လံာ်ပှၤစံၣ်တဲၤတဲလီၤတၢ် 3:2 - Sgaw Karen Common Bible

² အဝဲပာ်လီၤဝဲတၢ်အကတီၢ်လၢတၢ်အိၣ်ဖျဲၣ်ထီၣ်အဂီၢ်ဒီးတၢ်အကတီၢ် လၢတၢ်သံအဂီၢ်, တၢ်အကတီၢ်လၢတၢ်သူၣ်လီၤဖျးလီၤတၢ်အဂီၢ်, ဒီးတၢ်အကတီၢ်လၢတၢ် ထဲးထီၣ်ကွံာ်တၢ်အဂီၢ်,

လံာ်ပှၤစံၣ်တဲၤတဲလီၤတၢ် 3:2 Iomraidhean Croise

လံာ်တၢ်ကဲထီၣ်အခီၣ်ထံး 17:21

ဘၣ်ဆၣ်ဒီး, ယကဟံးဃာ်ယတၢ်အၢၣ်လီၤအီလီၤဒီးနဖိခွါစီၤအံၤ စဲးလၢနီၢ်စၤရါကဆံးစၢ်န့ၢ်နၤလၢခဲကိာ်တနံၣ်ဖဲအကတီၢ်အံၤ န့ၣ်လီၤ.

လံာ်တၢ်ကဲထီၣ်အခီၣ်ထံး 47:29

ဖဲတၢ်ဆၢကတီၢ်ဘူးထီၣ်လၢအဝဲကသံန့ၣ်, အဝဲမၢပှၤကိးန့ၢ်အီၤအဖိခွါစီၤယိၤသးဒီးစံးဘၣ်အီၤ, “ပာ်နစုလၢယကံၣ်ဒုၣ်ကဆူးဒီးမၤတၢ်ဆိၣ်သညူးသပှၢ်တမံၤဒီး ယၤလၢ, နတခူၣ်လီၤယၤလၢကီၢ်အဲၤကူပတူးအပူၤဘၣ်န့ၣ်တက့ၢ်.

လံာ်စီၤပၤအခီၣ်ထံးတဘ့ၣ် 13:2

ဒ်ယွၤအတၢ်မၤလိာ်အသိးဝံန့ၣ်ကိးထီၣ်တၢ်စံၣ်ညီၣ်အတၢ်ကတိၤထီ ဒါတၢ်လုၢ်လီၢ်, “တၢ်လုၢ်လီၢ်ဧၢ, တၢ်လုၢ်လီၢ်ဧၢ, အအံၤမ့ၢ်တၢ်လၢယွၤစံးဝဲဒၣ်န့ၣ်လီၤ. ဖိသၣ်တဂၤလၢအမံၤ ကမ့ၢ်စီၤယိၤၡံယၤကအိၣ်ဖျဲၣ်ထီၣ်လၢစီၤဒၤဝံးအဒူၣ်ဖိထၢဖိအပူၤန့ၣ်လီၤ. ပှၤလုၢ်တၢ်အခိၣ်တဖၣ်လၢအလုၢ်ထီၣ်ပာ်ထီၣ်တၢ်အံၤ, လၢအမ့ၢ်ပှၤမၤတၢ်လၢတၢ်ဂီၤတၢ်ဖီၣ်အတၢ်လုၢ်လီၢ်န့ၣ်, အဝဲကမၤသံကွံာ်အီၤလၢနလိၤဒီးအဝဲကဆိၣ်ကဲၤထီၣ်ပှၤကညီ အဃံတဖၣ်လၢနဖီခိၣ်လီၤ.”

လံာ်စီၤပၤခံဘ့ၣ်တဘ့ၣ် 4:16

ဒီးစီၤအလံၤၡါစံးဘၣ်အီၤ, “ဆူညါတနံၣ်တုၤအကတီၢ်ဒ်အံၤ န့ၣ်, နကစိာ်ဘၣ်နဖိခွါတဂၤလၢနစုတီၤလိၤန့ၣ်လီၤ.” ပိာ်မုၣ်န့ၣ်စံးဆၢအီၤ, “တၢ်ဒိၣ်ဧၢ, နမ့ၢ်ကစၢ်ယွၤအပှၤကညီ တဂၤလီၤ. ဝံသးစူၤလီယၤတဂ့ၤ.”

