လံာ်ပှၤစံၣ်တဲၤတဲလီၤတၢ် 4:14 - Sgaw Karen Common Bible

¹⁴ ဘၣ်ဆၣ်ဒီး, လၢအဝဲအသးပှၢ်ထီၣ်အဆၢကတီၢ်န့ၣ်, အဝဲမ့ၢ်မၢးတုၤဒၣ်လဲာ်တတူၢ်လိာ်တၢ်ဟ့ၣ်ကူၣ်ဟ့ၣ်ဖးဘၣ်ဒီး, အဝဲတဂ့ၤထဲသိးဒီးပှၤသးစၢ်တဂၤလၢအဖှီၣ်ဝဲဘၣ်ဆၣ်အိၣ်ဒီး တၢ်ကူၣ်တၢ်ဆးန့ၣ်ဘၣ်.

လံာ်ပှၤစံၣ်တဲၤတဲလီၤတၢ် 4:14 Iomraidhean Croise

လံာ်တၢ်ကဲထီၣ်အခီၣ်ထံး 41:14

စီၤပၤမၢပှၤလဲၤကိးန့ၢ်အီၤစီၤယိၤသး, ဒီးစီၤယိၤသးဘၣ် တၢ်ဟဲက့ၤကိးအီၤတဘျီဃီလၢဃိာ်ပူၤန့ၣ်လီၤ. ဖဲလူၤအခၣ်ဆူၣ်ဒီးလဲကူလဲသိးဝံၤဝဲန့ၣ်, အဝဲဟဲနုာ်ဆူစီၤပၤအမဲာ်ညါန့ၣ်လီၤ.

လံာ်စီၤပၤခံဘ့ၣ်တဘ့ၣ် 24:12

ဒီးစီၤပၤယဟိၤယါခံၣ်ဃုာ်ဒီးအဝဲအမိၢ်, အဝဲအဖိခွါတဖၣ်, သုးခိၣ်သုးနၢ်တဖၣ်, ဒီးပဒိၣ်ပပှၢ်လၢနူၢ်ပူၤစီၤပူၤတဖၣ်ဟ့ၣ် လီၤအသးဆူပှၤဘၤဘူၤလိၣ်ဖိတဖၣ်အစုပူၤန့ၣ်လီၤ. ဖဲစီၤပၤနဘူၤကးန့စၢ်ပၢတၢ်ဃိးနံၣ်တနံၣ်အပူၤန့ၣ်အဝဲစိာ် ထီၣ်ကွံာ်ဝဲစီၤယဟိၤယါခံၣ်ဒ်ပှၤဘၣ်စၢဃာ်အသိး,

လံာ်စီၤပၤခံဘ့ၣ်တဘ့ၣ် 24:6

စီၤယဟိၤယါကံၣ်သံဝဲ, ဒီးအဖိခွါစီၤယဟိၤယါခံၣ်ကဲထီၣ်စီၤ ပၤလၢအလီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 25:7

ဖဲစီၤစံးဒကံယၤကွၢ်တၢ်အဖၢမုၢ်န့ၣ်, အဝဲအဖိခွါတဖၣ်ဘၣ်တၢ် မၤသံအီၤဝံၤဒီးစီၤနဘူၤကးန့စၢ်အူခွဲးထီၣ်ကွံာ်စီၤစံး ဒကံယၤအမဲာ်ချံစၢဃာ်အီၤလၢထးသွဲဒီးက့ၤမိၤအီၤဆူ ဝ့ၢ်ဘၤဘူၤလိၣ်န့ၣ်လီၤ.

လံာ်စီၤယိၤဘး 5:11

မ့ၢ်မးကစၢ်ယွၤပာ်ထီၣ်ထီပှၤလၢအဆီၣ်လီၤအသးဒီးဟ့ၣ် တၢ်သူၣ်ခုသးခုဆူပှၤလၢအသူၣ်ကၢ်အသးလီၤတဖၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 4:15

ယဆိကမိၣ်ထီၣ်ကယဲၢ်ပှၤဂီၢ်မုၢ်လၢအအိၣ်မူလၢဟီၣ်ခိၣ်ချၢအံၤအ ဂ့ၢ်, ဒီးယထံၣ်သ့ၣ်ညါလၢ, ဖဲအဝဲသ့ၣ်အကျါတတီၤတီၤန့ၣ်, ပှၤသးစၢ်အိၣ်ဝဲတဂၤလၢကဟံးန့ၢ်စီၤပၤအလီၢ်န့ၣ်လီၤ.

လံာ်သးသယုၢ်တၢ် 4:20

အဝဲသ့ၣ်ဖီၣ်န့ၢ်ပတၢ်အိၣ်မူအဂံၢ်ထံး, စီၤပၤလၢယွၤဃုထၢ တ့ၢ်, ပှၤတဂၤလၢပနာ်တ့ၢ်အီၤလၢကကဟုဘံၣ်ကယာ်ဘၢပှၤလၢပှၤဂုာ်ဆူၣ် ပျီဆူၣ်တၢ်ကိးဖုဒဲးအစုပူၤန့ၣ်လီၤ.

လံာ်ဒၤနံးယ့လး 4:31

ဖဲတၢ်ကတိၤတဖၣ်အံၤအိၣ်ဒံးလၢစီၤပၤအထးခိၣ်အဖၢမုၢ်န့ၣ်, တၢ်ကလုၢ်သီၣ်ထီၣ်ဝဲလၢမူခိၣ်, “စီၤပၤနဘူၤကးန့စၢ်ဧၢ, ယစံးဘၣ်နၤခဲကနံၣ်အံၤ, ဘီမုၢ်အံၤဘၣ်တၢ်ဟံးထီၣ်ကွံာ် လၢနအိၣ်လံ.

လံာ်စီၤၡမူၤအ့လးအခီၣ်ထံးတဘ့ၣ် 2:8

အဝဲဝံၢ်ဆၢထၢၣ်ပှၤဖှီၣ်ဖိလၢဖၣ်ကမူၣ်အကျါဒီးဒုးဂဲၤဆၢထၢၣ် ပှၤတလၢတပှဲၤတဖၣ်လၢအတၢ်ဖှီၣ်တၢ်ယာ်အပူၤလီၤ. အဝဲဒုးကဲထီၣ်အဝဲသ့ၣ်လၢစီၤပၤဖိတဖၣ်အတံၤသကိး, ဒီးပာ်ထီၣ်အီၤလၢတၢ်လၤကပီၤအလီၢ်တဖၣ်န့ၣ်လီၤ. ဟီၣ်ခိၣ်အခီၣ်ထံးတဖၣ်န့ၣ်ဘၣ်ဃးဒီးယွၤလီၤ. လၢအဝဲသ့ၣ်အဖီခိၣ်န့ၣ်ယွၤသူၣ်ထီၣ်ဟီၣ်ခိၣ်န့ၣ်လီၤ.