လံာ်ပှၤစံၣ်တဲၤတဲလီၤတၢ် 3:22 - Sgaw Karen Common Bible

²² လၢတၢ်န့ၣ်အဃိ, ယထံၣ်သ့ၣ်ညါလၢတၢ်အဂ့ၤကတၢၢ်လၢပမၤသ့န့ၣ် မ့ၢ်ဒၣ်ပကမုာ်လၤသးခုလၢတၢ်လၢပမၤတ့ၢ်တဖၣ်အပူၤလီၤ. တၢ်အဂၤလၢပမၤသ့တအိၣ်နီတမံၤဘၣ်. ပသံဝံၤတၢ်မနုၤကမၤအသးလဲၣ်န့ၣ်, ကျဲတအိၣ်နီတဘိလၢပကသ့ၣ်ညါဘၣ်အီၤအဂီၢ်န့ၣ်ဘၣ်.

လံာ်ပှၤစံၣ်တဲၤတဲလီၤတၢ် 3:22 Iomraidhean Croise

လံာ်စီၤယိၤဘး 14:21

အဖိခွါတဖၣ်ဒိးန့ၢ်ဘၣ်တၢ်လၤကပီၤ, ဘၣ်ဆၣ်ဒီးအဝဲတသ့ၣ် ညါဘၣ်ဝဲဘၣ်. ဖဲအဝဲသ့ၣ်ဘၣ်တၢ်ဆီၣ်လီၤအီၤ, ဒီးအဝဲတဘၣ်တၢ်ဒုးသ့ၣ်ညါအီၤဘၣ်.

လံာ်ပှၤစံၣ်တဲၤတဲလီၤတၢ် 10:14

ပှၤဟးဂီၤဖိကတိၤတၢ်တဆိတ့ၢ်ဝဲဘၣ်. တၢ်မနုၤကမၤအသးဆူညါ လဲၣ်န့ၣ်, ပှၤတသ့ၣ်ညါနီတဂၤဘၣ်. ဒီးပသံဝံၤတၢ်မနုၤကမၤအသးလဲၣ်န့ၣ်, ပှၤတဲပှၤတသ့နီတဂၤဘၣ်.

လံာ်ပှၤစံၣ်တဲၤတဲလီၤတၢ် 11:9

ပှၤသးစၢ်သ့ၣ်ဧၢ, မုာ်လၤလၢနတၢ်မ့ၢ်ပှၤသးစၢ်အဃိတက့ၢ်. ဖဲနသးစၢ်ဒံးအခါအံၤန့ၣ်, သူၣ်ဖှံသးညီတက့ၢ်. မၤတၢ်လၢနအဲၣ်ဒိးမၤဒီးလူၤထွဲနသးအတၢ်ဆၢန့ၢ်ဘၣ်တက့ၢ်. ဘၣ်ဆၣ်သ့ၣ်နီၣ်ထီၣ်က့ၤလၢကစၢ်ယွၤကစံၣ်ညီၣ်နၤလၢတၢ်လၢနမၤ အီၤတမံၤဂ့ၤတမံၤဂ့ၤအဃိတက့ၢ်.

လံာ်ပှၤစံၣ်တဲၤတဲလီၤတၢ် 2:18

တၢ်လၢယမၤတ့ၢ်ဒီးမၤန့ၢ်တ့ၢ်တဖၣ်အခီပညီတအိၣ်လၢယဂီၢ်နီ တမံၤဘၣ်. အဂ့ၢ်ဒ်အံၤ, ယသ့ၣ်ညါလၢယကဘၣ်ပာ်တီၢ်တ့ၢ်တၢ်တဖၣ်အံၤလၢပှၤလၢ အကဟဲထီၣ်လၢခံတစိၤအဂီၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 2:24

တၢ်အဂ့ၤကတၢၢ်လၢပှၤကညီတဂၤမၤဝဲသ့န့ၣ်, မ့ၢ်တၢ်အီၣ်တၢ်အီတၢ်ဒီးတၢ်မုာ်လၤသးဖှံလၢတၢ်လၢအမၤန့ၢ် တ့ၢ်ဝဲအပူၤန့ၣ်လီၤ. သနာ်က့ဒီး, ယသ့ၣ်ညါလၢအအံၤဒၣ်လဲာ်, ဟဲလၢကစၢ်ယွၤအအိၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 6:12