လံာ်စီၤယိၤဘး 14:14

ပှၤကညီမ့ၢ်သံဒီးကမူထီၣ်ဒံးစ့ၢ်ကီးဧါ. ဘၣ်ဆၣ်ယကအိၣ်ခိး တၢ်ဆၢကတီၢ်လၢအဂ့ၤ, ဒီးအိၣ်ခိးပာ်တုၤလီၤလၢတၢ်ကိၢ် တၢ်ဂီၤအကတီၢ်ကတၢၢ်ဝဲတစုန့ၣ်လီၤ.

လံာ်စီၤယိၤဘး 14:5

ပှၤကညီအတၢ်အိၣ်မူအမုၢ်နံၤမုၢ်သီးဒီးအနံၣ်အလါတဖၣ်လၢ အအိၣ်မူဝဲန့ၣ်နစံၣ်ညီၣ်ပာ်စၢၤအီၤန့ၣ်လီၤ. နပာ်လီၤတ့ၢ်လံတၢ်အံၤ ဒီးဘၣ်တၢ်လဲလိာ်က့ၤအီၤတသ့ဘၣ်.

လံာ်စီၤယိၤဘး 7:1

ပှၤကညီအတၢ်အိၣ်မူလၢဟီၣ်ခိၣ်ချၢအံၤလီၤဂာ်ဒီးသုးမုၢ်အတၢ် မၤလၢအအိၣ်ဒီး, တၢ်မၤဆူၣ်မၤနၢၤ, ဒ်ပှၤဒိးလဲအသးအတၢ်အိၣ်မူအဆူၣ်အကိၢ်အသိး,

စံးထီၣ်ပတြၢၤ 113:9

အဝဲမၤလၤကပီၤပိာ်မုၣ်တူာ်ဖိတဖၣ် လၢအဟံၣ်ပူၤ, ဒုးသးခုအဝဲသ့ၣ်ခီဖျိဟ့ၣ်အီၤဖိတဖၣ်န့ၣ်လီၤ. စံးထီၣ်ပတြၢၤယွၤတက့ၢ်.

စံးထီၣ်ပတြၢၤ 52:5

မ့မ့ၢ်ကစၢ်ယွၤကမၤဟးဂီၤနၤလီၤထူလီၤယိာ်လီၤ. အဝဲကဖီၣ်န့ၢ်နၤဒီးထုးထီၣ်ကွံာ်နၤလၢနဒဲပူၤ, ဒီးကထဲးထီၣ်ကွံာ်နၤလၢတၢ်မူအကီၢ်န့ၣ်လီၤ. စ့လၤ

တၢ်ကတိၤဒိ. 24:27

တချုးလၢနစံာ်ပျီတဖၣ်အိၣ်ကတဲာ်ကတီၤအသးဒီးနသ့ၣ်ညါလီၤတံၢ် လၢနတၢ်အိၣ်လၢအိၣ်လီၣ်ဒံးဘၣ်န့ၣ်, သူၣ်ထီၣ်နဟံၣ်ဒီးဒုးအိၣ်ထီၣ်နဟံၣ်ဖိဃီဖိတဂ့ၤ.

လံာ်ယၡါယၤ 28:24

ပှၤထူစံာ်ဖိလၢကထူအစံာ်တဖၣ်ဒီးကတဲာ်ကတီၤအီၤတပယူာ်ဃီ လၢဖှံတၢ်အဂီၢ်တအိၣ်နီတဂၤဘၣ်.

