လံာ်ပှၤစံၣ်တဲၤတဲလီၤတၢ် 4:12 - Sgaw Karen Common Bible

¹² တၢ်ဟဲထီဒါတမံၤလၢအမၤနၢၤပှၤအိၣ်ထဲတဂၤဧိၤန့ၣ်ပှၤခံဂၤ တြီဆၢဝဲသ့န့ၣ်လီၤ. ပျံၤပိၤအသးလၢပျံၤဖိသၢဘိန့ၣ်, တၢ်မၤတဲာ်အီၤကီလီၤ.

လံာ်ပှၤစံၣ်တဲၤတဲလီၤတၢ် 4:12 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 23:16

ဒီးပှၤသုးဖိမံၤဟူသၣ်ဖျါသၢဂၤ, လဲၤနုာ်ဖျိဆူၣ်ဝဲဆူပှၤ ဖလ့ၡသးဖိတဖၣ်သူၣ်ဒဲအလီၢ်, ဒၢၣ်ထီၣ်ထံလၢထံပူၤ, ဝံၤဒီးဟဲက့ၤစိာ်ဝဲဆူစီၤဒၤဝံးအအိၣ်န့ၣ်လီၤ. ဘၣ်ဆၣ်ဒီးအဝဲတအီဝဲဘၣ်. အခိၣ်တလိာ်, အဝဲလူလီၤဝဲဒ်တၢ်လုၢ်တၢ်ပာ်တမံၤအသိးလၢယွၤအဂီၢ်,

လံာ်စီၤၡမူၤအ့လးခံဘ့ၣ်တဘ့ၣ် 23:23

အဝဲမ့ၢ်ပှၤဖျိးစိလၢအဝဲသ့ၣ်အကျါ, ဘၣ်ဆၣ်ဒီးအမံၤတဟူသၣ်တဖျါထဲသိးဒီးပှၤသၢဂၤန့ၣ်ဘၣ်. စီၤဒၤဝံးပာ်အီၤဒ်သုးဖိလၢအခိးအဝဲအသးသမူတဖၣ်အခိၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 23:9

ပှၤခံဂၤတဂၤလၢပှၤမံၤဟူသၣ်ဖျါသၢဂၤအကျါန့ၣ်မ့ၢ်ဝဲ စီၤဒိဒိၤအဖိခွါစီၤအလၤဧစၢ်လၢပှၤအဃိဃးဖိအဒူၣ်ထၢတခီန့ၣ်လီၤ. တနံၤန့ၣ်, အဝဲဒီးစီၤဒၤဝံးတၤတၢ်ဒီးပှၤဖလ့ၡသးဖိတဖၣ်လၢ အပာ်ဖှိၣ်ထီၣ်အသးလၢတၢ်ဒုးတၢ်ယၤအဂီၢ်န့ၣ်လီၤ. ပှၤအံၣ်စရ့လးဖိတဖၣ်ဂုၤက့ၤဆူအလီၢ်ခံ,

လံာ်ပှၤစံၣ်တဲၤတဲလီၤတၢ် 4:11

တၢ်မ့ၢ်ခုၣ်န့ၣ်, ပှၤခံဂၤမံသကိးဒီးလၢၤဝဲသ့လီၤ. ဘၣ်ဆၣ်ဒီးနအိၣ်ထဲတဂၤဧိၤန့ၣ်, နမၤလၢၤနသးကသ့ဒ်လဲၣ်.

လံာ်ပှၤစံၣ်တဲၤတဲလီၤတၢ် 4:13

ပှၤတဂၤဂဲၤထၢၣ်လၢတၢ်ဖှီၣ်တၢ်ယာ်အပူၤဒီးကဲထီၣ်စီၤပၤလၢ အထံကီၢ်ဒၣ်ဝဲမ့ၢ်ဂ့ၤ, ဟးထီၣ်လၢဃိာ်ပူၤဒီးထီၣ်ဆူ တၢ်စိတၢ်ကမီၤအလီၢ်ပစိာ်မ့ၢ်ဂ့ၤသ့ဝဲလီၤ.

အ့းဖ့းစူး 4:3

ဂုာ်ကျဲးစၢးအဂ့ၤကတၢၢ်လၢသုကဟံးဃာ်တၢ်သးတဖျၢၣ်ဃီ လၢယွၤအသးဟ့ၣ်လီၤသုခီဖျိတၢ်ဃူတၢ်ဖိးလၢအစၢဃာ်ဟံးဃာ် သုန့ၣ်တက့ၢ်.