တၢ်အဂ့ၤကတၢၢ်လၢပှၤကညီတဂၤအဂီၢ်လၢအဝဲအတၢ်အိၣ်မူ ဖုၣ်ကိာ်, တၢ်အိၣ်မူလၢအဘျုးတအိၣ်ဘၣ်, တၢ်အိၣ်မူလၢအလဲၤပူၤကွံာ်ဝဲဒ်တၢ်ကဒုအသိးန့ၣ်အပူၤအံၤ, မ့ၢ်တၢ်မနုၤလဲၣ်န့ၣ်, အဝဲသ့ၣ်ညါကသ့ဒ်လဲၣ်. အဝဲသံဝံၤအလီၢ်ခံ, တၢ်မနုၤကမၤအသးလၢဟီၣ်ခိၣ်ချၢအံၤလဲၣ် န့ၣ်, မ့ၢ်မတၤသ့ၣ်ညါကသ့တဂၤလဲၣ်.

လံာ်ပှၤစံၣ်တဲၤတဲလီၤတၢ် 7:14

ဖဲတၢ်ခဲလၢာ်လဲၤအသးဂ့ၤဂ့ၤဘၣ်ဘၣ်လၢနဂီၢ်ဒီး, သးခုတက့ၢ်. ဒီးဖဲတၢ်ကီတၢ်ခဲဟဲဝဲဒီး, သ့ၣ်နီၣ်ထီၣ်လၢကစၢ်ယွၤဆှၢလီၤတၢ်သူၣ်ဖှံသးညီဒီးတၢ်ကီတၢ် ခဲခံမံၤလိာ်တက့ၢ်. ခဲကိာ်တၢ်မနုၤကမၤအသးလဲၣ်န့ၣ်, နတသ့ၣ်ညါနီတစုဘၣ်.

လံာ်ပှၤစံၣ်တဲၤတဲလီၤတၢ် 8:15

လၢတၢ်န့ၣ်အဃိ, ယသ့ၣ်ညါနၢ်ပၢၢ်တ့ၢ်လၢပှၤကညီ တဂၤကြၢးမၤမုာ်လၤအသး, မ့ၢ်လၢတၢ်သူၣ်ဖှံသးညီထဲ တမံၤဧိၤလၢအအိၣ်ဒီးအီၤလၢတၢ်အိၣ်မူအံၤအပူၤမ့ၢ်ဒၣ်ကအီၣ် တၢ်, ကအီတၢ်, ဒီးမၤမုာ်လၤသးခုအသးအဃိန့ၣ်လီၤ. အစှၤကတၢၢ်အဝဲမၤတၢ်အံၤသ့ဝဲဖဲအမၤတၢ်လၢတၢ်အိၣ်မူလၢကစၢ် ယွၤဟ့ၣ်တ့ၢ်အီၤလၢဟီၣ်ခိၣ်အံၤအကတီၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 8:7

တၢ်ကမၤအသးမနုၤမနုၤလဲၣ်န့ၣ်, ပတသ့ၣ်ညါနီတဂၤဘၣ်. အဂ့ၢ်ဒ်အံၤ, ပှၤလၢအကတဲဘၣ်ပှၤတအိၣ်နီတဂၤဘၣ်.

လံာ်ပှၤစံၣ်တဲၤတဲလီၤတၢ် 9:12

နတသ့ၣ်ညါနဆၢကတီၢ်ကတုၤအိၣ်နၤခဲလဲၣ်န့ၣ်ဘၣ်. ဒ်ထိၣ်တဖၣ်ဘၣ်တၢ်ဖီၣ်န့ၢ်အီၤသတူၢ်ကလာ်လၢပျံၤသကွီၤအသိး, ဒီးဒ်ဒ့ၣ်ဧိၤညၣ်ဧိၤဘၣ်တၢ်ဖီၣ်န့ၢ်အီၤလၢပှာ်ဧိၤစၤဧိၤအသိး န့ၣ်, ပဘၣ်တ့ၢ်ထုလၢဆၢကတီၢ်အၢသီတနီၤအပူၤဖဲပတမုၢ်လၢ်အီၤ အခါန့ၣ်လီၤ.

