လံာ်ပှၤစံၣ်တဲၤတဲလီၤတၢ် 4:16 - Sgaw Karen Common Bible

¹⁶ တၢ်မၤနီၣ်ဃးပှၤဂီၢ်မုၢ်အနီၣ်ဂံၢ်လၢစီၤပၤတဂၤကပၢအီၤအဂီၢ် န့ၣ်တသ့ဝဲဘၣ်. ဖဲအဝဲလဲၤပူၤကွံာ်ဝဲန့ၣ်, ပှၤတစံးဘျုးအီၤလၢတၢ်လၢအမၤတ့ၢ်ဝဲတဖၣ်အဃိနီတဂၤဘၣ်. တၢ်အံၤမ့ၢ်တၢ်လၢအဘျုးတအိၣ်ဘၣ်လီၤ. မၤသးဒ်တၢ်လူၤဖီၣ်ကလံၤအသိးန့ၣ်လီၤ.

လံာ်ပှၤစံၣ်တဲၤတဲလီၤတၢ် 4:16 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 19:9

လၢထံကီၢ်ဒီတကီၢ်ညါန့ၣ် အဝဲသ့ၣ်ကဒဲကဒဲစးထီၣ်အ့ၣ်လိာ်အသးန့ၣ်လီၤ. အဝဲသ့ၣ်စံးလိာ်အသးတဂၤဒီးတဂၤဒ်အံၤ, “စီၤပၤဒၤဝံးမၤပူၤဖျဲးပှၤလၢပဒုၣ်ပဒါတဖၣ်အစုပူၤန့ၣ်လီၤ. အဝဲမၤပူၤဖျဲးတ့ၢ်ပှၤလၢပှၤဖလ့ၡသးဖိတဖၣ်အစုပူၤလီၤ. မ့မ့ၢ်ခဲကနံၣ်အံၤအဝဲထွးထီၣ်ဃ့ၢ်ကွံာ်လၢစီၤအးဘၡါလိၣ် အမဲာ်ညါဒီးဟးထီၣ်ကွံာ်လၢထံကီၢ်အပူၤလံ.

လံာ်စီၤပၤအခီၣ်ထံးတဘ့ၣ် 1:40

အန့ၣ်ဝံၤဒီး, အဝဲသ့ၣ်ခဲလၢာ်ဟဲက့ၤပိာ်အခံ, ကိးထီၣ်လၢတၢ်သူၣ်ခုသးခုဒီးအူပံတဖၣ်တုၤဒၣ်လဲာ်ဟီၣ်ခိၣ် သထြူးဝဲလၢတၢ်သီၣ်တၢ်သဲအဃိန့ၣ်လီၤ.

လံာ်ပှၤစံၣ်တဲၤတဲလီၤတၢ် 1:14

ယထံၣ်တ့ၢ်တၢ်ခဲလၢာ်လၢတၢ်မၤတ့ၢ်လံအီၤလၢဟီၣ်ခိၣ်အံၤ, ဒီးယစံးဘၣ်နၤ, တၢ်ခဲလၢာ်န့ၣ်အဘျုးတအိၣ်ဘၣ်. မၤအသးဒ်တၢ်လူၤဖီၣ်ကလံၤအသိးန့ၣ်လီၤ.

လံာ်ပှၤစံၣ်တဲၤတဲလီၤတၢ် 2:11

အန့ၣ်ဝံၤယဆိကမိၣ်ထီၣ်တၢ်လၢယမၤတ့ၢ်ခဲလၢာ်ဒီးယမၤတ့ၢ်အီၤ ဆူၣ်ထဲလဲၣ်ထဲလဲၣ်အဂ့ၢ်ဒီးယသ့ၣ်ညါလၢအခီပညီတအိၣ်နီ တမံၤဘၣ်န့ၣ်လီၤ. မၤအသးဒ်တၢ်လူၤဖီၣ်ကလံၤအသိးဒီး အဘျုးတအိၣ်နီတမံၤဘၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 2:17

အဃိဒီးတၢ်အိၣ်မူအခီပညီအိၣ်ဖျါထီၣ်လၢတမ့ၢ်တၢ်နီတမံၤလၢ ယဂီၢ်ဘၣ်န့ၣ်လီၤ. အဂ့ၢ်ဒ်အံၤ, တၢ်ကိးမံၤဒဲးလၢတၢ်အိၣ်မူအပူၤအံၤဟဲစိာ်န့ၢ် ဒၣ်ယၤထဲတၢ်ကီတၢ်ခဲန့ၣ်လီၤ. တၢ်ခဲလၢာ်မ့ၢ်တၢ်အဘျုးတအိၣ်ဘၣ်န့ၣ်လီၤ. ယလူၤဖီၣ်တ့ၢ်ကလံၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 2:26

ကစၢ်ယွၤဟ့ၣ်တၢ်ကူၣ်သ့, တၢ်သ့ၣ်ညါဒီးတၢ်သူၣ်ဖှံ သးညီဆူပှၤတဖၣ်လၢအမၤမုာ်အသးန့ၣ်လီၤ. မ့မ့ၢ်, မၢပှၤတၢ်ဒဲးဘးဖိတဖၣ်မၤတၢ်, မၤန့ၢ်တၢ်ဒီးပာ်ဖှိၣ် တၢ်, ဒ်သိးတၢ်လၢအဝဲသ့ၣ်မၤန့ၢ်တ့ၢ်တဖၣ်, ကဘၣ်တၢ်ဟ့ၣ်လီၤအီၤဆူ ပှၤလၢအမၤမုာ်အဝဲအသးတဖၣ်အအိၣ်န့ၣ်လီၤ. တၢ်ခဲလၢာ်န့ၣ်, အဘျုးတအိၣ်ဘၣ်. တၢ်န့ၣ်လီၤဂာ်ဒီးတၢ်လူၤဖီၣ်ကလံၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 4:15

ယဆိကမိၣ်ထီၣ်ကယဲၢ်ပှၤဂီၢ်မုၢ်လၢအအိၣ်မူလၢဟီၣ်ခိၣ်ချၢအံၤအ ဂ့ၢ်, ဒီးယထံၣ်သ့ၣ်ညါလၢ, ဖဲအဝဲသ့ၣ်အကျါတတီၤတီၤန့ၣ်, ပှၤသးစၢ်အိၣ်ဝဲတဂၤလၢကဟံးန့ၢ်စီၤပၤအလီၢ်န့ၣ်လီၤ.