လံာ်ပှၤစံၣ်တဲၤတဲလီၤတၢ် 3:20 - Sgaw Karen Common Bible

²⁰ အဝဲသ့ၣ်ကလဲၤဆူတၢ်လီၢ်တပူၤဃီဆူဟီၣ်ခိၣ်အကမူၣ်န့ၣ်လီၤ. ဟဲထီၣ်လၢဟီၣ်ခိၣ်အကမူၣ်ဒီးကက့ၤဆူဟီၣ်ခိၣ်အကမူၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 3:20 Iomraidhean Croise

လံာ်တၢ်ကဲထီၣ်အခီၣ်ထံး 25:17

စီၤယံးၡမၤဧ့လးအသးအိၣ်ဝဲတကယၤသၢဆံနွံနံၣ်ဖဲအသံဝဲ န့ၣ်လီၤ.

လံာ်တၢ်ကဲထီၣ်အခီၣ်ထံး 25:8

အဝဲအိၣ်ကၢအိၣ်ခိးတုၤအသးပှၢ်တုာ်ဝဲန့ၣ်လီၤ.

လံာ်တၢ်ကဲထီၣ်အခီၣ်ထံး 3:19

လၢဟီၣ်ခိၣ်ကဒုးအိၣ်ထီၣ်တၢ်တမံၤလၢ်လၢ်အဂီၢ်နကဘၣ်မၤတၢ်ဆူၣ် ဆူၣ်ကိၢ်ကိၢ်ဒီးမၤတၢ်လၢနကပၢၤကနိတုၤနက့ၤကဒါက့ၤဆူဟီၣ်ခိၣ် ကမူၣ်လၢနဘၣ်တၢ်တ့လီၤတ့ၢ်နၤန့ၣ်လီၤ.” နဘၣ်တၢ်တ့နၤလၢဟီၣ်ခိၣ်အကမူၣ်ဒီးနကကဲထီၣ်ကဒါက့ၤဟီၣ်ခိၣ်အကမူၣ် န့ၣ်လီၤ.

လံာ်စီၤယိၤဘး 14:10

ဘၣ်ဆၣ်ပှၤကညီသံဝဲဒီးမ့ၢ်တၢ်အကတၢၢ်လၢအဂီၢ်န့ၣ်လီၤ. သံဝဲ, ဒီးအန့ၣ်တစုမ့ၢ်အအိၣ်ဝဲဖဲလဲၣ်.

လံာ်စီၤယိၤဘး 14:14

ပှၤကညီမ့ၢ်သံဒီးကမူထီၣ်ဒံးစ့ၢ်ကီးဧါ. ဘၣ်ဆၣ်ယကအိၣ်ခိး တၢ်ဆၢကတီၢ်လၢအဂ့ၤ, ဒီးအိၣ်ခိးပာ်တုၤလီၤလၢတၢ်ကိၢ် တၢ်ဂီၤအကတီၢ်ကတၢၢ်ဝဲတစုန့ၣ်လီၤ.

လံာ်စီၤယိၤဘး 17:13

ယတၢ်မုၢ်လၢ်ထဲတမံၤဧိၤမ့ၢ်ဒၣ်ပျူၤပူၤဖဲယကမံလီၤဒ်သိး ယကမံလၢတၢ်ခံးကျါအဂီၢ်န့ၣ်လီၤ.

လံာ်စီၤယိၤဘး 30:24

ပှၤလၢအသးဟးဂီၤတ့ၢ်လံ, ပှၤလၢအမၤတၢ်တသ့ဘၣ်နီတမံၤ, မ့မ့ၢ်ထဲအဃ့တၢ်သးကညီၤတဂၤန့ၣ်ဘၣ်မနုၤလၢနထီဒါအီၤ န့ၣ်လဲၣ်.

လံာ်စီၤယိၤဘး 34:15

ကယဲၢ်ပှၤကိးဂၤဒဲးလၢအမူကသံဝဲဒီးကကဲထီၣ်ကဒါ က့ၤဖၣ်ဆါန့ၣ်လီၤ.

လံာ်စီၤယိၤဘး 7:9

ဒ်တၢ်အၢၣ်လၢအဒံကွံာ်ဒီးဟါမၢ်ကွံာ်အသိးန့ၣ်, ပှၤတဂၤသံဝဲဒီးတဟဲက့ၤကဒါက့ၤနီတစုလၢၤဘၣ်.

စံးထီၣ်ပတြၢၤ 103:14

အဂ့ၢ်ဒ်အံၤ, သ့ၣ်ညါဝဲပဘၣ်တၢ်တ့ပှၤဒ်လဲၣ်န့ၣ်လီၤ. အဝဲသ့ၣ်နီၣ်ထီၣ်က့ၤဝဲလၢ ပမ့ၢ်ဟီၣ်ခိၣ်အကမူၣ်လီၤ.