လံာ်ပှၤစံၣ်တဲၤတဲလီၤတၢ် 9:6

အတၢ်အဲၣ်တၢ်ကွံ, အတၢ်သးဟ့, အတၢ်သးဂဲၤတဖၣ်သံကွံာ်ခဲလၢာ်ဃုာ် ဒီးအဝဲသ့ၣ်လီၤ. အဝဲသ့ၣ်တမၤဃုာ်လၢၤကဒီးတၢ်လၢတၢ်မၤအသးလၢဟီၣ်ခိၣ်အံၤတမံၤ လၢ်လၢ်အပူၤဘၣ်.

လံာ်ဒၤနံးယ့လး 12:13

ဒီးနဲဒၣ်စီၤဒၤနံးယ့လးဧၢ, တီတုၤအကတၢၢ်တက့ၢ်. တၢ်န့ၣ်ဝံၤဒီးနကသံနဲဘၣ်ဆၣ် ဒီးနကဂဲၤဆၢထၢၣ်ဒီးဒိးန့ၢ်နတၢ်န့ၢ်သါလၢမုၢ်နံၤခံကတၢၢ်န့ၣ်လီၤ.”

လံာ်မးသဲ 6:34

မၤသးဒ်န့ၣ်ဒီး, ဘၣ်ယိၣ်တၢ်လၢခဲဂီၤအဂီၢ်တဂ့ၤ. အဂ့ၢ်ဒ်အံၤ, ခဲဂီၤကအိၣ်ဒီးအတၢ်ဘၣ်ယိၣ်ဘၣ်ဘီဒၣ်ဝဲလီၤ. အလီၢ်တအိၣ်လၢပကပာ်ဖှိၣ်အါထီၣ်မုၢ်တနံၤအတၢ်ကိၢ်တၢ်ဂီၤဘၣ်. မုၢ်တနံၤအတၢ်ကိၢ်တၢ်ဂီၤန့ၣ်အါလံလၢအဂီၢ်ဒၣ်ဝဲလံ.

လံာ်သိၣ်လီၤသီလီၤတၢ် 12:18

သုဝဲဒၣ်ဒီးသုဖိတဖၣ်, ဃုာ်ဒီးသုကုၢ်သုပှၤတဖၣ်ဒီးပှၤလ့ၤ ဝံဖိတဖၣ်လၢအအိၣ်ဆိးလၢသုဝ့ၢ်တဖၣ်အပူၤန့ၣ်ကဘၣ်အီၣ်တၢ်လုၢ်တဖၣ် အံၤထဲဒၣ်လၢယွၤသုကစၢ်ယွၤအမဲာ်ညါလၢတၢ်ဘူၣ်ထီၣ်ဘါထီၣ် အလီၢ်တတီၤလၢအဘၣ်တၢ်ဃုထၢအီၤလၢယွၤသုကစၢ်ယွၤန့ၣ်လီၤ. ဒီးသုကဘၣ်သူၣ်ဖှံသးညီဖဲန့ၣ်လၢကယဲၢ်တၢ်လၢသုမၤတ့ၢ်အီၤ အဃိန့ၣ်လီၤ.

လံာ်သိၣ်လီၤသီလီၤတၢ် 12:7

ဖဲန့ၣ်, လၢယွၤသုကစၢ်ယွၤလၢအဆိၣ်ဂ့ၤသုအမဲာ်ညါန့ၣ်, သုဝဲဒီးသုပှၤဟံၣ်ဖိဃီဖိတဖၣ်ကအီၣ်တၢ်ဒီးမုာ်လၤသးခုလၢ ကယဲၢ်တၢ်ဂ့ၤတဖၣ်လၢသုမၤတ့ၢ်အီၤအဃိန့ၣ်လီၤ.

လံာ်သိၣ်လီၤသီလီၤတၢ် 28:47

ယွၤဆိၣ်ဂ့ၤတ့ၢ်သုလၢကျဲခဲလၢာ်အပူၤ, ဘၣ်ဆၣ်ဒီးသုတမၤတ့ၢ် အဝဲအတၢ်အိၣ်ဒီးတၢ်သူၣ်ဖှံသးညီဒီးသးတဖၣ်လၢအပှဲၤဒီးတၢ် သးခုဘၣ်လီၤ.