လံာ်ပှၤစံၣ်တဲၤတဲလီၤတၢ် 3:3 - Sgaw Karen Common Bible

³ တၢ်အကတီၢ်လၢတၢ်မၤသံတၢ်အဂီၢ်, ဒီးတၢ်အကတီၢ်လၢတၢ်မၤဘျါက့ၤ တၢ်အဂီၢ်, တၢ်အကတီၢ်လၢတၢ်ဂုၤလီၤပှီၢ်တၢ်အဂီၢ်, ဒီးတၢ်အကတီၢ်လၢတၢ်သူၣ် ထီၣ်ဘှီထီၣ်တၢ်အဂီၢ်လီၤ.

လံာ်ပှၤစံၣ်တဲၤတဲလီၤတၢ် 3:3 Iomraidhean Croise

လံာ်တၢ်ကဲထီၣ်အခီၣ်ထံး 9:6

ပှၤကညီဘၣ်တၢ်တ့အီၤလီၤဂာ်ဒ်ကစၢ်ယွၤအသိးဒီးပှၤတဂၤဂၤလၢ အမၤသံပှၤကညီတဂၤန့ၣ်အနီၢ်ကစၢ်ဒၣ်ဝဲကဘၣ်တၢ်မၤသံအီၤလၢပှၤ ကညီသကိးသကိးဒီးအီၤန့ၣ်လီၤ.

လံာ်ယၡါယၤ 44:26

ဘၣ်ဆၣ်, ဖဲယခ့ယပှၤကတိၤဆိပာ်တၢ်, ဒီးဖဲယဆှၢလီၤပှၤစိာ်တၢ်ကစီၣ်တဂၤလၢကလီၣ်ဖျါထီၣ်ယတၢ်ကူၣ် ကျဲၤတဖၣ်န့ၣ်, ယဒုးလၢထီၣ်ပှဲၤထီၣ်တၢ်ကူၣ်ကျဲၤဒီးတၢ်ကတိၤဆိပာ်တဖၣ်အံၤ န့ၣ်လီၤ. ယစံးဘၣ်တဲဘၣ်ဝ့ၢ်ယရူၤၡလ့ၣ်လၢပှၤဂီၢ်မုၢ်ကအိၣ်က့ၤကဒီးဖဲ န့ၣ်, ဒီးကီၢ်ယူဒၤအဝ့ၢ်တဖၣ်လၢကဘၣ်တၢ်သူၣ်ထီၣ်ဘှီထီၣ်က့ၤအီၤ လီၤ. ဝ့ၢ်တဖၣ်န့ၣ်ကဟဲဖျါထီၣ်လၢတၢ်ဟးဂူာ်ဟးဂီၤတဖၣ်အပူၤလီၤ.

လံာ်ယၡါယၤ 6:10

ဝံၤဒီးအဝဲစံးဘၣ်ယၤ, “မၤဃၢပှၤတဖၣ်အံၤအသး, မၤတအၢအနၢ်တဖၣ်, ဒီးမၤဘျီၣ်အမဲာ်ချံတဖၣ်ဒ်သိးအဝဲသ့ၣ် အသုတထံၣ်တၢ်, နၢ်ဟူတၢ်, ဒီးနၢ်ပၢၢ်တၢ်တဂ့ၤန့ၣ်တက့ၢ်. အဝဲသ့ၣ်မ့ၢ်ထံၣ်တၢ်, နၢ်ဟူတၢ်, ဒီးနၢ်ပၢၢ်ဘၣ်ဖုးတၢ်ဒီး, အဝဲသ့ၣ်ကဃၣ်ကဒါက့ၤဘၣ်ဖုးအသးဆူယ အိၣ်ဒီးကန့ၢ်ဘၣ်ဖုးတၢ်မၤဘျါက့ၤန့ၣ်လီၤ.”

လံာ်ယံးရမံယၤ 1:10

မုၢ်မဆါတနံၤအံၤ, ယဟ့ၣ်လီၤနၤတၢ်န့ၢ်စိန့ၢ်ကမီၤလၢပှၤကလုာ်တဖၣ်ဒီးဘီ မုၢ်တဖၣ်အဖီခိၣ်လၢနကထဲးထီၣ်ဒီးဂုၤလီၤပှီၢ်ကွံာ်တၢ်, လၢနကမၤဟးဂီၤဒီးမၤလီၤတဲာ်ကွံာ်တၢ်, ဒီးလၢနကသူၣ်ထီၣ်ဘှီ ထီၣ်တၢ်ဒီးသူၣ်လီၤဖျးလီၤတၢ်အဂီၢ်န့ၣ်လီၤ.”

လံာ်ယံးရမံယၤ 31:28

ုဒီး ဒ်ယအံးထွဲကွၢ်ထွဲအီၤလၢ ယကထဲးထီၣ်အီၤ, မၤလီၤပှီၢ်အီၤ, မၤလီၤတဲာ်ကွံာ်အီၤ, မၤဟးဂီၤအီၤဒီး မၤနးမၤဖှီၣ်အီၤအသိးန့ၣ်, ယကအံးထွဲကွၢ်ထွဲအီၤလၢ ယကသူၣ်လီၤဖျးလီၤအီၤဒီး သူၣ်ထီၣ်ဘှီထီၣ်အီၤန့ၣ်လီၤ.