စံးထီၣ်ပတြၢၤ 104:29

ဖဲနပာ်တဒၢနမဲာ်န့ၣ်ဒီးအဝဲသ့ၣ်အသူၣ်ပျံၤသးဖုးဝဲ, ဒီးဖဲနထုးကွံာ်အတၢ်သါန့ၣ်ဒီးအဝဲသ့ၣ်သံဝဲ ဒီးက့ၤဝဲဆူဟီၣ်ခိၣ်အကမူၣ်လီၤ.

စံးထီၣ်ပတြၢၤ 49:14

အဝဲသ့ၣ် ကဘၣ်တၢ်စံၣ်ညီၣ်သံအီၤ ဃါမနၤဒ်သိအသိး, ဒီးတၢ်သံကမ့ၢ်အပှၤကွၢ်သိန့ၣ်လီၤ. ပှၤတီပှၤလိၤကမၤကွံာ်အီၤ, ဖဲအစိၣ်တဖၣ်ကအုၣ်ကွံာ်ချ့သဒံး လၢတၢ်သံအကီၢ်ပူၤယံၤဒီးအဟံၣ်န့ၣ်လီၤ. ပျုၤပူၤကမ့ၢ်အဟံၣ်အဃီန့ၣ်လီၤ.

လံာ်ပှၤစံၣ်တဲၤတဲလီၤတၢ် 12:7

ပနီၢ်ခိတဖၣ်ကက့ၤဆူဟီၣ်ခိၣ်အကမူၣ်, ဒီးပတၢ်မူအသါက့ၤကဒါ က့ၤဆူကစၢ်ယွၤလၢအဟ့ၣ်လီၤတ့ၢ်ပှၤအအိၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 3:21

မ့ၢ်မတၤတဂၤသ့ၣ်ညါလီၤတံၢ်သ့ဝဲလၢပှၤကညီအသးလဲၤထီၣ်ဆူထး ဒီးဆၣ်ဖိကီၢ်ဖိအသးလဲၤလီၤဆူဟီၣ်ခိၣ်လာ်န့ၣ်လဲၣ်.

လံာ်ပှၤစံၣ်တဲၤတဲလီၤတၢ် 6:6

တၢ်လၢအဂ့ၤဒိၣ်န့ၢ်ဒံးဒၣ်လဲာ်ပှၤလၢအအိၣ်မူအနံၣ်ခံကထိသနာ် က့တမုာ်လၤသးခုဘၣ်လၢတၢ်အိၣ်မူအပူၤနီတစုဘၣ်တက့ၢ်န့ၣ်လီၤ. နီၢ်နီၢ်န့ၣ်အဝဲသ့ၣ်ခံဂၤလိာ်လဲၤဒၣ်ဆူတၢ်လီၢ်တပူၤဃီန့ၣ်လီၤ.

လံာ်ပှၤစံၣ်တဲၤတဲလီၤတၢ် 7:2

တၢ်လဲၤဆူဟံၣ်တဖျၢၣ်ဖဲတၢ်သူၣ်အုးသးအုးအိၣ်ဝဲန့ၣ်, ဂ့ၤဒိၣ်န့ၢ်ဒံးတၢ်လဲၤဆူတၢ်အီၣ်သကိးအီသကိးတၢ်အဟံၣ်တက့ၢ် န့ၣ်လီၤ. အဂ့ၢ်ဒ်အံၤ, ပှၤအမူတဖၣ်ကြၢးမၤသ့ၣ်နီၣ်အသးထီဘိလၢတၢ်သံ အိၣ်ခိးပာ်ပဝဲခဲလၢာ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 9:10

ကယဲၢ်တၢ်လၢနမၤအီၤတမံၤလၢ်လၢ်န့ၣ်, မၤအီၤဆူၣ်ဆူၣ်တက့ၢ်. အဂ့ၢ်ဒ်အံၤ, တၢ်မၤမ့ၢ်ဂ့ၤ, တၢ်ကူၣ်မ့ၢ်ဂ့ၤ, တၢ်သ့ၣ်ညါမ့ၢ်ဂ့ၤ, တၢ်ကူၣ်သ့မ့ၢ်ဂ့ၤတအိၣ်ဘၣ်ဖဲပျုၤပူၤဘၣ်. ဒီးအဝဲန့ၣ်မ့ၢ်တၢ်လီၢ်လၢနကလဲၤလီၤန့ၣ်လီၤ.

လံာ်ဒၤနံးယ့လး 12:2

ဒီးပှၤအါဂၤလၢအသံတ့ၢ်လံတဖၣ်ကမူထီၣ်က့ၤဝဲ, တနီၤဆူတၢ်မူအထူအယိာ်ဒီးတနီၤဆူတၢ်မဲာ်ဆှးဒီးတၢ်လီၤ သးဘၣ်အၢအထူအယိာ်န့ၣ်လီၤ.

လံာ်တၢ်ဂံၢ် 27:13

တုၤနထံၣ်ဘၣ်အီၤဝံၤလံဒီး, နကသံနဲ, ဒ်နဒီပုၢ်ဝဲၢ်စီၤအၤ ဟရိၣ်အသိး,