လံာ်ယၡါယၤ 38:1

ဖဲတၢ်ဆၢကတီၢ်အံၤအဘၢၣ်ကဝီၤန့ၣ်, စီၤပၤဃံးစကံယၤဆါထီၣ် ဘူးတ့ၢ်မးကသံဝဲလီၤ. စီၤအၤမိာ်အဖိခွါဝံယၡါယၤလဲၤဆူအ အိၣ်ဒီးစံးဘၣ်အီၤ, “ယွၤစံးဘၣ်နၤဒ်သိးနကကတဲာ်ကတီၤတၢ်ခဲ လၢာ်လၢအဂ့ၢ်အဝီဒၣ်ဝဲလီၤ. အဂ့ၢ်ဒ်အံၤ, နတအိၣ်ဆူၣ်အိၣ်ချ့ထီၣ်က့ၤလၢၤဘၣ်. ကတဲာ်ကတီၤနသးလၢ နကသံတက့ၢ်.”

လံာ်ယၡါယၤ 38:5

ဒ်သိးအကလဲၤကဒါက့ၤဆူစီၤပၤဃံးစကံယၤအအိၣ်ဒီးစံးဘၣ် အီၤ, “ယၤ, ယွၤ, နပၢ်ဖးဒိၣ်စီၤဒၤဝံးအကစၢ်ယွၤ, နၢ်ဟူတ့ၢ်နတၢ်ထုကဖၣ်ဒီးထံၣ်တ့ၢ်နမဲာ်ထံမဲာ်နိတဖၣ်လီၤ. ယကပျဲနအိၣ်မူယံာ်ထီၣ်အါထီၣ်တဆံယဲၢ်နံၣ်လီၤ.

လံာ်ယၡါယၤ 54:1

ဝ့ၢ်ယရူၤၡလ့ၣ်ဧၢ, နလီၤဂာ်တ့ၢ်ဒီးပိာ်မုၣ်တူာ်ဖိတဂၤလီၤ. ဘၣ်ဆၣ်ဒီးခဲအံၤ, နသးဝံၣ်ဒီးကိးထီၣ်လၢတၢ်သးခု အပူၤန့ၣ်သ့လံ. ခဲအံၤ, နကအိၣ်ဒီးနဖိအါန့ၢ်ဒံးပိာ်မုၣ်တဂၤလၢ အဝၤတဟးဖးဒီးအီၤနီတစုန့ၣ်လီၤ.

လံာ်ယံးရမံယၤ 1:10

မုၢ်မဆါတနံၤအံၤ, ယဟ့ၣ်လီၤနၤတၢ်န့ၢ်စိန့ၢ်ကမီၤလၢပှၤကလုာ်တဖၣ်ဒီးဘီ မုၢ်တဖၣ်အဖီခိၣ်လၢနကထဲးထီၣ်ဒီးဂုၤလီၤပှီၢ်ကွံာ်တၢ်, လၢနကမၤဟးဂီၤဒီးမၤလီၤတဲာ်ကွံာ်တၢ်, ဒီးလၢနကသူၣ်ထီၣ်ဘှီ ထီၣ်တၢ်ဒီးသူၣ်လီၤဖျးလီၤတၢ်အဂီၢ်န့ၣ်လီၤ.”

လံာ်ယံးရမံယၤ 45:4

ဘၣ်ဆၣ်ဒီး, ယၤယွၤအံၤ, ယကမၤလီၤပှီၢ်တၢ်လၢ ယသူၣ်ထီၣ်တ့ၢ်အီၤဒီးထဲးထီၣ်ကွံာ်တၢ်လၢ ယသူၣ်လီၤဖျးလီၤတ့ၢ်အီၤန့ၣ်လီၤ. ယကမၤတၢ်အံၤလၢဟီၣ်ခိၣ်ဒီဘ့ၣ်ညါန့ၣ်လီၤ.

လံာ်မးသဲ 13:41

ပှၤကညီအဖိခွါကဆှၢလီၤအကလူးတဖၣ်, ဒ်သိးအဝဲသ့ၣ်ကထၢဖှိၣ်ပှၤလၢအဒုးမၤပှၤဂၤလၢတၢ်ဒဲးဘး ဒီးပှၤလၢအမၤတၢ်အၢတၢ်သီတဖၣ်ခဲလၢာ် ဒီးထုးထီၣ်ကွံာ်အီၤလၢအဘီအမုၢ်အပူၤလီၤ.