လံာ်ယံးရမံယၤ 33:6

ဘၣ်ဆၣ်ဒီး, ယကမၤဘျါက့ၤဝ့ၢ်အံၤဒီး အပှၤဂီၢ် မုၢ်ဒီး ဟ့ၣ်က့ၤအဝဲသ့ၣ်တၢ်အိၣ်ဆူၣ်အိၣ်ချ့န့ၣ်လီၤ. ယကဒုးနဲၣ်အဝဲသ့ၣ်လၢ တၢ်ဃူတၢ်ဖိးဒီး တၢ်ဘံၣ် တၢ်ဘၢအါအါကလဲာ်လီၤ.

လံာ်ယံးရမံယၤ 45:4

ဘၣ်ဆၣ်ဒီး, ယၤယွၤအံၤ, ယကမၤလီၤပှီၢ်တၢ်လၢ ယသူၣ်ထီၣ်တ့ၢ်အီၤဒီးထဲးထီၣ်ကွံာ်တၢ်လၢ ယသူၣ်လီၤဖျးလီၤတ့ၢ်အီၤန့ၣ်လီၤ. ယကမၤတၢ်အံၤလၢဟီၣ်ခိၣ်ဒီဘ့ၣ်ညါန့ၣ်လီၤ.

လံာ်ယဃ့းစက့လး 13:14

ယတိာ်ပာ်ယသးလၢယကမၤလီၤပှီၢ်တၢ်ဒူၣ်လၢအဝဲသ့ၣ်ဖှူဝဲလၢထူၣ် ဝါန့ၣ်, ယကမၤလီၤကလဲကွံာ်အီၤ, ဒီးယကပာ်လ့ၤကဒိတၢ်အခီၣ်ထံးအလၢၢ်တဖၣ်န့ၣ်လီၤ. တၢ်ဒူၣ်န့ၣ်ကလီၤပှီၢ်ဝဲဒီးမၤသံသုခဲလၢာ်လီၤ. အန့ၣ်ဒီး, ပှၤကိးဂၤဒဲးကသ့ၣ်ညါလၢယမ့ၢ်ယွၤန့ၣ်လီၤ.

လံာ်ဃးကဲ 1:2

ယွၤသ့တၢ်လၢာ်ကစၢ်စံးဘၣ်တ့ၢ်စီၤဃးကဲ, “ပှၤဂီၢ်မုၢ်အံၤ, စံးလၢတၢ်အံၤတမ့ၢ်တၢ်ဘၣ်ဆၢဘၣ်ကတီၢ်လၢတၢ်ကဘှီ ကဒါက့ၤတၢ်လုၢ်ဟံၣ်အဂီၢ်န့ၣ်ဘၣ်.”

လံာ်ဃးကဲ 1:4

“ယပှၤဂီၢ်မုၢ်သ့ၣ်ဧၢ, ဘၣ်မနုၤသုအိၣ်ဆိးလၢဟံၣ်တဖၣ်လၢတၢ်ဘှီအီၤဂ့ၤဂ့ၤအပူၤ, ဖဲယတၢ်လုၢ်ဟံၣ်အိၣ်လၢတၢ်ဟးဂီၤတဖၣ်အပူၤအခါန့ၣ်လဲၣ်.

လံာ်စကၤရယၤ 1:12

တုၤနုၤတဘျီ, ယွၤအကလူးစံးဝဲဒၣ်, “သ့တၢ်လၢာ်ယွၤဧၢ, နသးထီၣ်တ့ၢ်ဝ့ၢ်ယရူၤရှလ့ၣ်ဒီးကီၢ်ယူဒၤအဝ့ၢ်တဖၣ်, ခဲအံၤအိၣ်လံအနံၣ်နွံဆံလံ. တချုးလၢနကဒုးနဲၣ်နတၢ်သးကညီၤအဝဲသ့ၣ်န့ၣ်ကယံာ်ဒံးဆံး ယံာ်လဲၣ်.”

လံာ်သိၣ်လီၤသီလီၤတၢ် 32:39

ယၤ, ဒီးထဲယၤတဂၤဧိၤ, မ့ၢ်ကစၢ်ယွၤန့ၣ်လီၤ. ကစၢ်အဂၤန့ၣ်တမ့ၢ်တတီနီတဂၤဘၣ်. ယမၤသံတၢ်ဒီးယဟ့ၣ်တၢ်မူ, ယမၤဘၣ်ဒိတၢ်ဒီးယမၤဘျါက့ၤတၢ်, ဒီးတၢ်လၢယမၤအီၤန့ၣ်ပှၤထီဒါတသ့နီတဂၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 2:25

ပှၤတဂၤမ့ၢ်မၤတၢ်ဒဲးဘးထီဒါပှၤအဂၤတဂၤဒီးကစၢ်ယွၤဒီဒၣ် အိၣ်ပှိၤအီၤသ့လီၤ. ဘၣ်ဆၣ်ဒီးမ့ၢ်မတၤတဂၤဒီဒၣ်အိၣ်ပှိၤပှၤတဂၤလၢအမၤတၢ်ဒဲးဘး ထီဒါယွၤကသ့ဝဲန့ၣ်လဲၣ်.” ဘၣ်ဆၣ်ဒီးအဝဲသ့ၣ်တဒိကနၣ်အပၢ်ဘၣ်. အဂ့ၢ်ဒ်အံၤ, ယွၤပာ်လီၤအသးလၢကမၤသံကွံာ်အဝဲသ့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:6

ယွၤမၤသံတၢ်ဒီးဟ့ၣ်ဒုးမူက့ၤတၢ်လီၤ. အဝဲဆှၢလီၤပှၤဂီၢ်မုၢ်ဆူပှၤသံတဖၣ်အကီၢ်ပူၤ, ဒီးကိးက့ၤအဝဲသ့ၣ်လီၤ.