်လီၤ. အဂ့ၢ်ဒ်အံၤ, တၢ်ကိးမံၤဒဲးလၢတၢ်အိၣ်မူအပူၤအံၤဟဲစိာ်န့ၢ် ဒၣ်ယၤထဲတၢ်ကီတၢ်ခဲန့ၣ်လီၤ. တၢ်ခဲလၢာ်မ့ၢ်တၢ်အဘျုးတအိၣ်ဘၣ်န့ၣ်လီၤ. ယလူၤဖီၣ်တ့ၢ်ကလံၤန့ၣ်လီၤ.

လံာ်မးသဲ 24:19

လၢမုၢ်နံၤအဝဲန့ၣ်တဖၣ်အကတီၢ်န့ၣ်, တၢ်ကနးကဖှီၣ်ဝဲဒိၣ်မးလၢပိာ်မုၣ်တဖၣ်လၢအအိၣ်ဟုးအိၣ်သး, ဒီးမိၢ်လၢအအိၣ်ဒီးဖိဆံးအီနုၢ်ထံတဖၣ်အဂီၢ်န့ၣ်လီၤ.

လံာ်လူၤကၣ် 23:29

အဂ့ၢ်ဒ်အံၤ, မုၢ်နံၤမုၢ်သီတဖၣ်ကဟဲဝဲဖဲပှၤကစံး, ‘ပိာ်မုၣ်လၢအဖိတအိၣ်နီတစု, လၢအတဒၢထီၣ်နီတစု, ဒီးတဒုးအီၣ်နုၢ်ဘၣ်ဖိသၣ်နီတစုတဖၣ်န့ၣ်, ဘၣ်ဆိၣ်ဂ့ၤဆံးဒိၣ်လဲၣ်’ န့ၣ်လီၤ.