လံာ်မးသဲ 15:13

အဝဲစံးဆၢတၢ်ဒီးစံး, “ကယဲၢ်တၢ်မုၢ်တၢ်ဘိလၢယပၢ်လၢမူခိၣ်တဂၤ တသူၣ်လီၤဘၣ်ဝဲန့ၣ်, ကဘၣ်တၢ်ထဲးထီၣ်ကွံာ်အီၤလီၤ.

လံာ်လူၤကၣ် 1:13

ဘၣ်ဆၣ်ဒီးကလူးန့ၣ်စံးဘၣ်အီၤ, “ပျံၤတၢ်တဂ့ၤ စီၤစဃၤရံဧၢ, ကစၢ်ယွၤနၢ်ဟူလံနတၢ်ထုကဖၣ်လံ. ဒီးနမါနီၢ်အ့းလံၤစါဘ့းကဆံးစၢ်န့ၢ်နၤလၢဖိခွါတဂၤလီၤ. နကဘၣ်ယုၢ်န့ၢ်အမံၤလၢစီၤယိၤဟၣ်လီၤ.

လံာ်လူၤကၣ် 1:20

ဘၣ်ဆၣ်ဒီးယတၢ်ကစီၣ်လၢအကဟဲလၢထီၣ်ပှဲၤထီၣ်ဖဲဆၢ ကတီၢ်တုၤဃီၤအံၤန့ၣ်နတစူၢ်တနာ်နဲဒၣ်ဘၣ်. မ့ၢ်လၢနတစူၢ်တနာ်တၢ်အဃိ, နကအိၣ်တအုၣ်ဒီးအိၣ်ဘှ့ၣ်အိၣ်ဘှီၣ် တုၤဃီၤမုၢ်တနံၤဖဲ ယတၢ်အၢၣ်လီၤအီလီၤတၢ်ဒီးနၤဟဲလၢထီၣ်ပှဲၤထီၣ်ဝဲန့ၣ်လီၤ.”

လံာ်လူၤကၣ် 1:36

သ့ၣ်နီၣ်ထီၣ်နဘူးနတံၢ်နီၢ်အ့းလံၤစါဘ့းတက့ၢ်. တၢ်စံးတ့ၢ်ဝဲလၢအဝဲဒၣ်အဖိအိၣ်တသ့ဘၣ်. ဘၣ်ဆၣ်ဒီး, ခဲကနံၣ်အံၤအဝဲအသးပှၢ်ဒိၣ်မးသနာ်က့ အနီၢ်ကစၢ်ဒၣ်ဝဲအိၣ်ဒီးအဟုးအသးန့ၣ်အိၣ်လံဃုလါလံ.

လံာ်ယိၤဟၣ် 16:21

ဖဲပိာ်မုၣ်တဂၤကဆံးစၢ်အဖိန့ၣ်, အဝဲသူၣ်အုးသးအုးဝဲမ့ၢ်လၢ အနၣ်ရံၣ်လၢကဘၣ်တူၢ်တၢ်ဆူးတၢ်ဆါတုၤဃီၤဝဲလံအဃိ လီၤ. ဘၣ်ဆၣ်ဒီးတုၤဖိသၣ်အိၣ်ဖျဲၣ်ထီၣ်ဝဲဒီး, အဝဲသးပ့ၤနီၣ်ကွံာ်အတၢ်ဆူးတၢ်ဆါခဲလၢာ်မ့ၢ်လၢအဝဲသးခုဝဲလၢ ဖိသၣ်တဂၤအိၣ်ဖျဲၣ်ထီၣ်လံဝဲလၢဟီၣ်ခိၣ်ချၢအံၤအဃိန့ၣ်လီၤ.

