လံာ်ပှၤစံၣ်တဲၤတဲလီၤတၢ် 3:4 - Sgaw Karen Common Bible

⁴ အဝဲပာ်လီၤဝဲတၢ်အကတီၢ်လၢတၢ်သးအုးအဂီၢ်ဒီးတၢ် အကတီၢ်လၢတၢ်သးခုအဂီၢ်, တၢ်အကတီၢ်လၢတၢ်ဟီၣ်တၢ်ယၢၤအဂီၢ်, ဒီးတၢ်အကတီၢ်လၢတၢ်ဂဲၤကလံၣ်အဂီၢ်,

လံာ်ပှၤစံၣ်တဲၤတဲလီၤတၢ် 3:4 Iomraidhean Croise

လံာ်တၢ်ကဲထီၣ်အခီၣ်ထံး 21:6

ဒီးနီၢ်စၤရါစံးဝဲဒၣ်, “ကစၢ်ယွၤဟဲစိာ်န့ၢ်လံယၤတၢ်သးခုဒီးတၢ်နံၤလီၤ. ကယဲၢ်ပှၤလၢအနၢ်ဟူတၢ်အံၤကိးဂၤဒဲးန့ၣ်ကနံၤဃုာ်ဒီးယၤလီၤ.”

လံာ်စီၤၡမူၤအ့လးခံဘ့ၣ်တဘ့ၣ် 6:16

တုၤတလါစီဆှံန့ၣ်ဘၣ်တၢ်က့ၤစိာ်နုာ်အီၤဆူဝ့ၢ်ပူၤဒီး, စီၤစီလူးအဖိမုၣ်နီၢ်မံၤကၤလးကွၢ်ဃီၤတၢ်လၢပဲတြီဖိဒီး ထံၣ်ဘၣ်စီၤပၤစီၤဒၤဝံးဂဲၤကလံာ်ဒီးစံၣ်ဝ့ၤစံၣ်ဝီၤလၢယွၤ အမဲာ်ညါသတးဒီးပိာ်မုၣ်န့ၣ်အသးဘၣ်အၢအီၤလၢအသးကံၢ်ပူၤန့ၣ် လီၤ.

စံးထီၣ်ပတြၢၤ 30:11

ယတၢ်မိၣ်တၢ်မးန့ၣ်နဒုးကဲထီၣ်အီၤဆူ တၢ်ဂဲၤကလံၣ်လၢယဂီၢ်, နဟံးထီၣ်ကွံာ်ယတၢ်သူၣ်အုးသးအုး ဒီးဘိၣ်ဘံယၤလၢတၢ်သူၣ်ခုသးခု,

စံးထီၣ်ပတြၢၤ 30:5

အဂ့ၢ်ဒ်အံၤ, အတၢ်သးထီၣ်အိၣ်တစိၢ်ဖိ ဒီးအဘျုးအဖှိၣ်န့ၣ်အိၣ်တစိၤသးလီၤ. မဲာ်ထံမဲာ်နိမ့ၢ်ယွၤလီၤဝဲလၢမုၢ်နၤ, ဘၣ်ဆၣ်, လၢမုၢ်ဂီၤန့ၣ်တၢ်သူၣ်ခုသးခုဟဲဝဲလီၤ.

လံာ်တၢ်ဟးထီၣ်ကွံာ် 15:20

ဝံမုၣ်နီၢ်မံးရယၣ်လၢအမ့ၢ်စီၤအၤဟရိၣ်အဒီပုၢ်ဝဲၢ်မုၣ်ဟံး ထီၣ်အဒၢတြုၤလၢအစုပူၤဒီးကယဲၢ်ပိာ်မုၣ်ခဲလၢာ်, ပိာ်ထီၣ်အခံအိၣ်ဒီးဒၢတြုၤတဖၣ်ဒီးဂဲၤကလံာ်ဝဲလီၤ.

လံာ်ပှၤစံၣ်တဲၤတဲလီၤတၢ် 3:5

တၢ်အကတီၢ်လၢတၢ်အဲၣ်လိာ်ကွံလိာ်သးအဂီၢ်, ဒီးတၢ်အကတီၢ်လၢတၢ်တအဲၣ်လိာ်တကွံလိာ်သးအဂီၢ်, တၢ်အကတီၢ်လၢတၢ်နၢမူလိာ်သးအဂီၢ်, ဒီးတၢ်အကတီၢ်လၢတၢ်တနၢမူလိာ်သးအဂီၢ်လီၤ.

လံာ်ပှၤစံၣ်တဲၤတဲလီၤတၢ် 7:14

ဖဲတၢ်ခဲလၢာ်လဲၤအသးဂ့ၤဂ့ၤဘၣ်ဘၣ်လၢနဂီၢ်ဒီး, သးခုတက့ၢ်. ဒီးဖဲတၢ်ကီတၢ်ခဲဟဲဝဲဒီး, သ့ၣ်နီၣ်ထီၣ်လၢကစၢ်ယွၤဆှၢလီၤတၢ်သူၣ်ဖှံသးညီဒီးတၢ်ကီတၢ် ခဲခံမံၤလိာ်တက့ၢ်. ခဲကိာ်တၢ်မနုၤကမၤအသးလဲၣ်န့ၣ်, နတသ့ၣ်ညါနီတစုဘၣ်.