လံာ်ယိၤဟၣ် 7:30

ထဲန့ၣ်ဒီးအဝဲသ့ၣ်ဂုာ်ကျဲးစၢးဃုကျဲလၢကဖီၣ်ယ့ၣ်ၡူး ဘၣ်ဆၣ်ပှၤတထိးဘူးအီၤနီတဂၤဘၣ်. မ့ၢ်လၢတၢ်ဆၢကတီၢ်နၣ်ရံၣ်တဘၣ်ဒံးဘၣ်လၢအဂီၢ် အဃိလီၤ.

မၤတၢ် 7:17

တုၤအကတီၢ်ဘူးထီၣ်လၢကစၢ်ယွၤကမၤလၢထီၣ်ပှဲၤထီၣ်တၢ် အၢၣ်လီၤအီလီၤလၢအမၤတ့ၢ်ဝဲဒီးစီၤအၤဘြၤဟၣ်န့ၣ်, ပပှၤကလုာ်အိၣ်လၢကီၢ်အဲၤကူပတူးပူၤတဖၣ်အနီၣ်ဂံၢ်အါ ထီၣ်ဝဲဂီၢ်မုၢ်လီၤ.

မၤတၢ် 7:20

ဖဲအကတီၢ်န့ၣ်စီၤမိၤၡ့အိၣ်ဖျဲၣ်ထီၣ်ဝဲ, ဒီးမ့ၢ်ဖိသၣ်လၢအဒိၣ် တၢ်ဂ့ၤမးဒီးယွၤဘၣ်သူၣ်ဘၣ်သးလၢအီၤတဂၤလီၤ. အဝဲဒၣ်ဘၣ်တၢ်အံးထွဲကွၢ်ထွဲအီၤလၢအပၢ်အဟံၣ်ပူၤသၢလါလီၤ.

ကလၤတံ 4:4

ဘၣ်ဆၣ်ဒီး, ဖဲတၢ်ဆၢကတီၢ်အဘၣ်တုၤဃီၤဝဲန့ၣ်, ကစၢ်ယွၤဆှၢလီၤအဖိခွါဒၣ်ဝဲလီၤ. အဝဲဒၣ်ဟဲဒ်မိၢ်လၢအမ့ၢ်ပှၤဟီၣ်ခိၣ်ဖိတဂၤအဖိအသိးဒီးအိၣ် မူလၢယူဒၤဖိအတၢ်သိၣ်တၢ်သီအဖီလာ်,

လံာ်သိၣ်လီၤသီလီၤတၢ် 34:5

လၢတၢ်န့ၣ်အဃိ, ဒ်ယွၤစံးတ့ၢ်ဝဲလၢအဝဲကသံအသိးန့ၣ်, ယွၤအခ့အပှၤစီၤမိၤၡ့သံဝဲဖဲန့ၣ်, လၢကီၢ်မိၤအးအပူၤန့ၣ် လီၤ.

ဧ့ၤဘြံၤ 9:27

ဒ်ပှၤကိးဂၤဒဲးဘၣ်သံဝဲတဘျီဒီးလၢခံက့ၤဘၣ်တၢ်စံၣ်ညီၣ် အီၤလၢကစၢ်ယွၤအသိး,

လံာ်စီၤၡမူၤအ့လးအခီၣ်ထံးတဘ့ၣ် 2:5

ပှၤဂီၢ်မုၢ်လၢတဘျီအီၣ်ကုးအီပှဲၤန့ၣ်, ခဲအံၤလဲၤထီၣ်ဒိးလဲအသးလၢကန့ၢ်ဘၣ်တၢ်အီၣ်အဂီၢ်လီၤ. မ့မ့ၢ်ပှၤလၢတၢ်သၣ်ဝံၤအသးတဖၣ်န့ၣ်, တသၣ်ဝံၤလၢၤနီတစု လၢၤဘၣ်. မါလၢအဖိတအိၣ်တဖၣ်န့ၣ်ဆံးစၢ်ထီၣ်အဖိနွံဂၤလီၤ. မ့မ့ၢ်မိၢ်လၢအဖိအိၣ်အါဂၤန့ၣ်အဖိတအိၣ်လၢၤနီတဂၤဂၤဘၣ်.