လံာ်ယၡါယၤ 40:1

“မၤမုာ်ယပှၤဂီၢ်မုၢ်တက့ၢ်.” ပကစၢ်ယွၤစံးဝဲဒၣ်, “မၤမုာ်အဝဲသ့ၣ်တက့ၢ်.”

လံာ်ယၡါယၤ 40:2

“ဟ့ၣ်ဆူၣ်ထီၣ်ပှၤလၢဝ့ၢ်ယရူၤၡလ့ၣ်တဖၣ်အသးတက့ၢ်. စံးဘၣ်တဲဘၣ်အဝဲသ့ၣ်လၢအတူၢ်ဘၣ်တၢ်ယံာ်တ့ၢ်မးလံ ဒီးအဝဲသ့ၣ်အတၢ်ဒဲးဘးတဖၣ်ခဲအံၤဘၣ်တၢ်ပျၢ်ကွံာ်အီၤလံ. လၢအဝဲသ့ၣ်အတၢ်ဒဲးဘးတဖၣ်အဃိ, ယစံၣ်ညီၣ်တ့ၢ်အဝဲ သ့ၣ်လၢလၢပှဲၤပှဲၤလီၤ.”

လံာ်မးသဲ 11:17

‘ပအူန့ၢ်သုတၢ်ဖျီအတၢ်သးဝံၣ်အသီၣ်လၢပံဘၣ်ဆၣ်ဒီးသုတဂဲၤ ကလံာ်ဘၣ်. ပသးဝံၣ်န့ၢ်သုတၢ်သံအတၢ်သးဝံၣ် ဘၣ်ဆၣ်သုတဟီၣ်တယၢၤဘၣ်.’

လံာ်မးသဲ 9:15

ယ့ၣ်ၡူးစံးဆၢဝဲ, “ဖဲတလးမူးပိာ်ခွါအိၣ်ဒံးဒီးအဝဲသ့ၣ် အဖၢမုၢ်ဒီးမ့ၢ်ပှၤသမှံၤလၢအဟဲဆူတၢ်တ့တၢ်ဖျီတဖၣ် သူၣ်အုးသးအုးကသ့ဧါ. ဘၣ်ဆၣ်ဒီးမုၢ်နံၤတဖၣ်ကဟဲဝဲဖဲတလးမူးပိာ်ခွါကဘၣ်တၢ်ထုးဖးကွံာ်အီၤ လၢအဝဲသ့ၣ်အအိၣ်လီၤ. တုၤနုၤတစုအဝဲသ့ၣ်ကဒုၣ်တၢ်အီၣ်လီၤ.

လံာ်လူၤကၣ် 1:58

ပှၤအိၣ်လၢအဝဲဒၣ်အဃၢၤဒီးအဝဲဒၣ်အဘူးအတံၢ်တဖၣ်နၢ်ဟူဘၣ်ဝဲလၢ ကစၢ်ယွၤဂ့ၤတ့ၢ်လၢအဝဲဒၣ်အဖီခိၣ်လီၤလိၢ်လီၤလးမးဒီး အဝဲသ့ၣ်ကိးဒံကိးဂၤဒဲးသးခုဃုာ်ဒီးအီၤလီၤ.

ရိမ့ၤ 12:15

ပှၤလၢအသးခုတဖၣ်န့ၣ်သးခုဃုာ်ဒီးအီၤတက့ၢ်. ပှၤလၢအဟီၣ်တဖၣ်န့ၣ်ဟီၣ်ဃုာ်ဒီးအီၤတက့ၢ်.

၂ ကရံၣ်သူး 7:10

အဂ့ၢ်ဒ်အံၤ, တၢ်သးအုးလၢအဘၣ်တၢ်သူအီၤလၢကစၢ် ယွၤန့ၣ်, ဒုးအိၣ်ထီၣ်တၢ်လဲလိာ်သးလၢအဆှၢပှၤဆူတၢ်အုၣ်က့ၤ ခီၣ်က့ၤဒီးလၢအဝဲန့ၣ်အပူၤ တၢ်သးအုးလၢအဃိတအိၣ်နီ တမံၤဘၣ်. မ့မ့ၢ်တၢ်သးအုးလၢအဘၣ်ထွဲဒၣ်ဒီးပှၤဟီၣ်ခိၣ်ဖိ ဧိၤန့ၣ်, ဒုးအိၣ်ထီၣ်တၢ်သံတၢ်ပှၢ်လီၤ.

ယၤကိာ် 4:9

မ်သုသူၣ်အုးသးအုးအိၣ်ဒီးတၢ်ဟီၣ်တၢ်ယၢၤတက့ၢ်. လဲလိာ်က့ၤသုတၢ်နံၤတၢ်အ့ဆူတၢ်ဟီၣ်တၢ်ယၢၤ, သုတၢ်သးခုဆူတၢ်သးအုးတက့ၢ်.